Obadia 1
1
1Obadia ale jam gɔdaasim diila ale nna. Nya kude ate Nyɔnɔwa Naawen a weeni a magsi chaab ale Edom. Ti wom ka wari a nyini Naawen jigi ayen, Waai ale ba tom ayen wa cheŋ tɛŋ kpieŋsaŋa po a ga weeni ayen, <<Yiti, ate ti cheŋ a ga siti tugurik ale wa.>>
2<<Nya, m le nye ate fi fiisa tɛŋ kpieŋsaŋa po. Ba ale valiŋ fu. 3Fi suinummu kanjantaŋa a paasi fu kama, fi waai ale bo pinaŋa po ale sɛ fi yenni ŋmai la, fi weeni ka fidek ayen, <Ka wana ale wa ta mi a siŋ tɛŋŋa?> 4Fi poom a yiri wen ase ka jiiruk la ale a yɔk fi tukku chiŋmarisaŋa po, dula ate m le ta fu a siŋ tɛŋ,>> Ka Naawen ale weeni.
5<<Ase zueba nin jam fi jigi, ate varidɔba a jam fi jigi yok. Ka boa kaasuŋ choa ate fi za fi tu. Ba kan zu koalim daa jaab buuri meena ate ba a yaali la? Yɔn pisidɔba a dan jam fi jigi, ba kan pisi abe ba tali gela a basi? 6Alege nya ba ale vari Iisɔ dii yaa, ba koalim wa nitalimu ate wa pai suk la kama. 7Fi sɔmma meena ale fɛ fu a ta cheŋ tɛŋka banni. Fi doama ale paasi fu a nya pagrim fi zuk. Baai ale a dɛ fi ŋandiintaŋa la ale bari fu alege fi kan miŋ ku.
8Naawen weeni ayen, <<Dai dila danni m kan kaasi Edom nuru baai ale ta yam la ale nuru baai ale ta miŋka a bo Iisɔ guutaŋa po la. 9Teman, fi tugurik tɔŋdɔma kpaziita ale nak, ate waai meena ale bo Iisɔ guutaŋa po la ale kpi tugurik po. 10Wɔkwɔkka ate fi jam nye ale fi suoku Jekob la nyiŋ, chivie ale lik fu. Fi ale kaasi kama taam wuu. 11Fi jam nye ase ka ba la la, dai dila danni fi jam za a nya kama ate nicham a ji ba jigsika ŋantaŋa, ate nicham a va ba nansuiŋtaŋa a jo a nak gbaŋ Jerusalem nyiŋ. 12Ku an magsi ayen fi valiŋ fi suoku dai dii danni ate wa bo daanika po la, yaase fi dɛ masim dai dii danni ate Juda demma a bo kaasuŋ po la, yaase fi kuulim nna yegayega ba daanika danni po. 13Ku an magsi ayen fi gɔk santiri a gilim m nuruma nansuiŋtaŋa dai dii danni ate ku kaasi ba jigi la, yaase fi valiŋ ba ba daanika po ate ku kaasi ba jigi la, yaase ni peri ba jigsika ŋantaŋa a ta dai dii danni ate ba bo kaasuŋ po la. 14Ku an magsi ayen fi za suimagsa po a yik baai ale chali a bɛ la, yaase fi pai baai ale vuuk la a nyo ba nisa po.
15<<Naawen danni a moata kama a te tɛŋ kpieŋsa meena. Ase fi ale nye diila, ba ale nye fi mɛ dila. Fi tuimaŋa ale ŋman pilim siŋ fidek zuk po. 16Ase fi ale jam nyu daam m tuilum guuku zuk diila, dila mɛ ate tɛŋ kpieŋsaŋa meena ale kasim a nyu daam. Ba ale kasim a nyu kama ate ku ale nye ba jigi nna se ba an poom nyu daam a nya la. 17Alege varibasika ale bo Zayon Guuku zuk. Ka ale ta tuilum ate Jekob yenni ale soa ka nitalimu. 18Naawen a weeni kama ayen, Jekob yenni ale chim ka bolim ate Josefi yenni a chim bolim ŋiak. Iisɔ yenni le chim ka kinkaa, ate ba pai a cheem bolim te ba dɛ a kaasi. Waai a kan vuuk a nyini Iisɔ yenni po.>>
19Nuru baai ale nyini Negev la ale bo Iisɔ guutaŋa, ate nuru baai ale nyini guutaŋa tɛŋsa la ale soa Filistia demma tɛŋka. Ba ale tuesi Ɛfraim ale Samaria kaduksaŋa, abe Benjamin a soa Gilead. 20Izirali dem baai ale bo Keenan la ale soa tɛŋka a ga paari Zarefat. Nuru baai ale nyini Jerusalem ale ga bo Sefarad la ale soa Negev tɛŋ fiisaŋa. 21Varibasidɔba le cheŋ jueli Zayon Guuku zuk a nya Iisɔ guutaŋa zuk. Ate Naawen ale soa naamu.
Currently Selected:
Obadia 1: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Obadia 1
1
1Obadia ale jam gɔdaasim diila ale nna. Nya kude ate Nyɔnɔwa Naawen a weeni a magsi chaab ale Edom. Ti wom ka wari a nyini Naawen jigi ayen, Waai ale ba tom ayen wa cheŋ tɛŋ kpieŋsaŋa po a ga weeni ayen, <<Yiti, ate ti cheŋ a ga siti tugurik ale wa.>>
2<<Nya, m le nye ate fi fiisa tɛŋ kpieŋsaŋa po. Ba ale valiŋ fu. 3Fi suinummu kanjantaŋa a paasi fu kama, fi waai ale bo pinaŋa po ale sɛ fi yenni ŋmai la, fi weeni ka fidek ayen, <Ka wana ale wa ta mi a siŋ tɛŋŋa?> 4Fi poom a yiri wen ase ka jiiruk la ale a yɔk fi tukku chiŋmarisaŋa po, dula ate m le ta fu a siŋ tɛŋ,>> Ka Naawen ale weeni.
5<<Ase zueba nin jam fi jigi, ate varidɔba a jam fi jigi yok. Ka boa kaasuŋ choa ate fi za fi tu. Ba kan zu koalim daa jaab buuri meena ate ba a yaali la? Yɔn pisidɔba a dan jam fi jigi, ba kan pisi abe ba tali gela a basi? 6Alege nya ba ale vari Iisɔ dii yaa, ba koalim wa nitalimu ate wa pai suk la kama. 7Fi sɔmma meena ale fɛ fu a ta cheŋ tɛŋka banni. Fi doama ale paasi fu a nya pagrim fi zuk. Baai ale a dɛ fi ŋandiintaŋa la ale bari fu alege fi kan miŋ ku.
8Naawen weeni ayen, <<Dai dila danni m kan kaasi Edom nuru baai ale ta yam la ale nuru baai ale ta miŋka a bo Iisɔ guutaŋa po la. 9Teman, fi tugurik tɔŋdɔma kpaziita ale nak, ate waai meena ale bo Iisɔ guutaŋa po la ale kpi tugurik po. 10Wɔkwɔkka ate fi jam nye ale fi suoku Jekob la nyiŋ, chivie ale lik fu. Fi ale kaasi kama taam wuu. 11Fi jam nye ase ka ba la la, dai dila danni fi jam za a nya kama ate nicham a ji ba jigsika ŋantaŋa, ate nicham a va ba nansuiŋtaŋa a jo a nak gbaŋ Jerusalem nyiŋ. 12Ku an magsi ayen fi valiŋ fi suoku dai dii danni ate wa bo daanika po la, yaase fi dɛ masim dai dii danni ate Juda demma a bo kaasuŋ po la, yaase fi kuulim nna yegayega ba daanika danni po. 13Ku an magsi ayen fi gɔk santiri a gilim m nuruma nansuiŋtaŋa dai dii danni ate ku kaasi ba jigi la, yaase fi valiŋ ba ba daanika po ate ku kaasi ba jigi la, yaase ni peri ba jigsika ŋantaŋa a ta dai dii danni ate ba bo kaasuŋ po la. 14Ku an magsi ayen fi za suimagsa po a yik baai ale chali a bɛ la, yaase fi pai baai ale vuuk la a nyo ba nisa po.
15<<Naawen danni a moata kama a te tɛŋ kpieŋsa meena. Ase fi ale nye diila, ba ale nye fi mɛ dila. Fi tuimaŋa ale ŋman pilim siŋ fidek zuk po. 16Ase fi ale jam nyu daam m tuilum guuku zuk diila, dila mɛ ate tɛŋ kpieŋsaŋa meena ale kasim a nyu daam. Ba ale kasim a nyu kama ate ku ale nye ba jigi nna se ba an poom nyu daam a nya la. 17Alege varibasika ale bo Zayon Guuku zuk. Ka ale ta tuilum ate Jekob yenni ale soa ka nitalimu. 18Naawen a weeni kama ayen, Jekob yenni ale chim ka bolim ate Josefi yenni a chim bolim ŋiak. Iisɔ yenni le chim ka kinkaa, ate ba pai a cheem bolim te ba dɛ a kaasi. Waai a kan vuuk a nyini Iisɔ yenni po.>>
19Nuru baai ale nyini Negev la ale bo Iisɔ guutaŋa, ate nuru baai ale nyini guutaŋa tɛŋsa la ale soa Filistia demma tɛŋka. Ba ale tuesi Ɛfraim ale Samaria kaduksaŋa, abe Benjamin a soa Gilead. 20Izirali dem baai ale bo Keenan la ale soa tɛŋka a ga paari Zarefat. Nuru baai ale nyini Jerusalem ale ga bo Sefarad la ale soa Negev tɛŋ fiisaŋa. 21Varibasidɔba le cheŋ jueli Zayon Guuku zuk a nya Iisɔ guutaŋa zuk. Ate Naawen ale soa naamu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation