Malakai 2
2
1<<Nama kaabteerɔma, mi a kaam ni kama. 2Ni wom. Ni kpesi wom mi ale a weeni diila. Ni a zuli m yuenni.>> Naawen Dii Ale A Dɛ Tugurik Tɔŋdɔma Niŋ La ale weeni. <<Ni dan kan wom ya, m le ka basi ni zuk abe m ka a kaasi ni niauŋku meena. M poom ka kama a basi ni zuk, dii nyiŋla ni an kpesi a wom mi ale a weeni diila.>>
3<<M le namsi ni ŋaaŋbisaŋa. M le pai ni duŋsaŋa puusaŋa po ŋantaŋa a taari ni ninaŋa a yaa pai ni ale ŋan bala a yuk a basi. 4Ate ni seba ayen mi ale a te ni kaamka dɛ ayen, Mi ale Livai nɔiyeŋka a kasim boro.>> Naawen Dii Ale A Dɛ Tugurik Tɔŋdɔma Niŋ La ale weeni. 5<<Mi nɔiyeŋka ale Livai. Mi puulim kama ayen m le te ba nyuvuri ale suiyɔgni ate ba a zuli mu. Ba be zuli mi kama, ale a chali mi yɔgsum. 6Ba sak wensie sinsaŋŋa kama alege an biisi venta. Ba nye mi ale weeni ayen ba nye dila kama ale suiyɔgni ale wensie. Ba ŋman kasi nuruba yega biem nyeka. 7Kaabteerɔ a magsi wa sak wa le sebi diila, ate nuruba zamsi nyini wa jigi, dii nyiŋla, wa ka Naawen Dii Ale A Dɛ Tugurik Tɔŋdɔma Niŋ La tuimtomdɔ. 8Alege nama kaabteerɔma a deri basi mi zula teka. Ni sinsaŋŋa a basi ate ka nuruba yega a tom wabaata. Ni yik mi ale Livai buuni nɔiyeŋka kaasi kama.>> Naawen Dii Ale A Dɛ Tugurik Tɔŋdɔma Niŋ La ale weeni. 9<<Ni an kpesi nye dii ate mi weeni ayen ni nye la, Ni niŋ goanti boka nuruba biisa buusa boka. Mi yaa basi ayen nuruba kisi ni abe chivie yik ni nuru meena niŋ.>>
10Ti meena ta ka ko yeŋ. Wen yeŋ ale nye ti. Dila la ka boa ale soa ate nuruba a nyiem nye nɔiyeŋ a ŋman yik kaasi, a kan zuli ti koma ale Naawen ale jam nye nɔiyeŋ kaai la. 11Juda demma a yik mi dɔkku kaasi kama. Ba nye ka wa dii ate Naawen a kisi Izirali ale Jerusalem po la. Juda demma a kan zuli Wen yenni Naawen ate wa a yaali la. Juda demma a faari ka nipok baai ale a kaab tɛŋ yonsa bɔgta. 12Nuru ale a nye nnala a baga ta tiirim kama a jam Naawen Dii Ale A Dɛ Tugurik Tɔŋdɔma Niŋ La jigi alege Naawen ale gebi kula nyɔnɔwa a basi ate wa kan maa bo Izirali demma po.
13Wa di choa ale nna ni a nye. Ni a lik Naawen kuŋkuŋku ale ninyaata. Ni a kum kama dii nyiŋla, wa kan tuesi ni tiiritaŋa, wa sui abe kan peenti ale ni ale ta ŋan baai a jam la. 14Ni bek ayen ka boa? Dii nyiŋla Naawen a chim ka fi ale fi bimbain po powa seerɔ, ate fi a chiib a nye wa a kaasi. Wa abe ka fi bandɔ ate fi ale wa a jam nye nɔiyeŋ.
15Naawen a nye chorɔba ale pooba kama ayen ba chim nyiŋ yeŋ ale chiik yeŋ wa wari nyiŋ, ate ba ta bi sii ale ba ta wensie ale Naawen. Dila nyiŋ kpesi fidek ate fi kan yik nɔiyeŋ kaai ate fi jam nye ale fi powa diipo ate fi faari wa ale fi paala la a kaasi.
16Naawen, Izirali Wenni a weeni ayen, Mi kisi nuru ale wa pok a basi chaab kama. Mi kisi waai ale pai gaasa a lik wadek ase garuk la kama. Naawen Dii Ale A Dɛ Tugurik Tɔŋdɔma Niŋ La ale weeni.
17Ni bobi Naawen kama ale ni wieŋa. Ni a bek ayen, <<Ti tin bobi fu ka sɛ?>> Ni le weeni diila ale a sak. Ni weeni ayen, <<Naawen a poli kama ayen waai ale a nye biem la a nala kama. Wa sui abe peenti ale ba kama. Yaase ni bek ayen, <<Wen dii ale ta wensieŋa la le?>>
Currently Selected:
Malakai 2: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Malakai 2
2
1<<Nama kaabteerɔma, mi a kaam ni kama. 2Ni wom. Ni kpesi wom mi ale a weeni diila. Ni a zuli m yuenni.>> Naawen Dii Ale A Dɛ Tugurik Tɔŋdɔma Niŋ La ale weeni. <<Ni dan kan wom ya, m le ka basi ni zuk abe m ka a kaasi ni niauŋku meena. M poom ka kama a basi ni zuk, dii nyiŋla ni an kpesi a wom mi ale a weeni diila.>>
3<<M le namsi ni ŋaaŋbisaŋa. M le pai ni duŋsaŋa puusaŋa po ŋantaŋa a taari ni ninaŋa a yaa pai ni ale ŋan bala a yuk a basi. 4Ate ni seba ayen mi ale a te ni kaamka dɛ ayen, Mi ale Livai nɔiyeŋka a kasim boro.>> Naawen Dii Ale A Dɛ Tugurik Tɔŋdɔma Niŋ La ale weeni. 5<<Mi nɔiyeŋka ale Livai. Mi puulim kama ayen m le te ba nyuvuri ale suiyɔgni ate ba a zuli mu. Ba be zuli mi kama, ale a chali mi yɔgsum. 6Ba sak wensie sinsaŋŋa kama alege an biisi venta. Ba nye mi ale weeni ayen ba nye dila kama ale suiyɔgni ale wensie. Ba ŋman kasi nuruba yega biem nyeka. 7Kaabteerɔ a magsi wa sak wa le sebi diila, ate nuruba zamsi nyini wa jigi, dii nyiŋla, wa ka Naawen Dii Ale A Dɛ Tugurik Tɔŋdɔma Niŋ La tuimtomdɔ. 8Alege nama kaabteerɔma a deri basi mi zula teka. Ni sinsaŋŋa a basi ate ka nuruba yega a tom wabaata. Ni yik mi ale Livai buuni nɔiyeŋka kaasi kama.>> Naawen Dii Ale A Dɛ Tugurik Tɔŋdɔma Niŋ La ale weeni. 9<<Ni an kpesi nye dii ate mi weeni ayen ni nye la, Ni niŋ goanti boka nuruba biisa buusa boka. Mi yaa basi ayen nuruba kisi ni abe chivie yik ni nuru meena niŋ.>>
10Ti meena ta ka ko yeŋ. Wen yeŋ ale nye ti. Dila la ka boa ale soa ate nuruba a nyiem nye nɔiyeŋ a ŋman yik kaasi, a kan zuli ti koma ale Naawen ale jam nye nɔiyeŋ kaai la. 11Juda demma a yik mi dɔkku kaasi kama. Ba nye ka wa dii ate Naawen a kisi Izirali ale Jerusalem po la. Juda demma a kan zuli Wen yenni Naawen ate wa a yaali la. Juda demma a faari ka nipok baai ale a kaab tɛŋ yonsa bɔgta. 12Nuru ale a nye nnala a baga ta tiirim kama a jam Naawen Dii Ale A Dɛ Tugurik Tɔŋdɔma Niŋ La jigi alege Naawen ale gebi kula nyɔnɔwa a basi ate wa kan maa bo Izirali demma po.
13Wa di choa ale nna ni a nye. Ni a lik Naawen kuŋkuŋku ale ninyaata. Ni a kum kama dii nyiŋla, wa kan tuesi ni tiiritaŋa, wa sui abe kan peenti ale ni ale ta ŋan baai a jam la. 14Ni bek ayen ka boa? Dii nyiŋla Naawen a chim ka fi ale fi bimbain po powa seerɔ, ate fi a chiib a nye wa a kaasi. Wa abe ka fi bandɔ ate fi ale wa a jam nye nɔiyeŋ.
15Naawen a nye chorɔba ale pooba kama ayen ba chim nyiŋ yeŋ ale chiik yeŋ wa wari nyiŋ, ate ba ta bi sii ale ba ta wensie ale Naawen. Dila nyiŋ kpesi fidek ate fi kan yik nɔiyeŋ kaai ate fi jam nye ale fi powa diipo ate fi faari wa ale fi paala la a kaasi.
16Naawen, Izirali Wenni a weeni ayen, Mi kisi nuru ale wa pok a basi chaab kama. Mi kisi waai ale pai gaasa a lik wadek ase garuk la kama. Naawen Dii Ale A Dɛ Tugurik Tɔŋdɔma Niŋ La ale weeni.
17Ni bobi Naawen kama ale ni wieŋa. Ni a bek ayen, <<Ti tin bobi fu ka sɛ?>> Ni le weeni diila ale a sak. Ni weeni ayen, <<Naawen a poli kama ayen waai ale a nye biem la a nala kama. Wa sui abe peenti ale ba kama. Yaase ni bek ayen, <<Wen dii ale ta wensieŋa la le?>>
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation