Yabakkuk 3
3
1Puusa ŋaai ate Naawen biisiteerɔwa Yabakkuk a puusi la ale nna, 2Naawen, mi wom fi wie kama. Fi le nye diila a cha mu kama. Naawen nye wa kpiema ŋmana tama daaŋa po, basi ate wa ŋala ŋman nye tama daaŋa po. Fi sui dan poom a puuri, be teeri a ta jiirim.
3Naawen a nyini Teman a cheena, Weleŋsa Nyɔnɔwa a nyini Paran Guuku zuk cheena. Wa zulaŋa ale nalimu a lik wenŋmazukku ate wa pimpaukku a sueri tɛŋka. 4Wa a nye ase ka bolim la nna cha. Bolim ale a nyaksi wa nisa po nna ziriziri, ate wa yaa suk wa pagrimu dula. 5Nyiŋtuila ale dɛ wa niŋ a cheŋ ate tueta a bo wa ŋaaŋ a vi. 6Wa za kama a choa tɛŋka. A nya ate tɛŋsaŋa a choa ale a chali yɔgsum Guuk tii ale dua nyini diipo la a waaŋ buk buk, Guuk kpagsaŋa a lo tɛŋ. Ka Naawen le kasim a nye nna. 7Mi yaa nya Kusan nuruma ale Midian nuruma nyiŋsa kasim a gɔk.
8Naawen yaa, ka fi sui ale a puuri ale beli kpiemaŋa yaa fi sui ale a puuri ale beli fiisaŋa? Ka fi sui ale jam a puuri ale nyakpiemu ate fi do wusumaŋa ale ŋa torokoma a nya nakdeka la? 9Fi basi ate ba nya fi tomu alege ayen ba ta peema yega jam te fu. Fi poori tɛŋka kama ale bela. 10Guutaŋa nya fu kama a choa ale yɔgsum. Nyaataŋa a chali a cheŋ. Nyakpiemu a wuuri a nuem ate nya miisaŋa a yiti a jueli wen.
11Wenbinni ale chiika deri wari za wenzukku; ba le nya fi tɔŋ peemaŋa ate ŋa nyaksi a cheŋ la, ale fi gbaluku ale nyaksi a cheŋ la, ba deri wari za. 12Suipuurum nyiŋ ate fi tabi tɛŋka zuk a taam, suipuurum nyiŋ ate fi namsi tɛŋsaŋa. 13Fi nyini kama ayen fi vari fi nuruma basi, fi vari baai ate fi lueri la. Fi ŋɔriŋ wabaata nyama niŋdeerɔwa kama alege tuesi wa le ta ŋan baai la, A zaani wa zuk ta siŋ paari wa naŋsa. 14Fi pai dachiaka dek gbaluku a chub wa tugurik tɔŋdɔma niŋdeerɔwa. Wa tugurik tɔŋdɔma vuri kama nyini ase vamuniŋ la ayen ba choa ti waaŋ. Ba sui jam peenti kama ba le suk a zu ŋanjaksaŋa la. 15Alege fi tabi va nyakpiemu po ale fi wusumaŋa a damu nya kpientaŋa.
16Mi yaa wom wieŋa de ate m nyiŋka a gɔk, m le wom la m nɔnni a gɔk. M kobaŋa po a kpi nna limalima, ate m naŋsaŋa a gɔk. Alege m chiibi kama a limisi da dii danni ate kaasuŋ a cheena nuru baai ale a namsi ti la zuk la.
17Kinkaŋsa baga kama a kan yɔni kinkama, ate yɔna buuri a kan bo tiisa naŋsa nyiŋŋa, ate ŋandiinta kan bo kaduksaŋa po. Ate piisa a kan bo zoŋtaŋa po, ate niiga mɛ a kan bo nankpieŋsaŋa po. 18Alege dila meena m sui le diem peenti ale Naawen. M sui ale peenti ale Wen m Varibasidɔwa. 19Nyɔnɔwa Naawen ka m pagrim. Wa basi ate mi a nye ase ka walik ale ka a nak naŋ a lo diila, ate m baga a cheŋ guuta zuima. Ku cheŋ waai ale a nya yiilaŋa zuk la jigi. Puusaŋa de a cheŋ ale ka kpanta buuri.
Currently Selected:
Yabakkuk 3: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Yabakkuk 3
3
1Puusa ŋaai ate Naawen biisiteerɔwa Yabakkuk a puusi la ale nna, 2Naawen, mi wom fi wie kama. Fi le nye diila a cha mu kama. Naawen nye wa kpiema ŋmana tama daaŋa po, basi ate wa ŋala ŋman nye tama daaŋa po. Fi sui dan poom a puuri, be teeri a ta jiirim.
3Naawen a nyini Teman a cheena, Weleŋsa Nyɔnɔwa a nyini Paran Guuku zuk cheena. Wa zulaŋa ale nalimu a lik wenŋmazukku ate wa pimpaukku a sueri tɛŋka. 4Wa a nye ase ka bolim la nna cha. Bolim ale a nyaksi wa nisa po nna ziriziri, ate wa yaa suk wa pagrimu dula. 5Nyiŋtuila ale dɛ wa niŋ a cheŋ ate tueta a bo wa ŋaaŋ a vi. 6Wa za kama a choa tɛŋka. A nya ate tɛŋsaŋa a choa ale a chali yɔgsum Guuk tii ale dua nyini diipo la a waaŋ buk buk, Guuk kpagsaŋa a lo tɛŋ. Ka Naawen le kasim a nye nna. 7Mi yaa nya Kusan nuruma ale Midian nuruma nyiŋsa kasim a gɔk.
8Naawen yaa, ka fi sui ale a puuri ale beli kpiemaŋa yaa fi sui ale a puuri ale beli fiisaŋa? Ka fi sui ale jam a puuri ale nyakpiemu ate fi do wusumaŋa ale ŋa torokoma a nya nakdeka la? 9Fi basi ate ba nya fi tomu alege ayen ba ta peema yega jam te fu. Fi poori tɛŋka kama ale bela. 10Guutaŋa nya fu kama a choa ale yɔgsum. Nyaataŋa a chali a cheŋ. Nyakpiemu a wuuri a nuem ate nya miisaŋa a yiti a jueli wen.
11Wenbinni ale chiika deri wari za wenzukku; ba le nya fi tɔŋ peemaŋa ate ŋa nyaksi a cheŋ la, ale fi gbaluku ale nyaksi a cheŋ la, ba deri wari za. 12Suipuurum nyiŋ ate fi tabi tɛŋka zuk a taam, suipuurum nyiŋ ate fi namsi tɛŋsaŋa. 13Fi nyini kama ayen fi vari fi nuruma basi, fi vari baai ate fi lueri la. Fi ŋɔriŋ wabaata nyama niŋdeerɔwa kama alege tuesi wa le ta ŋan baai la, A zaani wa zuk ta siŋ paari wa naŋsa. 14Fi pai dachiaka dek gbaluku a chub wa tugurik tɔŋdɔma niŋdeerɔwa. Wa tugurik tɔŋdɔma vuri kama nyini ase vamuniŋ la ayen ba choa ti waaŋ. Ba sui jam peenti kama ba le suk a zu ŋanjaksaŋa la. 15Alege fi tabi va nyakpiemu po ale fi wusumaŋa a damu nya kpientaŋa.
16Mi yaa wom wieŋa de ate m nyiŋka a gɔk, m le wom la m nɔnni a gɔk. M kobaŋa po a kpi nna limalima, ate m naŋsaŋa a gɔk. Alege m chiibi kama a limisi da dii danni ate kaasuŋ a cheena nuru baai ale a namsi ti la zuk la.
17Kinkaŋsa baga kama a kan yɔni kinkama, ate yɔna buuri a kan bo tiisa naŋsa nyiŋŋa, ate ŋandiinta kan bo kaduksaŋa po. Ate piisa a kan bo zoŋtaŋa po, ate niiga mɛ a kan bo nankpieŋsaŋa po. 18Alege dila meena m sui le diem peenti ale Naawen. M sui ale peenti ale Wen m Varibasidɔwa. 19Nyɔnɔwa Naawen ka m pagrim. Wa basi ate mi a nye ase ka walik ale ka a nak naŋ a lo diila, ate m baga a cheŋ guuta zuima. Ku cheŋ waai ale a nya yiilaŋa zuk la jigi. Puusaŋa de a cheŋ ale ka kpanta buuri.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation