Kaabka 15
15
1Naawen yaa weeni Moosis ale Aaron ayen, 2<<Biisi a te Izirali demma a weeni ba ayen, <Sim a dan nyini nuru nyiŋ a nyini ku ka daŋta. 3Bu kasim nyini ka wa nyiŋka po a nyini yaase bu gɔi kama, ku a basi kama ate wa a daŋ. Wa simmu nyini ka ale ta daŋta a jam diila ale nna.
4<< <Gaduok kuui meena ate nuru waai ate simmu a nyini wa nyiŋka po a nyini la a duak la a daŋ kama. Jaabuui meena ate wa a kali wa zuk la a daŋ kama. 5Nuru waai ale a tiri wa gaduokku la, ku a fɛ kama ayen wa sugri wa gattaŋa abe wa so ale nyiam. Wa ka waai ale daŋ la a ga siŋ wenni. 6Nuru Waai a dan kali jabuui zuk ate nuru waai ate sim a nyini wa nyiŋ a nyini a kali la, ku a fɛ ate wa sugri wa gattaŋa abe wa so ale nyiam. Wa ka waai ale daŋ a ga siŋ wenni.
7<< <Nuru waai a dan tiri nuru ate sim a nyini wa nyiŋ a nyini ku a fɛ ate wa sugri wa gattaŋa abe wa so wa nyiŋka ale nyiam, wa ka waai ale daŋ a ga a siŋ wenni.
8<< <Nuru waai ate simmu a nyini wa nyiŋka a nyini la a dan chesi tintueta a basi waai ale nala la nyiŋ, kula nyɔnɔwa ku a fɛ ate wa sugri wa gattaŋa abe wa so ale nyiam. Wa ka waai ale daŋ a ga siŋ wenni.
9<< <Jaabuui meena ate nuruwa a do la a daŋ kama, 10waai ale a tiri jabuui meena ate nuruwa soa la, a daŋ kama a ga siŋ wenni. Nuru waai a dan pai ŋan bala wa sugri wa gattaŋa abe wa so ale nyiam. Wa ka waai ale daŋ la a ga siŋ wenni.
11<< <Nuru waai ate sim a nyini wa nyiŋ a nyini la a dan tiri waai alege an sugri wa nisa ale nyiamoa, se waai ate wa tiri la a sugri wa gattaŋa abe wa so ale nyiam. Wa ka waai ale daŋ la a ga a siŋ wenni.
12<< <Yak samɔniŋ kaai ate nuruwa a tiri la, se ni mobi ka alege diok jaab meena ni pai nyiam sugri.
13<< <Nuru waai sim a dan basi wa, wa chiini daa ŋayopɔi a magsi wadek sugrika. Ku a fɛ ate wa sugri wa gattaŋa ale nya naliŋ ate wa nye cheri. 14Da naanika danni wa yaali nangbaŋ kawuta tiye yaase nangbaŋ takuriŋsa siye a ta jam Naawen niŋ Tuka Viuku nansuiŋku nɔi a yaa pai si a te kaabteerɔwa. 15Kaabteerɔwa a pai si nye kaabka. Kanyi wa a magsi biem tiirim abe m kala a magsi juka tiirim. Suiku de po, wa le nye biem duisi basika Naawen niŋ a te nuruwa simmu nyinika nyiŋ.
16<< <Ase nuru a dan sam sim ku a fɛ ate wa so wa nyiŋka ale nyiam. Wa ka waai ale daŋ la a ga siŋ wenni. 17Garuk kuui yaase gbain dii a dan ta sim ba so ale nyiam. Ba ka ŋan baai ale daŋ la a ga siŋ wenni. 18Ase nidoa a dan goa ale nipok ate simmu a tiri ba, ba nɔi bayewa a so ale nyiam. Ba ka baai ale daŋ la a ga siŋ wenni.
19<< <Ase nipok a daa lo chiak ku a paari ka daa ŋayopɔi. Nuru waai a dan tiri wa, wa daŋ ka wadek a ta ga a siŋ wenni.
20<< <Jaabuui meena ate wa a duak wa zuwa chiaka lo ka daaŋa po la a daŋ kama. Jaabuui ate wa kali wa zuk la a daŋ kama. 21Nuru waai a dan tiri wa gaduokku se wa sugri wa gattaŋa abe wa so ale nyiam. Wa ka waai ale daŋ la a ga siŋ wenni. 22Waai a dan tiri jabuui ate wa kali wa zuk la, wa a magsi wa sugri wa gattaŋa be wa so ale nyiam. Wa ka waai ale daŋ la a ga siŋ wenni. 23Dan ka gaduok yaase jabuui ate wa kali wa zuk, ate waai a tiri, wa daŋ kama a ga siŋ wenni.
24<< <Ase nidoa a dan goa le nipok ate ziimu a tiri wa, wa daŋ kama a gaa paari daa ŋayopɔi. Gaduok kuui meena ate wa a duak ku zuk la a daŋ kama.
25<< <Nipok ziim a daa nyini alege daa chiak loka ate ku paari da boari yaase ziimu a nyini a gaam chiak loka daaŋa wa daŋ kama. Ziimu ale tɔlim a nyini ase chiak loka daaŋa ate bu a nyini diila. 26Ziimu ale kasim a nyini la, wa dan duak gaduok kuui zuk ku daŋ kama, ase wa chiak loka daaŋa wa dan duak gaduok zuk ku le ka diila. Jaab meena ate wa kali wa zuk la a daŋ kama ase wa chiak loka daaŋa la. 27Waai ale a tiri ba la daŋ kama, se wa sugri wa gattaŋa abe wa so ale nyiam. Wa ka waai ale daŋ la a ga a siŋ wenni.
28<< <Nipok waai ziim a dan gebiri wa chiini daa ŋayopɔi ate dila ŋaaŋnyiŋ wa yaa nye cheri. 29Daa naanika danni wa ta nangbaŋ kawuta tiye yaase nangbaŋ takuriŋsa siye a jam te kaabteerɔwa Tuka Viuku nansuiŋku nɔi. 30Kaabteerɔwa a pai kanyi a nye kaabka a magsi biem tiirim. Abe m kala a magsi juka tiirim. Suiku de po wa le nye biem duisi basika a te wa Naawen niŋ a magsi chiaka loka ale daŋ wa la.
31<< <Se ni gaari Izirali demma a ta nyini ŋan baai ale a daŋ ba la po ate ba kan taŋ mi viuku ale bo ba suŋsuŋ la ate ba kan kpi ale ba taŋka.> >>
32Sinsaŋŋa de ale magsi chaab ale sim ale a nyini nuru waai nyiŋ, ale waai a nin sam sim a daŋ wadek, 33ale nipok waai ale a lo chiak ale sim ale a nyini nidoa waai ale nipok waai nyiŋ, ale nidoa waai ale a goa ale nipok waai ale daŋ wadek la.
Currently Selected:
Kaabka 15: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Kaabka 15
15
1Naawen yaa weeni Moosis ale Aaron ayen, 2<<Biisi a te Izirali demma a weeni ba ayen, <Sim a dan nyini nuru nyiŋ a nyini ku ka daŋta. 3Bu kasim nyini ka wa nyiŋka po a nyini yaase bu gɔi kama, ku a basi kama ate wa a daŋ. Wa simmu nyini ka ale ta daŋta a jam diila ale nna.
4<< <Gaduok kuui meena ate nuru waai ate simmu a nyini wa nyiŋka po a nyini la a duak la a daŋ kama. Jaabuui meena ate wa a kali wa zuk la a daŋ kama. 5Nuru waai ale a tiri wa gaduokku la, ku a fɛ kama ayen wa sugri wa gattaŋa abe wa so ale nyiam. Wa ka waai ale daŋ la a ga siŋ wenni. 6Nuru Waai a dan kali jabuui zuk ate nuru waai ate sim a nyini wa nyiŋ a nyini a kali la, ku a fɛ ate wa sugri wa gattaŋa abe wa so ale nyiam. Wa ka waai ale daŋ a ga siŋ wenni.
7<< <Nuru waai a dan tiri nuru ate sim a nyini wa nyiŋ a nyini ku a fɛ ate wa sugri wa gattaŋa abe wa so wa nyiŋka ale nyiam, wa ka waai ale daŋ a ga a siŋ wenni.
8<< <Nuru waai ate simmu a nyini wa nyiŋka a nyini la a dan chesi tintueta a basi waai ale nala la nyiŋ, kula nyɔnɔwa ku a fɛ ate wa sugri wa gattaŋa abe wa so ale nyiam. Wa ka waai ale daŋ a ga siŋ wenni.
9<< <Jaabuui meena ate nuruwa a do la a daŋ kama, 10waai ale a tiri jabuui meena ate nuruwa soa la, a daŋ kama a ga siŋ wenni. Nuru waai a dan pai ŋan bala wa sugri wa gattaŋa abe wa so ale nyiam. Wa ka waai ale daŋ la a ga siŋ wenni.
11<< <Nuru waai ate sim a nyini wa nyiŋ a nyini la a dan tiri waai alege an sugri wa nisa ale nyiamoa, se waai ate wa tiri la a sugri wa gattaŋa abe wa so ale nyiam. Wa ka waai ale daŋ la a ga a siŋ wenni.
12<< <Yak samɔniŋ kaai ate nuruwa a tiri la, se ni mobi ka alege diok jaab meena ni pai nyiam sugri.
13<< <Nuru waai sim a dan basi wa, wa chiini daa ŋayopɔi a magsi wadek sugrika. Ku a fɛ ate wa sugri wa gattaŋa ale nya naliŋ ate wa nye cheri. 14Da naanika danni wa yaali nangbaŋ kawuta tiye yaase nangbaŋ takuriŋsa siye a ta jam Naawen niŋ Tuka Viuku nansuiŋku nɔi a yaa pai si a te kaabteerɔwa. 15Kaabteerɔwa a pai si nye kaabka. Kanyi wa a magsi biem tiirim abe m kala a magsi juka tiirim. Suiku de po, wa le nye biem duisi basika Naawen niŋ a te nuruwa simmu nyinika nyiŋ.
16<< <Ase nuru a dan sam sim ku a fɛ ate wa so wa nyiŋka ale nyiam. Wa ka waai ale daŋ la a ga siŋ wenni. 17Garuk kuui yaase gbain dii a dan ta sim ba so ale nyiam. Ba ka ŋan baai ale daŋ la a ga siŋ wenni. 18Ase nidoa a dan goa ale nipok ate simmu a tiri ba, ba nɔi bayewa a so ale nyiam. Ba ka baai ale daŋ la a ga siŋ wenni.
19<< <Ase nipok a daa lo chiak ku a paari ka daa ŋayopɔi. Nuru waai a dan tiri wa, wa daŋ ka wadek a ta ga a siŋ wenni.
20<< <Jaabuui meena ate wa a duak wa zuwa chiaka lo ka daaŋa po la a daŋ kama. Jaabuui ate wa kali wa zuk la a daŋ kama. 21Nuru waai a dan tiri wa gaduokku se wa sugri wa gattaŋa abe wa so ale nyiam. Wa ka waai ale daŋ la a ga siŋ wenni. 22Waai a dan tiri jabuui ate wa kali wa zuk la, wa a magsi wa sugri wa gattaŋa be wa so ale nyiam. Wa ka waai ale daŋ la a ga siŋ wenni. 23Dan ka gaduok yaase jabuui ate wa kali wa zuk, ate waai a tiri, wa daŋ kama a ga siŋ wenni.
24<< <Ase nidoa a dan goa le nipok ate ziimu a tiri wa, wa daŋ kama a gaa paari daa ŋayopɔi. Gaduok kuui meena ate wa a duak ku zuk la a daŋ kama.
25<< <Nipok ziim a daa nyini alege daa chiak loka ate ku paari da boari yaase ziimu a nyini a gaam chiak loka daaŋa wa daŋ kama. Ziimu ale tɔlim a nyini ase chiak loka daaŋa ate bu a nyini diila. 26Ziimu ale kasim a nyini la, wa dan duak gaduok kuui zuk ku daŋ kama, ase wa chiak loka daaŋa wa dan duak gaduok zuk ku le ka diila. Jaab meena ate wa kali wa zuk la a daŋ kama ase wa chiak loka daaŋa la. 27Waai ale a tiri ba la daŋ kama, se wa sugri wa gattaŋa abe wa so ale nyiam. Wa ka waai ale daŋ la a ga a siŋ wenni.
28<< <Nipok waai ziim a dan gebiri wa chiini daa ŋayopɔi ate dila ŋaaŋnyiŋ wa yaa nye cheri. 29Daa naanika danni wa ta nangbaŋ kawuta tiye yaase nangbaŋ takuriŋsa siye a jam te kaabteerɔwa Tuka Viuku nansuiŋku nɔi. 30Kaabteerɔwa a pai kanyi a nye kaabka a magsi biem tiirim. Abe m kala a magsi juka tiirim. Suiku de po wa le nye biem duisi basika a te wa Naawen niŋ a magsi chiaka loka ale daŋ wa la.
31<< <Se ni gaari Izirali demma a ta nyini ŋan baai ale a daŋ ba la po ate ba kan taŋ mi viuku ale bo ba suŋsuŋ la ate ba kan kpi ale ba taŋka.> >>
32Sinsaŋŋa de ale magsi chaab ale sim ale a nyini nuru waai nyiŋ, ale waai a nin sam sim a daŋ wadek, 33ale nipok waai ale a lo chiak ale sim ale a nyini nidoa waai ale nipok waai nyiŋ, ale nidoa waai ale a goa ale nipok waai ale daŋ wadek la.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation