Arut 1
1
1Diipo ate niŋdeerɔba jam a nya Izirali tɛŋka zuk la, kom kpiem yaa yiti tɛŋka po. Nuru wanyi ale jam nyini Betiliyem#1:1 Nya fotowa, Maika 5:2. ate ka bo Juda po la. Nuruwa de ale wa pok ale wa bisa baye a yaa cheŋ Moab tɛŋka ayen ba goa maga. 2Nuruwa de yuei ale Elimelek, wa powa yuei ale Naomi, wa nidoabinni wanyi yuei ale Malon, nwala yuei ale Kilion. Ba jam nyini ka Efrat buuni po a bo Betiliyem ale bo Juda po la. Ba yaa jam cheŋ ga bo Moab tɛŋka po. 3Naomi chorɔwa Elimelek yaa kpi alege wa le bisa bayewa. 4Wa nidoabilisa bayewa yaa faari Moab tɛŋka nipooba, nipowa wanyi yuei ale Orpa, nwala mɛ yuei ale Arut. Ba ale goa dula a nya bena pi la, 5Naomi nidoabilisaŋa bayewa Malon ale Kilion mɛ a kpi alege wadek wa nyiini. Wa nidoabilisaŋa ka. Wa chorɔwa mɛ ka.
6Naomi yaa wom ayen Naawen a maari wa nuruma ate ba kpa nya ŋandiinta yegayega, ate wa ale wa sampooma yaa gomsi ayen ba kuli. 7Wa ale wa sampooma bayewa yaa basi ba ale bo juijui la, alege lo suik po ayen ba kuli. 8Wa yaa weeni wa sampooma bayewa ayen ba ŋman kuli ba mama jigi. Ni le jam ta jiirim ale mi chorɔwa ale m bisaŋa diila, Naawen ale ta jiirim ale ni. 9Naawen ale maari ni ate ni nya chorɔba a kali nalimnyiini. 10Naomi yaa banti ba. Alege ba deri a kum ale a weeni ayen, <<Ti kan ŋmani, tama va fu a cheŋ ka fi nuruma jigi.>> 11Wa yaa ŋman weeni ayen, <<M lieba ku a fɛ ate ni ŋmani, ka boa ale soa ate ni a yaali ayen ni va mu cheŋ? Nama a poli ayen m le ŋman nya bisa ate ni yali ba? 12Ni ŋman kuli, diila mi kpaŋ kama ale yalika ŋmana. Mi abe dan poom a poli ayen yiila boro, a yali yokku de a biak bisa. 13Ni le limisi ate ba pagi? Kude ale kasi ate ni kan yali? M lieba ni seba kama ayen kude kan baga a nye. Naawen ale basi ate kude a nye mi. Dii meena abe le nye ni la ku a daani mu yegayega.>> 14Ba ŋman deri a kum. Ate Orpa yaa gbaari wa ŋianipowa a banti wa ale ŋman kuli, alege Arut zɛri ale va. 15Naomi yaa weeni Arut ayen, <<Nwala ŋmani a kuli wa nyama jigi kama ale ba wenaŋa jigi. Va wa a kuli.>>
16Arut yaa ŋman weeni ayen, Kan weeni mu ayen m basi fu. Basi ate m va fu. Juijui meena ate fi a cheŋ la, m le va cheŋ, juijui meena mɛ ate fi a boro la, m le maa boro. Fi nuruma ale chim mi mɛ nuruba, fi Wenni ale chim mi mɛ Wen. 17Juijui ate fi a kpi la, mi mɛ a kpi ka dula ate ba a gu mu dula. Naawen a basi ate ninam yegayega a jam m zuk, ase m nin basi ate wayoŋ a poori mu fi jigi alege daa kum ale poori mu fi jigi ya. 18Naomi ale nya ale Arut a tik kama ayen wa va wa la, wa an ŋman weeni wari ya.
19Ba yaa cheŋ ga paari Betiliyem. Ba le paari dula la, tɛŋka demma sui yaa peenti, ate nipooma a weeni ayen, <<Ka Naomi ni nna suma?>> 20Wa yaa weeni ayen, <<Ni kaa wi mu ayen Naomi, ni a wi mu ayen Mara dii nyiŋla Wen Dii Ale a Niak La a basi kama ate m boka a toa nna katikati. 21Mi ale basi dela la, m ta kama yegayega, alege Naawen an ta mi ŋmani ale jaaboa. Ka boa ale soa ate ni a wi mu ayen Naomi. Naawen dii ale zuak la a bo mini mi kama a basi ate ninam a jam mi jigi.>>
22Naomi ale wa sampowa Arut ale nyini Moab tɛŋka a jam diila ale nna. Ba ale jam Betiliyem la ale ŋanta a nye magsi a yaali ka cheka.
Currently Selected:
Arut 1: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Arut 1
1
1Diipo ate niŋdeerɔba jam a nya Izirali tɛŋka zuk la, kom kpiem yaa yiti tɛŋka po. Nuru wanyi ale jam nyini Betiliyem#1:1 Nya fotowa, Maika 5:2. ate ka bo Juda po la. Nuruwa de ale wa pok ale wa bisa baye a yaa cheŋ Moab tɛŋka ayen ba goa maga. 2Nuruwa de yuei ale Elimelek, wa powa yuei ale Naomi, wa nidoabinni wanyi yuei ale Malon, nwala yuei ale Kilion. Ba jam nyini ka Efrat buuni po a bo Betiliyem ale bo Juda po la. Ba yaa jam cheŋ ga bo Moab tɛŋka po. 3Naomi chorɔwa Elimelek yaa kpi alege wa le bisa bayewa. 4Wa nidoabilisa bayewa yaa faari Moab tɛŋka nipooba, nipowa wanyi yuei ale Orpa, nwala mɛ yuei ale Arut. Ba ale goa dula a nya bena pi la, 5Naomi nidoabilisaŋa bayewa Malon ale Kilion mɛ a kpi alege wadek wa nyiini. Wa nidoabilisaŋa ka. Wa chorɔwa mɛ ka.
6Naomi yaa wom ayen Naawen a maari wa nuruma ate ba kpa nya ŋandiinta yegayega, ate wa ale wa sampooma yaa gomsi ayen ba kuli. 7Wa ale wa sampooma bayewa yaa basi ba ale bo juijui la, alege lo suik po ayen ba kuli. 8Wa yaa weeni wa sampooma bayewa ayen ba ŋman kuli ba mama jigi. Ni le jam ta jiirim ale mi chorɔwa ale m bisaŋa diila, Naawen ale ta jiirim ale ni. 9Naawen ale maari ni ate ni nya chorɔba a kali nalimnyiini. 10Naomi yaa banti ba. Alege ba deri a kum ale a weeni ayen, <<Ti kan ŋmani, tama va fu a cheŋ ka fi nuruma jigi.>> 11Wa yaa ŋman weeni ayen, <<M lieba ku a fɛ ate ni ŋmani, ka boa ale soa ate ni a yaali ayen ni va mu cheŋ? Nama a poli ayen m le ŋman nya bisa ate ni yali ba? 12Ni ŋman kuli, diila mi kpaŋ kama ale yalika ŋmana. Mi abe dan poom a poli ayen yiila boro, a yali yokku de a biak bisa. 13Ni le limisi ate ba pagi? Kude ale kasi ate ni kan yali? M lieba ni seba kama ayen kude kan baga a nye. Naawen ale basi ate kude a nye mi. Dii meena abe le nye ni la ku a daani mu yegayega.>> 14Ba ŋman deri a kum. Ate Orpa yaa gbaari wa ŋianipowa a banti wa ale ŋman kuli, alege Arut zɛri ale va. 15Naomi yaa weeni Arut ayen, <<Nwala ŋmani a kuli wa nyama jigi kama ale ba wenaŋa jigi. Va wa a kuli.>>
16Arut yaa ŋman weeni ayen, Kan weeni mu ayen m basi fu. Basi ate m va fu. Juijui meena ate fi a cheŋ la, m le va cheŋ, juijui meena mɛ ate fi a boro la, m le maa boro. Fi nuruma ale chim mi mɛ nuruba, fi Wenni ale chim mi mɛ Wen. 17Juijui ate fi a kpi la, mi mɛ a kpi ka dula ate ba a gu mu dula. Naawen a basi ate ninam yegayega a jam m zuk, ase m nin basi ate wayoŋ a poori mu fi jigi alege daa kum ale poori mu fi jigi ya. 18Naomi ale nya ale Arut a tik kama ayen wa va wa la, wa an ŋman weeni wari ya.
19Ba yaa cheŋ ga paari Betiliyem. Ba le paari dula la, tɛŋka demma sui yaa peenti, ate nipooma a weeni ayen, <<Ka Naomi ni nna suma?>> 20Wa yaa weeni ayen, <<Ni kaa wi mu ayen Naomi, ni a wi mu ayen Mara dii nyiŋla Wen Dii Ale a Niak La a basi kama ate m boka a toa nna katikati. 21Mi ale basi dela la, m ta kama yegayega, alege Naawen an ta mi ŋmani ale jaaboa. Ka boa ale soa ate ni a wi mu ayen Naomi. Naawen dii ale zuak la a bo mini mi kama a basi ate ninam a jam mi jigi.>>
22Naomi ale wa sampowa Arut ale nyini Moab tɛŋka a jam diila ale nna. Ba ale jam Betiliyem la ale ŋanta a nye magsi a yaali ka cheka.
© 2023, Ghana Institute of Linguistics, Literacy and Bible Translation