Kaabka 12

1Naawen a yaa weeni Moosis ayen, 2<<Weeni Izirali demma ayen, <Nipok a dan yik lɔgi a biak nidoabili wa daŋ kama a ga paari daa ŋayopɔi, ase wa daa lo chiak wa le daŋ diila. 3Da naanika danni ba gebi biika yɔnni. 4Nipowa a limisi ate ku paari daa pisita ale ŋata ate ziimu a gebiri ate ba nye ate wa gaari. Wa kan tiri jabuui ate Nyɔnɔwa a soa yaase wa jo Wen yenni po ate wa daŋta daaŋa a ga nueri. 5Wa abe dan biak nipokbili wa daŋ kama a ga paari daa pi ale ŋanaansi ase diipo ate wa a lo chiak la. Wa limisi a paari daa pisiyuebi ale ŋayuebi ate ziimu a gebiri ate ba nye ate wa nala.

6<<Ase nipowa a dan biak nidoabili yaase nipokbili da ŋaai ate wa cheri nyeka a nueri la, wa ta bein pabiik a jam te Tuka Viuku kaabteerɔwa Tuka Viuku nɔi. Wa maa ta nangbaŋ a jam magsi biem tiirim. 7Wa pai ba te Naawen ate ba nye biem duisi basika te wa, ate ba dan nye nueri abe wa nala. Sinsaŋŋa ale nna a magsi nipok waai ale a biak nidoabili yaase nipokbili la. 8Wa dan kan ta pabiiga wa ta nangbaŋsa siye a jam ate kanyi a soa juka tiirimu abe m kala a soa biem tiirimu. Suiku de po kaabteerɔwa ale nye biem duisi basika a te wa ate wa nala.> >>#12:8 Luke 2:24

Currently Selected:

Kaabka 12: BWU

Highlight

Copy

Compare