Baheburania 12
12
Khuulondelela she khuubonelakho sha Yesu
1Ni nashiryo, ifwe khukhwaama nga bukali bwe bajulisi babaali nga namufweeli ni bakhwibotokheleele ifwe, khayo nafwe khure alubeka buli shiindu shoosi shishikhusitowelela, ni shishoonako shishikhwibowelelakho, ne khakhutime nga khwaamaliliile mu mwoyo tsindimo itso tsitsiili iburaangisi weefwe. 2Khakhwoomisile tsimoni tseefwe khu Yesu, umurakikhisi luundi umumalilisi we khuufukiilila khweefwe, niye khulwe kumwikhoyo kukwaba kwaamuliindiliile, aryo ekhaliilikha kumusalaba, waleekelesa tsisoni tsakwo, ne ari wekhaale khu mukhono kumulayi kwe shitsoloŋo sha Wele. 3Ni mumwaambaase khu niye nga n'ekhaliilikha bubiiyile khukhwaama khu boonaki, nio manya nanywe kimyoyo kyeenywe kilekhe khuwamo kamaani ni khukhwiwusa ta.
4Inywe mu khusoolana khweenywe ni shishoonako mushiili khurekana khukhwoolesa ni khuutsukha kamafuki ta. 5#Yob 5.17; Nikh 3.11,12Naluundi mwaayibilila khuukaambila khukhubakanikhakho inywe khuri: “Mwaana wase, ukhalekelesatsaka khuulatsakakho khw'Omukasya ta, namwe ukhawatsakamo kamaani n'aba nga akhwikiitsakho ta. 6Lwekhuuba uyo yeesi isi Umukasya akana, amulatsakakho, naluundi awa shitaambiso uyo yeesi isi afukiilila nga umwaana.”
7Ni mwikhalilikhe byeesi mutaambisibwa nga khulatsakakho, Wele aba ali khubayila inywe nga babaana. Lwekhuuba mwaana shiina isi paapawe akhalatsakakho? 8Inywe ni mulekha khulatsibwakho nga babaana boosi ni baba, muba nga simuli babaana babeene belala, ne muba muli babaana babeetswa. 9Naluundi ifwe khuli ni ba paapa beefwe be kumubili babaakhulatsakakho, ne khwabesamo shiriifwa. Ne sishifuurisa naabi ifwe khukhwiwaanayo isi Paapa we kimyoyo kyeefwe nio khube balamu! 10Lwekhuuba ba paapa beefwe be kumubili bakhulatsakakho mu mbuka ifwiiti nga ni bakana, ne Wele ashikhola lwe bulayi bweefwe, nio khunyale khukabanana khu bukhosefu bweewe. 11Khulatsakakho isi khubeelawo khuba khwe butsiina, ne akhuba khwe kumwikhoyo ta, ne lwanyuma ibo babalatsakiwakho banyoola shishaamo she bukwalaafu ni lukoosi.
Khuukaambila ni khuureewula
12 #
Isay 35.3
Ni nashiryo, ni muwandalase kamakhono keenywe kakatendemeele, ni kamesikamo keenywe kakafiliile nako mukakolole. 13#Nikh 4.26Ni mwikholele tsintsila tsingwalaafu tse khukyendelakho, nio akile umuleme alekhe khulemalila ilala ta, ne awonesewe.
14Ni mukhakekho khuuba mu lukoosi ni babaandu boosi, ni bulamu bwe khukhwiwaanayo, lwekhuuba akhali khukhwiwaanayo mbaawo umuundu namutweela ulibona khu Mukasya ta. 15#Maka 29.18Ni mubone muri mbaawo umuundu yeesi urusibwakho bubweela bwa Wele ta, naluundi shisina she bululu shilekhe khusisina khubareerera bikosi ni khukhwonakisa bakali. 16#Rak 25.29-34Naluundi ikhabawo umuundu umuyeyani namwe ukharya Wele nga Esau n'aaba, uwakulisa bukhulu bwe khusaalikhana bweewe bwe khuuba umwaana umukiboole lwe liwuumba lye biilyo ta. 17#Rak 27.30-40Lwekhuuba inywe mwamanya muri lwanyuma lwayo niye n'akana khukhwiila khu busikha bwa paapawe, baamwikaana lwekhuuba s'afuna ikhabi ye khushuusamo ta, ikhaba nga aalila kamasika nga akana ikhabi iyo.
18 #
Luky 19.16-22; 20.18-21; Maka 4.11,12; 5.22-27 Inywe simwayitsa khu lukiingi lulunyala khuuwaambikhakho, naluundi luluburukha ni kumulilo, ni shishilima namukoto, ni ikhuungu, nga babaandu ba Isiraeli ni beetsa ta, 19khukuula khwe khoombi, namwe isi likono lye bilomo lyeesi bawulila, bekontselela bari balekhe khuliwulila kumuluundi kwe khabili ta, 20#Luky 19.12,13lwekhuuba sibanyala khukhwikhalilikha khuulakila khukhwaloma khuri: “Abe ikhaba isolo ni yiitsa yatiilakho khu lukiingi luno, yaakha ikhupiwe kamabaale.” 21#Maka 9.19Ibyo bibyabonekha byaba bye shiriisa naabi, ni khuushilomakho, Musa waaloma ari, “Indi khuunikina naabi lwe khuurya.”
22Ne mwetsile khu lukiingi Sayuuni, ni mu shiriimba sha Wele umulamu, Yerusalemu she mwikulu, isi bikana ni bikana bye bamalayika mu lubusano lwe kumwikhoyo, 23ni libusanilo lye babaandu ba Wele baakiboole beesi bawandikhisa kamasiina kaabwe mwikulu isi Wele umweene umukayi wa boosi, n'isi kimyoyo kyaabo babapyeelusibwa, 24#Rak 4.10n'isi Yesu umutubaasi we Ndakaano imbya, n'isi kamafuki kakahanyiwa, kakanikha bilomo bilayi khufuuriisakho kamafuki ka Abeli.
25 #
Luky 20.22
Ni nashiryo mwitsililise mubone muri, simwikaana byeesi aloma ta. Lwekhuuba nga ibo ni bakhanyala khukhwilukha shitaambiso shooyo uwabareewula khu shiibala, ne ifwe khulinyala khuryeena khukhwilukha ni khuba nga sikhuwulila khureewula khwooyo khukhwaama mwikulu. 26#Hag 2.6Khu mbuka iyo, likono lyeewe lyanikinisa shiibala, ne ari waaloma ari: “Ishiramayo kumuluundi kuundi mutweela inikinise shibala, ne akhuba shiibala shonyene ta, ne ni likulu lyeene.” 27Tsilomo tsino tsitsiloma tsiri, “Ishiramayo kumuluundi kuundi mutweela,” tsokesa khuurusawo bibiindu ibyo bibinikinisibwa nga nibyo bibyambuumbibwa nio ibyo bibikhanyala khuunikinisibwa biramewo.
28Ni nashiryo, khukhwaama nga ni khuli khuufuna buyiinga bubukhatengaasibwa ta, khakhube babaandu babaasiima, khuryo khwihaaneyo isi Wele mu khwisaaya khukhukaniwa mu buwolu ni khuurya. 29#Maka 4.24Lwekhuuba Wele weefwe niye kumulilo kukuliliba kwahesa!
Currently Selected:
Baheburania 12: LPE
Highlight
Copy
Compare
Share
Want to have your highlights saved across all your devices? Sign up or sign in
The Bible in Lumasaaba © Bible Society of Uganda, 2016.
Baheburania 12
12
Khuulondelela she khuubonelakho sha Yesu
1Ni nashiryo, ifwe khukhwaama nga bukali bwe bajulisi babaali nga namufweeli ni bakhwibotokheleele ifwe, khayo nafwe khure alubeka buli shiindu shoosi shishikhusitowelela, ni shishoonako shishikhwibowelelakho, ne khakhutime nga khwaamaliliile mu mwoyo tsindimo itso tsitsiili iburaangisi weefwe. 2Khakhwoomisile tsimoni tseefwe khu Yesu, umurakikhisi luundi umumalilisi we khuufukiilila khweefwe, niye khulwe kumwikhoyo kukwaba kwaamuliindiliile, aryo ekhaliilikha kumusalaba, waleekelesa tsisoni tsakwo, ne ari wekhaale khu mukhono kumulayi kwe shitsoloŋo sha Wele. 3Ni mumwaambaase khu niye nga n'ekhaliilikha bubiiyile khukhwaama khu boonaki, nio manya nanywe kimyoyo kyeenywe kilekhe khuwamo kamaani ni khukhwiwusa ta.
4Inywe mu khusoolana khweenywe ni shishoonako mushiili khurekana khukhwoolesa ni khuutsukha kamafuki ta. 5#Yob 5.17; Nikh 3.11,12Naluundi mwaayibilila khuukaambila khukhubakanikhakho inywe khuri: “Mwaana wase, ukhalekelesatsaka khuulatsakakho khw'Omukasya ta, namwe ukhawatsakamo kamaani n'aba nga akhwikiitsakho ta. 6Lwekhuuba uyo yeesi isi Umukasya akana, amulatsakakho, naluundi awa shitaambiso uyo yeesi isi afukiilila nga umwaana.”
7Ni mwikhalilikhe byeesi mutaambisibwa nga khulatsakakho, Wele aba ali khubayila inywe nga babaana. Lwekhuuba mwaana shiina isi paapawe akhalatsakakho? 8Inywe ni mulekha khulatsibwakho nga babaana boosi ni baba, muba nga simuli babaana babeene belala, ne muba muli babaana babeetswa. 9Naluundi ifwe khuli ni ba paapa beefwe be kumubili babaakhulatsakakho, ne khwabesamo shiriifwa. Ne sishifuurisa naabi ifwe khukhwiwaanayo isi Paapa we kimyoyo kyeefwe nio khube balamu! 10Lwekhuuba ba paapa beefwe be kumubili bakhulatsakakho mu mbuka ifwiiti nga ni bakana, ne Wele ashikhola lwe bulayi bweefwe, nio khunyale khukabanana khu bukhosefu bweewe. 11Khulatsakakho isi khubeelawo khuba khwe butsiina, ne akhuba khwe kumwikhoyo ta, ne lwanyuma ibo babalatsakiwakho banyoola shishaamo she bukwalaafu ni lukoosi.
Khuukaambila ni khuureewula
12 #
Isay 35.3
Ni nashiryo, ni muwandalase kamakhono keenywe kakatendemeele, ni kamesikamo keenywe kakafiliile nako mukakolole. 13#Nikh 4.26Ni mwikholele tsintsila tsingwalaafu tse khukyendelakho, nio akile umuleme alekhe khulemalila ilala ta, ne awonesewe.
14Ni mukhakekho khuuba mu lukoosi ni babaandu boosi, ni bulamu bwe khukhwiwaanayo, lwekhuuba akhali khukhwiwaanayo mbaawo umuundu namutweela ulibona khu Mukasya ta. 15#Maka 29.18Ni mubone muri mbaawo umuundu yeesi urusibwakho bubweela bwa Wele ta, naluundi shisina she bululu shilekhe khusisina khubareerera bikosi ni khukhwonakisa bakali. 16#Rak 25.29-34Naluundi ikhabawo umuundu umuyeyani namwe ukharya Wele nga Esau n'aaba, uwakulisa bukhulu bwe khusaalikhana bweewe bwe khuuba umwaana umukiboole lwe liwuumba lye biilyo ta. 17#Rak 27.30-40Lwekhuuba inywe mwamanya muri lwanyuma lwayo niye n'akana khukhwiila khu busikha bwa paapawe, baamwikaana lwekhuuba s'afuna ikhabi ye khushuusamo ta, ikhaba nga aalila kamasika nga akana ikhabi iyo.
18 #
Luky 19.16-22; 20.18-21; Maka 4.11,12; 5.22-27 Inywe simwayitsa khu lukiingi lulunyala khuuwaambikhakho, naluundi luluburukha ni kumulilo, ni shishilima namukoto, ni ikhuungu, nga babaandu ba Isiraeli ni beetsa ta, 19khukuula khwe khoombi, namwe isi likono lye bilomo lyeesi bawulila, bekontselela bari balekhe khuliwulila kumuluundi kwe khabili ta, 20#Luky 19.12,13lwekhuuba sibanyala khukhwikhalilikha khuulakila khukhwaloma khuri: “Abe ikhaba isolo ni yiitsa yatiilakho khu lukiingi luno, yaakha ikhupiwe kamabaale.” 21#Maka 9.19Ibyo bibyabonekha byaba bye shiriisa naabi, ni khuushilomakho, Musa waaloma ari, “Indi khuunikina naabi lwe khuurya.”
22Ne mwetsile khu lukiingi Sayuuni, ni mu shiriimba sha Wele umulamu, Yerusalemu she mwikulu, isi bikana ni bikana bye bamalayika mu lubusano lwe kumwikhoyo, 23ni libusanilo lye babaandu ba Wele baakiboole beesi bawandikhisa kamasiina kaabwe mwikulu isi Wele umweene umukayi wa boosi, n'isi kimyoyo kyaabo babapyeelusibwa, 24#Rak 4.10n'isi Yesu umutubaasi we Ndakaano imbya, n'isi kamafuki kakahanyiwa, kakanikha bilomo bilayi khufuuriisakho kamafuki ka Abeli.
25 #
Luky 20.22
Ni nashiryo mwitsililise mubone muri, simwikaana byeesi aloma ta. Lwekhuuba nga ibo ni bakhanyala khukhwilukha shitaambiso shooyo uwabareewula khu shiibala, ne ifwe khulinyala khuryeena khukhwilukha ni khuba nga sikhuwulila khureewula khwooyo khukhwaama mwikulu. 26#Hag 2.6Khu mbuka iyo, likono lyeewe lyanikinisa shiibala, ne ari waaloma ari: “Ishiramayo kumuluundi kuundi mutweela inikinise shibala, ne akhuba shiibala shonyene ta, ne ni likulu lyeene.” 27Tsilomo tsino tsitsiloma tsiri, “Ishiramayo kumuluundi kuundi mutweela,” tsokesa khuurusawo bibiindu ibyo bibinikinisibwa nga nibyo bibyambuumbibwa nio ibyo bibikhanyala khuunikinisibwa biramewo.
28Ni nashiryo, khukhwaama nga ni khuli khuufuna buyiinga bubukhatengaasibwa ta, khakhube babaandu babaasiima, khuryo khwihaaneyo isi Wele mu khwisaaya khukhukaniwa mu buwolu ni khuurya. 29#Maka 4.24Lwekhuuba Wele weefwe niye kumulilo kukuliliba kwahesa!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible in Lumasaaba © Bible Society of Uganda, 2016.