Arut 2
2
1Nuru ale jam boro, wa yuei ale Boazi. Wa jam ka nuru maŋ. Wa be ka Naomi chorɔwa suok a nyini Elimelek buuni po. 2Arut waai ale nyini Moab la yaa weeni Naomi ayen, <<Basi ate m cheŋ tattaŋa po, waai a dan boro a ŋari wa ŋanta, ate kula nyɔnɔ a ta jiirim ale mu abe m yiisi a vi wa. Naomi a yaa weeni wa ayen, <<M lie fi baga a cheŋ kama.>> 3Wa yaa cheŋ a ga yiisi a vi baai ale a ŋari la ŋaaŋ. Wa ga a miŋ ale wa bo ka Boazi talim po a yiisi. Boazi abe nyini ka Elimelek buuni po.
4Ku an beniya ate Boazi a nyini Betiliyem a jam a yaa te baai ale a ŋari ŋantaŋa la jiam ale weeni ayen, Naawen a bo ale ba, ate ba mɛ tulisi ayen, <<Naawen abe niak fi mɛ,>> 5Boazi a yaa bek waai ale a nya baai ale a ŋari la zuk ayen, <<Ka wana lie ale nna?>> 6Waai ale a nya ba zuk la a yaa weeni ayen wa nyini ka Moab a va Naomi a jam. 7Wa abe weeni kama ayen, wa a saalim m basi ate wa yiisi a vi baai ale a ŋari la ŋaaŋ. Wa abe jo talimu po kama a tom nyini saluiku a jam paari yɔgyɔgla de. Wa kali vuusi ka maga viuku po. 8Boazi a yaa weeni Arut ayen, <<M lie, wom m le a weeni fu diila kan basi dela abe fi cheŋ talim yoŋ po a yiisi ŋanta. Bo dela ale nipokbili sii ale tom a te mi la. 9Kpesi a nya talim buui ate mi nuruma a tom la abe fi va nipokbilisaŋa. M weeni nuruma kama ayen ba kan nye fu wari ya. Nyanyuila a dan ta fu diipo, nuruma a ŋari nyiam a sueri samɔnsaŋa kama, ga ŋari nyu.>> 10Wa yaa domsi kali a nye wa jiam, wa ale ŋmani te wa ale pai wa nichaanɔwa a chim nuru diila. 11Boazi yaa weeni ayen, <<Ba weeni mu fi ale nye dii meena a te fi ŋianipowa a zaani diipo ate fi chorɔwa a kpi la kama. Ale fi ale basi fi mawa ale fi kowa ale fi tɛŋka ale jam ayen fi bo ale nuru baai ate fi zɛ ba la. 12Naawen ale pilim tuni fu fi ale nye diila, Izirali Wenni ate fi ta fidek a jam su wa kiŋkaŋŋa po la, ale tuni fu dii meena ate fi nye la. 13Arut yaa weeni ayen, <<M be kasim a nya fi ŋmanteka kama. Fi basi ate m sui a yɔk kama ale biisi jiirim biik ale mi, fi tomteerɔwa alege mi an poom soa ale nipokbili sii ale tom a te fu la wanyi mɛ.>>
14Boazi a yaa weeni wa ayen, ku dan paari ŋandiinta dɛka po, wa ga pai boroboroku a lusi damiisiŋka po a ŋɔbi. Wa ale kala ale baai ale a ŋari ŋantaŋa la ba yaa sɛ ŋanta te wa, ate wa ŋɔbi chak ale tali. 15Wa ale yiti ayen wa yiisi la, Boazi a yaa weeni wa nuruma ayen, <<Wa dan poom a tigsi bobaŋa ni basi, ni kan nyo wa chivie po. 16Ni goanti yeeri gela ate wa pai, ni kan toariŋ wa.>> 17Arut yaa yiisi talimu po a ga paari junɔi. Wa yaa fɔbi ŋantaŋa a nya ase taasi kpienni nɔi la. 18Wa yaa ta kuli yeri ate wa ŋianipowa a nya ŋantaŋa ale soa diila. Wa ŋman pai ŋandiin tii ate wa dɛ ale tali la a te wa. 19Wa ŋianipowa a yaa bek wa ayen, <<Fi yiisi ka be jinla? Fi tom ka be? Nuru waai ale seba fi nɔi po la ale nya niaka.>> Arut yaa weeni wa ŋiak nipowa waai jigi ate wa a tom la, <<Nuru waai jigi ate mi tom jinla la ale Boazi.>> 20Naomi a yaa weeni wa sampowa ayen, <<Naawen ale niak wa. Wa an basi jiirim sakka ale ŋanvuta ale kpieba.>> Wa yaa ŋman weeni ayen, <<Nuru wala ka tama dek suok. Wa ka ti da tuesirɔma wanyi.>> 21Arut waai ale nyini Moab la a yaa weeni ayen, <<Wa poom weeni mi kama ayen m bo ale wa tuimtomdɔma ate ba ga ŋari wa ŋantaŋa a nueri.>> 22Naomi a yaa weeni wa sampowa Arut ayen, <<Ku nala kama m lie, ate fi cheŋ ale nipokbilisaŋa dii nyiŋla nuru yoŋ talim po ba baga a nye fu biem kama.>> 23Dila nyiŋ Arut yaa kasim bo ale ka nipokbili sii ale a tom a te Boazi la ate ŋantaŋa ŋarika ga nueri. Arut jam kasim boro ale ka wa ŋianipowa.
Currently Selected:
Arut 2: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Arut 2
2
1Nuru ale jam boro, wa yuei ale Boazi. Wa jam ka nuru maŋ. Wa be ka Naomi chorɔwa suok a nyini Elimelek buuni po. 2Arut waai ale nyini Moab la yaa weeni Naomi ayen, <<Basi ate m cheŋ tattaŋa po, waai a dan boro a ŋari wa ŋanta, ate kula nyɔnɔ a ta jiirim ale mu abe m yiisi a vi wa. Naomi a yaa weeni wa ayen, <<M lie fi baga a cheŋ kama.>> 3Wa yaa cheŋ a ga yiisi a vi baai ale a ŋari la ŋaaŋ. Wa ga a miŋ ale wa bo ka Boazi talim po a yiisi. Boazi abe nyini ka Elimelek buuni po.
4Ku an beniya ate Boazi a nyini Betiliyem a jam a yaa te baai ale a ŋari ŋantaŋa la jiam ale weeni ayen, Naawen a bo ale ba, ate ba mɛ tulisi ayen, <<Naawen abe niak fi mɛ,>> 5Boazi a yaa bek waai ale a nya baai ale a ŋari la zuk ayen, <<Ka wana lie ale nna?>> 6Waai ale a nya ba zuk la a yaa weeni ayen wa nyini ka Moab a va Naomi a jam. 7Wa abe weeni kama ayen, wa a saalim m basi ate wa yiisi a vi baai ale a ŋari la ŋaaŋ. Wa abe jo talimu po kama a tom nyini saluiku a jam paari yɔgyɔgla de. Wa kali vuusi ka maga viuku po. 8Boazi a yaa weeni Arut ayen, <<M lie, wom m le a weeni fu diila kan basi dela abe fi cheŋ talim yoŋ po a yiisi ŋanta. Bo dela ale nipokbili sii ale tom a te mi la. 9Kpesi a nya talim buui ate mi nuruma a tom la abe fi va nipokbilisaŋa. M weeni nuruma kama ayen ba kan nye fu wari ya. Nyanyuila a dan ta fu diipo, nuruma a ŋari nyiam a sueri samɔnsaŋa kama, ga ŋari nyu.>> 10Wa yaa domsi kali a nye wa jiam, wa ale ŋmani te wa ale pai wa nichaanɔwa a chim nuru diila. 11Boazi yaa weeni ayen, <<Ba weeni mu fi ale nye dii meena a te fi ŋianipowa a zaani diipo ate fi chorɔwa a kpi la kama. Ale fi ale basi fi mawa ale fi kowa ale fi tɛŋka ale jam ayen fi bo ale nuru baai ate fi zɛ ba la. 12Naawen ale pilim tuni fu fi ale nye diila, Izirali Wenni ate fi ta fidek a jam su wa kiŋkaŋŋa po la, ale tuni fu dii meena ate fi nye la. 13Arut yaa weeni ayen, <<M be kasim a nya fi ŋmanteka kama. Fi basi ate m sui a yɔk kama ale biisi jiirim biik ale mi, fi tomteerɔwa alege mi an poom soa ale nipokbili sii ale tom a te fu la wanyi mɛ.>>
14Boazi a yaa weeni wa ayen, ku dan paari ŋandiinta dɛka po, wa ga pai boroboroku a lusi damiisiŋka po a ŋɔbi. Wa ale kala ale baai ale a ŋari ŋantaŋa la ba yaa sɛ ŋanta te wa, ate wa ŋɔbi chak ale tali. 15Wa ale yiti ayen wa yiisi la, Boazi a yaa weeni wa nuruma ayen, <<Wa dan poom a tigsi bobaŋa ni basi, ni kan nyo wa chivie po. 16Ni goanti yeeri gela ate wa pai, ni kan toariŋ wa.>> 17Arut yaa yiisi talimu po a ga paari junɔi. Wa yaa fɔbi ŋantaŋa a nya ase taasi kpienni nɔi la. 18Wa yaa ta kuli yeri ate wa ŋianipowa a nya ŋantaŋa ale soa diila. Wa ŋman pai ŋandiin tii ate wa dɛ ale tali la a te wa. 19Wa ŋianipowa a yaa bek wa ayen, <<Fi yiisi ka be jinla? Fi tom ka be? Nuru waai ale seba fi nɔi po la ale nya niaka.>> Arut yaa weeni wa ŋiak nipowa waai jigi ate wa a tom la, <<Nuru waai jigi ate mi tom jinla la ale Boazi.>> 20Naomi a yaa weeni wa sampowa ayen, <<Naawen ale niak wa. Wa an basi jiirim sakka ale ŋanvuta ale kpieba.>> Wa yaa ŋman weeni ayen, <<Nuru wala ka tama dek suok. Wa ka ti da tuesirɔma wanyi.>> 21Arut waai ale nyini Moab la a yaa weeni ayen, <<Wa poom weeni mi kama ayen m bo ale wa tuimtomdɔma ate ba ga ŋari wa ŋantaŋa a nueri.>> 22Naomi a yaa weeni wa sampowa Arut ayen, <<Ku nala kama m lie, ate fi cheŋ ale nipokbilisaŋa dii nyiŋla nuru yoŋ talim po ba baga a nye fu biem kama.>> 23Dila nyiŋ Arut yaa kasim bo ale ka nipokbili sii ale a tom a te Boazi la ate ŋantaŋa ŋarika ga nueri. Arut jam kasim boro ale ka wa ŋianipowa.
© 2023, Ghana Institute of Linguistics, Literacy and Bible Translation