2 Petero 2
2
Baleekeli be bubeeyi
1Amataayi ako, akari mu baandu mwabamo baŋoosi be bubeeyi nabo. Ni musaambo niyo indweela, mus'iinywe ilibawo baleekeli be bubeeyi, babaalireera mu shimoonyo busa indeekela ikosaasakosaasa babaandu babaandi. Babeene abo balibarereera khuhela khwa khaangu, nga bakhakakho khukhwikaana Umukoosi uwabakula ni bukusi. 2Ni babaandu bakali balilondelela kumukhoosi kwe babeene abo. Ni khulwe babeene abo, babaandu balikanikha tsilomo tsiimbi tsitsiwaamba khu mukhoosi kwe bwa ŋali. 3Khulwe kumuluungo kwaabwe, baŋoosi babeeyi bano balibakhonjelesa inywe nga baraambisa bilomo bye bubeeyi. Umukayi uuli ni khuukhala kumusaango kwaabwe waabuyile busa nga aliindilila babaandu abo, ni nooyo utsya khukila babaandu abo bahele ali meeso.
4Ne oba nga bamalayika nga ni boonaka Wele s'abalekha busa ta, ne waabatuuma mu mulilo, esi bali nga babowe mu lilowo lye shishiilima khukhwoolisa khu shifukhu she khuukhalilakho kimisaango. 5#Rak 6.1—7.24Naluundi Wele s'alekha shiibala she baboonaki khuuramawo baryo ta, ne aareera khuusalasala khwe kameetsi baboonaki baafwa, ne waawonesa Nowa, uwaba umuraangilisi mu bukwalaafu, ni babaandu babaandi musaafu.
6 #
Rak 19.24
Mu khwoosha biriimba bye Sodoma ni Gomora byekyela likoshe, Wele aabikhalila kumusaango kwe khuubihesa. Naluundi waabihesa nga she khuubonelakho isi boosi babaali baboonaki.
7 #
Rak 19.1-16
Ne aawonesa Loti uwaba umukwalaafu, isi abe kumutaambo kwawaamba khulwe babaandu be tsisaambo tsiimbi. 8Khulwekhuuba Loti uwaba nga amenya mu baandu bano, aatsiinikha naabi mu mwoyo kweewe nga niye n'abonatsaka, naluundi nga n'awulilatsaka bye bubwoonaki byeesi nibo bakholatsaka. 9Ne ni khufuurira ilala, Wele waamanya khuumusa abo babaakhola bilayi, nga abarusa mu khukhakilisibwa khwaabwe. Naluundi waamanya khuuwa shitaambiso abo babaakhali babeyikinwa ta, khukhwoolisa khu shifukhu she khukhalilakho kimisaango.
10Ni khuuminyisa abo babaakhola bibyoonako nga batsiililila khu byeesi kimibili kyaabwe kikana, naluundi nga bafwotsola bunyala bwa Wele. Baleekeli be bubeeyi bano bali bahangafu kimirwe, naluundi bebona. Bali babaandu babaakhesamo shiriifwa mu bakhosefu babaali mu ngaaki ta. 11Akhaba nga bamalayika bafuura baleekeli be bubeeyi bano kamaani ni bunyala, bamalayika sibabarakho nibo kumusaango kukubafwootsola nibo isi Umukasya ta. 12Ne babaandu bano babaali nga tsisolo tsye mwiirome, tsitsikhali ni khukhwaambaasa ta, tsitsiiliwo bari babaandu bawambe ni beera, bakhomyaasa ni mu biindu byeesi bakhamanyile ta. Babaandu beene abo balibawaamba babeere nga tsisolo tsye mukyeewa, 13nio bafune butsiina khulwe buubi bwaabwe. Shili she kumwikhoyo isi babaandu beene abo khukholela abulafu busa she bubwoonaki shoosi sheesi kimibili kyaabwe kikana. Khukhwikhala atweela ni nanywe, mwaliila biilyo atweela ni nabo, babarereera inywe khuwaambibwa kamaŋaanyu, khulwekhuuba imbuka yoosi bekhoyela tsisaambo tsaabwe tsye bubeeyi.
14Bali ni tsimoni tsye buyeyani, naluundi bali naabi ni kameelu ke khuukhola bibyoonako. Bakhongelesa abo babaakhali banyindaalifu mu myoyo ta, baakwa mu mireko kyaabwe. Bali ni kimyoyo kikyamanyiilila kumuluungo. Khulwe bibiindu bino, bali beesi baatsuba!
15 #
Bala 22.4-35
Bakoraana khulwekhuuba balekha kumukhoosi kumukwalaafu. Mu bikholwa byaabwe, bayibirisa nga Balamu, umwaana uwa Beyoli, n'ebirisa. Balamu aakana naabi ari afune bibiindu bikali nga abirira mu khukhola bye bubwoonaki, 16khukhwoolisa n'ekiitsibwa khulwe bibyoonako byeewe. Isolo isikilya niyo iyamwakamisa mu khwoneka khweewe, nga yaamalile khuumukanikhayo nga umuundu n'akanikha. Niyo iyakamisa umuŋoosi uyo khuukhola bibyoonako khweewe.
17Babaandu abo bali busa nga tsisebele tsitsooma, tsitsiikhalimo kameetsi ta. Naluundi bali busa nga namufweeli isi ikhuungu iwuutsa yaayila. Babeene bano Wele waababiikhila shishilima shiibiririfu. 18Bakanikha tsilomo tsitsikhalimo ta, nga tsili tsye khukhwiruuya naluundi tsili tsye busilu. Baraambisa kimibili kyaabwe khukhwokesanisa intsibirisa imbi, baryo bakhonjelesa abo babaashiili bashaakha mu khufukiilila, babakobosayo mu baandu baboonekha. 19Babasuubisa bari nga baabetubaasilekho kane bafune lukoosi, ne ate nibo babeene bali bakulwa isi tsisaambo tsiimbi tsye khuuhela. Khulwekhuuba shishiindu shoosi ni shiwula umuundu, aba wekyelile umukulwa uwe shishiindu isho.
20Khulwekhuuba babaandu ni baba baamalile khukhwilukha khukhwaama mu maani ke bibyoonako bye shiibala lwanyuma lwe khuumanya byeesi Umukasya luundi Umuwonesi weefwe Yesu Kristo akana, ne lwanyuma ndi beelayo mu byoonako tsana luundi, baayilibwa ni nabyo luundi, ikhumalilisa baaba baabi naabi khufuurisakho makiboole. 21Manya khali shaba shilayi babaandu nga babeene abo khuulekha khumanyilakho ni ilala intsila iye bukwalaafu ta, khufuura khuukimanya ne ndi lwanyuma baashuukhakho baalekha kamakaambila kamakhosefu keesi baaweebwa.
22 #
Nikh 26.11
Shino shishaboolakho shookesana nga lusimo luno luli lwa ŋali ni luloma luri: “Imbwa ishuukha yaalya byeesi inyene imalile khuulusaka.” Namwe luri: “Imbiitsi isi bamalile khusiinga, yilayo khukhwikalaangasila mu lutuumbi luundi.”
Currently Selected:
2 Petero 2: LPE
Highlight
Copy
Compare
Share
Want to have your highlights saved across all your devices? Sign up or sign in
The Bible in Lumasaaba © Bible Society of Uganda, 2016.
2 Petero 2
2
Baleekeli be bubeeyi
1Amataayi ako, akari mu baandu mwabamo baŋoosi be bubeeyi nabo. Ni musaambo niyo indweela, mus'iinywe ilibawo baleekeli be bubeeyi, babaalireera mu shimoonyo busa indeekela ikosaasakosaasa babaandu babaandi. Babeene abo balibarereera khuhela khwa khaangu, nga bakhakakho khukhwikaana Umukoosi uwabakula ni bukusi. 2Ni babaandu bakali balilondelela kumukhoosi kwe babeene abo. Ni khulwe babeene abo, babaandu balikanikha tsilomo tsiimbi tsitsiwaamba khu mukhoosi kwe bwa ŋali. 3Khulwe kumuluungo kwaabwe, baŋoosi babeeyi bano balibakhonjelesa inywe nga baraambisa bilomo bye bubeeyi. Umukayi uuli ni khuukhala kumusaango kwaabwe waabuyile busa nga aliindilila babaandu abo, ni nooyo utsya khukila babaandu abo bahele ali meeso.
4Ne oba nga bamalayika nga ni boonaka Wele s'abalekha busa ta, ne waabatuuma mu mulilo, esi bali nga babowe mu lilowo lye shishiilima khukhwoolisa khu shifukhu she khuukhalilakho kimisaango. 5#Rak 6.1—7.24Naluundi Wele s'alekha shiibala she baboonaki khuuramawo baryo ta, ne aareera khuusalasala khwe kameetsi baboonaki baafwa, ne waawonesa Nowa, uwaba umuraangilisi mu bukwalaafu, ni babaandu babaandi musaafu.
6 #
Rak 19.24
Mu khwoosha biriimba bye Sodoma ni Gomora byekyela likoshe, Wele aabikhalila kumusaango kwe khuubihesa. Naluundi waabihesa nga she khuubonelakho isi boosi babaali baboonaki.
7 #
Rak 19.1-16
Ne aawonesa Loti uwaba umukwalaafu, isi abe kumutaambo kwawaamba khulwe babaandu be tsisaambo tsiimbi. 8Khulwekhuuba Loti uwaba nga amenya mu baandu bano, aatsiinikha naabi mu mwoyo kweewe nga niye n'abonatsaka, naluundi nga n'awulilatsaka bye bubwoonaki byeesi nibo bakholatsaka. 9Ne ni khufuurira ilala, Wele waamanya khuumusa abo babaakhola bilayi, nga abarusa mu khukhakilisibwa khwaabwe. Naluundi waamanya khuuwa shitaambiso abo babaakhali babeyikinwa ta, khukhwoolisa khu shifukhu she khukhalilakho kimisaango.
10Ni khuuminyisa abo babaakhola bibyoonako nga batsiililila khu byeesi kimibili kyaabwe kikana, naluundi nga bafwotsola bunyala bwa Wele. Baleekeli be bubeeyi bano bali bahangafu kimirwe, naluundi bebona. Bali babaandu babaakhesamo shiriifwa mu bakhosefu babaali mu ngaaki ta. 11Akhaba nga bamalayika bafuura baleekeli be bubeeyi bano kamaani ni bunyala, bamalayika sibabarakho nibo kumusaango kukubafwootsola nibo isi Umukasya ta. 12Ne babaandu bano babaali nga tsisolo tsye mwiirome, tsitsikhali ni khukhwaambaasa ta, tsitsiiliwo bari babaandu bawambe ni beera, bakhomyaasa ni mu biindu byeesi bakhamanyile ta. Babaandu beene abo balibawaamba babeere nga tsisolo tsye mukyeewa, 13nio bafune butsiina khulwe buubi bwaabwe. Shili she kumwikhoyo isi babaandu beene abo khukholela abulafu busa she bubwoonaki shoosi sheesi kimibili kyaabwe kikana. Khukhwikhala atweela ni nanywe, mwaliila biilyo atweela ni nabo, babarereera inywe khuwaambibwa kamaŋaanyu, khulwekhuuba imbuka yoosi bekhoyela tsisaambo tsaabwe tsye bubeeyi.
14Bali ni tsimoni tsye buyeyani, naluundi bali naabi ni kameelu ke khuukhola bibyoonako. Bakhongelesa abo babaakhali banyindaalifu mu myoyo ta, baakwa mu mireko kyaabwe. Bali ni kimyoyo kikyamanyiilila kumuluungo. Khulwe bibiindu bino, bali beesi baatsuba!
15 #
Bala 22.4-35
Bakoraana khulwekhuuba balekha kumukhoosi kumukwalaafu. Mu bikholwa byaabwe, bayibirisa nga Balamu, umwaana uwa Beyoli, n'ebirisa. Balamu aakana naabi ari afune bibiindu bikali nga abirira mu khukhola bye bubwoonaki, 16khukhwoolisa n'ekiitsibwa khulwe bibyoonako byeewe. Isolo isikilya niyo iyamwakamisa mu khwoneka khweewe, nga yaamalile khuumukanikhayo nga umuundu n'akanikha. Niyo iyakamisa umuŋoosi uyo khuukhola bibyoonako khweewe.
17Babaandu abo bali busa nga tsisebele tsitsooma, tsitsiikhalimo kameetsi ta. Naluundi bali busa nga namufweeli isi ikhuungu iwuutsa yaayila. Babeene bano Wele waababiikhila shishilima shiibiririfu. 18Bakanikha tsilomo tsitsikhalimo ta, nga tsili tsye khukhwiruuya naluundi tsili tsye busilu. Baraambisa kimibili kyaabwe khukhwokesanisa intsibirisa imbi, baryo bakhonjelesa abo babaashiili bashaakha mu khufukiilila, babakobosayo mu baandu baboonekha. 19Babasuubisa bari nga baabetubaasilekho kane bafune lukoosi, ne ate nibo babeene bali bakulwa isi tsisaambo tsiimbi tsye khuuhela. Khulwekhuuba shishiindu shoosi ni shiwula umuundu, aba wekyelile umukulwa uwe shishiindu isho.
20Khulwekhuuba babaandu ni baba baamalile khukhwilukha khukhwaama mu maani ke bibyoonako bye shiibala lwanyuma lwe khuumanya byeesi Umukasya luundi Umuwonesi weefwe Yesu Kristo akana, ne lwanyuma ndi beelayo mu byoonako tsana luundi, baayilibwa ni nabyo luundi, ikhumalilisa baaba baabi naabi khufuurisakho makiboole. 21Manya khali shaba shilayi babaandu nga babeene abo khuulekha khumanyilakho ni ilala intsila iye bukwalaafu ta, khufuura khuukimanya ne ndi lwanyuma baashuukhakho baalekha kamakaambila kamakhosefu keesi baaweebwa.
22 #
Nikh 26.11
Shino shishaboolakho shookesana nga lusimo luno luli lwa ŋali ni luloma luri: “Imbwa ishuukha yaalya byeesi inyene imalile khuulusaka.” Namwe luri: “Imbiitsi isi bamalile khusiinga, yilayo khukhwikalaangasila mu lutuumbi luundi.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible in Lumasaaba © Bible Society of Uganda, 2016.