Pa Sakka 7
7
1Ku ŋaaŋnyiŋ, ate mi yaa nya Wen maarɔba banaansi a poori za tɔgatɔga tɛŋka gugotta tinaansiwa po. Maarɔma yaa yik tɛŋka vaata tinaansiwa a tara ate vaataŋa an jam baga a fuk tɛŋka zuwa yaase nyakpiemu zuwa yaase ku fuk tiisaŋa. 2Wen ale jam te wa maarɔma pagrim ayen ba kaasi tɛŋka ale nyakpiemu. Ate mi yaa nya Wen maarɔ wa choa ale wa nyini kori nummu po a nyini, a ta jaab wa nisa po. Wa yaa kaari ale lueluk kpioŋ a wi maarɔba banaansiwa a weeni ba ayen, 3<<Basi ate mi liŋ a pai ŋmarisika a ji Wen tomteerɔma dee nyiŋ, abe fi yaa kaasi tɛŋka ale nyakpiemu ale tiisaŋa.>> 4Nuru ale jam weeni mi ayen baai deeŋa nyiŋ ate ba pai ŋmarisika a ji la ka nuruba tusa kook ale pisinaansi ale banaansi (144,000). Ba jam ka Izirali buuri pi ale buyewa po. 5Tusa pi ale ŋaye (12,000) ale jam nyini Juda. Tusa pi ale ŋaye (12,000) ale jam nyini Aruben. Tusa pi ale ŋaye (12,000) ale jam nyini Gad. 6Tusa pi ale ŋaye (12,000) ale jam nyini Asɛ. Tusa pi ale ŋaye (12,000) ale jam nyini Nafitali. Tusa pi ale ŋaye (12,000) ale jam nyini Manasa. 7Tusa pi ale ŋaye (12,000) ale jam nyini Simeyon. Tusa pi ale ŋaye (12,000) ale jam nyini Livai. Tusa pi ale ŋaye (12,000) ale jam nyini Isaka. 8Tusa pi ale ŋaye (12,000) ale jam nyini Zebulun. Tusa pi ale ŋaye (12,000) ale jam nyini Josefi. Tusa pi ale ŋaye (12,000) mɛ ale jam nyini Benjamin.
9Ku ŋaaŋnyiŋ ate mi yaa nya ale nuru boari a za dula. Nuru an jam baga ba a chiini. Ba jam nyini ka tɛŋsa meena ale buura meena ale nuruba meena ale biisa meena po a za naam zukpalika ale Pabiika niŋ. Ba jam jo ka garuk peeluk woŋta ale ta kpinkparuk vaata ba nisima po. 10Ba yaa jam kaari yegayega a weeni ayen, <<Varibasika a nyini tama Wenni ale kali naamu zukpaglika zuk la ale Pabiika jigi.>> 11Ŋanvuta tinaansiwa ale nisɔmma ale Wen maarɔma a maa chaab a duak tɛŋ wenŋmazuk naamu zukpaglika niŋ a puusi Wen, 12ale a weeni ayen, <<Ku be nye dila. Ti a pak fu ale a puusi fu dii nyiŋla, fi ta yam ale zula ale nalim ale pagrim yegayega taam wuu. Ku be nye dila.>>
13Nisɔmma wanyi a yaa virim a bek mi ayen, <<Baai ale jo garuk peeluk woŋtaŋa la, ka be demma? Ba nyini ka bɛ?>>
14Mi yaa weeni wa ayen, <<Mi zɛ ba, weeni a sak mu.>> Wa yaa weeni mi ayen, <<Ba nyini ka ninam yegayega po a nyini a pai Pabiika ziimu a sugri ba gattaŋa ate ti peenti. 15Dila ale soa ate ba za wenŋmazuk naamu zukpaglika niŋ ale a tom wa tuimaŋa yok ale kantueŋ. Wen dek le wa a nya ba zuk. 16Kɔm ale nyanyuila a kan ŋman yik ba. Kantueŋ ale tuiluk mɛ kan ŋman nak ba. 17Pabiik kaai ale moata wenŋmazuk naamu zukpaglika la ale wa chim ba naapeerik abe wa dɛ ba niŋ a gisi buli sii ale ta nyuvuri nyiam la ate ba a nyu. Wen dek ale duisi ba ninyaataŋa a basi.>>
Currently Selected:
Pa Sakka 7: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Pa Sakka 7
7
1Ku ŋaaŋnyiŋ, ate mi yaa nya Wen maarɔba banaansi a poori za tɔgatɔga tɛŋka gugotta tinaansiwa po. Maarɔma yaa yik tɛŋka vaata tinaansiwa a tara ate vaataŋa an jam baga a fuk tɛŋka zuwa yaase nyakpiemu zuwa yaase ku fuk tiisaŋa. 2Wen ale jam te wa maarɔma pagrim ayen ba kaasi tɛŋka ale nyakpiemu. Ate mi yaa nya Wen maarɔ wa choa ale wa nyini kori nummu po a nyini, a ta jaab wa nisa po. Wa yaa kaari ale lueluk kpioŋ a wi maarɔba banaansiwa a weeni ba ayen, 3<<Basi ate mi liŋ a pai ŋmarisika a ji Wen tomteerɔma dee nyiŋ, abe fi yaa kaasi tɛŋka ale nyakpiemu ale tiisaŋa.>> 4Nuru ale jam weeni mi ayen baai deeŋa nyiŋ ate ba pai ŋmarisika a ji la ka nuruba tusa kook ale pisinaansi ale banaansi (144,000). Ba jam ka Izirali buuri pi ale buyewa po. 5Tusa pi ale ŋaye (12,000) ale jam nyini Juda. Tusa pi ale ŋaye (12,000) ale jam nyini Aruben. Tusa pi ale ŋaye (12,000) ale jam nyini Gad. 6Tusa pi ale ŋaye (12,000) ale jam nyini Asɛ. Tusa pi ale ŋaye (12,000) ale jam nyini Nafitali. Tusa pi ale ŋaye (12,000) ale jam nyini Manasa. 7Tusa pi ale ŋaye (12,000) ale jam nyini Simeyon. Tusa pi ale ŋaye (12,000) ale jam nyini Livai. Tusa pi ale ŋaye (12,000) ale jam nyini Isaka. 8Tusa pi ale ŋaye (12,000) ale jam nyini Zebulun. Tusa pi ale ŋaye (12,000) ale jam nyini Josefi. Tusa pi ale ŋaye (12,000) mɛ ale jam nyini Benjamin.
9Ku ŋaaŋnyiŋ ate mi yaa nya ale nuru boari a za dula. Nuru an jam baga ba a chiini. Ba jam nyini ka tɛŋsa meena ale buura meena ale nuruba meena ale biisa meena po a za naam zukpalika ale Pabiika niŋ. Ba jam jo ka garuk peeluk woŋta ale ta kpinkparuk vaata ba nisima po. 10Ba yaa jam kaari yegayega a weeni ayen, <<Varibasika a nyini tama Wenni ale kali naamu zukpaglika zuk la ale Pabiika jigi.>> 11Ŋanvuta tinaansiwa ale nisɔmma ale Wen maarɔma a maa chaab a duak tɛŋ wenŋmazuk naamu zukpaglika niŋ a puusi Wen, 12ale a weeni ayen, <<Ku be nye dila. Ti a pak fu ale a puusi fu dii nyiŋla, fi ta yam ale zula ale nalim ale pagrim yegayega taam wuu. Ku be nye dila.>>
13Nisɔmma wanyi a yaa virim a bek mi ayen, <<Baai ale jo garuk peeluk woŋtaŋa la, ka be demma? Ba nyini ka bɛ?>>
14Mi yaa weeni wa ayen, <<Mi zɛ ba, weeni a sak mu.>> Wa yaa weeni mi ayen, <<Ba nyini ka ninam yegayega po a nyini a pai Pabiika ziimu a sugri ba gattaŋa ate ti peenti. 15Dila ale soa ate ba za wenŋmazuk naamu zukpaglika niŋ ale a tom wa tuimaŋa yok ale kantueŋ. Wen dek le wa a nya ba zuk. 16Kɔm ale nyanyuila a kan ŋman yik ba. Kantueŋ ale tuiluk mɛ kan ŋman nak ba. 17Pabiik kaai ale moata wenŋmazuk naamu zukpaglika la ale wa chim ba naapeerik abe wa dɛ ba niŋ a gisi buli sii ale ta nyuvuri nyiam la ate ba a nyu. Wen dek ale duisi ba ninyaataŋa a basi.>>
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation