Wamagsima 26
26
1Ase ŋmoruk nika ale kan ta kiri fanɔi vaari po la, dila mɛ ate zula a ka kiri a te beruwa. 2Kikaasa kan jam fi zuwa nin ka fi mɛ nin magsi dila, ŋa ale nye ase ka nuim ale bo wen ale kan zi diila.
3Fiŋ ka wusum ale soa, a pai miik a dari boniŋ mɛ ate doari a soa beruk ŋaaŋ.
4Kan tulisi beruk a magsi chaab ale wa betta, dan kan daa di fi mɛ ale nye ase ka wadek la.
5Tulisi beruk a magsi chaab ale wa betta, dan kan daa di wa ale pai wadek a chim ka yam nyɔnɔ.
6A waai ale pai tomtomiŋ a te beruk la, a che ka wadek naŋsa ale a gisi daanika a te wadek.
7Ase gbaniŋ naŋsa, ale kan ta kiri diila, wamagsini ka dila a te beruk.
8Ase waai ale pai tain a nyo visiŋ po la a nye ase ka waai ale pai zula a te beruk la.
9Ase muŋ ale a lu danyuirik diila. Wamagsini ka dila a bo beruk nɔi po.
10Tuima nyɔnɔ waai ale a pai beruk yaase waai ale za a nya tuimaŋa la a nye ase ka tɔŋdɔ ale tɔŋ a basi dula.
11Ase biak ale ŋman a lak ka chichiita diila, ku ka dila ate beruk kuui nyiem ale ŋman a tom wa betta la.
12Waai ale a poli ayen wa ta yam la, alege ka bu la, betta a gaam wa kama.
13Nyiŋworuk nyɔnɔwa a ta ka wie a weeni ayen, <<Mi a kan nyini peelim dii nyiŋla gbeŋli a baga a bo suiku po kama. Ku sum ka wensie gbeŋli ale boro.>>
14Ase kuta ale a yik tuok ate ku a lik ale a lak diila, dila mɛ ate nyiŋworuk nyɔnɔwa gaduokku a yik wa a tara.
15Nuruba gela nyiŋ wɔrukku a nye kama ate ba nisa nɔi ta juelika a toa a te ba.
16Nyiŋworuk nyam a poli ayen ba seba gaam yam nyam bayopɔi kama.
17Fi ta fidek a jo a waai wari po a nak nanpaga ku nyiŋ alege ate ku an nya fu la, ku ka betta ase fi ale ga yik biak turi diila.
18Ku a nye ase ka yesiŋ ale a tɔŋ tom diila.
19Ka waai ale a weeni venta wie a sak wa doa ale weeni ayen, <<Mi poom a diini kama.>>
20Daata a dan kan boro bolim a kpi kama, ŋaaŋzum mɛ a dan kan boro kpaliŋ a kan boro.
21Kpaliŋ nyeerɔ a piilim kpaliŋ ka nna se bolim a nyiem ale chɔgsi kaala yaase daata diila.
22Ŋaaŋzum nyɔnɔ wie a nye a ase ka ŋandiin masa ale a siŋ a waai poi po diila.
23Gaasa nyɔnɔ ale biisi wamasik a lik wa suinum ase ba ale pai jabuui ale a nyaksi a nye yak liik nyiŋ diila.
24Nuruba ale weeni wie ŋaai ale masa la a lirim ba biem popolaŋa, alege ba a paasi fu kama. 25Ba a nye badek kama nna se ba ka nuru maŋsa la, alege kan ta siaka ale ba. Ba suiniimaŋa a sueri ale ka biem. 26Wa dan poom pai pimpaasima a lik wa gaasaŋa, ŋa ale nye jassi nuru boari suŋsuŋ po.
27Fi dan bari baruk ayen ku yik nuruba, ku ale cheem yik ka fidek. Fi abe dan bilim piuŋ ayen ku bilim a ji a waai zuk, ku ale cheem bilim a ji ka fidek.
28Giŋgeluŋ kuui ale a velim la a kisa baai ale a nye wa wari la kama, ate venta pimpaga a ka kiri ya.
Currently Selected:
Wamagsima 26: BWU
Highlight
Share
Compare
Copy
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Wamagsima 26
26
1Ase ŋmoruk nika ale kan ta kiri fanɔi vaari po la, dila mɛ ate zula a ka kiri a te beruwa. 2Kikaasa kan jam fi zuwa nin ka fi mɛ nin magsi dila, ŋa ale nye ase ka nuim ale bo wen ale kan zi diila.
3Fiŋ ka wusum ale soa, a pai miik a dari boniŋ mɛ ate doari a soa beruk ŋaaŋ.
4Kan tulisi beruk a magsi chaab ale wa betta, dan kan daa di fi mɛ ale nye ase ka wadek la.
5Tulisi beruk a magsi chaab ale wa betta, dan kan daa di wa ale pai wadek a chim ka yam nyɔnɔ.
6A waai ale pai tomtomiŋ a te beruk la, a che ka wadek naŋsa ale a gisi daanika a te wadek.
7Ase gbaniŋ naŋsa, ale kan ta kiri diila, wamagsini ka dila a te beruk.
8Ase waai ale pai tain a nyo visiŋ po la a nye ase ka waai ale pai zula a te beruk la.
9Ase muŋ ale a lu danyuirik diila. Wamagsini ka dila a bo beruk nɔi po.
10Tuima nyɔnɔ waai ale a pai beruk yaase waai ale za a nya tuimaŋa la a nye ase ka tɔŋdɔ ale tɔŋ a basi dula.
11Ase biak ale ŋman a lak ka chichiita diila, ku ka dila ate beruk kuui nyiem ale ŋman a tom wa betta la.
12Waai ale a poli ayen wa ta yam la, alege ka bu la, betta a gaam wa kama.
13Nyiŋworuk nyɔnɔwa a ta ka wie a weeni ayen, <<Mi a kan nyini peelim dii nyiŋla gbeŋli a baga a bo suiku po kama. Ku sum ka wensie gbeŋli ale boro.>>
14Ase kuta ale a yik tuok ate ku a lik ale a lak diila, dila mɛ ate nyiŋworuk nyɔnɔwa gaduokku a yik wa a tara.
15Nuruba gela nyiŋ wɔrukku a nye kama ate ba nisa nɔi ta juelika a toa a te ba.
16Nyiŋworuk nyam a poli ayen ba seba gaam yam nyam bayopɔi kama.
17Fi ta fidek a jo a waai wari po a nak nanpaga ku nyiŋ alege ate ku an nya fu la, ku ka betta ase fi ale ga yik biak turi diila.
18Ku a nye ase ka yesiŋ ale a tɔŋ tom diila.
19Ka waai ale a weeni venta wie a sak wa doa ale weeni ayen, <<Mi poom a diini kama.>>
20Daata a dan kan boro bolim a kpi kama, ŋaaŋzum mɛ a dan kan boro kpaliŋ a kan boro.
21Kpaliŋ nyeerɔ a piilim kpaliŋ ka nna se bolim a nyiem ale chɔgsi kaala yaase daata diila.
22Ŋaaŋzum nyɔnɔ wie a nye a ase ka ŋandiin masa ale a siŋ a waai poi po diila.
23Gaasa nyɔnɔ ale biisi wamasik a lik wa suinum ase ba ale pai jabuui ale a nyaksi a nye yak liik nyiŋ diila.
24Nuruba ale weeni wie ŋaai ale masa la a lirim ba biem popolaŋa, alege ba a paasi fu kama. 25Ba a nye badek kama nna se ba ka nuru maŋsa la, alege kan ta siaka ale ba. Ba suiniimaŋa a sueri ale ka biem. 26Wa dan poom pai pimpaasima a lik wa gaasaŋa, ŋa ale nye jassi nuru boari suŋsuŋ po.
27Fi dan bari baruk ayen ku yik nuruba, ku ale cheem yik ka fidek. Fi abe dan bilim piuŋ ayen ku bilim a ji a waai zuk, ku ale cheem bilim a ji ka fidek.
28Giŋgeluŋ kuui ale a velim la a kisa baai ale a nye wa wari la kama, ate venta pimpaga a ka kiri ya.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation