2 Petero 1
1
1Ibaluwa yino yaama isi ise Simoni Petero, umwakaanisi naluundi umurume uwa Yesu Kristo.
Ingironela abo boosi babanyoola khufukiilila khwe lisuno nga khuno, atweela ni nafwe. Khufukiilila khukhuleekhaana ni khukhweefwe, mu bukwalaafu bwa Wele weefwe naluundi niye uli umuwonesi weefwe, Yesu Kristo.
2Bubweela ni lukoosi mu bukali bibe mus'iinywe, nga bibirira mu khumanya Wele, ni mu Yesu Umukasya weefwe.
Wele alaanga naluundi Waarobola
3Khulwe kamaani ka Wele, ifwe khwaweebwa bibiindu byoosi bibiwaambakana ni buulamu bukhosefu, nga khuubirira mu khumanya uyo uwakhulaanga ifwe ari khukabanane khu shiriifwa sheewe ni buulayi bweewe. 4Ni musaambo nyene iyo, waakhuwa ifwe biwaanwa bye angaaki naluundi bye lisuno, byeesi aakhulomela ifwe. Aakhola aryo ari nio khulwe biwaanwa ibyo, akhumuse ifwe khukhwaama mu bumoyaani bubuuli mu shiibala shino. Naluundi nio mwikyele babakabananila atweela ifwaani iya Wele. 5Ni khulwe ilomo inyene yino, mwaakha mukhakekho naabi khuulooselakho buulayi mu khufukiilila khweenywe. Ni khu bulayi bweenywe ni mulooselekho khuumanya, 6ni khuumanya khweenywe ni mulooselekho khuuwula kimibili kyeenywe. She khuuwula kimibili kyeenywe, ni mulooselekho khukhwikhaliilikha, ni khukhwikhaliilikha mulooselekho khuurya Wele. 7Ni khu khurya Wele mulooselekho khukhwinaanayo isi basheenywe, ni khukhwinaanayo isi basheenywe mulooselekho khuukanana. 8Khulwekhuuba ni muba nga muli ni bibiindu bino byoosi mu bukali, bibayeeta khuuba ni kamaani naluundi muba babaandu babaama bibyaamo mu khumanya Umukasya weefwe, Yesu Kristo. 9Uyo yeesi ukhali ni bibiindu byeesi inganikhilekho angaaki bino ta, aba umubofu naluundi abuukabuuka busa. Naluundi aba webiliile ari waasiingibwakho bibyoonako byeewe bikhale.
10Nashiryo be buulebe, ni mukhakekho naabi khuuwandalalila mu khurobolebwa ni khuulaangibwa khweenywe. Khulwekhuuba ni muba mwaakholile muryo, simulikhaasikha mu khufukiilila khweenywe ta. 11Ni musaambo iyo, muliweebwa buunyali bwe khukhwinjila mu buyiinga bubukhawawo ta, bw'Omukasya weefwe, naluundi niye Umuwonesi weefwe, Yesu Kristo.
12Ni khulwe lomo yino, kane busheele imbashebusatsake bilomo bino, abe akhaba nga mwaabimanya khaale, naluundi nga byaamanyikhanila ilala mu bya ŋali byeesi muli ni nabyo. 13Ise nambaasa ndi shili shilayi, nga ise nishiili umulamu mu mubili, busheele khubashebusa. 14Khulwekhuuba namanyile nga Umukasya weefwe Yesu Kristo n'amboolela ise lubuula, ndi mu mbuka ikhali iye aleeyi ta, kane nirusekho kumubili kuno kukubola. 15Ne kane ikhole shoosi sheesi inyala khubona ndi imbareerawo kumukhoosi, nio abe ise nakhaba nga nafwiile, imbone ndi mushebulila bilomo bino byoosi.
Bujulisi bubuwaamba khu shiriifwa sha Kristo
16Mu khubaboolela inywe bye kamaani ni khuukobola khw'Omukasya weefwe Yesu Kristo, ifwe sikhwababoolela nga khulondelela bye tsingano tsitsarewawo busa ni kamakyesi ke babaandu ta. Ne ifwe khwaba bajulisi khu bye shiriifwa sheewe. 17#Mat 17.1-5; Mako 9.2-7; Luka 9.28-35Khulwekhuuba ifwe khwabawo nga Yesu n'afuna lukoosi ni shiriifwa khukhwaama isi Wele Paapa. Nga likono ni lyeetsa esi aba nga lyama mu shiriifwa she angaaki nga liloma liri, “Uyuno niye umwaana wase umukanwa; niye esi nikhoyela.” 18Ifwe fwabeene khwawulila likono ilyo nga lyama mwikulu, khulwekhuuba ifwe khwaba ni naye khu lukiingi lukhosefu.
19Bino byoosi byaba nga bihandalasa buurume bweesi baŋoosi baakuukuula. Ni nanywe ni kane murekeerese bibiindu bino, kane mube mwakholile bulayi. Khulwekhuuba bili nga itaala ni yaburukhila mu shiilima, khukhwoolisa antsye ni bubuluukha. Naluundi bili nga buwaanga bwe inieniesi nabwo bubwaburushila mu myoyo kyeenywe. 20Ne khuunyoowa muli ni khuumanya muri, imbaawo umuundu unyala khuusontsoola khu bweewe, musaambo iyeewe busa, bye buŋoosi bibiili mu byaronebwa bikhosefu ta. 21Khulwekhuuba imbaawo buurume bwe buŋoosi bubweetsa khulwe khuukana khw'omuundu ta. Ne khuurusakho ndi Umwoyo Umukhosefu niye uwaraangilila babaandu nio waakila baakanikha bibyaama isi Wele.
Currently Selected:
2 Petero 1: LPE
Highlight
Copy
Compare
Share
Want to have your highlights saved across all your devices? Sign up or sign in
The Bible in Lumasaaba © Bible Society of Uganda, 2016.
2 Petero 1
1
1Ibaluwa yino yaama isi ise Simoni Petero, umwakaanisi naluundi umurume uwa Yesu Kristo.
Ingironela abo boosi babanyoola khufukiilila khwe lisuno nga khuno, atweela ni nafwe. Khufukiilila khukhuleekhaana ni khukhweefwe, mu bukwalaafu bwa Wele weefwe naluundi niye uli umuwonesi weefwe, Yesu Kristo.
2Bubweela ni lukoosi mu bukali bibe mus'iinywe, nga bibirira mu khumanya Wele, ni mu Yesu Umukasya weefwe.
Wele alaanga naluundi Waarobola
3Khulwe kamaani ka Wele, ifwe khwaweebwa bibiindu byoosi bibiwaambakana ni buulamu bukhosefu, nga khuubirira mu khumanya uyo uwakhulaanga ifwe ari khukabanane khu shiriifwa sheewe ni buulayi bweewe. 4Ni musaambo nyene iyo, waakhuwa ifwe biwaanwa bye angaaki naluundi bye lisuno, byeesi aakhulomela ifwe. Aakhola aryo ari nio khulwe biwaanwa ibyo, akhumuse ifwe khukhwaama mu bumoyaani bubuuli mu shiibala shino. Naluundi nio mwikyele babakabananila atweela ifwaani iya Wele. 5Ni khulwe ilomo inyene yino, mwaakha mukhakekho naabi khuulooselakho buulayi mu khufukiilila khweenywe. Ni khu bulayi bweenywe ni mulooselekho khuumanya, 6ni khuumanya khweenywe ni mulooselekho khuuwula kimibili kyeenywe. She khuuwula kimibili kyeenywe, ni mulooselekho khukhwikhaliilikha, ni khukhwikhaliilikha mulooselekho khuurya Wele. 7Ni khu khurya Wele mulooselekho khukhwinaanayo isi basheenywe, ni khukhwinaanayo isi basheenywe mulooselekho khuukanana. 8Khulwekhuuba ni muba nga muli ni bibiindu bino byoosi mu bukali, bibayeeta khuuba ni kamaani naluundi muba babaandu babaama bibyaamo mu khumanya Umukasya weefwe, Yesu Kristo. 9Uyo yeesi ukhali ni bibiindu byeesi inganikhilekho angaaki bino ta, aba umubofu naluundi abuukabuuka busa. Naluundi aba webiliile ari waasiingibwakho bibyoonako byeewe bikhale.
10Nashiryo be buulebe, ni mukhakekho naabi khuuwandalalila mu khurobolebwa ni khuulaangibwa khweenywe. Khulwekhuuba ni muba mwaakholile muryo, simulikhaasikha mu khufukiilila khweenywe ta. 11Ni musaambo iyo, muliweebwa buunyali bwe khukhwinjila mu buyiinga bubukhawawo ta, bw'Omukasya weefwe, naluundi niye Umuwonesi weefwe, Yesu Kristo.
12Ni khulwe lomo yino, kane busheele imbashebusatsake bilomo bino, abe akhaba nga mwaabimanya khaale, naluundi nga byaamanyikhanila ilala mu bya ŋali byeesi muli ni nabyo. 13Ise nambaasa ndi shili shilayi, nga ise nishiili umulamu mu mubili, busheele khubashebusa. 14Khulwekhuuba namanyile nga Umukasya weefwe Yesu Kristo n'amboolela ise lubuula, ndi mu mbuka ikhali iye aleeyi ta, kane nirusekho kumubili kuno kukubola. 15Ne kane ikhole shoosi sheesi inyala khubona ndi imbareerawo kumukhoosi, nio abe ise nakhaba nga nafwiile, imbone ndi mushebulila bilomo bino byoosi.
Bujulisi bubuwaamba khu shiriifwa sha Kristo
16Mu khubaboolela inywe bye kamaani ni khuukobola khw'Omukasya weefwe Yesu Kristo, ifwe sikhwababoolela nga khulondelela bye tsingano tsitsarewawo busa ni kamakyesi ke babaandu ta. Ne ifwe khwaba bajulisi khu bye shiriifwa sheewe. 17#Mat 17.1-5; Mako 9.2-7; Luka 9.28-35Khulwekhuuba ifwe khwabawo nga Yesu n'afuna lukoosi ni shiriifwa khukhwaama isi Wele Paapa. Nga likono ni lyeetsa esi aba nga lyama mu shiriifwa she angaaki nga liloma liri, “Uyuno niye umwaana wase umukanwa; niye esi nikhoyela.” 18Ifwe fwabeene khwawulila likono ilyo nga lyama mwikulu, khulwekhuuba ifwe khwaba ni naye khu lukiingi lukhosefu.
19Bino byoosi byaba nga bihandalasa buurume bweesi baŋoosi baakuukuula. Ni nanywe ni kane murekeerese bibiindu bino, kane mube mwakholile bulayi. Khulwekhuuba bili nga itaala ni yaburukhila mu shiilima, khukhwoolisa antsye ni bubuluukha. Naluundi bili nga buwaanga bwe inieniesi nabwo bubwaburushila mu myoyo kyeenywe. 20Ne khuunyoowa muli ni khuumanya muri, imbaawo umuundu unyala khuusontsoola khu bweewe, musaambo iyeewe busa, bye buŋoosi bibiili mu byaronebwa bikhosefu ta. 21Khulwekhuuba imbaawo buurume bwe buŋoosi bubweetsa khulwe khuukana khw'omuundu ta. Ne khuurusakho ndi Umwoyo Umukhosefu niye uwaraangilila babaandu nio waakila baakanikha bibyaama isi Wele.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible in Lumasaaba © Bible Society of Uganda, 2016.