Chiinika 33
33
1Dela ale Izirali demma chelimu ale ba kalisaŋa ba le jam nyini Ejipiti ale poori ate Moosis ale Aaron a de ba niŋ la. 2Naawen yaa weeni Moosis ate wa ŋmarisi ba kalisaŋa jiŋŋa ba chelimu po. Ba chelimu kalisaŋa jiŋŋa ale nna.
3Izirali demma a jam basi Arameses tɛŋka ale bo Ejipiti po la ka piilimka chiika ka daa pi ale ŋanuwa danni, dai dii ale pai a saŋ Gaambasika Tigini danni la. Ba jam gɔk ka santiri ale suinum pagri a nyini ate Ejipiti demma meena a nya ba, 4baai ale jam boro a gu ba biik sii ate ba dɛ niŋ a biak la, baai ate Naawen a jam ko ba a lɔnsi ba po la, Naawen a jam taka buusa a jam ba wenaŋa zuk. 5Izirali demma a jam basi Arameses ale ga kali ka Sukkot. 6Ba le jam basi Sukkot la ba ga kali ka Etam gɔnni nakpiak.
7Ba jam basi Etam ale ŋman ka ŋaaŋ a cheŋ Pi Yayirot, Baal Zefon kori geŋsa a kali moata Migdol. 8Ba ŋman basi Pi Yayirot a va nyakpiemu po a jo gɔnni po, ase ba le jam bo Etam Gɔnni po cheŋ daa ŋata la, ba jam ga kali ka Mara tɛŋka.
9Ba ŋman basi Mara ale cheŋ ka Elim tɛŋka kauk kuui ate vila pi ale ŋaye ale kpinkpatta tiisa pisiyopɔi boro la a kali dula. 10Ba le jam basi Elim la, ba ga kali ka Nyakpiem Mɔnuŋku nakpiak.
11Ba be jam ŋman basi Nyakpiem Mɔnuŋku ale ga kali ka Sin Gɔnni po. 12Ba nyini Sin Gɔnni po ale ga kali ka Dofka. 13A nyini Dofka ba ga kali ka Alus. 14Ba basi Alus ale cheŋ ga kali ka Arefidim kauk kuui ate nyiam a karo ate nuruma a nyu la.
15Ba basi Arefidim ale ga kali ka Sinai Gɔnni po. 16Ba ŋman basi Sinai Gɔnni ale ga kali ka Kibrot Yattaava. 17A nyini Kibrot Yattaava ba ga kali ka Yazerot. 18Ba basi Yazerot ale ga kali ka Aritma. 19Ba ŋman basi Aritma ale ga kali ka Arimmon Perezi.
20A nyini Arimmon Perezi ba ga kali ka Libna. 21Ba nyini Libna a ga kali ka Arisaya. 22Ba le nyini Arisaya la ba ga kali ka Keyelata. 23A nyini Keyelata ba ga kali ka Sefer Guuku. 24Ba basi Sefer Guuku a ga kali ka Yaradaya.
25Ba basi Yaradaya la ba ga kali ka Makelot. 26Ba le basi Makelot la ba ga kali ka Tayat. 27Ba le basi Tayat la ba ga kali ka Tɛra. 28Ba le basi Tɛra la ba ga kali ka Mitka. 29Ba le basi Mitka la ba ga kali ka Yasmona.
30Ba le basi Yasmona la ba ga kali ka Moserot. 31Ba le basi Moserot la ba ga kali ka Bene Jaakan. 32Ba le basi Bene Jaakan la ba ga kali ka Yor Yaggidgad. 33Ba le basi Yor Yaggidgad la ba ga kali ka Jotbata. 34Ba le basi Jotbata la ba ga kali ka Abrona.
35Ba le basi Abrona la ba ga kali ka Ezion Geber. 36Ba le basi Ezion Geber la ba ga kali ka Kades, Zin Gɔnni po. 37Ba le basi Kades la ba ga kali ka Yor Guuku, Edom tɛŋka banni ale la. 38Ase Naawen ale biisi la, kaabteerɔwa Aaron a yaa jueli Yor Guuku zuk, dula ate wa kpi chiisa sinuwa piilimka danni bena pisinaansiwa po ase ba le jam nyini Ejipiti tɛŋka po a nyini la. 39Aaron a jam taka bena kook ale pisiye ale ŋata alege kpi Yor Guuku zuk la.
40Keenan naawa ale nyini Arad, waai ale jam bo Negev tɛŋka po la ale ga wom ayen Izirali demma a cheena la. 41Ba yaa jam basi Yor Guuku ale ga kali Zalmona. 42Ba basi Zalmona ale ga kali ka Punon. 43Ba le basi Punon la ba ga kali ka Obot. 44Ba le basi Obot la ba ga kali ka Iye Abarim Moab tɛŋ banni.
45Ba le basi Iyim la ba ga kali ka Dibon Gad. 46Ba le basi Dibon Gad la ba ga kali ka Almon Diblataim. 47Ba le basi Almon Diblataim la ba ga kali ka Abarim guutaŋa zuk ale moata Nebo la.
48Ba le basi Abarim guutaŋa la ba ga kali ka Moab peelimmu Jodan benni nɔi a tuk Jeriko la. 49Dula Moab peelimmu po, ba ga kali ka Jodan benni nɔi a nyini Bet Jesimot a ta ga paari Abel Sittim.
50Moab peelimmu ale maŋ Jodan a tuk Jeriko la, Naawen a yaa biisi ale Moosis ayen, 51<<Biisi a te Izirali demma a weeni ba ayen, <Ase ni dan lo Jodan benni a jueli Keenan po, 52ni yiak baai meena ale bo tɛŋka po la a basi. Ni kaasi ba ŋan baai ate ba peesi la ale ba bɔgtaŋa, abe ni ŋɔriŋ ba kuŋkuŋtaŋa meena. 53Ni tuesi tɛŋka a kali ka po, diila mi te ni tɛŋka kama ayen ni soa ka. 54Ni nak gbaŋ a chari tɛŋka a te chaab ta va ni yezuimaŋa ale ka diila. Baai ale piisi la ni te ba a zuak, baai ale kan piisi la ni te ba maga. Gbaŋka ale nak ate jabuui a lo ba zuk la, ka bala ale soa. Ni chari a ta va ni ŋiaka buuni ale ka diila.
55<< <Alege ni dan kan yiak baai ale bo tɛŋka po la a basi ya, baai ate ni basi ate ba tali boro la ale chim ka peema a lu ni nina abe ba chim munsa a lu ni gana. Ba le kasim a te ni daanika tɛŋ kaai po ate ni boro la. 56Ate mi ale nye ni dii ate m gomsi ayen m nye ba la.> >>
Currently Selected:
Chiinika 33: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
