Matayo 27
27
Yezu ayilibwa wa Pilato
(Mrk 15.1; Luk 23.1-2; Yoh 18.28-32)
1Kumutikhinyi mu mamilimili, basaayi bakhulu boosi ni basakhulu be babaandu, bakhalilawo atweela bye khukhwiira Yezu. 2Baryo bamubowa, bamuyila, bamuwanayo isi Pilato, uwaba gafana.
Khuufwa khwa Yuda
(Bur 1.18-19)
3 #
Bur 1.18,19 Lwanyuma lwayo, Yuda uwalya mu Yezu luwomelo, n'abona nga bakhalile Yezu kumusaango kwe khufwa, kumutaambo kwamuwamba, wakobosela basaayi bakhulu ni basakhulu tsinusu tsana kamakhumi kataru. 4Waloma ari, “Ise nonakile, lwekhuba naliilemo luwomelo umuundu ukhalikho ni kumusaango ta.”
Nabo bamwiilamo bari, “Ikwo musaango kweefwe? Ikwo musaango kwoowo.”
5Lwanyuma Yuda watuuma tsinusu tsana mu Lisaayilo Likhulu, warura watsya wekoka.
6Basaayi bakhulu babukula tsinusu itso, baloma bari, “Shili she kumusilo khubukula tsinusu tsino khwatsira atweela ni biwaanwa mwibikhilo lye Lisaayilo Likhulu, lwekhuba tsili tsinusu tse kamafuki.” 7Ni nashiryo bakhalilawo atweela, batsikulamo kumukuunda kw'omubuumbi mweesi baasiikhatsakamo bakyeni. 8Isho nisho shishikila kumukuundakwo kwalaangiwa kuri, kumukuunda kwe kamafuki, khukhwoolesa ni shaleelo. 9#Zek 11.12,13Shino sholelesa ibyo bibyalomewa n'Umuŋoosi Yeremiya shiri, “Babukula tsinusu itso kamakhumi kataru, bukusi bw'oyo bweesi babaana ba Isiraeli balala bafukiilisana khuwayo khulweewe, 10batsiraambisa khutsikulamo kumukuunda kw'omubuumbi nga esi Umukasya andakila ise.”
Pilato areeba Yezu bireebo
(Mrk 15.2-5; Luk 23.3-5; Yoh 18.33-38)
11Nga bili biryo, Yezu wemikha mu moni tsa gafana, naye gafana wamureeba ari, “Iwe niye umuyiinga we Bayudaaya?”
Yezu naye wamwiilamo ari, “Ee, shili nga iwe n'ulomele.”
12Ne mwiibyo byeesi basaayi bakhulu ni basakhulu bamuwabila, mbaawo sheesi elamo ta. 13Lwanyuma Pilato wamureeba ari, “Iwe s'uwulila bilomo bino byoosi byeesi bano bakhutsuntsumilisa ta?”
14Ne Yezu walekha khubakho ni she khukhwiilamo ta, ikhaba na shitweela ta, khukhwolesa ni gafana naye weyaanga naabi.
Yezu bamukhalila kumusaango kwe khuufwa
(Mrk 15.6-15; Luk 23.13-25; Yoh 18.39; 19.16)
15Ne buli mwiiko gafana abatsaka ni saambo iye khukangululila babaandu umubowe mutweela yeesi bakanatsaka alekhuulibwe khu shifukhu she Kamayiiya ke Khubirakho. 16Ne khu mbuka iyo, baabayo n'umubowe abe uwamanyikhana naabi lwe buubi bweewe, uwalaangiwa Baraba. 17Awo boosi ni babusana, Pilato wabareeba ari, “Naanu yeesi mukana imbalekhuulile; Baraba namwe Yezu ulaangibwa Kristu?” 18Lwekhuba amanya ari lyaba libuba lilyakila bawanayo Yezu isi niye.
19Ne Pilato ni ekhala khu shitsoloŋo she khukhalilakho kimisaango, umukhasi weewe wamurumanila burume ari, “Ukhakholakho shishiindu shoosi khu musaani uyo ukhalikho shiibi shoosi ta, lwekhuba nataambisiwile naabi mu marooro mu shilo khulweewe.”
20Ne basaayi bakhulu ni basakhulu bakhonjelesa babaandu bari baloombe Pilato abalekhuulile Baraba, ne biire Yezu.
21Gafana wabareeba lundi ari, “Khu babaandu bano babili, mukana imbalekhuulile naanu?”
Nabo belamo bari, “Baraba!”
22Kila ndi Pilato wabareeba ari, “Ne Yezu ulaangiwa Kristu, imukhole ndyeena?”
Boosi belamo bari, “Mutsaangilile khu musalaba!”
23Pilato wabareeba lundi ari, “Ne lwashiina? Shiibi shiina sheesi akholile?”
Ne nabo belamo ni kamaani koosi bari, “Mutsaangilile khu musalaba!”
24 #
Maka 21.6-9
Ne Pilato n'abona nga bahandalale naabi, bakana khusoolana busoolani, wabukula kameetsi, wasaaba kamakhono keewe mu moni tse babaandu boosi nga babona, nga aloma ari, “Ise sindikho ni kumusaango kwoosi lwe kamafuki k'omusaani yuno ta, ukwo musaango kweenywe!”
25Ne babaandu boosi belamo bari, “Kha kumusaango kwe kamafuki keewe kube khwiifwe ni khu baana beefwe!”
26Aryo Pilato wabalekhuulila Baraba, ne walakila ari Yezu bamukhupe tsimiimbo, lwanyuma wamuwanayo isi bali bamutsaangilile khu musalaba.
Basilikhale batsekhelela Yezu
(Mrk 15.16-20; Yoh 19.2-3)
27Lwanyuma basilikhale ba Gafana bayila Yezu khu lwaanyi lwe kimisaango, babusaasa lituuli lye basilikhale boosi khumwibotokhelela. 28Baryo bamwabulamo tsingubo tseewe, bamukwaarisa ingubo imbesemu. 29Balukha lihabi lye kamawa, balimukwarisa khu murwe kweewe, bamura imiimbo mu mukhono kweewe kumulayi. Lwanyuma bafukhama asi iburaangisi weewe, bamwoonela bari, “Mulembe iwe umuyiinga we Bayudaaya!” 30Baryo bamufuutsila kamare, bamurusakho imiimbo isi baara mu mukhono kweewe, bamukhupa khu murwe kimilundi mikali. 31Ne ni baamala khumwoonela baryo, bamwabulamo ingubo tsana imbesemu, bamukwaarisa bikwaaro byeewe bibyeene. Lwanyuma bamuyila khumutsaangilila khu musalaba.
Yezu bamutsaangilila khu Musalaba
(Mrk 15.21-32; Luk 23.26-43; Yoh 19.17-27)
32Ne ni baaba nga barura ibulafu, bakanana umusaani uwe Kurene, uwalaangiwa Simoni; bamuwanyiinya khusuta kumusalaba kwa Yezu. 33Baryo boola mu shiifwo shishilaangibwa bari Gologosa (kamakhulu kaasho bari shiifwo she shiwaanga). 34#Zab 69.21Abweene awo baawa Yezu iviini khuunywa, nga bakitubaasilemo indule naabi, na namuusakho, wekaana khukinywa. 35#Zab 22.18Ne ni baamala khumutsaangilila khu musalaba, bakabanana bikwaaro byeewe, nga bakhupa khakokha 36Lwanyuma lwayo, bekhala awo khumulolelela. 37Ne angaaki e kumurwe kweewe barawo burone bubuloma buri, OYUNO NIYE UMUYINGA WE BAYUDAAYA. 38Abawo ni banuuli babili babatsaangililwa ni naye, mutweela khu mukhono kweewe kumulayi, n'ukuundi khu mukhono kweewe kumunyeletsi.
39 #
Zab 22.7; 109.25; Sir 12.17,18; 13.7 Babaandu boosi babaaba babirawo basisiikha kimirwe kyaawe, nga bamufwotsola, 40#Mat 26.61; Yoh 2.19nga baloma bari, “Iwe abe unyala khusaambula Lisaayilo Likhulu, walyombekhela lundi mu bifukhu bitaru, yiwonesa wamweene khubone! Ari yiikha urure khu musalaba khubone, noola uli Umwaana uwa Wele!”
41Ni musaambo niyo ndweela basaayi bakhulu nabo, ni baleekeli be kamakaambila ka Musa, ni basakhulu nabo, bamwoonela nga baloma bari, 42“Awonesatsaka babaandi, ne bona s'anyala wewonesa umweene ta! Mbo niye umuyiinga wa Isiraeli, ari ni eekhe khukhwaama khu musalaba, ni nafwe kane khumufukiilile. 43#Zab 22.8; Makh 2.18-20Mbo niye eyikina Wele, ari lekha Wele amuwonese noola namukana, lwekhuba niye aloma ari, niye ali Umwaana wa Wele.”
44Ni musaambo niyo ndweela, banuuli ibo babatsaangililwa ni naye atweela nabo bamwoonela naabi.
Khuufwa khwa Yezu
(Mrk 15.33-41; Luk 23.44-49; Yoh 19.28-30)
45Khukhwaama khu saawa iye khasesaba tse mwihangilwe, khukhwoola khu saawa iye shisheenda, shishiilima shikali shaakwa khu shiibala shoosi. 46#Zab 22.1Ne khu saawa awo nga sheenda, Yezu walila ni likono lye angaaki nga aloma ari, “Eli, Eli, lama sabachthani?”#27.46 bilomo bino byaba mu Luheburaniya. (Kamakhulu kaasho kari, “Wele wase, Wele wase, lwashiina iwe untsantsushile ise?”)
47Batweela khu baandu babaaba beemile awo ni bawulila baryo, baloma bari, “Bona ari alaanga Eliya.”
48 #
Zab 69.21
Lubaluba mutweela khu nibo watimaka, wabukula shishaangwe, washitsukhamo iviini indule naabi, washira khu lukholo, washira imunwa wa Yezu ari anywe. 49Ne babaramile boosi baloma bari, “N'umulekhe abe. Ari khakhuliinde khubone noola Eliya kane etse amuwonese.”
50Ne lwanyuma nga Yezu waliliile angaaki ni likono likali, walekhuula kumwoyo kweewe.
51 #
Luky 26.31-33
Khu mbuka nyene iyo, ingubo iyaba yatiimbibwa mu Lisaayilo Likhulu, yonuukhamo kimilundi kibili, khukhwaama khu ngaaki khukhwoola asi. Shibala shoosi shanikina, ni kamabaale kaatikhakamo. 52Tsiŋani tsabalukhaka, ni kimibili kye babaandu bakhosefu babaafwa khaale kyalamusibwa. 53Ne ni bamala khurura mu ŋani lwanyuma lwe khulamukha khwa Yezu khukhwaama mu bafu, baatsya mu shiriimba shikhosefu, babonekhela babaandu bakali.
54Umusilikhale umukhulu ni babaandi babaaba baliindile Yezu, ni baabona khunikina khwe shiibala, ni bibindi bibyakholekha, baarya naabi, baloma bari, “Ilala umusaani yuno abeele Umwaana uwa Wele.”
55 #
Luk 8.2,3 Bakhasi bakali babaaba nga beemile aleeyikho, balolelela bibyakholekha byoosi. Nibo babaloondelelatsaka Yezu khukhwaama i Galilaaya, nga bamwakaanisa. 56Mu nibo mwabamo Mariya Magadalena, Mariya Maayi wa Yakobo ni Yozefu, ni maayi we babaana ba Zebedaayo.
Khusiikhibwa khwa Yezu
(Mrk 15.42-47; Luk 23.50-56; Yoh 19.38-42)
57Ne antsye ni bwaba nga bwilabula, abawo umusaani umuyindifu uweetsa khukhwaama i Alimaseya, lisiina lyeewe bari Yozefu, naye uwaba wayikela umuleekelwa wa Yezu. 58Nga watsiile isi Pilato, wamuloomba amuwe kumulaambo kwa Yezu. Ni Pilato walakila ari bakumuwe. 59Aryo Yozefu wayila kumulaambo, wakubowa mu ngubo, imiliwu iwaanga imelamela. 60Wakwalisa mu ŋani yeewe umweene imbya yeesi ayaba mu lwanda. Wayilingisa libaale liboofu, walira khu mulyaango kwe ŋani, warurawo watsya. 61Mariya Magadalena ni Mariya ukuundi baaba bekhaale mu shiifwo shishilolelaniile ni ŋani.
Umuliindi uwaba ambi n'iŋani
62Khu shifukhu shishelakho, nisho shifukhu shishiila khu she khukhwiŋoonaŋoona, basaayi bakhulu ni Bafarisaayo babusana isi Pilato, bamuloma bari, 63#Mat 16.21; 17.23; 20.19; Mrk 8.31; 9.31; 10.33,34; Luk 9.22; 18.31-33“Musakhulu, ifwe khushebulila nga umubeeyi yuno ashiili mulamu aloma ari, ‘Lwanyuma lwe bifukhu bitaru, indilamukha mu bafu.’ 64Nashiryo, lakila baliindiile ilala ŋani, khukhwolesa khu shifukhu she khataru. Manya lukana baleekelwa beewe banyala beetsa beeba kumulaambo kweewe, lwanyuma baboolela babaandu bari walamusiwile mu bafu. Ni khuwoombesa khuno khwe lwanyuma kane khube khuubi naabi khufuurisa khuukiboole.”
65Aryo Pilato waloma ari, “Mbo muli ni baliindi basilikhale, ni mutsye muliindile ilala iŋani nga ni munyala.”
66Nabo baryo baatsya, baliindila ilala iŋani, barakho ni khabonelo khu libaale, lundi barakho ni baliindi.
Currently Selected:
Matayo 27: LCE
Highlight
Copy
Compare
Share
Want to have your highlights saved across all your devices? Sign up or sign in
Lumasaaba Catholic Bible © The Bible Society of Uganda, 2017.
Matayo 27
27
Yezu ayilibwa wa Pilato
(Mrk 15.1; Luk 23.1-2; Yoh 18.28-32)
1Kumutikhinyi mu mamilimili, basaayi bakhulu boosi ni basakhulu be babaandu, bakhalilawo atweela bye khukhwiira Yezu. 2Baryo bamubowa, bamuyila, bamuwanayo isi Pilato, uwaba gafana.
Khuufwa khwa Yuda
(Bur 1.18-19)
3 #
Bur 1.18,19 Lwanyuma lwayo, Yuda uwalya mu Yezu luwomelo, n'abona nga bakhalile Yezu kumusaango kwe khufwa, kumutaambo kwamuwamba, wakobosela basaayi bakhulu ni basakhulu tsinusu tsana kamakhumi kataru. 4Waloma ari, “Ise nonakile, lwekhuba naliilemo luwomelo umuundu ukhalikho ni kumusaango ta.”
Nabo bamwiilamo bari, “Ikwo musaango kweefwe? Ikwo musaango kwoowo.”
5Lwanyuma Yuda watuuma tsinusu tsana mu Lisaayilo Likhulu, warura watsya wekoka.
6Basaayi bakhulu babukula tsinusu itso, baloma bari, “Shili she kumusilo khubukula tsinusu tsino khwatsira atweela ni biwaanwa mwibikhilo lye Lisaayilo Likhulu, lwekhuba tsili tsinusu tse kamafuki.” 7Ni nashiryo bakhalilawo atweela, batsikulamo kumukuunda kw'omubuumbi mweesi baasiikhatsakamo bakyeni. 8Isho nisho shishikila kumukuundakwo kwalaangiwa kuri, kumukuunda kwe kamafuki, khukhwoolesa ni shaleelo. 9#Zek 11.12,13Shino sholelesa ibyo bibyalomewa n'Umuŋoosi Yeremiya shiri, “Babukula tsinusu itso kamakhumi kataru, bukusi bw'oyo bweesi babaana ba Isiraeli balala bafukiilisana khuwayo khulweewe, 10batsiraambisa khutsikulamo kumukuunda kw'omubuumbi nga esi Umukasya andakila ise.”
Pilato areeba Yezu bireebo
(Mrk 15.2-5; Luk 23.3-5; Yoh 18.33-38)
11Nga bili biryo, Yezu wemikha mu moni tsa gafana, naye gafana wamureeba ari, “Iwe niye umuyiinga we Bayudaaya?”
Yezu naye wamwiilamo ari, “Ee, shili nga iwe n'ulomele.”
12Ne mwiibyo byeesi basaayi bakhulu ni basakhulu bamuwabila, mbaawo sheesi elamo ta. 13Lwanyuma Pilato wamureeba ari, “Iwe s'uwulila bilomo bino byoosi byeesi bano bakhutsuntsumilisa ta?”
14Ne Yezu walekha khubakho ni she khukhwiilamo ta, ikhaba na shitweela ta, khukhwolesa ni gafana naye weyaanga naabi.
Yezu bamukhalila kumusaango kwe khuufwa
(Mrk 15.6-15; Luk 23.13-25; Yoh 18.39; 19.16)
15Ne buli mwiiko gafana abatsaka ni saambo iye khukangululila babaandu umubowe mutweela yeesi bakanatsaka alekhuulibwe khu shifukhu she Kamayiiya ke Khubirakho. 16Ne khu mbuka iyo, baabayo n'umubowe abe uwamanyikhana naabi lwe buubi bweewe, uwalaangiwa Baraba. 17Awo boosi ni babusana, Pilato wabareeba ari, “Naanu yeesi mukana imbalekhuulile; Baraba namwe Yezu ulaangibwa Kristu?” 18Lwekhuba amanya ari lyaba libuba lilyakila bawanayo Yezu isi niye.
19Ne Pilato ni ekhala khu shitsoloŋo she khukhalilakho kimisaango, umukhasi weewe wamurumanila burume ari, “Ukhakholakho shishiindu shoosi khu musaani uyo ukhalikho shiibi shoosi ta, lwekhuba nataambisiwile naabi mu marooro mu shilo khulweewe.”
20Ne basaayi bakhulu ni basakhulu bakhonjelesa babaandu bari baloombe Pilato abalekhuulile Baraba, ne biire Yezu.
21Gafana wabareeba lundi ari, “Khu babaandu bano babili, mukana imbalekhuulile naanu?”
Nabo belamo bari, “Baraba!”
22Kila ndi Pilato wabareeba ari, “Ne Yezu ulaangiwa Kristu, imukhole ndyeena?”
Boosi belamo bari, “Mutsaangilile khu musalaba!”
23Pilato wabareeba lundi ari, “Ne lwashiina? Shiibi shiina sheesi akholile?”
Ne nabo belamo ni kamaani koosi bari, “Mutsaangilile khu musalaba!”
24 #
Maka 21.6-9
Ne Pilato n'abona nga bahandalale naabi, bakana khusoolana busoolani, wabukula kameetsi, wasaaba kamakhono keewe mu moni tse babaandu boosi nga babona, nga aloma ari, “Ise sindikho ni kumusaango kwoosi lwe kamafuki k'omusaani yuno ta, ukwo musaango kweenywe!”
25Ne babaandu boosi belamo bari, “Kha kumusaango kwe kamafuki keewe kube khwiifwe ni khu baana beefwe!”
26Aryo Pilato wabalekhuulila Baraba, ne walakila ari Yezu bamukhupe tsimiimbo, lwanyuma wamuwanayo isi bali bamutsaangilile khu musalaba.
Basilikhale batsekhelela Yezu
(Mrk 15.16-20; Yoh 19.2-3)
27Lwanyuma basilikhale ba Gafana bayila Yezu khu lwaanyi lwe kimisaango, babusaasa lituuli lye basilikhale boosi khumwibotokhelela. 28Baryo bamwabulamo tsingubo tseewe, bamukwaarisa ingubo imbesemu. 29Balukha lihabi lye kamawa, balimukwarisa khu murwe kweewe, bamura imiimbo mu mukhono kweewe kumulayi. Lwanyuma bafukhama asi iburaangisi weewe, bamwoonela bari, “Mulembe iwe umuyiinga we Bayudaaya!” 30Baryo bamufuutsila kamare, bamurusakho imiimbo isi baara mu mukhono kweewe, bamukhupa khu murwe kimilundi mikali. 31Ne ni baamala khumwoonela baryo, bamwabulamo ingubo tsana imbesemu, bamukwaarisa bikwaaro byeewe bibyeene. Lwanyuma bamuyila khumutsaangilila khu musalaba.
Yezu bamutsaangilila khu Musalaba
(Mrk 15.21-32; Luk 23.26-43; Yoh 19.17-27)
32Ne ni baaba nga barura ibulafu, bakanana umusaani uwe Kurene, uwalaangiwa Simoni; bamuwanyiinya khusuta kumusalaba kwa Yezu. 33Baryo boola mu shiifwo shishilaangibwa bari Gologosa (kamakhulu kaasho bari shiifwo she shiwaanga). 34#Zab 69.21Abweene awo baawa Yezu iviini khuunywa, nga bakitubaasilemo indule naabi, na namuusakho, wekaana khukinywa. 35#Zab 22.18Ne ni baamala khumutsaangilila khu musalaba, bakabanana bikwaaro byeewe, nga bakhupa khakokha 36Lwanyuma lwayo, bekhala awo khumulolelela. 37Ne angaaki e kumurwe kweewe barawo burone bubuloma buri, OYUNO NIYE UMUYINGA WE BAYUDAAYA. 38Abawo ni banuuli babili babatsaangililwa ni naye, mutweela khu mukhono kweewe kumulayi, n'ukuundi khu mukhono kweewe kumunyeletsi.
39 #
Zab 22.7; 109.25; Sir 12.17,18; 13.7 Babaandu boosi babaaba babirawo basisiikha kimirwe kyaawe, nga bamufwotsola, 40#Mat 26.61; Yoh 2.19nga baloma bari, “Iwe abe unyala khusaambula Lisaayilo Likhulu, walyombekhela lundi mu bifukhu bitaru, yiwonesa wamweene khubone! Ari yiikha urure khu musalaba khubone, noola uli Umwaana uwa Wele!”
41Ni musaambo niyo ndweela basaayi bakhulu nabo, ni baleekeli be kamakaambila ka Musa, ni basakhulu nabo, bamwoonela nga baloma bari, 42“Awonesatsaka babaandi, ne bona s'anyala wewonesa umweene ta! Mbo niye umuyiinga wa Isiraeli, ari ni eekhe khukhwaama khu musalaba, ni nafwe kane khumufukiilile. 43#Zab 22.8; Makh 2.18-20Mbo niye eyikina Wele, ari lekha Wele amuwonese noola namukana, lwekhuba niye aloma ari, niye ali Umwaana wa Wele.”
44Ni musaambo niyo ndweela, banuuli ibo babatsaangililwa ni naye atweela nabo bamwoonela naabi.
Khuufwa khwa Yezu
(Mrk 15.33-41; Luk 23.44-49; Yoh 19.28-30)
45Khukhwaama khu saawa iye khasesaba tse mwihangilwe, khukhwoola khu saawa iye shisheenda, shishiilima shikali shaakwa khu shiibala shoosi. 46#Zab 22.1Ne khu saawa awo nga sheenda, Yezu walila ni likono lye angaaki nga aloma ari, “Eli, Eli, lama sabachthani?”#27.46 bilomo bino byaba mu Luheburaniya. (Kamakhulu kaasho kari, “Wele wase, Wele wase, lwashiina iwe untsantsushile ise?”)
47Batweela khu baandu babaaba beemile awo ni bawulila baryo, baloma bari, “Bona ari alaanga Eliya.”
48 #
Zab 69.21
Lubaluba mutweela khu nibo watimaka, wabukula shishaangwe, washitsukhamo iviini indule naabi, washira khu lukholo, washira imunwa wa Yezu ari anywe. 49Ne babaramile boosi baloma bari, “N'umulekhe abe. Ari khakhuliinde khubone noola Eliya kane etse amuwonese.”
50Ne lwanyuma nga Yezu waliliile angaaki ni likono likali, walekhuula kumwoyo kweewe.
51 #
Luky 26.31-33
Khu mbuka nyene iyo, ingubo iyaba yatiimbibwa mu Lisaayilo Likhulu, yonuukhamo kimilundi kibili, khukhwaama khu ngaaki khukhwoola asi. Shibala shoosi shanikina, ni kamabaale kaatikhakamo. 52Tsiŋani tsabalukhaka, ni kimibili kye babaandu bakhosefu babaafwa khaale kyalamusibwa. 53Ne ni bamala khurura mu ŋani lwanyuma lwe khulamukha khwa Yezu khukhwaama mu bafu, baatsya mu shiriimba shikhosefu, babonekhela babaandu bakali.
54Umusilikhale umukhulu ni babaandi babaaba baliindile Yezu, ni baabona khunikina khwe shiibala, ni bibindi bibyakholekha, baarya naabi, baloma bari, “Ilala umusaani yuno abeele Umwaana uwa Wele.”
55 #
Luk 8.2,3 Bakhasi bakali babaaba nga beemile aleeyikho, balolelela bibyakholekha byoosi. Nibo babaloondelelatsaka Yezu khukhwaama i Galilaaya, nga bamwakaanisa. 56Mu nibo mwabamo Mariya Magadalena, Mariya Maayi wa Yakobo ni Yozefu, ni maayi we babaana ba Zebedaayo.
Khusiikhibwa khwa Yezu
(Mrk 15.42-47; Luk 23.50-56; Yoh 19.38-42)
57Ne antsye ni bwaba nga bwilabula, abawo umusaani umuyindifu uweetsa khukhwaama i Alimaseya, lisiina lyeewe bari Yozefu, naye uwaba wayikela umuleekelwa wa Yezu. 58Nga watsiile isi Pilato, wamuloomba amuwe kumulaambo kwa Yezu. Ni Pilato walakila ari bakumuwe. 59Aryo Yozefu wayila kumulaambo, wakubowa mu ngubo, imiliwu iwaanga imelamela. 60Wakwalisa mu ŋani yeewe umweene imbya yeesi ayaba mu lwanda. Wayilingisa libaale liboofu, walira khu mulyaango kwe ŋani, warurawo watsya. 61Mariya Magadalena ni Mariya ukuundi baaba bekhaale mu shiifwo shishilolelaniile ni ŋani.
Umuliindi uwaba ambi n'iŋani
62Khu shifukhu shishelakho, nisho shifukhu shishiila khu she khukhwiŋoonaŋoona, basaayi bakhulu ni Bafarisaayo babusana isi Pilato, bamuloma bari, 63#Mat 16.21; 17.23; 20.19; Mrk 8.31; 9.31; 10.33,34; Luk 9.22; 18.31-33“Musakhulu, ifwe khushebulila nga umubeeyi yuno ashiili mulamu aloma ari, ‘Lwanyuma lwe bifukhu bitaru, indilamukha mu bafu.’ 64Nashiryo, lakila baliindiile ilala ŋani, khukhwolesa khu shifukhu she khataru. Manya lukana baleekelwa beewe banyala beetsa beeba kumulaambo kweewe, lwanyuma baboolela babaandu bari walamusiwile mu bafu. Ni khuwoombesa khuno khwe lwanyuma kane khube khuubi naabi khufuurisa khuukiboole.”
65Aryo Pilato waloma ari, “Mbo muli ni baliindi basilikhale, ni mutsye muliindile ilala iŋani nga ni munyala.”
66Nabo baryo baatsya, baliindila ilala iŋani, barakho ni khabonelo khu libaale, lundi barakho ni baliindi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lumasaaba Catholic Bible © The Bible Society of Uganda, 2017.