Chiinika 5
5
1Naawen a jam weeni Moosis ayen, 2<<Weeni Izirali demma ayen ba yiak nuru waai ale bo ba po a ta nyiŋ gbaŋ tuem yaase sim a nyini wa niŋka yaase wa taŋ wadek ale jakpiuk la a basi. 3Jaduok ale jasari meena, ni yeeri ba a ta nyini ni boka jigini ate ba kan taŋ ba boka jigini, juijui ate mi ale boro ale ba la.>> 4Izirali demma a jam nye kude kama, ba jam yeeri ba kama ba boka jigini. Ba jam nye ka dii dek ate Naawen a jam weeni Moosis la.
5Naawen yaa weeni Moosis ayen, 6<<Biisi a te Izirali demma ayen, <Ase nidoa yaase nipok a dan nye biem buui ate wa choa a nye la, ate dila a basi ate wa nye tukpari ale Naawen, kula nyɔnɔwa a nye biem kama. 7Ku a fɛ ate wa lak wa nɔi a weeni biemu ate wa nye la. Ku a fɛ ate wa tuni wa kaasuŋku nyiŋ, wa lab wa ale a tuni diila bunu a pai bunyi a gum ku meena po a te nuru waai ate wa nye kaasi la. 8Alege ase nuru wala a dan kan ta mabiik ate wa moata wa ate ba tuni a te wa kaasuŋku nyiŋŋa tutunaŋa ka Naawen ale soa, ku a fɛ ate ba pai a te kaabteerɔwa a gum chaab ale padiak kaai ate ba ale pai nye biem duisi basika a te wa la. 9Tuilum tiiritaŋa meena ate Izirali demma a ta jam te kaabteerɔwa la ka kaabteerɔwa dek ale soa. 10Nuru meena tuilum tiirim ka wadek ale soa, alege jabuui ate wa pai te kaabteerɔwa la ka kaabteerɔwa ale soa.> >>
11Naawen a jam weeni Moosis ayen, 12<<Biisi a te Izirali demma a weeni ba ayen, <Ase nuru pok a dan nye be a ka wensie ale wa 13a goa ale nidoa yoŋ, ate kude a chim wasusugi ate wa chorɔwa a zɛ. Ba an miŋ nipowa ale taŋ wadek la, ase nuru ale kan weeni wari a te nipowa alege ba an yik wa ale wa boro a nye wari la. 14Ase nyuri dɛka a dan jam wa chorɔwa jigi ate wa a poli ayen wa powa a taŋ wadek yaase wa poli biem a te wa alege wa an taŋ wa dega. 15Wa ale ta wa powa a cheŋ ka kaabteerɔwa jigi. Ku a fɛ ate wa te zaa zom kuruba wa nyiŋ. Ku a fɛ ate wa kan nyo kpaam du yaase wa nyo ŋan baai nyum ale masa la du, dii nyiŋla bu ka ŋandiinta tiirim a magsi nyuri dɛka, teerika tiirim a basi ba ate ba a teeri nye kaasuŋ wie.
16<< <Kaabteerɔwa yaa le ta nipowa a nyini a basi ate wa zaani Naawen niŋ. 17Wa yaa le ŋari nyanaliŋ a nyo samɔniŋ po a nye viuku tɛŋka tantaŋa a nyo nyiamu po. 18Kaabteerɔwa ale basi ate nipowa a zaani Naawen niŋ la ŋaaŋnyiŋ, wa yaa le vɔssi wa zuisaŋa a nyo wa nisima po teerika tiirimu ale ŋandiinta tiirim a magsi nyuri dɛka alege kaabteerɔwa dek a ta nya tuaka ale ta kikaasa a jam la. 19Kaabteerɔwa yaa le basi ate nipowa a pɛ abe wa weeni wa ayen, <<Ase nidoa yoŋ a dan kan goa ale fu ate fi an nye kaasi a taŋ fidek ale diem bo ale fi chorɔwa, nyatuaka de ale ta kikaasa a jam la a kan nye fu wari ya. 20Alege fi dan nye kaasi ale diem bo ale fi chorɔwa a taŋ fidek a basi ate nidoa yoŋ a goa ale fu alege daa fi chorɔwa.>> 21Dela kaabteerɔwa ale pai nipowa a nyo kikaasaŋa de po ayen, <<Naawen a ka kikaasa a te fi nuruma abe wa zɛri fu ate fi chim kirik. 22Nyiamu de ale ta kikaasa a jam a jo fi nyiŋka po ate fi chim kirik.>> Ate nipowa ale weeni ayen, <<Ku be nye dila.>>
23<< <Kaabteerɔwa ale ŋmarisi kikaasaŋa de gbaŋ po a sugri a basi nyatuaka po. 24Wa le basi ate nipowa a nyu nyiamu ale toa a ta kikaasa a jam la, ate nyiamu de ale jo wa nyiŋka po a basi ate wa a nam yegayega. 25Kaabteerɔwa yaa le tuesi ŋandiinta tiirimu ale magsi nyuri dɛka la wa nisa po, a yulum Naawen niŋ abe wa yaa ta jam kuŋkuŋku zuk. 26Kaabteerɔwa ale nye ŋandiinta tiirimu nisa nɔi ase teerika tiirim la a ju kuŋkuŋku zuk. Dila ŋaaŋnyiŋ wa yaa le basi ate nipowa nyu nyiamu. 27Ase wa dan taŋ wadek a ka wensie ale wa chorɔwa, wa dan nyu nyiamu ale ta kikaasa a jam la, bu le jo wa nyiŋka po ate wa paariŋka ale ji abe wa kositaŋa a mɛta, wa ale chim kirik, abe wa chim kikaasa a te wa nuruma. 28Alege ase nipowa a dan kan taŋ wadega wa nala kama wa le biak bisa.
29<< <Sinsaŋŋa ale nna a magsi chaab ale nyuri dɛka ase nipok a nin cheŋ bɛ a taŋ wadek ale diem bo wa chorɔwa jigi, 30yaase nidoawa a dɛ nyuri a poli ayen nidoa yoŋ a goa ale wa powa. Kaabteerɔwa ale basi ate nipowa a zaani Naawen niŋ a weeni wa sinsaŋŋa de meena. 31Chorɔwa a kan nya namsika, alege nipowa ale nya wa biemu tutuna.> >>
Currently Selected:
Chiinika 5: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Chiinika 5
5
1Naawen a jam weeni Moosis ayen, 2<<Weeni Izirali demma ayen ba yiak nuru waai ale bo ba po a ta nyiŋ gbaŋ tuem yaase sim a nyini wa niŋka yaase wa taŋ wadek ale jakpiuk la a basi. 3Jaduok ale jasari meena, ni yeeri ba a ta nyini ni boka jigini ate ba kan taŋ ba boka jigini, juijui ate mi ale boro ale ba la.>> 4Izirali demma a jam nye kude kama, ba jam yeeri ba kama ba boka jigini. Ba jam nye ka dii dek ate Naawen a jam weeni Moosis la.
5Naawen yaa weeni Moosis ayen, 6<<Biisi a te Izirali demma ayen, <Ase nidoa yaase nipok a dan nye biem buui ate wa choa a nye la, ate dila a basi ate wa nye tukpari ale Naawen, kula nyɔnɔwa a nye biem kama. 7Ku a fɛ ate wa lak wa nɔi a weeni biemu ate wa nye la. Ku a fɛ ate wa tuni wa kaasuŋku nyiŋ, wa lab wa ale a tuni diila bunu a pai bunyi a gum ku meena po a te nuru waai ate wa nye kaasi la. 8Alege ase nuru wala a dan kan ta mabiik ate wa moata wa ate ba tuni a te wa kaasuŋku nyiŋŋa tutunaŋa ka Naawen ale soa, ku a fɛ ate ba pai a te kaabteerɔwa a gum chaab ale padiak kaai ate ba ale pai nye biem duisi basika a te wa la. 9Tuilum tiiritaŋa meena ate Izirali demma a ta jam te kaabteerɔwa la ka kaabteerɔwa dek ale soa. 10Nuru meena tuilum tiirim ka wadek ale soa, alege jabuui ate wa pai te kaabteerɔwa la ka kaabteerɔwa ale soa.> >>
11Naawen a jam weeni Moosis ayen, 12<<Biisi a te Izirali demma a weeni ba ayen, <Ase nuru pok a dan nye be a ka wensie ale wa 13a goa ale nidoa yoŋ, ate kude a chim wasusugi ate wa chorɔwa a zɛ. Ba an miŋ nipowa ale taŋ wadek la, ase nuru ale kan weeni wari a te nipowa alege ba an yik wa ale wa boro a nye wari la. 14Ase nyuri dɛka a dan jam wa chorɔwa jigi ate wa a poli ayen wa powa a taŋ wadek yaase wa poli biem a te wa alege wa an taŋ wa dega. 15Wa ale ta wa powa a cheŋ ka kaabteerɔwa jigi. Ku a fɛ ate wa te zaa zom kuruba wa nyiŋ. Ku a fɛ ate wa kan nyo kpaam du yaase wa nyo ŋan baai nyum ale masa la du, dii nyiŋla bu ka ŋandiinta tiirim a magsi nyuri dɛka, teerika tiirim a basi ba ate ba a teeri nye kaasuŋ wie.
16<< <Kaabteerɔwa yaa le ta nipowa a nyini a basi ate wa zaani Naawen niŋ. 17Wa yaa le ŋari nyanaliŋ a nyo samɔniŋ po a nye viuku tɛŋka tantaŋa a nyo nyiamu po. 18Kaabteerɔwa ale basi ate nipowa a zaani Naawen niŋ la ŋaaŋnyiŋ, wa yaa le vɔssi wa zuisaŋa a nyo wa nisima po teerika tiirimu ale ŋandiinta tiirim a magsi nyuri dɛka alege kaabteerɔwa dek a ta nya tuaka ale ta kikaasa a jam la. 19Kaabteerɔwa yaa le basi ate nipowa a pɛ abe wa weeni wa ayen, <<Ase nidoa yoŋ a dan kan goa ale fu ate fi an nye kaasi a taŋ fidek ale diem bo ale fi chorɔwa, nyatuaka de ale ta kikaasa a jam la a kan nye fu wari ya. 20Alege fi dan nye kaasi ale diem bo ale fi chorɔwa a taŋ fidek a basi ate nidoa yoŋ a goa ale fu alege daa fi chorɔwa.>> 21Dela kaabteerɔwa ale pai nipowa a nyo kikaasaŋa de po ayen, <<Naawen a ka kikaasa a te fi nuruma abe wa zɛri fu ate fi chim kirik. 22Nyiamu de ale ta kikaasa a jam a jo fi nyiŋka po ate fi chim kirik.>> Ate nipowa ale weeni ayen, <<Ku be nye dila.>>
23<< <Kaabteerɔwa ale ŋmarisi kikaasaŋa de gbaŋ po a sugri a basi nyatuaka po. 24Wa le basi ate nipowa a nyu nyiamu ale toa a ta kikaasa a jam la, ate nyiamu de ale jo wa nyiŋka po a basi ate wa a nam yegayega. 25Kaabteerɔwa yaa le tuesi ŋandiinta tiirimu ale magsi nyuri dɛka la wa nisa po, a yulum Naawen niŋ abe wa yaa ta jam kuŋkuŋku zuk. 26Kaabteerɔwa ale nye ŋandiinta tiirimu nisa nɔi ase teerika tiirim la a ju kuŋkuŋku zuk. Dila ŋaaŋnyiŋ wa yaa le basi ate nipowa nyu nyiamu. 27Ase wa dan taŋ wadek a ka wensie ale wa chorɔwa, wa dan nyu nyiamu ale ta kikaasa a jam la, bu le jo wa nyiŋka po ate wa paariŋka ale ji abe wa kositaŋa a mɛta, wa ale chim kirik, abe wa chim kikaasa a te wa nuruma. 28Alege ase nipowa a dan kan taŋ wadega wa nala kama wa le biak bisa.
29<< <Sinsaŋŋa ale nna a magsi chaab ale nyuri dɛka ase nipok a nin cheŋ bɛ a taŋ wadek ale diem bo wa chorɔwa jigi, 30yaase nidoawa a dɛ nyuri a poli ayen nidoa yoŋ a goa ale wa powa. Kaabteerɔwa ale basi ate nipowa a zaani Naawen niŋ a weeni wa sinsaŋŋa de meena. 31Chorɔwa a kan nya namsika, alege nipowa ale nya wa biemu tutuna.> >>
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation