Kaabka 14
14
1Naawen yaa weeni Moosis ayen, 2<<Sinsaga ale nna a magsi waai ale ta tuem la, diipo ate wa a nye wa nala la ba ta wa jam kaabteerɔwa jigi. 3Kaabteerɔwa a nyini nuruma boka jigini a cheŋ peelim a kpesi nya wa. Nuruwa a dan nya nyiŋyɔgsa, 4kaabteerɔwa weeni ate wa ta nuim naliŋsa siye ale nyunyoŋ diok ale garuk miik mɔnuŋ ale kpaliok a jam ayen ba nye ate wa nala. 5Kaabteerɔwa yaa weeni ate ba ko nuim vutaŋa bunyi nya naliŋ zuk yak samɔniŋ po. 6Wa yaa pai nuim vuk kuui ale tali la, ale nyunyoŋ diok ale garuk miik mɔnuŋ ale kpaliok a lusi nuim buui ate ba ko nya naliŋka zuk la ziimu po.
7<<Wa yaa misi basi waai ale ta tuemu a yaali nalimu la nyiŋ buyopɔi. Abe wa yaa weeni ayen wa nala kama. Wa yaa basi nuim vukku ate bu yiri a cheŋ tɛŋka po. 8Waai ale a yaali wa nala la a sugri wa gattaŋa, a chiiri wa zuisaŋa meena a so wa nyiŋka ate wa nala. Kude ŋaaŋnyiŋ wa jam nuruma boka jigini abe wa kan jo wadek viuku daa ŋayopɔi. 9Daa ŋayopɔiwa danni wa chiiri wa zuisaŋa meena. Ku a fɛ ate wa chiiri wa zukku ale wa teeŋka ale nin kunkoŋŋa kɔbtaŋa ale zui sinsila meena. Ku a fɛ mɛ ate wa sugri wa gattaŋa abe wa so wa nyiŋka ate dila ale basi ate wa nala.
10<<Daa naanika danni wa ta pabisa siye ale kan ta jomi ya ale pasari ate di kan ta jomi ya. Wa ta zom naliŋ china ŋata a dam ale kpaam a magsi ŋandiinta tiirim ale kpaam kolin geli. 11Kaabteerɔ waai ale mooli a weeni ayen wa nala la ale a pai nuruwa ale wa ŋantaŋa a te Naawen Tuka Viuku nansuiŋku nɔi.
12<<Kaabteerɔwa yaa pai padabinni dinyi a te magsi nyemagsika tiirim ale kpaamu kolin genni. Wa zak a sak Naawen ase zak sakka tiirim la. 13Wa tɔgri padabili dila Wen yenni po kauk kuui ate ba a nye biem tiirim ale juka tiiritaŋa la. Ase biem tiirimu la, nyemagsika tiirim ka kaabteerɔwa ale soa. Bu ŋmasi ta tuilum kama. 14Kaabteerɔwa a pai nyemagsika tiirimu duŋka ziimu a nyo nuruwa juga tuini baasuŋku jigini ale wa juga nisa nandub duoku ale wa juga naŋka nandub duoku nyiŋ. 15Kaabteerɔwa a pai kolin genni kpaamu geli a boori nyo wadek gala nitanni po, 16a yaa pai wa juga nandub buui ale saari sinaansiwa la a tiak kpaamu a misi buyopɔi Naawen niŋ. 17Kaabteerɔwa a pai kpa buui ale tali bo wa nitanni po la a nyo nuruwa juga tuini nyiŋ, ale wa juga nandub duoku nyiŋ ale wa juga naŋka nandub duoku nyiŋ ale nyemagsika tiirimu duŋka ziimu zuk. 18Ziim buui ale tali bo wa nisaŋa po la kaabteerɔwa a pai nyo waai ale a yaali nalimu la zukku po a nye biem duisi basika a te wa Naawen niŋ.
19<<Kaabteerɔwa abe pai biem tiirimu a nye biem duisi basika a te waai ale daŋ la ate wa nala. Kula ŋaaŋnyiŋ wa a tɔgri juka tiirimu duŋka, 20Kaabteerɔwa pai dueni juka kuŋkuŋku ale ŋandiinta tiirimu meena a nye biem duisi basika a te wa ate wa nala.
21<<Alege wa be dan wobsa an baga a nya ŋantaŋa de, wa yaali padabili a jam ase nyemagsika tiirim la a magsi a zak sak ase biem duisi basika tiirim la. Wa yaali zom naliŋ chin nɔi ate kpaam dam du a magsi ŋandiinta tiirim. Wa yaali kpaam kolin geli. 22Wa yaali nangbaŋsa siye sii ale kan gaam wa nyaka. Kanyi magsi biem tiirim kanyi mɛ a magsi meena juka tiirim.
23<<Daa naanika danni ku a fɛ ate wa ta ba jam te kaabteerɔwa Tuka Viuku nansuiŋku nɔi Naawen niŋ a magsi wa nalimu tuima. 24Kaabteerɔwa a pai pabiika ale kpaamu kolin genni a magsi nyemagsika tiirim a zak sak Naawen ase zak sakka tiirim la. 25Wa tɔgri padabinni a magsi nyemagsika tiirimu pai ziimu gela a nyo nuruwa juga tunni baasuŋku jigini nyiŋ ale wa juga nisaŋa nandub duoku ale wa juga naŋka nandub duoku. 26Kaabteerɔwa a kpiiri kpaamu a nyo wadek gala nitanni po, 27a pai wa juga nandub buui ale saari sinaansiwa la a tiak kpaamu a misi buyopɔi Naawen niŋ. 28Kpaammu gela ale tali bo wa nitanni po la, wa pai nyo juijui ate wa pai nyemagsika tiirimu ziimu a nyo du la. Wa nyo waai ale a yaa wa nala la juga tuini baasuŋku jigini ale wa juga nisaŋa nandub duoku nyiŋ ale wa juga naŋka nandub duoku nyiŋ. 29Kpa buui ale tali la kaabteerɔwa a pai nyo waai ale a yaali nalim la zukku po, a nye biem duisi basika a te wa Naawen niŋ. 30Kaabteerɔwa yaa pai nangbaŋsa siyewa ate nuruwa a baga a te la, 31kanyi a magsi biem tiirim, kanyi mɛ a magsi meena juka tiirim ale ŋandiinta tiirimu meena. Suiku de po kaabteerɔwa ale nye biem duisi basika Naawen niŋ a te waai ale a yaali nalim la.>>
32Sinsaŋŋa ale nna a te waai ale ta nyiŋ gbaŋ tue buui ale a chɔgsi alege an baga a nya ŋan baai ale ba nye ate wa nala la.
33Naawen a yaa weeni Moosis ale Aaron ayen, 34<<Ase ni dan jo Keenan tɛŋka po kaai ate mi a yaa m te ni la ate ni nya ale m pai jaab a basi yeri siak nyiŋ ate ku a sak ayen kɔlika ale bo yenni nyiŋ tɛŋ kaai ate mi a te la po 35waai ale soa yenni la ku a magsi kama ayen wa jam a weeni kaabteerɔwa ayen, <Mi nyaka jaab ate ku a nye ase kɔlika la a bo mi yenni nyiŋ.> 36Ate kaabteerɔwa ale weeni ayen jaab meena ale bo yenni po la nyini peelim alege jigi ate wa ga nya yenni, ate ba kan weeni jaab yenni po ayen wa daŋ kama. Kula ŋaaŋnyiŋ, kaabteerɔwa yaa le ga nya yenni. 37Wa yaa le ga nya jabuui ale bo siaka nyiŋ ase gunungoona la yaase mɔnuŋ la feri a jo siaka meena, 38kaabteerɔwa ale nyini yenni po a nyini nansuiŋku nɔi a yik tuoku a lik ate ku ga paari buyopɔi. 39Kaabteerɔwa ale ŋman pilim cheŋ yenni daa ŋayopɔiwa danni a yaa kpesi nya ase siaka ale lati la gunungoonaŋa a dan taari lik yenni siaka, 40kaabteerɔwa le weeni ate ba yeeri tintain ŋaai ate tuemu a bo ŋa nyiŋla a yuk basi kauk kuui ale daŋ la ale ka tɛŋka po mɛ la. 41Wa le basi ate ba kpaari yenni ponni po a yuk basi kauk kuui ale daŋ la alege ka tɛŋka po mɛ la. 42Abe ba yaa ŋman yaali tain yonta a tagri nŋala, abe ba yaa yak paalik a taari yenni.
43<<Ase gunungoonaŋa a dan ŋman bo yenni nyiŋ, tintanaŋa ale yeeri ate yenni taarimu a kpaari basi la ŋaaŋnyiŋ, 44Kaabteerɔwa ale cheŋ a ga kpesi nya gunungoona a dan taari yenni, ku ka gunungoona ŋaai ale a kaasi, ŋa ka ŋaai ale daŋ la. 45Wa le nak yenni a lɔnsi kama; di tanaŋa ale tapaŋŋa ale jaab buuri meena ate ba pai se yenni la wa le ta ba a nyini tɛŋka po a ga yuk basi kauk kuui ale daŋ la.
46<<Waai ale a jo yenni po diipo ate di lik za la, a daŋ kama a ga paari wen siŋka. 47Ku be ka dila dekdega waai ale duak yenni po, ku a magsi ka wa sugri wa kɔlimaŋa, waai mɛ a dan dɛ di po, wa mɛ a sugri wa kɔlimaŋa.
48<<Alege ku ŋaaŋnyiŋ, kaabteerɔwa a dan jam nya ale gunungoonaŋa a cheŋ ya ase ba le ŋman pilim taari di la, kaabteerɔwa a yaa le weeni ayen yenni a nala kama dii nyiŋla di an ŋman lati ya. 49Ba le ba nye dii ate yenni a nala la ale nna, wa yikka nuinsa siye ale nyunyoŋ diok ale garuk miik mɔnuŋ ale kpaliok 50ate wa yaa togri nuimmu bunyi nya naliŋ zuk yak liik po. 51Wa yaa le pai nyunyoŋku diokku ale kpalioku ale garuk miik mɔnuŋka ale nuim vukku a lusi ba nuim kpiuku ziimu ale nyiam naliŋka po a misi yenni nyiŋ buyopɔi. 52Wa yaa nye ate yenni a nala ale nuimmu ziimu ale nyiam nalim ale nuim vukku ale nyunyoŋku diokku ale kpaliok ale garuk miik mɔnuŋka. 53Abe wa yaa basi ate nuim vukku a yiri cheŋ. Suiku de po wa le nye biem duisi basika ate yenni, ate di nala.>>
54Sinsaŋŋa a ni la ate waai ale ta nyiŋ gbaŋ tuem la, 55gunungoona a dan bo gatta po yaase yeri nyiŋ, 56bi dan ka nyiŋ jika yaase sankpana yaase laŋ. 57Sinsaŋŋa ale weeni fu jabuui ale daŋ la ale jabuui ale nala la. Sinsaŋŋa a ni la a magsi chaab ale waai ale ta nyiŋ gbaŋ tuem.
Currently Selected:
Kaabka 14: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Kaabka 14
14
1Naawen yaa weeni Moosis ayen, 2<<Sinsaga ale nna a magsi waai ale ta tuem la, diipo ate wa a nye wa nala la ba ta wa jam kaabteerɔwa jigi. 3Kaabteerɔwa a nyini nuruma boka jigini a cheŋ peelim a kpesi nya wa. Nuruwa a dan nya nyiŋyɔgsa, 4kaabteerɔwa weeni ate wa ta nuim naliŋsa siye ale nyunyoŋ diok ale garuk miik mɔnuŋ ale kpaliok a jam ayen ba nye ate wa nala. 5Kaabteerɔwa yaa weeni ate ba ko nuim vutaŋa bunyi nya naliŋ zuk yak samɔniŋ po. 6Wa yaa pai nuim vuk kuui ale tali la, ale nyunyoŋ diok ale garuk miik mɔnuŋ ale kpaliok a lusi nuim buui ate ba ko nya naliŋka zuk la ziimu po.
7<<Wa yaa misi basi waai ale ta tuemu a yaali nalimu la nyiŋ buyopɔi. Abe wa yaa weeni ayen wa nala kama. Wa yaa basi nuim vukku ate bu yiri a cheŋ tɛŋka po. 8Waai ale a yaali wa nala la a sugri wa gattaŋa, a chiiri wa zuisaŋa meena a so wa nyiŋka ate wa nala. Kude ŋaaŋnyiŋ wa jam nuruma boka jigini abe wa kan jo wadek viuku daa ŋayopɔi. 9Daa ŋayopɔiwa danni wa chiiri wa zuisaŋa meena. Ku a fɛ ate wa chiiri wa zukku ale wa teeŋka ale nin kunkoŋŋa kɔbtaŋa ale zui sinsila meena. Ku a fɛ mɛ ate wa sugri wa gattaŋa abe wa so wa nyiŋka ate dila ale basi ate wa nala.
10<<Daa naanika danni wa ta pabisa siye ale kan ta jomi ya ale pasari ate di kan ta jomi ya. Wa ta zom naliŋ china ŋata a dam ale kpaam a magsi ŋandiinta tiirim ale kpaam kolin geli. 11Kaabteerɔ waai ale mooli a weeni ayen wa nala la ale a pai nuruwa ale wa ŋantaŋa a te Naawen Tuka Viuku nansuiŋku nɔi.
12<<Kaabteerɔwa yaa pai padabinni dinyi a te magsi nyemagsika tiirim ale kpaamu kolin genni. Wa zak a sak Naawen ase zak sakka tiirim la. 13Wa tɔgri padabili dila Wen yenni po kauk kuui ate ba a nye biem tiirim ale juka tiiritaŋa la. Ase biem tiirimu la, nyemagsika tiirim ka kaabteerɔwa ale soa. Bu ŋmasi ta tuilum kama. 14Kaabteerɔwa a pai nyemagsika tiirimu duŋka ziimu a nyo nuruwa juga tuini baasuŋku jigini ale wa juga nisa nandub duoku ale wa juga naŋka nandub duoku nyiŋ. 15Kaabteerɔwa a pai kolin genni kpaamu geli a boori nyo wadek gala nitanni po, 16a yaa pai wa juga nandub buui ale saari sinaansiwa la a tiak kpaamu a misi buyopɔi Naawen niŋ. 17Kaabteerɔwa a pai kpa buui ale tali bo wa nitanni po la a nyo nuruwa juga tuini nyiŋ, ale wa juga nandub duoku nyiŋ ale wa juga naŋka nandub duoku nyiŋ ale nyemagsika tiirimu duŋka ziimu zuk. 18Ziim buui ale tali bo wa nisaŋa po la kaabteerɔwa a pai nyo waai ale a yaali nalimu la zukku po a nye biem duisi basika a te wa Naawen niŋ.
19<<Kaabteerɔwa abe pai biem tiirimu a nye biem duisi basika a te waai ale daŋ la ate wa nala. Kula ŋaaŋnyiŋ wa a tɔgri juka tiirimu duŋka, 20Kaabteerɔwa pai dueni juka kuŋkuŋku ale ŋandiinta tiirimu meena a nye biem duisi basika a te wa ate wa nala.
21<<Alege wa be dan wobsa an baga a nya ŋantaŋa de, wa yaali padabili a jam ase nyemagsika tiirim la a magsi a zak sak ase biem duisi basika tiirim la. Wa yaali zom naliŋ chin nɔi ate kpaam dam du a magsi ŋandiinta tiirim. Wa yaali kpaam kolin geli. 22Wa yaali nangbaŋsa siye sii ale kan gaam wa nyaka. Kanyi magsi biem tiirim kanyi mɛ a magsi meena juka tiirim.
23<<Daa naanika danni ku a fɛ ate wa ta ba jam te kaabteerɔwa Tuka Viuku nansuiŋku nɔi Naawen niŋ a magsi wa nalimu tuima. 24Kaabteerɔwa a pai pabiika ale kpaamu kolin genni a magsi nyemagsika tiirim a zak sak Naawen ase zak sakka tiirim la. 25Wa tɔgri padabinni a magsi nyemagsika tiirimu pai ziimu gela a nyo nuruwa juga tunni baasuŋku jigini nyiŋ ale wa juga nisaŋa nandub duoku ale wa juga naŋka nandub duoku. 26Kaabteerɔwa a kpiiri kpaamu a nyo wadek gala nitanni po, 27a pai wa juga nandub buui ale saari sinaansiwa la a tiak kpaamu a misi buyopɔi Naawen niŋ. 28Kpaammu gela ale tali bo wa nitanni po la, wa pai nyo juijui ate wa pai nyemagsika tiirimu ziimu a nyo du la. Wa nyo waai ale a yaa wa nala la juga tuini baasuŋku jigini ale wa juga nisaŋa nandub duoku nyiŋ ale wa juga naŋka nandub duoku nyiŋ. 29Kpa buui ale tali la kaabteerɔwa a pai nyo waai ale a yaali nalim la zukku po, a nye biem duisi basika a te wa Naawen niŋ. 30Kaabteerɔwa yaa pai nangbaŋsa siyewa ate nuruwa a baga a te la, 31kanyi a magsi biem tiirim, kanyi mɛ a magsi meena juka tiirim ale ŋandiinta tiirimu meena. Suiku de po kaabteerɔwa ale nye biem duisi basika Naawen niŋ a te waai ale a yaali nalim la.>>
32Sinsaŋŋa ale nna a te waai ale ta nyiŋ gbaŋ tue buui ale a chɔgsi alege an baga a nya ŋan baai ale ba nye ate wa nala la.
33Naawen a yaa weeni Moosis ale Aaron ayen, 34<<Ase ni dan jo Keenan tɛŋka po kaai ate mi a yaa m te ni la ate ni nya ale m pai jaab a basi yeri siak nyiŋ ate ku a sak ayen kɔlika ale bo yenni nyiŋ tɛŋ kaai ate mi a te la po 35waai ale soa yenni la ku a magsi kama ayen wa jam a weeni kaabteerɔwa ayen, <Mi nyaka jaab ate ku a nye ase kɔlika la a bo mi yenni nyiŋ.> 36Ate kaabteerɔwa ale weeni ayen jaab meena ale bo yenni po la nyini peelim alege jigi ate wa ga nya yenni, ate ba kan weeni jaab yenni po ayen wa daŋ kama. Kula ŋaaŋnyiŋ, kaabteerɔwa yaa le ga nya yenni. 37Wa yaa le ga nya jabuui ale bo siaka nyiŋ ase gunungoona la yaase mɔnuŋ la feri a jo siaka meena, 38kaabteerɔwa ale nyini yenni po a nyini nansuiŋku nɔi a yik tuoku a lik ate ku ga paari buyopɔi. 39Kaabteerɔwa ale ŋman pilim cheŋ yenni daa ŋayopɔiwa danni a yaa kpesi nya ase siaka ale lati la gunungoonaŋa a dan taari lik yenni siaka, 40kaabteerɔwa le weeni ate ba yeeri tintain ŋaai ate tuemu a bo ŋa nyiŋla a yuk basi kauk kuui ale daŋ la ale ka tɛŋka po mɛ la. 41Wa le basi ate ba kpaari yenni ponni po a yuk basi kauk kuui ale daŋ la alege ka tɛŋka po mɛ la. 42Abe ba yaa ŋman yaali tain yonta a tagri nŋala, abe ba yaa yak paalik a taari yenni.
43<<Ase gunungoonaŋa a dan ŋman bo yenni nyiŋ, tintanaŋa ale yeeri ate yenni taarimu a kpaari basi la ŋaaŋnyiŋ, 44Kaabteerɔwa ale cheŋ a ga kpesi nya gunungoona a dan taari yenni, ku ka gunungoona ŋaai ale a kaasi, ŋa ka ŋaai ale daŋ la. 45Wa le nak yenni a lɔnsi kama; di tanaŋa ale tapaŋŋa ale jaab buuri meena ate ba pai se yenni la wa le ta ba a nyini tɛŋka po a ga yuk basi kauk kuui ale daŋ la.
46<<Waai ale a jo yenni po diipo ate di lik za la, a daŋ kama a ga paari wen siŋka. 47Ku be ka dila dekdega waai ale duak yenni po, ku a magsi ka wa sugri wa kɔlimaŋa, waai mɛ a dan dɛ di po, wa mɛ a sugri wa kɔlimaŋa.
48<<Alege ku ŋaaŋnyiŋ, kaabteerɔwa a dan jam nya ale gunungoonaŋa a cheŋ ya ase ba le ŋman pilim taari di la, kaabteerɔwa a yaa le weeni ayen yenni a nala kama dii nyiŋla di an ŋman lati ya. 49Ba le ba nye dii ate yenni a nala la ale nna, wa yikka nuinsa siye ale nyunyoŋ diok ale garuk miik mɔnuŋ ale kpaliok 50ate wa yaa togri nuimmu bunyi nya naliŋ zuk yak liik po. 51Wa yaa le pai nyunyoŋku diokku ale kpalioku ale garuk miik mɔnuŋka ale nuim vukku a lusi ba nuim kpiuku ziimu ale nyiam naliŋka po a misi yenni nyiŋ buyopɔi. 52Wa yaa nye ate yenni a nala ale nuimmu ziimu ale nyiam nalim ale nuim vukku ale nyunyoŋku diokku ale kpaliok ale garuk miik mɔnuŋka. 53Abe wa yaa basi ate nuim vukku a yiri cheŋ. Suiku de po wa le nye biem duisi basika ate yenni, ate di nala.>>
54Sinsaŋŋa a ni la ate waai ale ta nyiŋ gbaŋ tuem la, 55gunungoona a dan bo gatta po yaase yeri nyiŋ, 56bi dan ka nyiŋ jika yaase sankpana yaase laŋ. 57Sinsaŋŋa ale weeni fu jabuui ale daŋ la ale jabuui ale nala la. Sinsaŋŋa a ni la a magsi chaab ale waai ale ta nyiŋ gbaŋ tuem.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation