Niŋdeerɔba 8
8
1Ɛfraim demma a yaa bek Gidiyon ayen, <<Ka boa ate fi a nye tama nna? Ka boa ate fi an wi tama fi ale a yaali fi nye kpaliŋ ale Midian demma la?>> Ate ba yaa ŋma wa nna tuotuowa.
2Ate wa tulisi ba ayen, <<Mi nya ka boa ase fi nin pa magsi chaab ale nama? Ɛfraim kpari ŋan yisuŋtaŋa zunchoŋ ŋan baai meena ate Abiezer a nya la? 3Wen a pai Oreb ale Zeeb Midian niŋdeerɔma a nyo ka ni nisima po. Mi jam baga a nyeka ka boa a magsi chaab ale fi?>> Kude nyiŋ ba sueŋa ale jam a puuri ale wa la a yaa yɔk.
4Gidiyon nidoaba kobsitawa a jam jiak kama ale pik vi ba a paari Jodan Benni a lo di jueli. 5Wa jam weeni Sukkot nidoama ayen, <<Ni te m tugurik tommu ŋandiinta, ba jiak kama, alege m diem a vi Zeba ale Zalmunna Midian nalimaŋa>>
6Alege Sukkot kpaŋŋa ayen, <<Fi poom ŋaam yik Zeba ale Zalmunna nisima a tara? Boa ni soa ate tama a te fi tugurik tommu ŋandiinta?>> 7Gidiyon yaa tulisi ayen, <<Ka dila, ase Naawen a dan pai Zeba ale Zalmunna a nyo m nisa po m le cheeri ni nyiŋsaŋa ale kpiluŋbaoŋ ale pok ta chari jam.>>
8A nyini dula wa jam cheŋ ka Peniel a bek ba dila degadega alege ba mɛ a tulisi wa ase Sukkot nidoama ale tulisi diila. 9Dila wa yaa weeni Peniel nidoama ayen, <<Mi a dan ŋmani ale nakdeka, m le nak yewɔŋku de a lɔnsi.>>
10Zeba ale Zalmunna a jam bo ka Karkor ale tugurik tɔŋdɔba ase tusa pi ale ŋanu (15,000) la, tugurik tɔŋdɔ baai meena ale jam tali la, ka konni nuruma po, ka nidoaba tusa kook ale pisiye (120,000) ale jam kpi. 11Gidiyon a jam va ka Noba ale Jogbeya kori geŋ a ga diiri tugurik tɔŋdɔ baai ate ba zɛ ba wari la. 12Zeba ale Zalmunna, Midian nalima ŋayewa a jam chali kama alege wa jam vi ba kama a yik ba a nya pagrim ba tugurik tɔŋdɔma zuk.
13Gidiyon Joas biika yaa nyini kpaliŋ ka po a va Yeres Guuku a ŋmani. 14Wa jam yik ka Sukkot nuru paalik a bek wa, ate nuru paalika a ŋmarisi Sukkot kpaga pisiyopɔi ale ŋayopɔiwa tɛŋka nisɔmma yueŋa a te wa. 15Gidiyon yaa jam weeni Sukkot nidoama ayen, <<Zeba ale Zalmunna baai nyiŋ ate ni a na mi ayen, <<Fi poom ŋaam ta Zeba ale Zalmunna nisa kama la? Boa ni soa ate tama a te fi nidoama ale jiak la ŋandiinta?>> 16Wa jam yik tɛŋka nisɔmma ale nidoama Sukkot po a sak ba yam ate ku jo ba nyiŋ ale kpiluŋbaoŋ ale pok ta chari jam. 17Wa maa jam nak Peniel yewɔŋku a lɔnsi kama ale ko tɛŋka nidoama.
18Wa jam bek Zeba ale Zalmunna ayen, <<Ka nuru boan chaab ate nama a ko Tabor po la?>> Ate ba tulisi ayen, nuruba ase fi la, ba wanyi meena a jam a nya ase ka nabiik la.>> 19Gidiyon yaa tulisi ayen, <<Bala a jam ka mi suata, midek mawa bisa. Ase Naawen ale vua la, ase ni daam a dan kan ko ba, mi ate kan ko ni.>> 20Wa yaa viriŋ weeni Jeter wa nidoabili kpagni ayen, <<Ko ba.>> Alege Jeter an jam yeeri wa gebika dii nyiŋla wa jam ka bi fiik a chali yɔgsum.
21Zeba ale Zelmunna ayen, <<Jam, a nye fidek, ase nidoa la wa pagrimu ka dila.>> Dila Gidiyon yaa jam niŋ nyiŋ a ko ba ale yeeri baŋsaŋa ba laalaakomima ŋieŋa po. 22Ate Izirali demma a weeni Gidiyon ayen, <<A nya ti zuk fi ale fi biika ale fi ŋaaŋbiika dii nyiŋla, fi ale vari ti a ta nyini Midian demma nisa po.>> 23Alege Gidiyon a jam weeni ba ayen, <<Mi a kan nya ni zuwa yaase mi biika a nya ni zuwa. Naawen ale wa a nya ni zuk.>> 24Wa weeni ayen, <<Mi ta ka bega bunyi, ayen ni wanyi meena a te mu tukpan a nyini ŋan baai ate ni kɔlim la charuku po.>> Ku jam ka ŋiak wari ayen Ismael demma a su ligmɔniŋ tukpana.
25Ba yaa tulisi ayen, <<Ti sue ale peenti ate ti pai ŋa a te.>> Dila ba yaa lati garuk ate waai meena a pai tukpan a ta nyini wa kɔlim ka po la a nyoro. 26Ligmɔniŋ tukpanaŋa ate wa jam bek ate ba te wa la ka ligbie dobrim kobsa pi ale ŋayopɔi, ba an jam chiini baŋsaŋa ale ŋiri chɔrimaŋa ale garuk ŋmiŋmiruk tii ate nalima a su la yaase chɔrimaŋa ale jam bo ba laalaakomima ŋieŋa po la a gum du. 27Gidiyon jam pai ka ligmɔniŋka a nye garuk geli, kuui ate wa pai dueni Ofra tɛŋka po, wa tɛŋka la. Izirali demma meena a jam pai ka badek a da te a kaab ku dula, ate ku chim baruk a te Gidiyon ale wa dɔkdemma.
28Midian demma a jam kpi kama Izirali demma niŋ, ba zuk an jam zak ŋmana. Gidiyon vummu daaŋa po tɛŋka a jam nya suiyɔgni a paari ka bena pisinaansi.
29Jerub Baal Joas biika yaa jam ŋman kuli yeri a ga boro. 30Wa jam ta ka nidoabilisa pisiyopɔi, diila wa jam ta ka nipok boari. 31Wa nɔŋku, waai ale jam bo Sikiim la, mɛ a jam biak ka nidoabili a te wa, ate wa te wa yuei ayen Abimelek. 32Gidiyon Joas biika a jam kpaŋ kama nalimnyiini ale kpi ate ba gu wa Joas wa kowa boosuku po Ofra ale bo Abiezer demma tɛŋka po la.
33Gidiyon ale kpi la ku an beni ya ate Izirali demma a ŋman pai badek a da a te Baal. Ba jam ti Baal Berit a zaani kama ase ba bɔgluk la, 34ale an ŋman teeri Naawen ba Wenni, waai ale vari ba a ta nyini ba dachaasaŋa meena nisa po a basi la. 35Ba an jam sak jiirim ale Jerub Baal dɔkdemma, Gidiyon ale la, wamaŋ sii meena ate wa jam nye te ba la.
Currently Selected:
Niŋdeerɔba 8: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Niŋdeerɔba 8
8
1Ɛfraim demma a yaa bek Gidiyon ayen, <<Ka boa ate fi a nye tama nna? Ka boa ate fi an wi tama fi ale a yaali fi nye kpaliŋ ale Midian demma la?>> Ate ba yaa ŋma wa nna tuotuowa.
2Ate wa tulisi ba ayen, <<Mi nya ka boa ase fi nin pa magsi chaab ale nama? Ɛfraim kpari ŋan yisuŋtaŋa zunchoŋ ŋan baai meena ate Abiezer a nya la? 3Wen a pai Oreb ale Zeeb Midian niŋdeerɔma a nyo ka ni nisima po. Mi jam baga a nyeka ka boa a magsi chaab ale fi?>> Kude nyiŋ ba sueŋa ale jam a puuri ale wa la a yaa yɔk.
4Gidiyon nidoaba kobsitawa a jam jiak kama ale pik vi ba a paari Jodan Benni a lo di jueli. 5Wa jam weeni Sukkot nidoama ayen, <<Ni te m tugurik tommu ŋandiinta, ba jiak kama, alege m diem a vi Zeba ale Zalmunna Midian nalimaŋa>>
6Alege Sukkot kpaŋŋa ayen, <<Fi poom ŋaam yik Zeba ale Zalmunna nisima a tara? Boa ni soa ate tama a te fi tugurik tommu ŋandiinta?>> 7Gidiyon yaa tulisi ayen, <<Ka dila, ase Naawen a dan pai Zeba ale Zalmunna a nyo m nisa po m le cheeri ni nyiŋsaŋa ale kpiluŋbaoŋ ale pok ta chari jam.>>
8A nyini dula wa jam cheŋ ka Peniel a bek ba dila degadega alege ba mɛ a tulisi wa ase Sukkot nidoama ale tulisi diila. 9Dila wa yaa weeni Peniel nidoama ayen, <<Mi a dan ŋmani ale nakdeka, m le nak yewɔŋku de a lɔnsi.>>
10Zeba ale Zalmunna a jam bo ka Karkor ale tugurik tɔŋdɔba ase tusa pi ale ŋanu (15,000) la, tugurik tɔŋdɔ baai meena ale jam tali la, ka konni nuruma po, ka nidoaba tusa kook ale pisiye (120,000) ale jam kpi. 11Gidiyon a jam va ka Noba ale Jogbeya kori geŋ a ga diiri tugurik tɔŋdɔ baai ate ba zɛ ba wari la. 12Zeba ale Zalmunna, Midian nalima ŋayewa a jam chali kama alege wa jam vi ba kama a yik ba a nya pagrim ba tugurik tɔŋdɔma zuk.
13Gidiyon Joas biika yaa nyini kpaliŋ ka po a va Yeres Guuku a ŋmani. 14Wa jam yik ka Sukkot nuru paalik a bek wa, ate nuru paalika a ŋmarisi Sukkot kpaga pisiyopɔi ale ŋayopɔiwa tɛŋka nisɔmma yueŋa a te wa. 15Gidiyon yaa jam weeni Sukkot nidoama ayen, <<Zeba ale Zalmunna baai nyiŋ ate ni a na mi ayen, <<Fi poom ŋaam ta Zeba ale Zalmunna nisa kama la? Boa ni soa ate tama a te fi nidoama ale jiak la ŋandiinta?>> 16Wa jam yik tɛŋka nisɔmma ale nidoama Sukkot po a sak ba yam ate ku jo ba nyiŋ ale kpiluŋbaoŋ ale pok ta chari jam. 17Wa maa jam nak Peniel yewɔŋku a lɔnsi kama ale ko tɛŋka nidoama.
18Wa jam bek Zeba ale Zalmunna ayen, <<Ka nuru boan chaab ate nama a ko Tabor po la?>> Ate ba tulisi ayen, nuruba ase fi la, ba wanyi meena a jam a nya ase ka nabiik la.>> 19Gidiyon yaa tulisi ayen, <<Bala a jam ka mi suata, midek mawa bisa. Ase Naawen ale vua la, ase ni daam a dan kan ko ba, mi ate kan ko ni.>> 20Wa yaa viriŋ weeni Jeter wa nidoabili kpagni ayen, <<Ko ba.>> Alege Jeter an jam yeeri wa gebika dii nyiŋla wa jam ka bi fiik a chali yɔgsum.
21Zeba ale Zelmunna ayen, <<Jam, a nye fidek, ase nidoa la wa pagrimu ka dila.>> Dila Gidiyon yaa jam niŋ nyiŋ a ko ba ale yeeri baŋsaŋa ba laalaakomima ŋieŋa po. 22Ate Izirali demma a weeni Gidiyon ayen, <<A nya ti zuk fi ale fi biika ale fi ŋaaŋbiika dii nyiŋla, fi ale vari ti a ta nyini Midian demma nisa po.>> 23Alege Gidiyon a jam weeni ba ayen, <<Mi a kan nya ni zuwa yaase mi biika a nya ni zuwa. Naawen ale wa a nya ni zuk.>> 24Wa weeni ayen, <<Mi ta ka bega bunyi, ayen ni wanyi meena a te mu tukpan a nyini ŋan baai ate ni kɔlim la charuku po.>> Ku jam ka ŋiak wari ayen Ismael demma a su ligmɔniŋ tukpana.
25Ba yaa tulisi ayen, <<Ti sue ale peenti ate ti pai ŋa a te.>> Dila ba yaa lati garuk ate waai meena a pai tukpan a ta nyini wa kɔlim ka po la a nyoro. 26Ligmɔniŋ tukpanaŋa ate wa jam bek ate ba te wa la ka ligbie dobrim kobsa pi ale ŋayopɔi, ba an jam chiini baŋsaŋa ale ŋiri chɔrimaŋa ale garuk ŋmiŋmiruk tii ate nalima a su la yaase chɔrimaŋa ale jam bo ba laalaakomima ŋieŋa po la a gum du. 27Gidiyon jam pai ka ligmɔniŋka a nye garuk geli, kuui ate wa pai dueni Ofra tɛŋka po, wa tɛŋka la. Izirali demma meena a jam pai ka badek a da te a kaab ku dula, ate ku chim baruk a te Gidiyon ale wa dɔkdemma.
28Midian demma a jam kpi kama Izirali demma niŋ, ba zuk an jam zak ŋmana. Gidiyon vummu daaŋa po tɛŋka a jam nya suiyɔgni a paari ka bena pisinaansi.
29Jerub Baal Joas biika yaa jam ŋman kuli yeri a ga boro. 30Wa jam ta ka nidoabilisa pisiyopɔi, diila wa jam ta ka nipok boari. 31Wa nɔŋku, waai ale jam bo Sikiim la, mɛ a jam biak ka nidoabili a te wa, ate wa te wa yuei ayen Abimelek. 32Gidiyon Joas biika a jam kpaŋ kama nalimnyiini ale kpi ate ba gu wa Joas wa kowa boosuku po Ofra ale bo Abiezer demma tɛŋka po la.
33Gidiyon ale kpi la ku an beni ya ate Izirali demma a ŋman pai badek a da a te Baal. Ba jam ti Baal Berit a zaani kama ase ba bɔgluk la, 34ale an ŋman teeri Naawen ba Wenni, waai ale vari ba a ta nyini ba dachaasaŋa meena nisa po a basi la. 35Ba an jam sak jiirim ale Jerub Baal dɔkdemma, Gidiyon ale la, wamaŋ sii meena ate wa jam nye te ba la.
© 2023, Ghana Institute of Linguistics, Literacy and Bible Translation