Chiinika 11
11
1Nuruma a yaa jam fɔbili a ta va wapagra ŋaai ate ba bo ŋa po la Naawen tue po, ase wa le ga wom ba la, wa sui yaa puuri. Ate bolim a nyini Naawen jigi a dɛ ba alege a kaasi ba boka jigini nakpiaka gela. 2Ase nuruma ale jam kum te Moosis la, wa yaa puusi a te Naawen ate bolimu a kpi. 3Ba jam a wi dula jigini ayen ka Tabera, dii nyiŋla bolimu ale nyini Naawen jigi a dɛ ba.
4Nicham baai ale jam va ba a nyini Ejipiti la, kɔrisa a yaa jam bo ŋandiin yonta jigi, ate Izirali demma a ŋman piilim kum a weeni ayen, <<Ase ti dan poom taka lam a ŋɔbi, 5tama a teeri jumaŋa ate ti jam bo Ejipiti a ŋɔbi ale kan tuni ŋa nyiŋla kama, ti jam maari a dɛ yɔna tɔgatɔga mɛ ale alabasa ale galik kama. 6Alege yɔgyɔgla de ti jɔk koarisila kama. Tama an ŋman nya jaaboa ka Nyɔnɔwa ŋandiintaŋa nyiini.>>
7Naawen ŋandiintaŋa a jam a nye ase ka ŋan bie fiisa la alege a mak. 8Nuruma a yaa cheŋ gilim a pisi ŋa, a num ŋa niri po yaase ba gariŋ tuik po. Ba jam dik ŋa ka samɔniŋ po yaase ba nye maasa. Ŋa jam a ŋɔbi ka nna ase kpaam ale bo ŋa po la. 9Ase maglim a dan ga lo ba boka jigini yok, Naawen ŋandiintaŋa mɛ nyiem lo kama.
10Moosis a yaa wom ale dɔkdem meena nuruba a bo ba viuk nɔi a kum. Ate Naawen sui yaa ŋmasi puuri nna yegayega, ate ku daani Moosis. 11Ate wa bek Naawen ayen, <<Ka boa ate fi a ta daanika dɛ a jam fi yɔmawa jigi ya? Ka boa ate mi nye a kaasi fi, ate fi pai nuruma de daanika a seeri mi? 12Ka mi puuka po ate nuruma de meena a nyini? Ka mi ale biak ba? Ka boa ate fi weeni ayen mi ta ba m nigoruk po ase buluek ma ale ta wa biluak diila, a cheŋ tɛŋ kaai po ate fi puulim ale ba kokpieŋsaŋa la? 13Ka bɛ ate mi ale nya lam a te nuruma de meena? Ba kasim a kum a te mu kama ayen, <Te ti lam ate ti ŋɔbi. 14Mi a kan baga a ta nuruma de meena m dega, wanni a ŋmasi pagra a gaam mu kama. 15Fi a daa fi nye mi kan nnala, be ko mu yɔgyɔgla de ase ku nin yɔk fi sui. Kan basi ate mi kpi mi dek kummoa.>>
16Naawen a yaa weeni Moosis ayen, <<Ta Izirali demma nisɔm pisiyopɔi baai ate fi seba ayen ba ka niŋdeerɔba ale kpaga nuruma po la a jam te mu. Basi ate ba jam Tuka Viuku po a zaani ale fu. 17M le siŋ jam biisi ale fu dula jigini, mi ale pai Chiik kaai ale bo fi po la, a nyo ba po. Ba le maari fu ate fi baga a nya nuruma zuk, dii le ku basi ate ku kan chim fi nyiini wari ya.
18<<Weeni nuruma ayen, <Ni gomsi nidek a magsi chum, ale ni a ni ŋɔbi ka lam, Naawen a wom ni kama diipo ate ni kum ayen, ase tama a dan poom ta ka lam a ŋɔbi, ti jam zunchoŋ kama diipo ate ti jam bo Ejipiti po la. Yɔgyɔgla de Naawen ale te ni lam ate ni ŋɔbi. 19Ni kan ŋɔbi ti ka dai yeŋ yaase daa ŋaye yaase daa ŋanu yaase daa pi yaase daa pisiye nyiini, 20alege ni le ŋɔbi a paari ka chiik pumi ate ti va ni nyueŋa nyini dii nyiŋla ni zɛri Naawen dii ale bo ale ni la kama a kum wa niŋ a weeni ayen, ka boa ate tama a basi Ejipiti tɛŋka?> >>
21Alege Moosis a weeni ayen, <<Dela mi bo ka nidoaba tusa kobsiyuebi (600,000) po a cheŋ naŋta, ate fi weeni ayen, <Mi ale te ba lam ate ba ŋɔbi chiika meena.> 22Ba le nya yega ase ba nin poom tɔgri duŋsa a te ba? Ba le chagi ase ba nin yik jumaŋa meena nyakpiemu po a te ba?>>
23Naawen a yaa tulisi Moosis ayen, <<Naawen nisaŋa a ŋmasi gela kama? Fi yaa le nya ase m le weeni diila ale nye wensie a te fu ya.>>
24Moosis yaa nyini peelim a weeni nuruma dii ate Naawen a weeni la. Wa yaa ta ba niŋdeerɔba pisiyopɔi a jam jigi yeŋ a gilim Viuku. 25Ate Naawen a yaa siŋ jam chiŋmanni po a biisi ale wa ale pai Chiik kaai ale bo wa po la a nyo niŋdeerɔba pisiyopɔiwa po. Ase Chiika ale jo ba po la, ba yaa biisi Naawen wie, ba an ŋman biisi dila diipo diipo.
26Alege nuruba baye, ba yue jam le Eldad ale Medad ale jam tali bo ba boka jigini. Ba jam chiini ba a gum nisɔmma po kama alege ba an jam nyini cheŋ Viuku po. Alege Chiika a diem jam bo ba po kama ate ba biisi Naawen wie. 27Nuru paalik a yaa chali cheŋ Moosis jigi a ga weeni ayen, <<Eldad ale Medad a biisi ka Wen wie ba boka jigini.>>
28Nun nidoabinni Josua waai ale jam a maari Moosis wa paalimu po la, a yaa biisi ayen, <<Moosis m nyɔnɔwa, kasi ba!>>
29Alege Moosis yaa tulisi ayen, <<Fi a dɛka nyuri mi nyiŋŋa? Mi a yaali ayen Naawen nuruma meena ate ka biisiteerɔba ate Naawen a pai wa Chiika a nyo ba po.>> 30Ate Moosis ale Izirali nisɔmma a yaa ŋman cheŋ ba boka jigini.
31Viok a yaa nyini Naawen jigi a ta yeŋsa nyini nyakpiemu geŋsa a jam te ba. Ku ta jam gilim ba boka jigini meena kama ate si vi chaab a jueli paari duna a yalima ase danni po meena chelim la. 32Dai dila meena ale yok kula ale dai dii ale paasaŋ la meena, nuruma a jam nyini a tigsi ka yeŋsa. Waai an jam tigsi boorisa ate si an paari pi. Ba jam kati si a waaŋ gilim ba boka jigini meena kama. 33Alege lammu ale diem jam bo ba nyinaŋa po la, alege jigi ate ba nɛ bu la, Naawen sui yaa puuri ale nuruma, ate wa yaa basi ate nyiŋtuila a yik ba. 34Dila nyiŋla ba yaa te dula yuei ayen Kibrot Yattaava dii nyiŋla, dula jigini ate ba gu nuru baai ale dɛ ŋandiin yonta la.
35A nyini Kibrot Yattaava nuruma a jam cheŋ ka Yazerot a ga bo dula jigini.
Currently Selected:
Chiinika 11: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Chiinika 11
11
1Nuruma a yaa jam fɔbili a ta va wapagra ŋaai ate ba bo ŋa po la Naawen tue po, ase wa le ga wom ba la, wa sui yaa puuri. Ate bolim a nyini Naawen jigi a dɛ ba alege a kaasi ba boka jigini nakpiaka gela. 2Ase nuruma ale jam kum te Moosis la, wa yaa puusi a te Naawen ate bolimu a kpi. 3Ba jam a wi dula jigini ayen ka Tabera, dii nyiŋla bolimu ale nyini Naawen jigi a dɛ ba.
4Nicham baai ale jam va ba a nyini Ejipiti la, kɔrisa a yaa jam bo ŋandiin yonta jigi, ate Izirali demma a ŋman piilim kum a weeni ayen, <<Ase ti dan poom taka lam a ŋɔbi, 5tama a teeri jumaŋa ate ti jam bo Ejipiti a ŋɔbi ale kan tuni ŋa nyiŋla kama, ti jam maari a dɛ yɔna tɔgatɔga mɛ ale alabasa ale galik kama. 6Alege yɔgyɔgla de ti jɔk koarisila kama. Tama an ŋman nya jaaboa ka Nyɔnɔwa ŋandiintaŋa nyiini.>>
7Naawen ŋandiintaŋa a jam a nye ase ka ŋan bie fiisa la alege a mak. 8Nuruma a yaa cheŋ gilim a pisi ŋa, a num ŋa niri po yaase ba gariŋ tuik po. Ba jam dik ŋa ka samɔniŋ po yaase ba nye maasa. Ŋa jam a ŋɔbi ka nna ase kpaam ale bo ŋa po la. 9Ase maglim a dan ga lo ba boka jigini yok, Naawen ŋandiintaŋa mɛ nyiem lo kama.
10Moosis a yaa wom ale dɔkdem meena nuruba a bo ba viuk nɔi a kum. Ate Naawen sui yaa ŋmasi puuri nna yegayega, ate ku daani Moosis. 11Ate wa bek Naawen ayen, <<Ka boa ate fi a ta daanika dɛ a jam fi yɔmawa jigi ya? Ka boa ate mi nye a kaasi fi, ate fi pai nuruma de daanika a seeri mi? 12Ka mi puuka po ate nuruma de meena a nyini? Ka mi ale biak ba? Ka boa ate fi weeni ayen mi ta ba m nigoruk po ase buluek ma ale ta wa biluak diila, a cheŋ tɛŋ kaai po ate fi puulim ale ba kokpieŋsaŋa la? 13Ka bɛ ate mi ale nya lam a te nuruma de meena? Ba kasim a kum a te mu kama ayen, <Te ti lam ate ti ŋɔbi. 14Mi a kan baga a ta nuruma de meena m dega, wanni a ŋmasi pagra a gaam mu kama. 15Fi a daa fi nye mi kan nnala, be ko mu yɔgyɔgla de ase ku nin yɔk fi sui. Kan basi ate mi kpi mi dek kummoa.>>
16Naawen a yaa weeni Moosis ayen, <<Ta Izirali demma nisɔm pisiyopɔi baai ate fi seba ayen ba ka niŋdeerɔba ale kpaga nuruma po la a jam te mu. Basi ate ba jam Tuka Viuku po a zaani ale fu. 17M le siŋ jam biisi ale fu dula jigini, mi ale pai Chiik kaai ale bo fi po la, a nyo ba po. Ba le maari fu ate fi baga a nya nuruma zuk, dii le ku basi ate ku kan chim fi nyiini wari ya.
18<<Weeni nuruma ayen, <Ni gomsi nidek a magsi chum, ale ni a ni ŋɔbi ka lam, Naawen a wom ni kama diipo ate ni kum ayen, ase tama a dan poom ta ka lam a ŋɔbi, ti jam zunchoŋ kama diipo ate ti jam bo Ejipiti po la. Yɔgyɔgla de Naawen ale te ni lam ate ni ŋɔbi. 19Ni kan ŋɔbi ti ka dai yeŋ yaase daa ŋaye yaase daa ŋanu yaase daa pi yaase daa pisiye nyiini, 20alege ni le ŋɔbi a paari ka chiik pumi ate ti va ni nyueŋa nyini dii nyiŋla ni zɛri Naawen dii ale bo ale ni la kama a kum wa niŋ a weeni ayen, ka boa ate tama a basi Ejipiti tɛŋka?> >>
21Alege Moosis a weeni ayen, <<Dela mi bo ka nidoaba tusa kobsiyuebi (600,000) po a cheŋ naŋta, ate fi weeni ayen, <Mi ale te ba lam ate ba ŋɔbi chiika meena.> 22Ba le nya yega ase ba nin poom tɔgri duŋsa a te ba? Ba le chagi ase ba nin yik jumaŋa meena nyakpiemu po a te ba?>>
23Naawen a yaa tulisi Moosis ayen, <<Naawen nisaŋa a ŋmasi gela kama? Fi yaa le nya ase m le weeni diila ale nye wensie a te fu ya.>>
24Moosis yaa nyini peelim a weeni nuruma dii ate Naawen a weeni la. Wa yaa ta ba niŋdeerɔba pisiyopɔi a jam jigi yeŋ a gilim Viuku. 25Ate Naawen a yaa siŋ jam chiŋmanni po a biisi ale wa ale pai Chiik kaai ale bo wa po la a nyo niŋdeerɔba pisiyopɔiwa po. Ase Chiika ale jo ba po la, ba yaa biisi Naawen wie, ba an ŋman biisi dila diipo diipo.
26Alege nuruba baye, ba yue jam le Eldad ale Medad ale jam tali bo ba boka jigini. Ba jam chiini ba a gum nisɔmma po kama alege ba an jam nyini cheŋ Viuku po. Alege Chiika a diem jam bo ba po kama ate ba biisi Naawen wie. 27Nuru paalik a yaa chali cheŋ Moosis jigi a ga weeni ayen, <<Eldad ale Medad a biisi ka Wen wie ba boka jigini.>>
28Nun nidoabinni Josua waai ale jam a maari Moosis wa paalimu po la, a yaa biisi ayen, <<Moosis m nyɔnɔwa, kasi ba!>>
29Alege Moosis yaa tulisi ayen, <<Fi a dɛka nyuri mi nyiŋŋa? Mi a yaali ayen Naawen nuruma meena ate ka biisiteerɔba ate Naawen a pai wa Chiika a nyo ba po.>> 30Ate Moosis ale Izirali nisɔmma a yaa ŋman cheŋ ba boka jigini.
31Viok a yaa nyini Naawen jigi a ta yeŋsa nyini nyakpiemu geŋsa a jam te ba. Ku ta jam gilim ba boka jigini meena kama ate si vi chaab a jueli paari duna a yalima ase danni po meena chelim la. 32Dai dila meena ale yok kula ale dai dii ale paasaŋ la meena, nuruma a jam nyini a tigsi ka yeŋsa. Waai an jam tigsi boorisa ate si an paari pi. Ba jam kati si a waaŋ gilim ba boka jigini meena kama. 33Alege lammu ale diem jam bo ba nyinaŋa po la, alege jigi ate ba nɛ bu la, Naawen sui yaa puuri ale nuruma, ate wa yaa basi ate nyiŋtuila a yik ba. 34Dila nyiŋla ba yaa te dula yuei ayen Kibrot Yattaava dii nyiŋla, dula jigini ate ba gu nuru baai ale dɛ ŋandiin yonta la.
35A nyini Kibrot Yattaava nuruma a jam cheŋ ka Yazerot a ga bo dula jigini.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation