Chiinika 12
12
1Miriam ale Aaron a yaa piilim a biisi Moosis a kaasi Kus tɛŋka liewa ate wa jam faari la nyiŋ. 2Ba bek ayen, <<Naawen a biisi ale ka Moosis nyiini? Wa kan biisi a ta va tama mɛ zuwa?>> Ate Naawen a wom kude.
3Moosis a jam ka nuru waai ale a yik wadek la, wa jam ŋmasi yik wadek a gaam waai meena kama tɛŋzuk de.
4Ate Naawen yaa deri weeni Moosis ale Aaron ale Miriam ayen, <<Ni nyini jam Tuka Viuku po ni nɔi ni tama meena.>> Ate ba nɔi ba tama a yaa nyini. 5Ate Naawen a yaa siŋ jam ba jigi ase chiŋmari la. Wa jam za ka Viuku nansuiŋku nɔi a wi Aaron ale Miriam. Ase ba nɔi bayema ale jam niŋ la. 6Wa yaa weeni ayen, <<Ni wom mi wieŋa. Ase Naawen biisiteerɔ a dan bo ni po, m te pai m dek sak wa kama, m le biisi ale wa gɔdaasima po. 7Alege kude a daa wensie a ta va mi tomteerɔwa Moosis jigi ya, wa ta siaka ale m yenni meena kama. 8Mi a biisi le wa ka wa nina po nalimnyiini, daa sunsuelima, wa a nya mi ase ka mi ale ka diila. Ka boa ate nama a kan chali yɔgsum ale biisi m tomteerɔwa Moosis a kaasi?>>
9Ate Naawen sui yaa puuri ale ba ate wa basi ba.
10Ase chiŋmanni ale basi Viuku la, Miriam yaa deri za a peenti nna tektek. Aaron a yaa viriŋ tuk wa a nya ale wa nyiŋka a kaasi, 11ate wa weeni Moosis ayen, <<Jenje m nyɔnɔ, kan pai tuni ti, tama le nye betta nyeka a tom biem buui la nyiŋŋa. 12Kan fi basi ate wa nye ase biluak kpiuk ale nyini wa ma popo a nyini ate wa nyiŋka kabta a ka diila.>>
13Dila nyiŋla Moosis yaa kaari a te Naawen ayen, <<Wen yaa, tebi wa.>>
14Ate Naawen a yaa tulisi Moosis ayen, <<Ase wa kowa a dan chesi tuntueta a nyo wa ninaŋa po, wa ti le bo chivie po a paari daa ŋayopɔi. Basi ate wa jam ni boka jigini.>> 15Dila nyiŋ Miriam yaa jam boka peelim a paari daa ŋayopɔi, nuruma an jam ga jigi ya ate ku paari diipo ate ba ta wa ŋman jam la.
16Kula ŋaaŋnyiŋ, nuruma a basi Yazerot kama ale cheŋ ga bo Paran Gɔnni po.
Currently Selected:
Chiinika 12: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Chiinika 12
12
1Miriam ale Aaron a yaa piilim a biisi Moosis a kaasi Kus tɛŋka liewa ate wa jam faari la nyiŋ. 2Ba bek ayen, <<Naawen a biisi ale ka Moosis nyiini? Wa kan biisi a ta va tama mɛ zuwa?>> Ate Naawen a wom kude.
3Moosis a jam ka nuru waai ale a yik wadek la, wa jam ŋmasi yik wadek a gaam waai meena kama tɛŋzuk de.
4Ate Naawen yaa deri weeni Moosis ale Aaron ale Miriam ayen, <<Ni nyini jam Tuka Viuku po ni nɔi ni tama meena.>> Ate ba nɔi ba tama a yaa nyini. 5Ate Naawen a yaa siŋ jam ba jigi ase chiŋmari la. Wa jam za ka Viuku nansuiŋku nɔi a wi Aaron ale Miriam. Ase ba nɔi bayema ale jam niŋ la. 6Wa yaa weeni ayen, <<Ni wom mi wieŋa. Ase Naawen biisiteerɔ a dan bo ni po, m te pai m dek sak wa kama, m le biisi ale wa gɔdaasima po. 7Alege kude a daa wensie a ta va mi tomteerɔwa Moosis jigi ya, wa ta siaka ale m yenni meena kama. 8Mi a biisi le wa ka wa nina po nalimnyiini, daa sunsuelima, wa a nya mi ase ka mi ale ka diila. Ka boa ate nama a kan chali yɔgsum ale biisi m tomteerɔwa Moosis a kaasi?>>
9Ate Naawen sui yaa puuri ale ba ate wa basi ba.
10Ase chiŋmanni ale basi Viuku la, Miriam yaa deri za a peenti nna tektek. Aaron a yaa viriŋ tuk wa a nya ale wa nyiŋka a kaasi, 11ate wa weeni Moosis ayen, <<Jenje m nyɔnɔ, kan pai tuni ti, tama le nye betta nyeka a tom biem buui la nyiŋŋa. 12Kan fi basi ate wa nye ase biluak kpiuk ale nyini wa ma popo a nyini ate wa nyiŋka kabta a ka diila.>>
13Dila nyiŋla Moosis yaa kaari a te Naawen ayen, <<Wen yaa, tebi wa.>>
14Ate Naawen a yaa tulisi Moosis ayen, <<Ase wa kowa a dan chesi tuntueta a nyo wa ninaŋa po, wa ti le bo chivie po a paari daa ŋayopɔi. Basi ate wa jam ni boka jigini.>> 15Dila nyiŋ Miriam yaa jam boka peelim a paari daa ŋayopɔi, nuruma an jam ga jigi ya ate ku paari diipo ate ba ta wa ŋman jam la.
16Kula ŋaaŋnyiŋ, nuruma a basi Yazerot kama ale cheŋ ga bo Paran Gɔnni po.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation