Chiinika 6
6
1Naawen a jam weeni Moosis ayen, 2<<Biisi a te Izirali demma ayen, <Ase nidoa yaase nipok a daa yaali wa nye pɛ kaai ale chim ka tɔga, pɛ kaai ate wa le gaari wadek a te Naawen ase Naziri la, 3Wa a magsi wa gaari wadek a nyini jaab meena ate ba pai chicheba a nye la. Bala ale daam yaase yɔn yɔgsa yaase yɔn kosa.#6:3 Yɔnaŋa de a nye ase ka chicheba la. 4Da ŋaai meena ate wa gaari wadek la po, wa an magsi wa dɛ chicheba jaab boa.
5<< <Diipo meena ate wa pɛ ayen wa gaari wadek la poniŋ a kan tiri wa zukku. Ku a fɛ ate wa chim nuru weleŋ ate ku paari diipo ate wa ale gaari wadek a te Naawen la a ga taam. Ku a fɛ ate wa basi ate wa zukku zuisaŋa a chim woŋŋa. 6Diipo meena ate wa gaari wadek a te Naawen la, ku a fɛ ate wa kan cheŋ moata kpio. 7Dan poom ka wadek ko yaase wa ma yaase wa suok yaase wa toa ale kpi wa kan va bala nyiŋ a taŋ wadega, dii nyiŋla daana ŋaai ale sak ayen wa gaari wadek a te Wen la a bo ka wa zukku nyiŋ. 8Diipo meena ate wa gaari wadek la, wa welema kama a te Naawen.
9<< <Ase nuru waai a dan kpi diiri wa ale wa bo dula, dila a taŋ wa zuisaŋa ate wa pai nyo Naawen nisa po la kama, a nyini dai dila danni, ku daa ŋayopɔiwa danni ku a fɛ ate wa chiiri wa zukku wa sugrika danni. 10Dai naanika danni wa ta nangbaŋsa siye yaase kawuta tiye a jam te kaabteerɔwa Tuka Viuku nansuiŋku nɔi. 11Kaabteerɔwa yaa le pai kanyi a kaab ase biem tiirim la abe m kala mɛ a kaab ase juka tiirim la a nye biem duisi basika a te wa, dii nyiŋla wa nye ka biem wa le moata kpiewa la nyiŋ. Dai dila danni dek wa ŋman basi ate wa zuisaŋa a chim. 12Ku a fɛ ate wa ŋman pai wadek a nyo Naawen nisa po diipo ate wa gaari wadek la, abe wa ta padiak kaai ale paari ben a jam ase nyemagsika tiirim la. Da ŋaai ale taam la kan chiini ŋa, dii nyiŋla, wa taŋ wadek kama wa le gaari wadek da ŋaai po la.
13<< <Sinsaŋŋa de ale boro a magsi Naziriwa ase diipo ate wa gaari wadek a te la a nin taam. Ba le ta wa a jam ka Tuka Viuku nansuiŋku nɔi. 14Dula jigini wa yaa le pai tiiritaŋa a te Naawen, padiak kaai ale ta bein yeŋ ale kan ta jomi la a magsi juka tiirim ale pasari dii ale ta bein yeŋ dekki a ka jomi la a magsi biem tiirim, ale padiak kaai ale kan ta jomi la a magsi suiyɔgni tiirim, 15a gum chaab ale ba ŋan bieŋa tiiritaŋa ale nyuka tiiritaŋa ale boroborok kuui ate dabinta ka ku po la ale kpanjɔk. Ŋan bala ale nna maasa ate ba pai zom naliŋ a nye a sa ŋa ale kpaam ale boroborok fiik a sa ale kpaam.
16<< <Kaabteerɔwa ale pai ba a te Naawen a nye biem tiirim ale juka tiirim. 17Wa ale pai kpanjɔkku ale boroboroku ate dabinta a ka ku po la a te, abe wa kaab padiaka ase suiyɔgni tiirim la a te Naawen a gum chaab ale ŋandiinta tiirim ale nyuka tiirim.
18<< <Tuka Viuku nansuiŋku nɔi, Naziriwa a yaa le che wa zuisaŋa ate wa pai nyo Naawen nisa po la. Wa ale pai zuisaŋa a nyo bolimu ate suiyɔgni tiiritaŋa kaabka a doa bu zuk la.
19<< <Naziriwa a dan che wa zuisaŋa ate wa pai nyo Naawen nisa po la ŋaaŋnyiŋ, kaabteerɔwa ale pai padiaka ate ba dik bɔgini la a nyo wa nisa po ale maasidi ale boroboroku ate ba sa ale kpaam la a ta nyini kpanjɔkku po, ŋanta buyewa de dabinta kan bo ba po. 20Kaabteerɔwa yaa le yulum ba Naawen niŋ ase yulumka tiirim la. Ba ka tuilum ŋanta a te kaabteerɔwa, a gum chaab ale kuusini ale kɔsukku ate ba pai a yulum te la. Dila ŋaaŋnyiŋ Naziriwa a yaa nyu daamu.
21<< <Sinsaŋŋa ale la a magsi Naziri waai ale pɛ wa tiirimu a te Naawen a ta va wa ale gaari wadek la, a gum chaab ale jabuui meena ate wa baga a te la. Ku a fɛ ate wa nye dii ate wa pɛ la a ta va Naziri sinsaŋŋa ale ka diila.> >>
22Naawen a jam weeni Moosis ayen, 23<<Weeni Aaron ale wa nidoabilisaŋa ayen, <Fi ale fi niak Izirali demma diila ale nna. Weeni ba ayen, 24<<Naawen a niak ni abe wa ta ni. 25Naawen basi ate wa nimbidiaka a nyaksi ni zuk abe wa ŋman a te ni. 26Naawen a tulim wa nina a tuk ni nyiŋ abe wa te ni suiyɔgni.>> >
27<<Dila ba le pa m yuenni a basi Izirali demma zuk ate mi ale niak ba.>>
Currently Selected:
Chiinika 6: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Chiinika 6
6
1Naawen a jam weeni Moosis ayen, 2<<Biisi a te Izirali demma ayen, <Ase nidoa yaase nipok a daa yaali wa nye pɛ kaai ale chim ka tɔga, pɛ kaai ate wa le gaari wadek a te Naawen ase Naziri la, 3Wa a magsi wa gaari wadek a nyini jaab meena ate ba pai chicheba a nye la. Bala ale daam yaase yɔn yɔgsa yaase yɔn kosa.#6:3 Yɔnaŋa de a nye ase ka chicheba la. 4Da ŋaai meena ate wa gaari wadek la po, wa an magsi wa dɛ chicheba jaab boa.
5<< <Diipo meena ate wa pɛ ayen wa gaari wadek la poniŋ a kan tiri wa zukku. Ku a fɛ ate wa chim nuru weleŋ ate ku paari diipo ate wa ale gaari wadek a te Naawen la a ga taam. Ku a fɛ ate wa basi ate wa zukku zuisaŋa a chim woŋŋa. 6Diipo meena ate wa gaari wadek a te Naawen la, ku a fɛ ate wa kan cheŋ moata kpio. 7Dan poom ka wadek ko yaase wa ma yaase wa suok yaase wa toa ale kpi wa kan va bala nyiŋ a taŋ wadega, dii nyiŋla daana ŋaai ale sak ayen wa gaari wadek a te Wen la a bo ka wa zukku nyiŋ. 8Diipo meena ate wa gaari wadek la, wa welema kama a te Naawen.
9<< <Ase nuru waai a dan kpi diiri wa ale wa bo dula, dila a taŋ wa zuisaŋa ate wa pai nyo Naawen nisa po la kama, a nyini dai dila danni, ku daa ŋayopɔiwa danni ku a fɛ ate wa chiiri wa zukku wa sugrika danni. 10Dai naanika danni wa ta nangbaŋsa siye yaase kawuta tiye a jam te kaabteerɔwa Tuka Viuku nansuiŋku nɔi. 11Kaabteerɔwa yaa le pai kanyi a kaab ase biem tiirim la abe m kala mɛ a kaab ase juka tiirim la a nye biem duisi basika a te wa, dii nyiŋla wa nye ka biem wa le moata kpiewa la nyiŋ. Dai dila danni dek wa ŋman basi ate wa zuisaŋa a chim. 12Ku a fɛ ate wa ŋman pai wadek a nyo Naawen nisa po diipo ate wa gaari wadek la, abe wa ta padiak kaai ale paari ben a jam ase nyemagsika tiirim la. Da ŋaai ale taam la kan chiini ŋa, dii nyiŋla, wa taŋ wadek kama wa le gaari wadek da ŋaai po la.
13<< <Sinsaŋŋa de ale boro a magsi Naziriwa ase diipo ate wa gaari wadek a te la a nin taam. Ba le ta wa a jam ka Tuka Viuku nansuiŋku nɔi. 14Dula jigini wa yaa le pai tiiritaŋa a te Naawen, padiak kaai ale ta bein yeŋ ale kan ta jomi la a magsi juka tiirim ale pasari dii ale ta bein yeŋ dekki a ka jomi la a magsi biem tiirim, ale padiak kaai ale kan ta jomi la a magsi suiyɔgni tiirim, 15a gum chaab ale ba ŋan bieŋa tiiritaŋa ale nyuka tiiritaŋa ale boroborok kuui ate dabinta ka ku po la ale kpanjɔk. Ŋan bala ale nna maasa ate ba pai zom naliŋ a nye a sa ŋa ale kpaam ale boroborok fiik a sa ale kpaam.
16<< <Kaabteerɔwa ale pai ba a te Naawen a nye biem tiirim ale juka tiirim. 17Wa ale pai kpanjɔkku ale boroboroku ate dabinta a ka ku po la a te, abe wa kaab padiaka ase suiyɔgni tiirim la a te Naawen a gum chaab ale ŋandiinta tiirim ale nyuka tiirim.
18<< <Tuka Viuku nansuiŋku nɔi, Naziriwa a yaa le che wa zuisaŋa ate wa pai nyo Naawen nisa po la. Wa ale pai zuisaŋa a nyo bolimu ate suiyɔgni tiiritaŋa kaabka a doa bu zuk la.
19<< <Naziriwa a dan che wa zuisaŋa ate wa pai nyo Naawen nisa po la ŋaaŋnyiŋ, kaabteerɔwa ale pai padiaka ate ba dik bɔgini la a nyo wa nisa po ale maasidi ale boroboroku ate ba sa ale kpaam la a ta nyini kpanjɔkku po, ŋanta buyewa de dabinta kan bo ba po. 20Kaabteerɔwa yaa le yulum ba Naawen niŋ ase yulumka tiirim la. Ba ka tuilum ŋanta a te kaabteerɔwa, a gum chaab ale kuusini ale kɔsukku ate ba pai a yulum te la. Dila ŋaaŋnyiŋ Naziriwa a yaa nyu daamu.
21<< <Sinsaŋŋa ale la a magsi Naziri waai ale pɛ wa tiirimu a te Naawen a ta va wa ale gaari wadek la, a gum chaab ale jabuui meena ate wa baga a te la. Ku a fɛ ate wa nye dii ate wa pɛ la a ta va Naziri sinsaŋŋa ale ka diila.> >>
22Naawen a jam weeni Moosis ayen, 23<<Weeni Aaron ale wa nidoabilisaŋa ayen, <Fi ale fi niak Izirali demma diila ale nna. Weeni ba ayen, 24<<Naawen a niak ni abe wa ta ni. 25Naawen basi ate wa nimbidiaka a nyaksi ni zuk abe wa ŋman a te ni. 26Naawen a tulim wa nina a tuk ni nyiŋ abe wa te ni suiyɔgni.>> >
27<<Dila ba le pa m yuenni a basi Izirali demma zuk ate mi ale niak ba.>>
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation