Pa Sakka 2
2
1<<Ŋmarisi wieŋa de a te Wen maarɔwa waai ale a nya Kirisita bisaŋa ale a tu chaab Efisos la zuk. Wieŋa de a nyini ka waai ale ta chiŋmarisa siyopɔiwa wa juŋŋa po la ale a cheŋ a gilim zeuŋta tiyopɔiwa ale a nye ase ba pai ligmɔniŋ a nye ti la ayen, 2<M seba ni suiniima po ale ka diila kama ale ni ale a yaali ayen ni tom mi tuimaŋa ale chichiiba alege kan jiak la. M seba ayen ni ka wari ale nuru baai ale a tom tuimbaata la, alege a nye nuru baai ale weeni ayen ba ka Wen tuimtomdɔba alege ba daa wa tuimtomdɔba la a nya. Ni be nya kama ayen ba ka velimvendisa. 3Ni siak a te ni ninammu ale chichiiba ka mi nyiŋ, alege kan yaali ayen ni basi mi vaka.
4<< <Alege ni diem tali ka wari dinyi. Ni kan yaali mu ase ni ale liŋ a yaali mu diila. 5Ni teeri ni ale liŋ jam ka diila, abe ni pilim jam mi jigi. Ni dan kan pilim jam mi jigiya, m le ŋman pilim jam ni jigi ka nwuli a pai ni zeuŋku ku zaanaŋa jigini. 6Ni kisi tuimbaata tii ate Nikolai demma a nye la kama, ase mi ale kisi ba diila.
7<< <Ni lak ni tueŋa a wom dii ate Wen Chiika a weeni a sak Kirisita bisaŋa ale a tu chaab a bo Asia la. Baai meena ale kaa basi mi va ka la, m le te ba suik ate ba dɛ Wen tiib buui ale a te nyuvuri la yɔnni.>
8<<Ŋmarisi wieŋa de a te Wen maarɔwa waai ale a nya Kirisita bisaŋa ale a tu chaab Sumana la zuk. Wieŋa de a nyini ka waai ale piilimka ale kpeglimka, a jam kpi alege yɔgyɔgla de a ŋman vua la jigi ayen, 9<M seba ni ale a tu daani kaai meena la kama. M seba ni ale ka ŋanjaksa la kama, alege ni jigsi kama. M be seba baai mɛ ale a wi badek ayen Juuba ate ba biisi a kaasi ni yue la kama. Ba ka nuru baai ate Sitaana a soa ba. 10Ni kan chali yɔgsum ale wari dii ale a te ni ninam la. Jabioku le basi ate ba yik ni ba gela a lik dɔk po ate wa nye ni nya ate ni ninammu a paari daa pi. Ba dan poom ayen ba ko ni, ni ŋmasi ta siaka ale mi ate m te ni nyuvuri naam zutɔkka. 11Ni lak ni tueŋa a wom dii ate Wen Chiika a weeni Kirisita bisaŋa ale a tu chaab a bo Asia la. Nuru baai ale ŋmasi yik ba siaka ate ku a paari ku kpeglimka po la, Wen a kan pai ba a gum chaab ale nuru baai ate wa le te ba waalika la po.>
12<<Ŋmarisi wieŋa de a te Wen maarɔwa waai ale a nya Kirisita bisaŋa ale a tu chaab Peganum la zuk. Wieŋa de a nyini ka waai ale ta gebik kaai noaŋa meena ale a dɛ la ayen, 13<M seba ayen ni ale bo juijui la, Sitaana a ta ka naam zukpaglik du. Fi ta wensie kama ale kan basi fi siaka mɛ ale mu. Ba ko Antipas waai ale jam ta siaka ale mu a sak m wieŋa la alege fi an basi mu. 14Alege wieŋa chaab ate ni tali. Nuruba gela ale bo ni po a va Balaam sinsaŋŋa. Wa jam sak ka Belak ayen wa sak Juuma ba le ba nye dii a dɛ bɔgta ŋandiinta a be ba a nye kaboŋsa la. 15Nuruba ba gela a bo ni po a va Nikolai demma sinsaŋŋa. 16Ni basi ni wabaataŋa. Ni dan kan basi ya, m le pilim ŋman jam ni jigi nwuli a pai gebik kaai ale nyini m nɔnni po a nyini la a tu ba a nye kpaliŋ. 17Ni lak ni tueŋa a wom dii ate Wen Chiika a weeni Kirisita bisaŋa ale a tu chaab a bo Asia la. Nuru baai ale ŋmasi yik ba siaka ate ku a paari kpeglimka la, m le pai ŋandiin tii ate ba a wi ayen wenzuk ŋandiinta la ate ti suk la a te ba. M le ŋmarisi yue paali a dueni tintain peeluk nyiŋ a te waai meena. Waai a kan seba yuenni, ka waai dek ale a tuesi la nyiini.>
18<<Ŋmarisi wieŋa de a te Wen maarɔwa waai ale a nya Kirisita bisaŋa ale a tu chaab Tiatira la zuk. Wieŋa de a nyini ka waai ale ka Wen Nidoabinni ate wa ninaŋa a muni ase bolim ale a dɛ la, ate wa naŋtaataŋa a nye se kutuk ate ba pai se bolim po ate ku a nyaksi la ayen, 19<M seba ni suiniima ale ni ale a yaali Wen ale ni le ta siaka nalimnyiini ale wa diila. M seba mɛ ayen tuim ŋaai ate ni a tom ale chichiiba la gaam tuim ŋaai ate ni liŋ a tom la kama. 20Alege wari dinyi ate ni diem tali. Ni siak kama ate Jezebel nipok waai ale a weeni ayen wa ka Wen biisiteerɔ la, a sak ayen ni a nye kaboŋsa abe ni a dɛ bɔgta ŋandiinta. 21Mi te wa suik kama ayen wa basi wa kaboŋsaŋa nyeka alege wa kan yaali ayen wa basi. 22Ni wom mi. Wa ale baai ale tigsi chaab a nye ba kaboŋsaŋa ale kan yaali ŋa basika la, m le basi ate tuem a yik ba ate ba duak tɛŋ a nam yegayega. 23M le basi ate wa bisaŋa a kpi, ate Kirisita bisaŋa meena a seba ayen mi ka waai ale seba nuruba suiniima po ale ka diila. M le tuni ni meena ni le tom diila. 24Nama baai ale bo Tiatira tɛŋka po ale kan va wa sinsaŋŋa la alege an zamsi Sitaana wa susuŋŋa la, m kan pai jib yonta a ji ni. 25Ni ŋmasi yik dii ate ni ta la ate m ga jam. 26Ni dan ŋmasi yik nalimnyiini ate ku peenti m sui ale ge ate ku paari ku kpeglimka, m le bobi ni m nalima ate ni soa tɛŋka meena nuruma. 27M Kowa ale pai wa pagrimu a te mu ayen m soa ba ale pagrim. Ni seba samɔniŋ mɛɛrɔwa a nyiem ale pai wa kukku diokku a nak samɔniŋ sii ale kan nala a mobi la. Nama mɛ ale soa ba ka dila. 28M zuli ŋaai ale m nalim buui ate m le pai a te ni la, le kasim a nyaksi ase ka vari chiŋmarika la. 29Ni lak ni tueŋa a wom dii ate Wen Chiika a weeni Kirisita bisaŋa ale a tu chaab a bo Asia la.>
Currently Selected:
Pa Sakka 2: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Pa Sakka 2
2
1<<Ŋmarisi wieŋa de a te Wen maarɔwa waai ale a nya Kirisita bisaŋa ale a tu chaab Efisos la zuk. Wieŋa de a nyini ka waai ale ta chiŋmarisa siyopɔiwa wa juŋŋa po la ale a cheŋ a gilim zeuŋta tiyopɔiwa ale a nye ase ba pai ligmɔniŋ a nye ti la ayen, 2<M seba ni suiniima po ale ka diila kama ale ni ale a yaali ayen ni tom mi tuimaŋa ale chichiiba alege kan jiak la. M seba ayen ni ka wari ale nuru baai ale a tom tuimbaata la, alege a nye nuru baai ale weeni ayen ba ka Wen tuimtomdɔba alege ba daa wa tuimtomdɔba la a nya. Ni be nya kama ayen ba ka velimvendisa. 3Ni siak a te ni ninammu ale chichiiba ka mi nyiŋ, alege kan yaali ayen ni basi mi vaka.
4<< <Alege ni diem tali ka wari dinyi. Ni kan yaali mu ase ni ale liŋ a yaali mu diila. 5Ni teeri ni ale liŋ jam ka diila, abe ni pilim jam mi jigi. Ni dan kan pilim jam mi jigiya, m le ŋman pilim jam ni jigi ka nwuli a pai ni zeuŋku ku zaanaŋa jigini. 6Ni kisi tuimbaata tii ate Nikolai demma a nye la kama, ase mi ale kisi ba diila.
7<< <Ni lak ni tueŋa a wom dii ate Wen Chiika a weeni a sak Kirisita bisaŋa ale a tu chaab a bo Asia la. Baai meena ale kaa basi mi va ka la, m le te ba suik ate ba dɛ Wen tiib buui ale a te nyuvuri la yɔnni.>
8<<Ŋmarisi wieŋa de a te Wen maarɔwa waai ale a nya Kirisita bisaŋa ale a tu chaab Sumana la zuk. Wieŋa de a nyini ka waai ale piilimka ale kpeglimka, a jam kpi alege yɔgyɔgla de a ŋman vua la jigi ayen, 9<M seba ni ale a tu daani kaai meena la kama. M seba ni ale ka ŋanjaksa la kama, alege ni jigsi kama. M be seba baai mɛ ale a wi badek ayen Juuba ate ba biisi a kaasi ni yue la kama. Ba ka nuru baai ate Sitaana a soa ba. 10Ni kan chali yɔgsum ale wari dii ale a te ni ninam la. Jabioku le basi ate ba yik ni ba gela a lik dɔk po ate wa nye ni nya ate ni ninammu a paari daa pi. Ba dan poom ayen ba ko ni, ni ŋmasi ta siaka ale mi ate m te ni nyuvuri naam zutɔkka. 11Ni lak ni tueŋa a wom dii ate Wen Chiika a weeni Kirisita bisaŋa ale a tu chaab a bo Asia la. Nuru baai ale ŋmasi yik ba siaka ate ku a paari ku kpeglimka po la, Wen a kan pai ba a gum chaab ale nuru baai ate wa le te ba waalika la po.>
12<<Ŋmarisi wieŋa de a te Wen maarɔwa waai ale a nya Kirisita bisaŋa ale a tu chaab Peganum la zuk. Wieŋa de a nyini ka waai ale ta gebik kaai noaŋa meena ale a dɛ la ayen, 13<M seba ayen ni ale bo juijui la, Sitaana a ta ka naam zukpaglik du. Fi ta wensie kama ale kan basi fi siaka mɛ ale mu. Ba ko Antipas waai ale jam ta siaka ale mu a sak m wieŋa la alege fi an basi mu. 14Alege wieŋa chaab ate ni tali. Nuruba gela ale bo ni po a va Balaam sinsaŋŋa. Wa jam sak ka Belak ayen wa sak Juuma ba le ba nye dii a dɛ bɔgta ŋandiinta a be ba a nye kaboŋsa la. 15Nuruba ba gela a bo ni po a va Nikolai demma sinsaŋŋa. 16Ni basi ni wabaataŋa. Ni dan kan basi ya, m le pilim ŋman jam ni jigi nwuli a pai gebik kaai ale nyini m nɔnni po a nyini la a tu ba a nye kpaliŋ. 17Ni lak ni tueŋa a wom dii ate Wen Chiika a weeni Kirisita bisaŋa ale a tu chaab a bo Asia la. Nuru baai ale ŋmasi yik ba siaka ate ku a paari kpeglimka la, m le pai ŋandiin tii ate ba a wi ayen wenzuk ŋandiinta la ate ti suk la a te ba. M le ŋmarisi yue paali a dueni tintain peeluk nyiŋ a te waai meena. Waai a kan seba yuenni, ka waai dek ale a tuesi la nyiini.>
18<<Ŋmarisi wieŋa de a te Wen maarɔwa waai ale a nya Kirisita bisaŋa ale a tu chaab Tiatira la zuk. Wieŋa de a nyini ka waai ale ka Wen Nidoabinni ate wa ninaŋa a muni ase bolim ale a dɛ la, ate wa naŋtaataŋa a nye se kutuk ate ba pai se bolim po ate ku a nyaksi la ayen, 19<M seba ni suiniima ale ni ale a yaali Wen ale ni le ta siaka nalimnyiini ale wa diila. M seba mɛ ayen tuim ŋaai ate ni a tom ale chichiiba la gaam tuim ŋaai ate ni liŋ a tom la kama. 20Alege wari dinyi ate ni diem tali. Ni siak kama ate Jezebel nipok waai ale a weeni ayen wa ka Wen biisiteerɔ la, a sak ayen ni a nye kaboŋsa abe ni a dɛ bɔgta ŋandiinta. 21Mi te wa suik kama ayen wa basi wa kaboŋsaŋa nyeka alege wa kan yaali ayen wa basi. 22Ni wom mi. Wa ale baai ale tigsi chaab a nye ba kaboŋsaŋa ale kan yaali ŋa basika la, m le basi ate tuem a yik ba ate ba duak tɛŋ a nam yegayega. 23M le basi ate wa bisaŋa a kpi, ate Kirisita bisaŋa meena a seba ayen mi ka waai ale seba nuruba suiniima po ale ka diila. M le tuni ni meena ni le tom diila. 24Nama baai ale bo Tiatira tɛŋka po ale kan va wa sinsaŋŋa la alege an zamsi Sitaana wa susuŋŋa la, m kan pai jib yonta a ji ni. 25Ni ŋmasi yik dii ate ni ta la ate m ga jam. 26Ni dan ŋmasi yik nalimnyiini ate ku peenti m sui ale ge ate ku paari ku kpeglimka, m le bobi ni m nalima ate ni soa tɛŋka meena nuruma. 27M Kowa ale pai wa pagrimu a te mu ayen m soa ba ale pagrim. Ni seba samɔniŋ mɛɛrɔwa a nyiem ale pai wa kukku diokku a nak samɔniŋ sii ale kan nala a mobi la. Nama mɛ ale soa ba ka dila. 28M zuli ŋaai ale m nalim buui ate m le pai a te ni la, le kasim a nyaksi ase ka vari chiŋmarika la. 29Ni lak ni tueŋa a wom dii ate Wen Chiika a weeni Kirisita bisaŋa ale a tu chaab a bo Asia la.>
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation