Zefania 1
1
1Naawen wanni yaa jan jam Kusi nidoabinni Zefania jigi. Gedalia nidoabili ale nye Kusi ate Amariya nidoabili a nye Gedalia ate Azekaya nidoabili a nye Amariya. Di jam ka diipo ate Amon nidoabinni Josia a jam chim Juda naab la. 2<<Mi ale yiak jaab meena ale bo tɛŋka zuk la a ta cheŋ.>> Ka Naawen ale weeni.
3<<Mi ale yiak nidoaba ale duŋsa meena a ta cheŋ, mi ale yiak nuinsaŋa ale bo wenzukku la ale jumaŋa ale bo nyakpiemu po la a ta cheŋ. Gaasa nyama ale nya ka kaasuŋ ase mi a nin yeeri nurubiik a ta nyini tɛŋka zuk.>> Ka Naawen ale weeni.
4<<Mi ale teeri m nisaŋa a ta chaab ale Juda abe m ta chaab ale baai meena ale bo Jerusalem po la. Mi ale gebi dela jigini Baal nuru baai ale tali la basi, bɔgluk kaarisaŋa yueŋa ale bɔgta kaabteerɔma, 5baai ale a koori tɛŋ diina zuima a puusi wenzuk chiŋmari boanni la, baai ale a koori tɛŋ a pɛ Naawen yuenni nyiŋ ale a pɛ Milkom wenni yuei nyiŋla, 6baai ale basi Naawen vaka ale kan gisi Naawen yaase ba kpesi a nyini wa jigi la. 7Ni nye diki Nyɔnɔwa Naawen niŋ ale wa jam ka a moata kama. Naawen a gomsi wa kaabka kama, wa nye baai ate wa wi la kama ate ba welema a te wadek. 8Naawen kaabka daaŋa po, mi ale namsi nabisa ale naawa nidoabilisaŋa ale baai meena ale jo garuk chaŋsa la. 9Dai dila danni mi ale namsi baai meena ale jo a sueri ba wenaŋa yenni po ale nyeka tuem ale pimpaasima la.
10Naawen weeni ayen, <<Dai dila danni kaarik ale nyini Juma Nansuiŋku, a wooli a nyini Jigi Paalika, ate ŋɔriŋ kpieŋ ale nyini guutaŋa zuima. 11Nama baai ale bo yabaŋa geŋsa la ni a kaari, nama geruŋdɔma meena a kala ni kpi kama ate baai meena ale a gerim ale kpana la ale nueri. 12Va ŋala po mi ale gisi Jerusalem ale zeuŋta abe m namsi baai ale ta sebchakka la, baai ale a poli ayen Naawen a kan nye wari ase nalim yaase kaasuŋ la. 13Ba le koalim ba paaruŋku a ta cheŋ, ba yieŋa ale ŋɔriŋ. Ba le sɛ yie alege ba kan bo ŋa po, ba le vuk tiisa ba kaduksaŋa po alege ba kan nyu si daamu.
14Naawen dai kpienni a moata kama, a moata ale cheena nna nwuli. Ni wom Naawen danni kaarika a za ka toa kama nna katikati, tugurik tɔŋdɔma neakka. 15Dai dila danni ale chim ka suipuurum dai, nyinyigsa ale daanika dai, dai kaasuŋ ale koka, legi ale paasuk dai, chiŋma ale sobluk dai, 16damunsa ale kpaliŋ kaarik a siti tɛŋka ate ba sɛ parik pagrik a gilim ka la a ta chaab ale gboŋ woŋku ale za gugoruku po la. 17Mi ale ta daanika a jam nuruma po ate ba a cheŋ ase yeeba la, dii nyiŋla ba nye ka biem a kaasi Naawen. Ba ziimu ale waaŋ ase nyuŋ la ate ba puusaŋa po a poak. 18Ba kpanaŋa yaase ba ligmɔniŋka a kan baga vari ba a basi Naawen suipuurumu danni. Wa nyuri dɛka bolimu po, tɛŋzuk meena bolim ale dɛ, diila wa le basi ate baai meena ale bo tɛŋzuk de la a kpeglim nna kadi.>>
Currently Selected:
Zefania 1: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Zefania 1
1
1Naawen wanni yaa jan jam Kusi nidoabinni Zefania jigi. Gedalia nidoabili ale nye Kusi ate Amariya nidoabili a nye Gedalia ate Azekaya nidoabili a nye Amariya. Di jam ka diipo ate Amon nidoabinni Josia a jam chim Juda naab la. 2<<Mi ale yiak jaab meena ale bo tɛŋka zuk la a ta cheŋ.>> Ka Naawen ale weeni.
3<<Mi ale yiak nidoaba ale duŋsa meena a ta cheŋ, mi ale yiak nuinsaŋa ale bo wenzukku la ale jumaŋa ale bo nyakpiemu po la a ta cheŋ. Gaasa nyama ale nya ka kaasuŋ ase mi a nin yeeri nurubiik a ta nyini tɛŋka zuk.>> Ka Naawen ale weeni.
4<<Mi ale teeri m nisaŋa a ta chaab ale Juda abe m ta chaab ale baai meena ale bo Jerusalem po la. Mi ale gebi dela jigini Baal nuru baai ale tali la basi, bɔgluk kaarisaŋa yueŋa ale bɔgta kaabteerɔma, 5baai ale a koori tɛŋ diina zuima a puusi wenzuk chiŋmari boanni la, baai ale a koori tɛŋ a pɛ Naawen yuenni nyiŋ ale a pɛ Milkom wenni yuei nyiŋla, 6baai ale basi Naawen vaka ale kan gisi Naawen yaase ba kpesi a nyini wa jigi la. 7Ni nye diki Nyɔnɔwa Naawen niŋ ale wa jam ka a moata kama. Naawen a gomsi wa kaabka kama, wa nye baai ate wa wi la kama ate ba welema a te wadek. 8Naawen kaabka daaŋa po, mi ale namsi nabisa ale naawa nidoabilisaŋa ale baai meena ale jo garuk chaŋsa la. 9Dai dila danni mi ale namsi baai meena ale jo a sueri ba wenaŋa yenni po ale nyeka tuem ale pimpaasima la.
10Naawen weeni ayen, <<Dai dila danni kaarik ale nyini Juma Nansuiŋku, a wooli a nyini Jigi Paalika, ate ŋɔriŋ kpieŋ ale nyini guutaŋa zuima. 11Nama baai ale bo yabaŋa geŋsa la ni a kaari, nama geruŋdɔma meena a kala ni kpi kama ate baai meena ale a gerim ale kpana la ale nueri. 12Va ŋala po mi ale gisi Jerusalem ale zeuŋta abe m namsi baai ale ta sebchakka la, baai ale a poli ayen Naawen a kan nye wari ase nalim yaase kaasuŋ la. 13Ba le koalim ba paaruŋku a ta cheŋ, ba yieŋa ale ŋɔriŋ. Ba le sɛ yie alege ba kan bo ŋa po, ba le vuk tiisa ba kaduksaŋa po alege ba kan nyu si daamu.
14Naawen dai kpienni a moata kama, a moata ale cheena nna nwuli. Ni wom Naawen danni kaarika a za ka toa kama nna katikati, tugurik tɔŋdɔma neakka. 15Dai dila danni ale chim ka suipuurum dai, nyinyigsa ale daanika dai, dai kaasuŋ ale koka, legi ale paasuk dai, chiŋma ale sobluk dai, 16damunsa ale kpaliŋ kaarik a siti tɛŋka ate ba sɛ parik pagrik a gilim ka la a ta chaab ale gboŋ woŋku ale za gugoruku po la. 17Mi ale ta daanika a jam nuruma po ate ba a cheŋ ase yeeba la, dii nyiŋla ba nye ka biem a kaasi Naawen. Ba ziimu ale waaŋ ase nyuŋ la ate ba puusaŋa po a poak. 18Ba kpanaŋa yaase ba ligmɔniŋka a kan baga vari ba a basi Naawen suipuurumu danni. Wa nyuri dɛka bolimu po, tɛŋzuk meena bolim ale dɛ, diila wa le basi ate baai meena ale bo tɛŋzuk de la a kpeglim nna kadi.>>
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation