Jona 1
1
1Naawen a yaa biisi ale Amittai nidoabinni Jona ayen, 2<<Cheŋ tɛŋ kpieŋka Niineve a ga biisi ale ka nuruma, dii nyiŋla ka nuruma biemu a zuak kama m niŋ.>> 3Alege Jona a yiti chali a bɛ Naawen niŋ. Wa jam chali a cheŋ ka Tarsis tɛŋka. Wa abe liŋ jam cheŋ ka Jopa tɛŋka a yaa nya ŋaaruŋ ale ku a cheŋ Tarsis. Wa yaa tuni ale ge jueli ate ku ta wa a cheŋ Tarsis ayen wa chali bɛ Naawen.
4Naawen a yaa basi ate va pagrik a fuk nyiamu ate ŋaaruŋku a tali maga ate ku mobi kabakaba. 5Baai meena ale jam a dam ŋaaruŋku la kpaziim a yaa jam a nak nna lɔlɔ ate ba yaa piilim a kaari a wi wa wen wa wen ayen ŋa maamaari ba. Ba pai kɔlimaŋa ale bo ŋaaruŋku po la a yuk a basi nyiamu po ayen dila a maari ate ŋaaruŋku a valima. Nya kude ale nye la, alege Jona a daam nya ka ŋaaruŋku gugoruk po a doa ate goom a chiak wa. 6Nuru waai ale chim kpagi a nya ŋaaruŋku zuk la, a yaa cheŋ wa jigi a ga weeni wa ayen, <<Ka boan nyiŋ ate fi doa goa? Yiti ŋmai a wi fi wenni. Fi wenni ale naam chali ti jiirim a vari ti a basi ate ti kan kpi.>>
7Ŋaaruŋku damdɔma a yaa wi chaab a weeni chaab ayen, <<Ni jam ate ti nak gbaŋ ate ti nya ase ka wana ale soa ate wapagni de a paari ti.>> Ba yaa nak gbaŋka ate ka za lɔ Jona zuk. 8Ba yaa bek wa ayen, a weeni, <<Ka wana ale soa ate ninammu de a jam tama zuwa? Fi nye ka boa? Fi nyini ka be? Fi nyini ka tɛŋ kana? Fi ka boan buuri?>> 9Wa yaa tulisi ba ayen, <<Mi ka Yiburu denɔ, a puusi Naawen, Wen dii ale soa wenŋmazuk la, waai ale nye nyakpiemu ale tɛŋka la.>> 10Jona tulisaŋa a yaa nak ba kpaziim ate ba yaa bek wa ayen, <<Ka boa ate fi nye?>> Ba poom jam seba kama ayen Jona a chali a bɛ kama Naawen niŋ dii nyiŋla wa ŋaam jam weeni ba kama.
11Ŋaaruŋku damdɔma ale a biisi ale Jona la, nyiamu choaka a ŋman ŋmasi a gaam di. Ba yaa bek wa ayen, <<Ti be ti nye fu ka sɛ ate nyiamu a baliŋ a te ti?>> 12Wa yaa weeni ba ayen, <<Ni koati mu a lɔnsi nyiamu po dila ale bu baliŋ. Mi seba ayen ka mi nyiŋ ale soa ate daanika de a paari ni.>> 13Jona ale biisi nnala a nueri la, ŋaaruŋku damdɔma a diem pii ka nyiŋ ayen ba dam ŋaaruŋku a ta ŋmani jueli kunkɔŋi alege ba an jam baga dii nyiŋla nyiamu choaka a jam pagra ka nna yegayega a gaam bu nyiem ale ka dii la. 14Ba yaa kum te Naawen weeni ayen, <<Naawen yaa, kan ko ti ase tama a nin ko nuruwa de. Kan te ti pamiya ase tama a nin ko nuru waai ale kan kaasi tuini la, dii nyiŋla ka fi Naawen yaa, ale tom fidek ale a yaali diila.>> 15Ba yaa koati Jona a lɔnsi nyiamu po ate nyiamu ale a dɛ bu tuemu la a yaa deri baliŋ. 16Damdɔma ale nya ale nyiamu a baliŋ la, ba yaa chali yɔgsum ale Naawen ate ba nye kaabka a te Naawen ale puulim ayen ba le kasim a zuli wa.
17Alege Naawen a gomsi jum kpioŋ ate bu nɛ Jona. Jona jam bo jummu poni po ka daa ŋata.
Currently Selected:
Jona 1: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Jona 1
1
1Naawen a yaa biisi ale Amittai nidoabinni Jona ayen, 2<<Cheŋ tɛŋ kpieŋka Niineve a ga biisi ale ka nuruma, dii nyiŋla ka nuruma biemu a zuak kama m niŋ.>> 3Alege Jona a yiti chali a bɛ Naawen niŋ. Wa jam chali a cheŋ ka Tarsis tɛŋka. Wa abe liŋ jam cheŋ ka Jopa tɛŋka a yaa nya ŋaaruŋ ale ku a cheŋ Tarsis. Wa yaa tuni ale ge jueli ate ku ta wa a cheŋ Tarsis ayen wa chali bɛ Naawen.
4Naawen a yaa basi ate va pagrik a fuk nyiamu ate ŋaaruŋku a tali maga ate ku mobi kabakaba. 5Baai meena ale jam a dam ŋaaruŋku la kpaziim a yaa jam a nak nna lɔlɔ ate ba yaa piilim a kaari a wi wa wen wa wen ayen ŋa maamaari ba. Ba pai kɔlimaŋa ale bo ŋaaruŋku po la a yuk a basi nyiamu po ayen dila a maari ate ŋaaruŋku a valima. Nya kude ale nye la, alege Jona a daam nya ka ŋaaruŋku gugoruk po a doa ate goom a chiak wa. 6Nuru waai ale chim kpagi a nya ŋaaruŋku zuk la, a yaa cheŋ wa jigi a ga weeni wa ayen, <<Ka boan nyiŋ ate fi doa goa? Yiti ŋmai a wi fi wenni. Fi wenni ale naam chali ti jiirim a vari ti a basi ate ti kan kpi.>>
7Ŋaaruŋku damdɔma a yaa wi chaab a weeni chaab ayen, <<Ni jam ate ti nak gbaŋ ate ti nya ase ka wana ale soa ate wapagni de a paari ti.>> Ba yaa nak gbaŋka ate ka za lɔ Jona zuk. 8Ba yaa bek wa ayen, a weeni, <<Ka wana ale soa ate ninammu de a jam tama zuwa? Fi nye ka boa? Fi nyini ka be? Fi nyini ka tɛŋ kana? Fi ka boan buuri?>> 9Wa yaa tulisi ba ayen, <<Mi ka Yiburu denɔ, a puusi Naawen, Wen dii ale soa wenŋmazuk la, waai ale nye nyakpiemu ale tɛŋka la.>> 10Jona tulisaŋa a yaa nak ba kpaziim ate ba yaa bek wa ayen, <<Ka boa ate fi nye?>> Ba poom jam seba kama ayen Jona a chali a bɛ kama Naawen niŋ dii nyiŋla wa ŋaam jam weeni ba kama.
11Ŋaaruŋku damdɔma ale a biisi ale Jona la, nyiamu choaka a ŋman ŋmasi a gaam di. Ba yaa bek wa ayen, <<Ti be ti nye fu ka sɛ ate nyiamu a baliŋ a te ti?>> 12Wa yaa weeni ba ayen, <<Ni koati mu a lɔnsi nyiamu po dila ale bu baliŋ. Mi seba ayen ka mi nyiŋ ale soa ate daanika de a paari ni.>> 13Jona ale biisi nnala a nueri la, ŋaaruŋku damdɔma a diem pii ka nyiŋ ayen ba dam ŋaaruŋku a ta ŋmani jueli kunkɔŋi alege ba an jam baga dii nyiŋla nyiamu choaka a jam pagra ka nna yegayega a gaam bu nyiem ale ka dii la. 14Ba yaa kum te Naawen weeni ayen, <<Naawen yaa, kan ko ti ase tama a nin ko nuruwa de. Kan te ti pamiya ase tama a nin ko nuru waai ale kan kaasi tuini la, dii nyiŋla ka fi Naawen yaa, ale tom fidek ale a yaali diila.>> 15Ba yaa koati Jona a lɔnsi nyiamu po ate nyiamu ale a dɛ bu tuemu la a yaa deri baliŋ. 16Damdɔma ale nya ale nyiamu a baliŋ la, ba yaa chali yɔgsum ale Naawen ate ba nye kaabka a te Naawen ale puulim ayen ba le kasim a zuli wa.
17Alege Naawen a gomsi jum kpioŋ ate bu nɛ Jona. Jona jam bo jummu poni po ka daa ŋata.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation