Zakaria 1
1
1Chiisa naanika po, Naab Darius#1:1 Ezra 4:5; Aggai 1:1 naamu bena ŋayewa po, ate Naawen wanni a jan jam Wen biisiteerɔwa Zakaria waai ale ka Berekiya nidoabili la ate wa kokpieŋ a nye Iddo la jigi.
2<<Naawen sui a jam puuri ale fi kokpieŋsaŋa kama. 3Dila nyiŋla weeni nuruma ayen: Naawen Dii Ale A Dɛ Tugurik Tɔŋdɔma Niŋ La ale a weeni diila ale nna: <Ni pilim a jam mi jigi,> Naawen Dii Ale A Dɛ Tugurik Tɔŋdɔma Niŋ La ale weeni dila, <Ate mi mɛ ale ŋman jam ni jigi.> Naawen Dii Ale A Dɛ Tugurik Tɔŋdɔma Niŋ La ale weeni dila. 4Ni kan nye ase ni kokpieŋsaŋa ate Naawen biisiteerɔma a weeni ba ayen: Naawen Dii Ale A Dɛ Tugurik Tɔŋdɔma Niŋ La ale weeni nna: <Ni tagri nyini ni suibaataŋa ale tuimbaataŋa po.> Alege ba an jam a wom mi ale jam a weeni ba diila. Mi Naawen ale weeni dila. 5Ni kokpieŋsaŋa yɔgyɔgla de a bo ka bɛ? Ale Wen biisiteerɔma, ba jam boro taam wuu? 6Alege mi wieŋa ale m ŋmarisika ate m jam pai te m tomteerɔma biisiteerɔma la ni kokpieŋsaŋa an jam a siak te ŋa? Ba yaa jam tagri kama a yaa weeni ayen, <Naawen Dii Ale A Dɛ Tugurik Tɔŋdɔma Niŋ La a nye ti magsi ka chaab ale ti suitaŋa ale ti tuimaŋa ale ka diila, ase wa ale a poli diila ate wa a nye.> >>
7Daa pisiye ale ŋanaansiwa danni, chiisa pi ale kanyiwa po, Sebat chiika po ale la Darius naamu bena ŋayewa po ate Naawen wanni a jam Wen biisiteerɔwa Zakaria jigi waai ale ka Berekiya nidoabili la ate wa kokpieŋka mɛ a nye Iddo la.
8Yɔkku po ate mi a jam nya pa sakka ale nuru a do wusum mɔnuŋ a bo mi niŋ. Wa jam za ka, ti puuta suŋsuŋ vooliŋ po. Wusum mɔnta ale wusum busumbooŋta ale wusum peeta ale jam za wa ŋaaŋ. 9Mi yaa bek ayen, <<Ka boa ale la, m nyɔnɔ?>> Wen maarɔ waai ale jam biisi ale mi la yaa tulisi ayen, <<M le sak fu ŋa kiri.>>
10Ate nuru waai ale jam za ti puutaŋa po la yaa tɔk ŋa kiri ayen, <<Ba ka baai ate Naawen a tom ba ayen ba cheŋ tɛŋka meena.>> 11Ba yaa ŋman ga weeni Naawen maarɔ waai ale za ti puutaŋa po la ayen, <<Ti cheŋ tɛŋka meena kama a gilim, ti be nya kama ayen tɛŋka demma meena a ta vuusum kama ate suiyɔgni mɛ a bo ba jigi.>>
12Naawen maarɔwa yaa weeni ayen, <<Naawen Dii Ale A Dɛ Tugurik Tɔŋdɔma Niŋ La, ka dimpo ate fi ale peri jiirim a nyini Jerusalem ale Juda tɛŋsaŋa, daa bena pisiyopɔi ate fi suinni a kasim a puuri ale ba?>> 13Dila nyiŋ Naawen a yaa weeni nalim ale suiyɔgni wie a te Wen maarɔ waai ale biisi ale mi la.
14Ate Wen maarɔ waai ale jam biisi ale mi la yaa weeni mi ayen, <<Weeni wieŋa de: Naawen Dii Ale A Dɛ Tugurik Tɔŋdɔma Niŋ La ale weeni nna: <M ta nyuri ale Jerusalem ale Zayon 15alege mi sui ale jam a puuri ale ba tɛŋ kpieŋ sii ale nya badek nna se ba nya likka la alege ba nye kama ate ba ninammu a zuak.>
16<<Dila nyiŋla, Naawen ale a weeni diila ale nna: Mi ale ŋman jam sak jiirim ale Jerusalem demma ate m yenni ale pilim ŋman sɛ. Jamagsimmu ale vi Jerusalem zuk, Naawen Dii Ale A Dɛ Tugurik Tɔŋdɔma Niŋ La ale weeni dila.
17<<Ŋman pilim weeni nna: Naawen Dii Ale A Dɛ Tugurik Tɔŋdɔma Niŋ La ale weeni diila ale nna: <M tɛŋsaŋa ale ŋman pilim jigsi ate Naawen ale ŋman yɔk Zayon suinum abe wa lueri Jerusalem.> >>
18Ate mi zak nya wenŋmazuk ale ka duŋsa ale nyiila ŋanaansi ale za mi niŋ 19mi yaa bek maarɔwa ayen ka wana ale a biisi ale mi la. <<Ŋade kiri ale boa?>> Wa yaa tulisi mi ayen, <<Ka m nyiilaŋa de ale jam kati Juda ale Izirali ale Jerusalem a waaŋ la.>>
20Ate Naawen yaa sak mi nidoa yɔgdɔba banaansi. 21Mi yaa bek ayen, <<Ŋade kiri ale boa, bade cheena ayen ba nye ka boa?>> Ate wa tulisi ayen, <<Ka m nyiilaŋa de ale jam kati Juda waaŋ ate waai an jam baga a zak wa zuk la, alege yɔgdɔma a jam kama ayen ba siti ba abe wa yuk tɛŋ kpieŋsaŋa nyiilaŋa ale yiti ta chaab ale Juda ayen ba waaŋ ka nuruma la.>>
Currently Selected:
Zakaria 1: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Zakaria 1
1
1Chiisa naanika po, Naab Darius#1:1 Ezra 4:5; Aggai 1:1 naamu bena ŋayewa po, ate Naawen wanni a jan jam Wen biisiteerɔwa Zakaria waai ale ka Berekiya nidoabili la ate wa kokpieŋ a nye Iddo la jigi.
2<<Naawen sui a jam puuri ale fi kokpieŋsaŋa kama. 3Dila nyiŋla weeni nuruma ayen: Naawen Dii Ale A Dɛ Tugurik Tɔŋdɔma Niŋ La ale a weeni diila ale nna: <Ni pilim a jam mi jigi,> Naawen Dii Ale A Dɛ Tugurik Tɔŋdɔma Niŋ La ale weeni dila, <Ate mi mɛ ale ŋman jam ni jigi.> Naawen Dii Ale A Dɛ Tugurik Tɔŋdɔma Niŋ La ale weeni dila. 4Ni kan nye ase ni kokpieŋsaŋa ate Naawen biisiteerɔma a weeni ba ayen: Naawen Dii Ale A Dɛ Tugurik Tɔŋdɔma Niŋ La ale weeni nna: <Ni tagri nyini ni suibaataŋa ale tuimbaataŋa po.> Alege ba an jam a wom mi ale jam a weeni ba diila. Mi Naawen ale weeni dila. 5Ni kokpieŋsaŋa yɔgyɔgla de a bo ka bɛ? Ale Wen biisiteerɔma, ba jam boro taam wuu? 6Alege mi wieŋa ale m ŋmarisika ate m jam pai te m tomteerɔma biisiteerɔma la ni kokpieŋsaŋa an jam a siak te ŋa? Ba yaa jam tagri kama a yaa weeni ayen, <Naawen Dii Ale A Dɛ Tugurik Tɔŋdɔma Niŋ La a nye ti magsi ka chaab ale ti suitaŋa ale ti tuimaŋa ale ka diila, ase wa ale a poli diila ate wa a nye.> >>
7Daa pisiye ale ŋanaansiwa danni, chiisa pi ale kanyiwa po, Sebat chiika po ale la Darius naamu bena ŋayewa po ate Naawen wanni a jam Wen biisiteerɔwa Zakaria jigi waai ale ka Berekiya nidoabili la ate wa kokpieŋka mɛ a nye Iddo la.
8Yɔkku po ate mi a jam nya pa sakka ale nuru a do wusum mɔnuŋ a bo mi niŋ. Wa jam za ka, ti puuta suŋsuŋ vooliŋ po. Wusum mɔnta ale wusum busumbooŋta ale wusum peeta ale jam za wa ŋaaŋ. 9Mi yaa bek ayen, <<Ka boa ale la, m nyɔnɔ?>> Wen maarɔ waai ale jam biisi ale mi la yaa tulisi ayen, <<M le sak fu ŋa kiri.>>
10Ate nuru waai ale jam za ti puutaŋa po la yaa tɔk ŋa kiri ayen, <<Ba ka baai ate Naawen a tom ba ayen ba cheŋ tɛŋka meena.>> 11Ba yaa ŋman ga weeni Naawen maarɔ waai ale za ti puutaŋa po la ayen, <<Ti cheŋ tɛŋka meena kama a gilim, ti be nya kama ayen tɛŋka demma meena a ta vuusum kama ate suiyɔgni mɛ a bo ba jigi.>>
12Naawen maarɔwa yaa weeni ayen, <<Naawen Dii Ale A Dɛ Tugurik Tɔŋdɔma Niŋ La, ka dimpo ate fi ale peri jiirim a nyini Jerusalem ale Juda tɛŋsaŋa, daa bena pisiyopɔi ate fi suinni a kasim a puuri ale ba?>> 13Dila nyiŋ Naawen a yaa weeni nalim ale suiyɔgni wie a te Wen maarɔ waai ale biisi ale mi la.
14Ate Wen maarɔ waai ale jam biisi ale mi la yaa weeni mi ayen, <<Weeni wieŋa de: Naawen Dii Ale A Dɛ Tugurik Tɔŋdɔma Niŋ La ale weeni nna: <M ta nyuri ale Jerusalem ale Zayon 15alege mi sui ale jam a puuri ale ba tɛŋ kpieŋ sii ale nya badek nna se ba nya likka la alege ba nye kama ate ba ninammu a zuak.>
16<<Dila nyiŋla, Naawen ale a weeni diila ale nna: Mi ale ŋman jam sak jiirim ale Jerusalem demma ate m yenni ale pilim ŋman sɛ. Jamagsimmu ale vi Jerusalem zuk, Naawen Dii Ale A Dɛ Tugurik Tɔŋdɔma Niŋ La ale weeni dila.
17<<Ŋman pilim weeni nna: Naawen Dii Ale A Dɛ Tugurik Tɔŋdɔma Niŋ La ale weeni diila ale nna: <M tɛŋsaŋa ale ŋman pilim jigsi ate Naawen ale ŋman yɔk Zayon suinum abe wa lueri Jerusalem.> >>
18Ate mi zak nya wenŋmazuk ale ka duŋsa ale nyiila ŋanaansi ale za mi niŋ 19mi yaa bek maarɔwa ayen ka wana ale a biisi ale mi la. <<Ŋade kiri ale boa?>> Wa yaa tulisi mi ayen, <<Ka m nyiilaŋa de ale jam kati Juda ale Izirali ale Jerusalem a waaŋ la.>>
20Ate Naawen yaa sak mi nidoa yɔgdɔba banaansi. 21Mi yaa bek ayen, <<Ŋade kiri ale boa, bade cheena ayen ba nye ka boa?>> Ate wa tulisi ayen, <<Ka m nyiilaŋa de ale jam kati Juda waaŋ ate waai an jam baga a zak wa zuk la, alege yɔgdɔma a jam kama ayen ba siti ba abe wa yuk tɛŋ kpieŋsaŋa nyiilaŋa ale yiti ta chaab ale Juda ayen ba waaŋ ka nuruma la.>>
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation