Baheburania 11
11
Batweela khu baandu ba Wele babaaba ni khuufukiilila
1Khuuba ni khuufukiilila nikhwo khuuwandalasa byeesi khusuubila, ni khuumanya ibyo byeesi khukhabonakho ta. 2Lwe khuufukiilila khuno, babaandu be khaale baafuna khuufumisibwa isi Wele. 3#Rak 1.1; Zab 33.6,9; Yok 1.3Lwe khuufukiilila, khumanya khuri, shiibala shabuumbibwa ni Lomo ya Wele, nio ibyo bibibonekha byaarura khukhwaama mu bikhabonekha ta.
4 #
Rak 4.3-10
Lwe khuufukiilila, Abeli aawaanayo isi Wele isaayilo indayi khufuura iya Kayini. Lwe shiwaanwa shino shamufumisa khuuba umukwalaafu. Lwekhuuba Wele aasiima shiwaanwa sheewe. Ni lwe shisheenesho, akhaba nga waafwa, ne ashikanikha. 5#Rak 5.21-24Lwe khuufukiilila, Enoka aasutiwa waayilibwa mu bulamu bubuundi nga s'abira mu khufwa ta. Mbaawo umuundu uwamunyoola lwekhuuba Wele aaba waamuyilile. Lwekhuuba niye n'aba nga ashiili khuyiliwa ta, aamanyikhana nga ekhoyesa Wele. 6Naluundi akhali khuufukiilila, sishili shaangu khukhwikhoyesa Wele ta. Lwekhuuba buli muundu yeesi uwiitsa isi Wele, aakha khumufukiilila ari aliwo, naluundi ari, niye umuwaani waabo babaamuweentsa.
7 #
Rak 6.13-22
Lwe khuufukiilila, Nowa n'areewulibwa ni Wele khwiibyo bibyaba bikhabonekha ta, awulila Wele wombekha likhoŋolo khuwonesa be ntsu yeewe. Lwashino niye akhalila shiibala kumusaango, ne niye waabalikha nga umusikha we bukwalaafu bubwiitsa lwe khuufukiilila.
8 #
Rak 12.1-5
Lwe khufukiilila, Iburayimu awulila Wele nga wamulaangile khuutsya mu shaalo abe shiitsya khuba busikha bweewe. Niye afukiilila waarura watsya akhaba nga s'amanya ena esi atsya ta. 9#Rak 35.27Lwe khufukiilila, Iburayimu uyo akyeendaana nga umukyeni mu shiibala shisuubise shikhaaba shisheewe ta, wamenyatsaka mu weema ni Isaaka ni Yakobo, babaaba basikha atweela ni naye mwiibyo byeesi Wele abalomela tsana. 10Lwekhuuba Iburayimu aliindilila shiriimba shishiili ni kumusiinji kumuwaangafu, nga umwombakhi luundi umukholi we shiriimba shino niye Wele umweene.
11 #
Rak 18.11-14; 21.2 Lwe khufukiilila khuno, Iburayimu ikhaba nga abe wahangala mu miiko, ni Sara naye nga umukuumba, Wele amwikyelisa paapa we babaana. Lwekhuuba lwe khufukiilila, Sara abe akhaba nga naye umukore, afuna kamaani ke khusaala, lwekhuuba eyikina uyo uwamulomela. 12#Rak 15.5; 22.17; 32.12Nashiryo khukhwaama mu Iburayimu abe ikhaba nga ali aambi khuufwa, mu niye mwamamo lisaaye likali busa babaali nga tsinieniesi tse mwikulu, luundi nga kumuyekhe kukuuli khu ndulo khwe nyaantsa kukukhabalikha ta.
13 #
Rak 23.4; 1 Kim 29.15; Zab 39.12 Babaandu bano boosi baamenya mu khufukiilila nga bashiili khufwa ta. Nibo sibaafuna ibyo bibyabalomelwa ta, ne babibonela aleeyi, baabikhoyela, ne shonyene babuula nga ni baaba bakyeni luundi bakyeendaani mu shiibala. 14Babaandu babaloma bibiindu nga bino bokesanisa bari, baweentsa shiibala shishaawe shisheene. 15Ne nibo baba nga babashebulila shiibala esi baama, khali banyoola ikhabi ye khukhwilayo. 16Ne baaba bewuuma shiibala shishiindi shishifuurisa bulayi, nisho she mwikulu. Nashiryo, Wele s'awaambibwa tsisoni nibo khumulaanga bari Wele waabwe ta, lwekhuuba abarekekhela nibo shiriimba.
17 #
Rak 22.1-14
Iburayimu n'akhakilisibwa ni Wele, khuufukiilila nikhwo khukhwakila waawaanayo umwaana weewe umusiinde Isaaka nga isaayilo. Niye uwaba waafuna khusuubisibwa, aaba mwirekefu khuwaanayo umwaana weewe mutweela yenyene. 18#Rak 21.12Ikhaba nga abe Wele waamulomela ari, “Khuubirira mwisaaye lya Isaaka, ulifuna babetsukhulu mwisiina lyoowo.” 19Iburayimu aamanya ari Wele anyala khukhwinyusa Isaaka khukhwaama mu bafu, ne shino shoosi shifwaanikha nga Iburayimu uwafuna Isaaka khukhwaama mu bafu tu.
20 #
Rak 27.27-29,39,40 Lwe khuufukiilila, Isaaka aaloombela Yakobo ni Esau tsikhabi mwiibyo bibyaba biitsya khubawo iburaangisi.
21 #
Rak 48.1-20;
Rak 47.31
Lwe khuufukiilila, Yakobo n'aba nga ali aambi khuufwa, aloombela babaana ba Yusufu boombi tsikhabi, wesaaya Wele nga weyikamilile imurwe we miimbo yeewe.
22 #
Rak 50.24,25; Luky 13.19 Lwe khuufukiilila Yusufu n'aba nga ali aambi khuufwa, akanikha khu khurura khwe babaana ba Isiraeli khukhwaama mu Misiri, aryo wabakaambilila bibiwaamba khu makuumba keewe.
23 #
Luky 2.2;
Luky 1.22
Lwe khuufukiilila basaali ba Musa bamubisila kimyeesi kitaru, lwanyuma lwe khusaalikha khweewe, lwekhuuba baabona nga s'ali busa umwaana uwa busheele ta, balekha khurya likaambila lyeesi umuyiinga aba walakiile ta.
24 #
Luky 2.10-12
Lwe khuufukiilila Musa n'aba nga waatsoyile, ekaana khulaangiwatsaka umwaana w'omukhaana wa Farawo. 25Naye aakhalawo khuutaambisibwila atweela ni babaandu ba Wele, khuuminyisa khuusaangalila kimikhoyo kye bubwoonaki, kikiwawo khaangu. 26Niye Musa aashambaasakho ari khuutaambisibwa khu lwa Kristo shifuurisa buyiindifu bwe Misiri. Lwekhuuba aabona shiwaanwa sheewe nga shishiili aleeyi.
27Lwe khuufukiilila Musa aarura mu Misiri, nga s'arya lirima ly'omuyiinga wayo ta, lwekhuuba aaba abona uyo ukhabonekha ta. 28#Luky 12.21-30Lwe khuufukiilila khweesi aaba nakhwo aakhola Kamayiiya ke Khuubirakho, ni khuuwanyaka kamafuki, nio akile uyo uhesa baakiboole alekhe khutiilakho khu baana baakiboole ba Isiraeli ta.
29 #
Luky 14.21-31
Lwe khuufukiilila babaandu ba Isiraeli baambukha Inyaantsa Imbesemu nga bakyeendela khu lwoomu, ne ba Misiri ni baakhakakho nabo khukhwambukha, kameetsi kaabamila boosi.
30 #
Yos 6.12-21
Lwe khuufukiilila litikiiyi lye Yeriko lyakwa, nga babaana ba Isiraeli ni bakyeenda nga balibotokhelela bifukhu musaafu.
31 #
Yos 6.22-25;
Yos 2.1-21
Lwe khuufukiilila Rakabu uwaba malaaya busa, s'afwiila atweela ni naabo babaaba baamiinyi ta, lwekhuuba aakaanila mu ntsu yeewe ni lukoosi ibo babeetsa khuyama.
32 #
Baak 6.11—8.32;
Baak 4.6—5.31;
Baak 13.2—16.31;
Baak 11.1—12.7;
1 Sam 16.1; 1 Bay 2.11;
1 Sam 1.1—25.1
Ne shiina shishiindi sheesi inyala khuuloma? Lwekhuuba s'indi ni mbuka ye khuukanikha khu Gidioni, namwe khu Baraka, namwe khu Samusoni, namwe khu Yefusa, namwe khu Dawudi, namwe khu Samweli, ni khu baŋoosi ta. 33#Dan 6.1-27Lwekhuuba khuufukiilila khwaabwe khwabanyalisisa khuuwula buyiinga bukali, baakhola bye bukwalaafu baafuna ibyo byeesi Wele aabalomela. Baryo baanyalisa ni khukhwikalawo kiminwa kye tsitalanyi, 34#Dan 3.1-30khuusimisa kimililo kye kamaani kikiitindiima, bewoma ni bubwooki bwe tsindima. Nibo baaba batoro, ne bekyela be kamaani. Baryo baaba be kamaani mu busoolo, bawoona kamaye kakaaba kabaluumba.
35 #
1 Bay 17.17-24; 2 Bay 4.25-37 Bakhasi balala baaba baafiilwa babaandu baabwe, lwanyuma baabefunila nga baalamusibwile. Babaandi baataambisibwa ne baalekha khukana khuulekhuulibwa ta, bari nio manya bafuna buwonesi khukhwaama mu bafu khufuura buulayi. 36#1 Bay 22.26,27; 2 Kim 18.25,26; Yer 20.2; 37.15; 38.6Babaandi batsekhelelwa naabi, luundi bakhupiwa, ni khubowebwa kiminyololo, ni khureewa mu mapuusu. 37#2 Kim 24.21Ni babaandi bakhupiwa kamabaale, namwe khukhaliwamo khabili ni kimisumeeno, namwe beeribwa ni tsindima. Balala bakyeendatsaka busa nga bakwaarire kamahaafu ke tsisheese ni tsimbusi, nga bali bataambi busa, bakubyeengewa luundi babirisibwa buubi. 38Shiibala shalekha khubabeela shilayi ta. Bakyeendanila mu mibiimbi, ni khu njiinji, ni mu mafuluma, ni mu malowo ke mwiloba.
39Bano boosi bekhoyesa Wele lwe khuufukiilila khwawe, ne nibo sibaafuna sheesi balomelwa tsana ta. 40Lwekhuuba Wele akhubonela ifwe shishifuura bulayi, nio ifwe atweela ni nabo khunyale khukhwoolela mu butweela.
Currently Selected:
Baheburania 11: LPE
Highlight
Copy
Compare
Share
Want to have your highlights saved across all your devices? Sign up or sign in
The Bible in Lumasaaba © Bible Society of Uganda, 2016.
Baheburania 11
11
Batweela khu baandu ba Wele babaaba ni khuufukiilila
1Khuuba ni khuufukiilila nikhwo khuuwandalasa byeesi khusuubila, ni khuumanya ibyo byeesi khukhabonakho ta. 2Lwe khuufukiilila khuno, babaandu be khaale baafuna khuufumisibwa isi Wele. 3#Rak 1.1; Zab 33.6,9; Yok 1.3Lwe khuufukiilila, khumanya khuri, shiibala shabuumbibwa ni Lomo ya Wele, nio ibyo bibibonekha byaarura khukhwaama mu bikhabonekha ta.
4 #
Rak 4.3-10
Lwe khuufukiilila, Abeli aawaanayo isi Wele isaayilo indayi khufuura iya Kayini. Lwe shiwaanwa shino shamufumisa khuuba umukwalaafu. Lwekhuuba Wele aasiima shiwaanwa sheewe. Ni lwe shisheenesho, akhaba nga waafwa, ne ashikanikha. 5#Rak 5.21-24Lwe khuufukiilila, Enoka aasutiwa waayilibwa mu bulamu bubuundi nga s'abira mu khufwa ta. Mbaawo umuundu uwamunyoola lwekhuuba Wele aaba waamuyilile. Lwekhuuba niye n'aba nga ashiili khuyiliwa ta, aamanyikhana nga ekhoyesa Wele. 6Naluundi akhali khuufukiilila, sishili shaangu khukhwikhoyesa Wele ta. Lwekhuuba buli muundu yeesi uwiitsa isi Wele, aakha khumufukiilila ari aliwo, naluundi ari, niye umuwaani waabo babaamuweentsa.
7 #
Rak 6.13-22
Lwe khuufukiilila, Nowa n'areewulibwa ni Wele khwiibyo bibyaba bikhabonekha ta, awulila Wele wombekha likhoŋolo khuwonesa be ntsu yeewe. Lwashino niye akhalila shiibala kumusaango, ne niye waabalikha nga umusikha we bukwalaafu bubwiitsa lwe khuufukiilila.
8 #
Rak 12.1-5
Lwe khufukiilila, Iburayimu awulila Wele nga wamulaangile khuutsya mu shaalo abe shiitsya khuba busikha bweewe. Niye afukiilila waarura watsya akhaba nga s'amanya ena esi atsya ta. 9#Rak 35.27Lwe khufukiilila, Iburayimu uyo akyeendaana nga umukyeni mu shiibala shisuubise shikhaaba shisheewe ta, wamenyatsaka mu weema ni Isaaka ni Yakobo, babaaba basikha atweela ni naye mwiibyo byeesi Wele abalomela tsana. 10Lwekhuuba Iburayimu aliindilila shiriimba shishiili ni kumusiinji kumuwaangafu, nga umwombakhi luundi umukholi we shiriimba shino niye Wele umweene.
11 #
Rak 18.11-14; 21.2 Lwe khufukiilila khuno, Iburayimu ikhaba nga abe wahangala mu miiko, ni Sara naye nga umukuumba, Wele amwikyelisa paapa we babaana. Lwekhuuba lwe khufukiilila, Sara abe akhaba nga naye umukore, afuna kamaani ke khusaala, lwekhuuba eyikina uyo uwamulomela. 12#Rak 15.5; 22.17; 32.12Nashiryo khukhwaama mu Iburayimu abe ikhaba nga ali aambi khuufwa, mu niye mwamamo lisaaye likali busa babaali nga tsinieniesi tse mwikulu, luundi nga kumuyekhe kukuuli khu ndulo khwe nyaantsa kukukhabalikha ta.
13 #
Rak 23.4; 1 Kim 29.15; Zab 39.12 Babaandu bano boosi baamenya mu khufukiilila nga bashiili khufwa ta. Nibo sibaafuna ibyo bibyabalomelwa ta, ne babibonela aleeyi, baabikhoyela, ne shonyene babuula nga ni baaba bakyeni luundi bakyeendaani mu shiibala. 14Babaandu babaloma bibiindu nga bino bokesanisa bari, baweentsa shiibala shishaawe shisheene. 15Ne nibo baba nga babashebulila shiibala esi baama, khali banyoola ikhabi ye khukhwilayo. 16Ne baaba bewuuma shiibala shishiindi shishifuurisa bulayi, nisho she mwikulu. Nashiryo, Wele s'awaambibwa tsisoni nibo khumulaanga bari Wele waabwe ta, lwekhuuba abarekekhela nibo shiriimba.
17 #
Rak 22.1-14
Iburayimu n'akhakilisibwa ni Wele, khuufukiilila nikhwo khukhwakila waawaanayo umwaana weewe umusiinde Isaaka nga isaayilo. Niye uwaba waafuna khusuubisibwa, aaba mwirekefu khuwaanayo umwaana weewe mutweela yenyene. 18#Rak 21.12Ikhaba nga abe Wele waamulomela ari, “Khuubirira mwisaaye lya Isaaka, ulifuna babetsukhulu mwisiina lyoowo.” 19Iburayimu aamanya ari Wele anyala khukhwinyusa Isaaka khukhwaama mu bafu, ne shino shoosi shifwaanikha nga Iburayimu uwafuna Isaaka khukhwaama mu bafu tu.
20 #
Rak 27.27-29,39,40 Lwe khuufukiilila, Isaaka aaloombela Yakobo ni Esau tsikhabi mwiibyo bibyaba biitsya khubawo iburaangisi.
21 #
Rak 48.1-20;
Rak 47.31
Lwe khuufukiilila, Yakobo n'aba nga ali aambi khuufwa, aloombela babaana ba Yusufu boombi tsikhabi, wesaaya Wele nga weyikamilile imurwe we miimbo yeewe.
22 #
Rak 50.24,25; Luky 13.19 Lwe khuufukiilila Yusufu n'aba nga ali aambi khuufwa, akanikha khu khurura khwe babaana ba Isiraeli khukhwaama mu Misiri, aryo wabakaambilila bibiwaamba khu makuumba keewe.
23 #
Luky 2.2;
Luky 1.22
Lwe khuufukiilila basaali ba Musa bamubisila kimyeesi kitaru, lwanyuma lwe khusaalikha khweewe, lwekhuuba baabona nga s'ali busa umwaana uwa busheele ta, balekha khurya likaambila lyeesi umuyiinga aba walakiile ta.
24 #
Luky 2.10-12
Lwe khuufukiilila Musa n'aba nga waatsoyile, ekaana khulaangiwatsaka umwaana w'omukhaana wa Farawo. 25Naye aakhalawo khuutaambisibwila atweela ni babaandu ba Wele, khuuminyisa khuusaangalila kimikhoyo kye bubwoonaki, kikiwawo khaangu. 26Niye Musa aashambaasakho ari khuutaambisibwa khu lwa Kristo shifuurisa buyiindifu bwe Misiri. Lwekhuuba aabona shiwaanwa sheewe nga shishiili aleeyi.
27Lwe khuufukiilila Musa aarura mu Misiri, nga s'arya lirima ly'omuyiinga wayo ta, lwekhuuba aaba abona uyo ukhabonekha ta. 28#Luky 12.21-30Lwe khuufukiilila khweesi aaba nakhwo aakhola Kamayiiya ke Khuubirakho, ni khuuwanyaka kamafuki, nio akile uyo uhesa baakiboole alekhe khutiilakho khu baana baakiboole ba Isiraeli ta.
29 #
Luky 14.21-31
Lwe khuufukiilila babaandu ba Isiraeli baambukha Inyaantsa Imbesemu nga bakyeendela khu lwoomu, ne ba Misiri ni baakhakakho nabo khukhwambukha, kameetsi kaabamila boosi.
30 #
Yos 6.12-21
Lwe khuufukiilila litikiiyi lye Yeriko lyakwa, nga babaana ba Isiraeli ni bakyeenda nga balibotokhelela bifukhu musaafu.
31 #
Yos 6.22-25;
Yos 2.1-21
Lwe khuufukiilila Rakabu uwaba malaaya busa, s'afwiila atweela ni naabo babaaba baamiinyi ta, lwekhuuba aakaanila mu ntsu yeewe ni lukoosi ibo babeetsa khuyama.
32 #
Baak 6.11—8.32;
Baak 4.6—5.31;
Baak 13.2—16.31;
Baak 11.1—12.7;
1 Sam 16.1; 1 Bay 2.11;
1 Sam 1.1—25.1
Ne shiina shishiindi sheesi inyala khuuloma? Lwekhuuba s'indi ni mbuka ye khuukanikha khu Gidioni, namwe khu Baraka, namwe khu Samusoni, namwe khu Yefusa, namwe khu Dawudi, namwe khu Samweli, ni khu baŋoosi ta. 33#Dan 6.1-27Lwekhuuba khuufukiilila khwaabwe khwabanyalisisa khuuwula buyiinga bukali, baakhola bye bukwalaafu baafuna ibyo byeesi Wele aabalomela. Baryo baanyalisa ni khukhwikalawo kiminwa kye tsitalanyi, 34#Dan 3.1-30khuusimisa kimililo kye kamaani kikiitindiima, bewoma ni bubwooki bwe tsindima. Nibo baaba batoro, ne bekyela be kamaani. Baryo baaba be kamaani mu busoolo, bawoona kamaye kakaaba kabaluumba.
35 #
1 Bay 17.17-24; 2 Bay 4.25-37 Bakhasi balala baaba baafiilwa babaandu baabwe, lwanyuma baabefunila nga baalamusibwile. Babaandi baataambisibwa ne baalekha khukana khuulekhuulibwa ta, bari nio manya bafuna buwonesi khukhwaama mu bafu khufuura buulayi. 36#1 Bay 22.26,27; 2 Kim 18.25,26; Yer 20.2; 37.15; 38.6Babaandi batsekhelelwa naabi, luundi bakhupiwa, ni khubowebwa kiminyololo, ni khureewa mu mapuusu. 37#2 Kim 24.21Ni babaandi bakhupiwa kamabaale, namwe khukhaliwamo khabili ni kimisumeeno, namwe beeribwa ni tsindima. Balala bakyeendatsaka busa nga bakwaarire kamahaafu ke tsisheese ni tsimbusi, nga bali bataambi busa, bakubyeengewa luundi babirisibwa buubi. 38Shiibala shalekha khubabeela shilayi ta. Bakyeendanila mu mibiimbi, ni khu njiinji, ni mu mafuluma, ni mu malowo ke mwiloba.
39Bano boosi bekhoyesa Wele lwe khuufukiilila khwawe, ne nibo sibaafuna sheesi balomelwa tsana ta. 40Lwekhuuba Wele akhubonela ifwe shishifuura bulayi, nio ifwe atweela ni nabo khunyale khukhwoolela mu butweela.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible in Lumasaaba © Bible Society of Uganda, 2016.