Pa Sakka 6
6
1Pabiika ale tuesi gbaŋka la, wa yaa foli bobika buyopɔiwa bunyi ate ŋanvutaŋa tinaansiwa kanyi yaa weeni mi ale lueluk kpioŋ nna se wen kumsa la ayen, <<Jam nya.>> 2Mi yaa ga nya ale wusum peeluk a za dula. Nuru waai ale jam kali bu zuk la, a jam ta ka tom ale peema ale vuk zutɔk. Wa yaa nyini tugurik po ayen wa nak yiak wa dachaasaŋa.
3Ate Pabiika yaa foli bobi kaai ale saari buyewa la. Javuk kuui ale saari siyewa la yaa weeni mi ayen, <<Jam nya.>> 4Mi yaa nya ale ka wusum mɔnuŋ ale za du. Ba jam pai ka gebik kpieŋ a te nuru waai ale jam kali bu zuk la. Ba jam pai pagrim a te wa ayen wa cheŋ tɛŋka meena nuruma jigi a ga tigsi ba a nyo jigi yeŋ ate ba nye tugurik a ko chaab.
5Ate Pabiika yaa ŋman foli bobi kaai ale saari butawa la. Javuk kuui ale saari sitawa la yaa weeni mi ayen, <<Jam nya.>> Mi yaa nya ale ka wusum sobluk ale za. Ba jam pai ka ŋanmagsinta a nyo wa nisa po. 6Mi yaa wom lueluk ale ku nyini ŋanvutaŋa tinaansiwa suŋsuŋ a weeni mi ayen, <<Cheŋ a ga tuni nuru baai ale tom dai yeŋ la ale wiiti chin yeŋ yaase barli china ŋata, alege yik fidek abe fi kan kaasi kpaamu yaase daamu.>>
7Ate Pabiika yaa ŋman foli bobi kaai ale saari bunaansiwa. Javuk kuui ale saari sinaansiwa la a yaa weeni mi ayen, <<Jam nya.>> 8Mi yaa nya ale ka wusum piak ale za du. Nuru waai ale jam kali bu zuk la yuei jam le Kum. Wanyi mɛ yuei jam le Kpiluŋ.>> Wa jam a vi ka Kum ŋaaŋ. Ba yaa poori tɛŋka bunaansi a yaa lueri kaukku kunyi ayen ba ko waai meena ale jam bo dula la. Ba nɔi bayewa yaa cheŋ ga pai gebik woŋ ale kom ale nyiŋtuila ale duŋ waarisa a ko ba.
9Ate Pabiika yaa ŋman foli bobi kaai ale saari bunuwa la. Mi yaa nya ale ka jaab ale a nye se kuŋkuŋ la ale za du. Baai meena ate ba jam ko ba ayen ba jam a sak Wen wamaŋsaŋa nyiŋla a jam za ka jabuui ale a neensi kuŋkuŋku la tɛŋ. 10Ba yaa nuem ale lueluk pagrisa ayen, <<Nyɔnɔwa waai ale ka Naawen yaa, fi ka weleŋsa ale wensie nyɔnɔ ale ge ta ŋanta meena pagrim. Ku le beni a soa ka sɛ alege ate fi bo buusa a te tɛŋka meena nuruma abe fi te ba waalika ba ale jam ko tama diila?>> 11Ba yaa te ba garuk woŋ peelita ale weeni ba ayen ba vuusi maga ate tɛŋka meena nuruma a ko ba suataŋa a nueri ase ba le jam ko ba diila a gum du.
12Ate mi yaa nya ale Pabiika ŋman foli bobi kaai ale a saari buyuebiwa la. Tɛŋka meena a yaa deri choa nna yegayega ate wenbinni mɛ a sobri ase garuk ate ba pai buuk kobta a nye la, chiika mɛ a muni ase ziim la, 13ate chiŋmarisaŋa a lo tɛŋka zuk ase viok ale a fuk ate kiŋkama a lo diila. 14Wenŋmazuk a yaa kpamsi ase gbaŋ la a bɛ, ate guuk kpientaŋa ale tɛŋsaŋa meena ate nyiamu a doa gilim si la, a basi ba zaanaŋa jiŋŋa. 15Tɛŋka meena nalimaŋa ale nuru kpienta ale tugurik tɔŋdɔba kpaga ale ŋanta nyama ale pagrɔma. Yɔm meena ale fasiyaa nyam meena a jam chali kama a jo pina vie ale guuta pina po a suk. 16Ba yaa weeni guutaŋa ale pinaŋa ayen, <<Lo ti zuk, ate waai ale kali wenŋmazuk naamu zukpaglika zuk la a kan nya ti, abe Pabiika kan nya ti ale ka suipuurumu. 17Wen suipuurum kpiemu danni a paari kama. Ka wana ale baga a tu wa?>>
Currently Selected:
Pa Sakka 6: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Pa Sakka 6
6
1Pabiika ale tuesi gbaŋka la, wa yaa foli bobika buyopɔiwa bunyi ate ŋanvutaŋa tinaansiwa kanyi yaa weeni mi ale lueluk kpioŋ nna se wen kumsa la ayen, <<Jam nya.>> 2Mi yaa ga nya ale wusum peeluk a za dula. Nuru waai ale jam kali bu zuk la, a jam ta ka tom ale peema ale vuk zutɔk. Wa yaa nyini tugurik po ayen wa nak yiak wa dachaasaŋa.
3Ate Pabiika yaa foli bobi kaai ale saari buyewa la. Javuk kuui ale saari siyewa la yaa weeni mi ayen, <<Jam nya.>> 4Mi yaa nya ale ka wusum mɔnuŋ ale za du. Ba jam pai ka gebik kpieŋ a te nuru waai ale jam kali bu zuk la. Ba jam pai pagrim a te wa ayen wa cheŋ tɛŋka meena nuruma jigi a ga tigsi ba a nyo jigi yeŋ ate ba nye tugurik a ko chaab.
5Ate Pabiika yaa ŋman foli bobi kaai ale saari butawa la. Javuk kuui ale saari sitawa la yaa weeni mi ayen, <<Jam nya.>> Mi yaa nya ale ka wusum sobluk ale za. Ba jam pai ka ŋanmagsinta a nyo wa nisa po. 6Mi yaa wom lueluk ale ku nyini ŋanvutaŋa tinaansiwa suŋsuŋ a weeni mi ayen, <<Cheŋ a ga tuni nuru baai ale tom dai yeŋ la ale wiiti chin yeŋ yaase barli china ŋata, alege yik fidek abe fi kan kaasi kpaamu yaase daamu.>>
7Ate Pabiika yaa ŋman foli bobi kaai ale saari bunaansiwa. Javuk kuui ale saari sinaansiwa la a yaa weeni mi ayen, <<Jam nya.>> 8Mi yaa nya ale ka wusum piak ale za du. Nuru waai ale jam kali bu zuk la yuei jam le Kum. Wanyi mɛ yuei jam le Kpiluŋ.>> Wa jam a vi ka Kum ŋaaŋ. Ba yaa poori tɛŋka bunaansi a yaa lueri kaukku kunyi ayen ba ko waai meena ale jam bo dula la. Ba nɔi bayewa yaa cheŋ ga pai gebik woŋ ale kom ale nyiŋtuila ale duŋ waarisa a ko ba.
9Ate Pabiika yaa ŋman foli bobi kaai ale saari bunuwa la. Mi yaa nya ale ka jaab ale a nye se kuŋkuŋ la ale za du. Baai meena ate ba jam ko ba ayen ba jam a sak Wen wamaŋsaŋa nyiŋla a jam za ka jabuui ale a neensi kuŋkuŋku la tɛŋ. 10Ba yaa nuem ale lueluk pagrisa ayen, <<Nyɔnɔwa waai ale ka Naawen yaa, fi ka weleŋsa ale wensie nyɔnɔ ale ge ta ŋanta meena pagrim. Ku le beni a soa ka sɛ alege ate fi bo buusa a te tɛŋka meena nuruma abe fi te ba waalika ba ale jam ko tama diila?>> 11Ba yaa te ba garuk woŋ peelita ale weeni ba ayen ba vuusi maga ate tɛŋka meena nuruma a ko ba suataŋa a nueri ase ba le jam ko ba diila a gum du.
12Ate mi yaa nya ale Pabiika ŋman foli bobi kaai ale a saari buyuebiwa la. Tɛŋka meena a yaa deri choa nna yegayega ate wenbinni mɛ a sobri ase garuk ate ba pai buuk kobta a nye la, chiika mɛ a muni ase ziim la, 13ate chiŋmarisaŋa a lo tɛŋka zuk ase viok ale a fuk ate kiŋkama a lo diila. 14Wenŋmazuk a yaa kpamsi ase gbaŋ la a bɛ, ate guuk kpientaŋa ale tɛŋsaŋa meena ate nyiamu a doa gilim si la, a basi ba zaanaŋa jiŋŋa. 15Tɛŋka meena nalimaŋa ale nuru kpienta ale tugurik tɔŋdɔba kpaga ale ŋanta nyama ale pagrɔma. Yɔm meena ale fasiyaa nyam meena a jam chali kama a jo pina vie ale guuta pina po a suk. 16Ba yaa weeni guutaŋa ale pinaŋa ayen, <<Lo ti zuk, ate waai ale kali wenŋmazuk naamu zukpaglika zuk la a kan nya ti, abe Pabiika kan nya ti ale ka suipuurumu. 17Wen suipuurum kpiemu danni a paari kama. Ka wana ale baga a tu wa?>>
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation