Aggai 2
2
1Chiisa siyopɔiwa po, daa pisiye ale dinyiwa danni, Naawen wanni yaa jam biisiteerɔwa Aggai jigi ayen, 2<<Biisi a te Sealtiel nidoabinni Zerubabel Juda tɛŋka nyɔnɔwa ale Jeyozadak nidoabinni kaabteerɔ kpioŋku Josua ale nuru baai ale tali vua la. Bek ba ayen, 3<Ka ni wana ale tali waai ale jam nya yenni de ale jam ta yuei diila? Nama a nya di ka sɛ yɔgyɔgla de? 4Alege yɔgyɔgla de bi pagra Zerubabel.> Ka Naawen ale weeni. <Bi pagra, Jeyozadak kaabteerɔ kpioŋku nidoabinni Josua.> Ni pagra nama tɛŋka nuruba meena. Ka Naawen ale weeni. <Abe ni a tom. Ale mi bo ale ni kama.> Ka Naawen Dii Ale A Dɛ Tugurik Tɔŋdɔma Niŋ La ale weeni. 5<Nnala ate mi jam nye nɔiyeŋka ale ni ase ni le jam basi Ejipiti la. Ate m Chiika a diem jam bo ale ni. Ni kan chali yɔgsummoa.>
6<<Naawen Dii Ale A Dɛ Tugurik Tɔŋdɔma Niŋ La ale weeni diila ale nna: <Ku kan beni m le ŋman choa wenŋmazukku ale tɛŋzuk de ale nyakpiemu ale tɛŋ kosikka. 7M le choa tɛŋsa meena ate tɛŋsa meena koarisa ale jam ate mi ale basi ate yenni de a sueri ale pimpauk.> Ka Naawen Dii Ale A Dɛ Tugurik Tɔŋdɔma Niŋ La ale weeni. 8<Kpanaŋa ka mi ale soa, ligmɔniŋka mɛ ka mi ale soa.> Ka Naawen Dii Ale A Dɛ Tugurik Tɔŋdɔma Niŋ La ale weeni. 9<Yenni de pimpaukku yɔgyɔgla de ale gaam yie kpakka pimpaukku.> Ka Naawen Dii Ale A Dɛ Tugurik Tɔŋdɔma Niŋ La ale weeni. <Dela jigini mi ale te suiyɔgni.> Ka Naawen Dii Ale A Dɛ Tugurik Tɔŋdɔma Niŋ La ale weeni.
10Bena ŋayewa po, chiisa neokku po, daa pisiye ale ŋanaansiwa danni, ate Darius a dɛ wa naamu la, Naawen wanni yaa jam biisiteerɔwa Aggai jigi ate wa weeni ayen, 11<<Dii ate Naawen Dii Ale A Dɛ Tugurik Tɔŋdɔma Niŋ La a weeni la ale nna: <Bek kaabteerɔwa sinsaŋŋa ale weeni diila. 12Ase nuru a dan pai tuilum lam a nyo wa garuk lɔk po, ate dula a tiri ŋandiinta yaase jenta yaase daam yaase kpaam yaase ŋandiin yonta, ŋan bala ale ta tuilum?>> Ate kaabteerɔwa a tulisi ayen, <<Aaya.>>
13Aggai yaa weeni ayen, <<Ase nuru a dan tiri jakpiuk a taŋ wadek ate wa nyiŋka a tiri ŋantaŋa de wanyi, ba mɛ a taŋ kama?>> Ate kaabteerɔwa a tulisi ayen, <<Mm, ba mɛ a taŋ kama.>>
14Ate Aggai yaa weeni ayen, <<Ka Naawen ale weeni, <Ku ka dila ale nuruma de ale tɛŋka de mi jigi. Dii meena ate ba nye ale jabuui meena ate ba a te la taŋka a boro kama. 15Yɔgyɔgla de ni kpesi poli kude zuk a nyini danni de a cheŋ, ni teeri wie ale jam ka dii ale ge ate tana a vi chaab zuk Naawen yenni po la. 16Ase nuru a dan poli ayen wa le nya ŋanta a paari busisa pisiye, wa a nya ka pi nyiini, nuru a dan cheŋ daam ŋmiaka jigi a yiili ayen wa le nya paari ka leŋsa pisinu, wa le nya ka pisiye nyiini dula. 17Mi kaasi ni nisima tuima ale chutika ale kɔlika tuem ale ŋmoruk tana ale ge nama an diem ŋmani mi jigi ya.> Ka Naawen ale weeni. 18<A nyini jinla danni a ta a cheŋ, a nyini daa pisiye ale ŋanaansiwa de danni chiisa neokku po, ni kpesi poli danni de zuk dii ate ni dueni Naawen yenni nyubini la ni kpesi a poli. 19Biri a diem tali bo bunni po? Ka yɔgyɔgla de ni tunuku ale kinkaŋsaŋa ale yɔn gilimaŋa ale kpaam tiisaŋa an diem yɔni ya. A nyini jinla danni a ta a cheŋ m le niak ni.> >>
20Naawen wanni yaa jam Aggai jigi a nye buye chiika daa pisiye ale ŋanaansiwa danni ayen, 21<<Weeni Zerubabel Juda tɛŋka nyɔnɔwa ayen mi ale choa wenŋmazukku ale tɛŋzuk de. 22Mi ale yeeri nalima ba naam zukpagliksa zuk abe m kaasi tɛŋ chaŋsa naata. Mi ale nak yiak torokoba ale ŋa damdɔba ale wusuma ate ŋa duerɔba ale kpi, wanyi meena suok ale ko wa ale gebik.
23<<Naawen Dii Ale A Dɛ Tugurik Tɔŋdɔma Niŋ La ale weeni ayen, <Dai dila danni, mi ale fi, Sealtiel nidoabinni Zerubabel.> Ka Naawen ale weeni. <Mi ale nye fu ase ka m nifelinni la, dii nyiŋla mi lueri fu kama.> Ka Naawen Dii Ale A Dɛ Tugurik Tɔŋdɔma Niŋ La ale weeni.>>
Currently Selected:
Aggai 2: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Aggai 2
2
1Chiisa siyopɔiwa po, daa pisiye ale dinyiwa danni, Naawen wanni yaa jam biisiteerɔwa Aggai jigi ayen, 2<<Biisi a te Sealtiel nidoabinni Zerubabel Juda tɛŋka nyɔnɔwa ale Jeyozadak nidoabinni kaabteerɔ kpioŋku Josua ale nuru baai ale tali vua la. Bek ba ayen, 3<Ka ni wana ale tali waai ale jam nya yenni de ale jam ta yuei diila? Nama a nya di ka sɛ yɔgyɔgla de? 4Alege yɔgyɔgla de bi pagra Zerubabel.> Ka Naawen ale weeni. <Bi pagra, Jeyozadak kaabteerɔ kpioŋku nidoabinni Josua.> Ni pagra nama tɛŋka nuruba meena. Ka Naawen ale weeni. <Abe ni a tom. Ale mi bo ale ni kama.> Ka Naawen Dii Ale A Dɛ Tugurik Tɔŋdɔma Niŋ La ale weeni. 5<Nnala ate mi jam nye nɔiyeŋka ale ni ase ni le jam basi Ejipiti la. Ate m Chiika a diem jam bo ale ni. Ni kan chali yɔgsummoa.>
6<<Naawen Dii Ale A Dɛ Tugurik Tɔŋdɔma Niŋ La ale weeni diila ale nna: <Ku kan beni m le ŋman choa wenŋmazukku ale tɛŋzuk de ale nyakpiemu ale tɛŋ kosikka. 7M le choa tɛŋsa meena ate tɛŋsa meena koarisa ale jam ate mi ale basi ate yenni de a sueri ale pimpauk.> Ka Naawen Dii Ale A Dɛ Tugurik Tɔŋdɔma Niŋ La ale weeni. 8<Kpanaŋa ka mi ale soa, ligmɔniŋka mɛ ka mi ale soa.> Ka Naawen Dii Ale A Dɛ Tugurik Tɔŋdɔma Niŋ La ale weeni. 9<Yenni de pimpaukku yɔgyɔgla de ale gaam yie kpakka pimpaukku.> Ka Naawen Dii Ale A Dɛ Tugurik Tɔŋdɔma Niŋ La ale weeni. <Dela jigini mi ale te suiyɔgni.> Ka Naawen Dii Ale A Dɛ Tugurik Tɔŋdɔma Niŋ La ale weeni.
10Bena ŋayewa po, chiisa neokku po, daa pisiye ale ŋanaansiwa danni, ate Darius a dɛ wa naamu la, Naawen wanni yaa jam biisiteerɔwa Aggai jigi ate wa weeni ayen, 11<<Dii ate Naawen Dii Ale A Dɛ Tugurik Tɔŋdɔma Niŋ La a weeni la ale nna: <Bek kaabteerɔwa sinsaŋŋa ale weeni diila. 12Ase nuru a dan pai tuilum lam a nyo wa garuk lɔk po, ate dula a tiri ŋandiinta yaase jenta yaase daam yaase kpaam yaase ŋandiin yonta, ŋan bala ale ta tuilum?>> Ate kaabteerɔwa a tulisi ayen, <<Aaya.>>
13Aggai yaa weeni ayen, <<Ase nuru a dan tiri jakpiuk a taŋ wadek ate wa nyiŋka a tiri ŋantaŋa de wanyi, ba mɛ a taŋ kama?>> Ate kaabteerɔwa a tulisi ayen, <<Mm, ba mɛ a taŋ kama.>>
14Ate Aggai yaa weeni ayen, <<Ka Naawen ale weeni, <Ku ka dila ale nuruma de ale tɛŋka de mi jigi. Dii meena ate ba nye ale jabuui meena ate ba a te la taŋka a boro kama. 15Yɔgyɔgla de ni kpesi poli kude zuk a nyini danni de a cheŋ, ni teeri wie ale jam ka dii ale ge ate tana a vi chaab zuk Naawen yenni po la. 16Ase nuru a dan poli ayen wa le nya ŋanta a paari busisa pisiye, wa a nya ka pi nyiini, nuru a dan cheŋ daam ŋmiaka jigi a yiili ayen wa le nya paari ka leŋsa pisinu, wa le nya ka pisiye nyiini dula. 17Mi kaasi ni nisima tuima ale chutika ale kɔlika tuem ale ŋmoruk tana ale ge nama an diem ŋmani mi jigi ya.> Ka Naawen ale weeni. 18<A nyini jinla danni a ta a cheŋ, a nyini daa pisiye ale ŋanaansiwa de danni chiisa neokku po, ni kpesi poli danni de zuk dii ate ni dueni Naawen yenni nyubini la ni kpesi a poli. 19Biri a diem tali bo bunni po? Ka yɔgyɔgla de ni tunuku ale kinkaŋsaŋa ale yɔn gilimaŋa ale kpaam tiisaŋa an diem yɔni ya. A nyini jinla danni a ta a cheŋ m le niak ni.> >>
20Naawen wanni yaa jam Aggai jigi a nye buye chiika daa pisiye ale ŋanaansiwa danni ayen, 21<<Weeni Zerubabel Juda tɛŋka nyɔnɔwa ayen mi ale choa wenŋmazukku ale tɛŋzuk de. 22Mi ale yeeri nalima ba naam zukpagliksa zuk abe m kaasi tɛŋ chaŋsa naata. Mi ale nak yiak torokoba ale ŋa damdɔba ale wusuma ate ŋa duerɔba ale kpi, wanyi meena suok ale ko wa ale gebik.
23<<Naawen Dii Ale A Dɛ Tugurik Tɔŋdɔma Niŋ La ale weeni ayen, <Dai dila danni, mi ale fi, Sealtiel nidoabinni Zerubabel.> Ka Naawen ale weeni. <Mi ale nye fu ase ka m nifelinni la, dii nyiŋla mi lueri fu kama.> Ka Naawen Dii Ale A Dɛ Tugurik Tɔŋdɔma Niŋ La ale weeni.>>
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation