Pa Sakka 1
1
1Mi Jɔɔn ale a ŋmarisi gbaŋka de po wie ŋaai ate Yeezu Kirisita a pai sak mu la. Wen ale pai wieŋa de meena a te wa ayen wa pai sak wa tomteerɔma dii ale za ku nye la. Ku kan beni. Yeezu Kirisita abe tom ka maarɔ ayen wa weeni wieŋa de a sak mu ate m seba. 2Mi be a weeni ka dii meena ate mi a nya la. Bi kaai ale nyini Wen jigi ale wensie ŋaai ate wa pai sak la ale nna ate mi a weeni. 3Nuru baai ale ba karim gbaŋka de abe ba weeni a sak ba suata la, ale nuru baai mɛ ale a wom dii le di nye ate ba va m wieŋa la, ba sue ale peenti ka yegayega. Diipo ate wieŋa de le nye la a moata kama.
4Mi, Jɔɔn, ale a ŋmarisi gbaŋka de a te Kirisita bisaŋa ale a tu chaab tɔgatɔga buyopɔi a bo Asia tɛŋka po la. Wen jam boro kama ale boro ale boro diipo meena. A nyini chiisa siyopɔiwa ale bo naam zukpaglika niŋ la, 5ale Yeezu Kirisita waai ale sak ti Wen wensieŋa ale liŋ nak wa yiti kum po tama meena niŋ la, ba meena ale ba maari ni abe ba te ni boro ale suiyɔgni. Yeezu ka Naab waai ale gaam tɛŋzuk meena nalima la. Wa jam ta yaalika ale ti kama ale pai wa ziimu a sugri ti tuimbaataŋa ti suiniima po a basi, 6alege a bobi ti nalima ale lueri ti ayen ti chim kaabteerɔba ate ti a tom tuima a te wa Kowa Wen. Yeezu a ta zula ale nalim ale pagrim yegayega taam wuu. Ku be nye dila.
7Ni ŋmasi a nya. Wa le nyini ka chiŋmaaŋa suŋsuŋ a nyini ate baai ale jam chubi wa gauŋku la, ale nuru meena a nya wa. Wa dan ŋman pilim jam, nuru meena tɔgatɔga ale bo tɛŋzuk la, le kum kama a te wa. Ku be nye dila.
8Naawen dii ale ka Wen la weeni ayen, <<Mi ale Piilimka. Mi be le Kpeglimka. Mi jam boro kama. Mi abe boro kama. Mi abe le boro diipo meena. Mi ka waai ale Ta Ŋanta Meena Pagrim.>>
9Mi, Jɔɔn, ka ni suok. Mi ale nama a namu kama Yeezu nyiŋ, alege wa a maari ti ate ti a siak a te ti ninammu ayen dai yeŋ ti le jo wa naamu po. Ba pai mi a basi ka Patmos ate nyiam doa gilim ka la po. Ba ale nye nna dii nyiŋla, m jam mooli ka Wen wamaŋsaŋa alege a weeni nuruba Yeezu ale jam sak ti wensie ŋaai la. 10Naawen danni ate Wen Chiika a jam nye ate mi nya ŋanta nna ase m jam goa a daasim kama la. M jam wom ka lueluk kpioŋ ase damuniŋ la, 11a weeni mu ayen, <<Ŋmarisi jabuui ate fi nya la a nyo fi gbaŋka po a pai te Kirisita bisaŋa ale a tu chaab a bo satɛŋsa siyopɔiwa Asia po ate ba a wi ayen Efisos ale Sumana ale Peganum ale Tiatira ale Sardis ale Filadelfia ale Laodisia la.>>
12Mi yaa virim ayen m nya si ka wana ale a biisi, ate mi yaa nya ale zeuŋta tiyopɔi a za, ba pai ka ligmɔniŋ a nye ti. 13Mi ŋman nya ale jaab a neensi saalɔbiik a za zeuŋtaŋa suŋsuŋ. Wa jam jo ka garuk woŋ ale pai garuk kuui ale a nyaksi nna ase ligmɔniŋ la a bobi gilim wa kuusidi. 14Wa zukku zuisaŋa a jam peenti ka nna tektek, alege ate wa ninaŋa a muni ase bolim ale a dɛ la. 15Wa naŋtaataŋa a jam muni ase ka kuta ate ba pai se bolim po la, ale ge a nyaksi nna yegayega. Wa lueluku a jam a kum ase ka nyaata ale a wuuri diila. 16Wa ta ka chiŋmarisa siyopɔi wa juga po ale gebik kaai noaŋa meena ale a dɛ la ate ka nyini wa nɔi po a nyini. Wa ninaŋa a nyaksi ase wenbiri ale jueli wenzuk suŋsuŋ a nyaksi diila.
17Mi le nya wa la, mi ya lo tɛŋ ase m kpi la. Wa yaa tiri mi ale wa juga nisaŋa alege weeni mi ayen, <<Kan chali yɔgsum. Mi ale piilimka. Mi be le kpeglimka. 18Mi ka waai ale vua la. M jam kpi kama, alege yɔgyɔgla m boro kama diipo meena. Mi le ta kum ale kpiluŋ safiisaŋa. 19Ŋmarisi wie ŋaai ate fi nya la a dueni. Ŋa gela ka jinla wie. Ŋa gela ale jam nye chum diipo. 20Chiŋmarisa siyopɔiwa ale bo m juŋŋa po la, ale zeuŋtaŋa tiyopɔiwa ale nye nna se ba pai ligmɔniŋ a nye si la, kiri a jam suk kama. Yɔgyɔgla, ŋa be nyini ka peelim, m le pai ŋa kiri a sak ni. Chiŋmarisa siyopɔiwa ka Wen maarɔba bayopɔi baai ale a nya Kirisita bisaŋa ale a tu chaab buyopɔi a bo Asia po la. Zeuŋta tiyopɔiwa ale za la, ka Kirisita bisaŋa ale a tu chaab buyopɔi dula la.
Currently Selected:
Pa Sakka 1: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Pa Sakka 1
1
1Mi Jɔɔn ale a ŋmarisi gbaŋka de po wie ŋaai ate Yeezu Kirisita a pai sak mu la. Wen ale pai wieŋa de meena a te wa ayen wa pai sak wa tomteerɔma dii ale za ku nye la. Ku kan beni. Yeezu Kirisita abe tom ka maarɔ ayen wa weeni wieŋa de a sak mu ate m seba. 2Mi be a weeni ka dii meena ate mi a nya la. Bi kaai ale nyini Wen jigi ale wensie ŋaai ate wa pai sak la ale nna ate mi a weeni. 3Nuru baai ale ba karim gbaŋka de abe ba weeni a sak ba suata la, ale nuru baai mɛ ale a wom dii le di nye ate ba va m wieŋa la, ba sue ale peenti ka yegayega. Diipo ate wieŋa de le nye la a moata kama.
4Mi, Jɔɔn, ale a ŋmarisi gbaŋka de a te Kirisita bisaŋa ale a tu chaab tɔgatɔga buyopɔi a bo Asia tɛŋka po la. Wen jam boro kama ale boro ale boro diipo meena. A nyini chiisa siyopɔiwa ale bo naam zukpaglika niŋ la, 5ale Yeezu Kirisita waai ale sak ti Wen wensieŋa ale liŋ nak wa yiti kum po tama meena niŋ la, ba meena ale ba maari ni abe ba te ni boro ale suiyɔgni. Yeezu ka Naab waai ale gaam tɛŋzuk meena nalima la. Wa jam ta yaalika ale ti kama ale pai wa ziimu a sugri ti tuimbaataŋa ti suiniima po a basi, 6alege a bobi ti nalima ale lueri ti ayen ti chim kaabteerɔba ate ti a tom tuima a te wa Kowa Wen. Yeezu a ta zula ale nalim ale pagrim yegayega taam wuu. Ku be nye dila.
7Ni ŋmasi a nya. Wa le nyini ka chiŋmaaŋa suŋsuŋ a nyini ate baai ale jam chubi wa gauŋku la, ale nuru meena a nya wa. Wa dan ŋman pilim jam, nuru meena tɔgatɔga ale bo tɛŋzuk la, le kum kama a te wa. Ku be nye dila.
8Naawen dii ale ka Wen la weeni ayen, <<Mi ale Piilimka. Mi be le Kpeglimka. Mi jam boro kama. Mi abe boro kama. Mi abe le boro diipo meena. Mi ka waai ale Ta Ŋanta Meena Pagrim.>>
9Mi, Jɔɔn, ka ni suok. Mi ale nama a namu kama Yeezu nyiŋ, alege wa a maari ti ate ti a siak a te ti ninammu ayen dai yeŋ ti le jo wa naamu po. Ba pai mi a basi ka Patmos ate nyiam doa gilim ka la po. Ba ale nye nna dii nyiŋla, m jam mooli ka Wen wamaŋsaŋa alege a weeni nuruba Yeezu ale jam sak ti wensie ŋaai la. 10Naawen danni ate Wen Chiika a jam nye ate mi nya ŋanta nna ase m jam goa a daasim kama la. M jam wom ka lueluk kpioŋ ase damuniŋ la, 11a weeni mu ayen, <<Ŋmarisi jabuui ate fi nya la a nyo fi gbaŋka po a pai te Kirisita bisaŋa ale a tu chaab a bo satɛŋsa siyopɔiwa Asia po ate ba a wi ayen Efisos ale Sumana ale Peganum ale Tiatira ale Sardis ale Filadelfia ale Laodisia la.>>
12Mi yaa virim ayen m nya si ka wana ale a biisi, ate mi yaa nya ale zeuŋta tiyopɔi a za, ba pai ka ligmɔniŋ a nye ti. 13Mi ŋman nya ale jaab a neensi saalɔbiik a za zeuŋtaŋa suŋsuŋ. Wa jam jo ka garuk woŋ ale pai garuk kuui ale a nyaksi nna ase ligmɔniŋ la a bobi gilim wa kuusidi. 14Wa zukku zuisaŋa a jam peenti ka nna tektek, alege ate wa ninaŋa a muni ase bolim ale a dɛ la. 15Wa naŋtaataŋa a jam muni ase ka kuta ate ba pai se bolim po la, ale ge a nyaksi nna yegayega. Wa lueluku a jam a kum ase ka nyaata ale a wuuri diila. 16Wa ta ka chiŋmarisa siyopɔi wa juga po ale gebik kaai noaŋa meena ale a dɛ la ate ka nyini wa nɔi po a nyini. Wa ninaŋa a nyaksi ase wenbiri ale jueli wenzuk suŋsuŋ a nyaksi diila.
17Mi le nya wa la, mi ya lo tɛŋ ase m kpi la. Wa yaa tiri mi ale wa juga nisaŋa alege weeni mi ayen, <<Kan chali yɔgsum. Mi ale piilimka. Mi be le kpeglimka. 18Mi ka waai ale vua la. M jam kpi kama, alege yɔgyɔgla m boro kama diipo meena. Mi le ta kum ale kpiluŋ safiisaŋa. 19Ŋmarisi wie ŋaai ate fi nya la a dueni. Ŋa gela ka jinla wie. Ŋa gela ale jam nye chum diipo. 20Chiŋmarisa siyopɔiwa ale bo m juŋŋa po la, ale zeuŋtaŋa tiyopɔiwa ale nye nna se ba pai ligmɔniŋ a nye si la, kiri a jam suk kama. Yɔgyɔgla, ŋa be nyini ka peelim, m le pai ŋa kiri a sak ni. Chiŋmarisa siyopɔiwa ka Wen maarɔba bayopɔi baai ale a nya Kirisita bisaŋa ale a tu chaab buyopɔi a bo Asia po la. Zeuŋta tiyopɔiwa ale za la, ka Kirisita bisaŋa ale a tu chaab buyopɔi dula la.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation