Niŋdeerɔba 7
7
1Saluik yokyokwa, Jerub Baal yaase Gidiyon ale la ale wa nuruma meena a yaa ga kali Yarod vinni. Midian demma boka jigini a jam boka bala wiilukku geŋsa a viaka ale moata More guuku la. 2Naawen a weeni Gidiyon ayen, <<Fi nidoama a ŋmasi piisi kama ale mi ale pai Midian demma a nyo ba nisima po. Ate Izirali demma a kan kuulim ale mi ayen badek pagrim ale vari ba a basi, 3mooli a te nuruma ayen, <<Nuru waai nyiŋ a dan gɔk ate yɔgsum a yik wa, wa baga a ŋmani kama a basi Gilead guuku.>> Dila nidoaba tusa pisiye ale ŋaye (22,000) ale jam ŋmani alege tusa pi (10,000) a tali wari.
4Alege Naawen a weeni Gidiyon ayen, <<Nidoama a diem ŋmasi piisi kama. Ta ba a cheŋ nyiam jigi, ate mi ale poori ba dula a te fu. Ase mi a dan weeni ayen, <Wade ale va fu a cheŋ,> wa a cheŋ, alege mi a dan weeni ayen, <Wade a kan va fu a cheŋ,> wa kan cheŋ.>>
5Dila Gidiyon yaa ta nidoama a siŋ nyiam jigi. Dula Naawen a weeni wa ayen, <<Poori baai ale pai nɔi a nyu nyiamu ase biak la a ta nyini baai ale pai duna a kpi tɛŋ ale a nyu la.>> 6Nidoaba kobsita ale jam pai ba nisa a ŋari nyiamu a nyu. Mbala meena a jam kpi ka duna tɛŋ ayen ba nyu.
7Naawen a jam weeni Gidiyon ayen, <<Ale nidoaba kobsitawa ale jam a lak nyiamu la mi ale vari fu a basi a pai Midian demma a nyo fi nisima po. Basi ate nidoa mbala meena a ŋman kuli wa le nyini juijui la.>> 8Dila Gidiyon yaa basi ate Izirali dem mbala meena a ŋmani kali ba viitaŋa alege a ta nidoaba kobsitawa baai ale jam tuesi nidoa mbala ŋantaŋa ale damunsaŋa la. Midian demma boka jigini a jam boka wa tɛŋ viaka po. 9Yok kula po Naawen a weeni Gidiyon ayen, <<Yiti ŋmai, cheŋ Midian demma boka jigini a nye kpaliŋ ale ba dii nyiŋla m za m pai ba a nyo ka fi nisima po. 10Ase fi a dan yɔgsa ale fi le nye kpaliŋ ale ba, cheŋ ba boka jigini ale fi tomteerɔwa Pura 11a wom ba le a weeni diila. Dila ŋaaŋnyiŋ fi nya nyiŋbiiri a kpaliŋ ale ba.>> Dila ate wa ale Pura wa tomteerɔwa a yaa jam cheŋ ba boka jigini nakpiak. 12Midian demma ale Amalek demma ale nuru baai ale bo kori geŋsaŋa la meena a jam kala ka viak po a sobri nna ase tintue la. Ba laalaakomima a jam ka chiina ase nyakpiemu tintain busuŋ la.
13Gidiyon yaa jam paari ale nuru a boro a weeni wa doa wa gɔdaasima ayen, <<Boroborok gilin fiik ale jam gɔk nna zekzek a jo Midian demma boka jigini. Ku jam nak viuku ale fifiok ate viuku a tulim a lɔ tɛŋ.>> 14Wa doawa yaa tulisi ayen, <<Kude daa wayoŋ a ŋman gaam gebik woŋ kaai ate Joas Izirali denɔwa biika Gidiyon a ta la, Wen a pai Midian demma ale ba boka jigini meena a nyo ka ba nisima po.>>
15Ase Gidiyon ale ga wom gɔdaasimaŋa ale ŋa kiri ale ka diila, wa yaa nye Naawen jiam. Wa yaa ŋman cheŋ Izirali demma boka jigini a wi ayen, <<Ba yiti ŋmai Naawen a pai Midian demma boka jigini a nyo ka ti nisima po.>> 16Wa labi nidoaba kobsitawa buta, wa pai damunsa ale leŋ koruta a nyo ba meena nisima po ate botta a bo leŋsaŋa po.
17Wa jam weeni ba ayen, <<Ni kpesi a nya mi ale a nye diila. Ase mi a dan paari ba boka jigini nakpiaka, ni nye dii dek ate mi a nye la. 18Ase mi ale baai meena ale bo ale mi la a dan peeri ti damunsaŋa, a nyini ni boka jigini meena nama mɛ a peeri ni damunsaŋa abe ni kaari a te Naawen ale Gidiyon.>>
19Gidiyon ale nidoaba kooku ale wa a yaa paari Midian demma boka jigini nakpiaka goota suŋsuŋ, ba le tagri limisidɔwa la ŋaaŋnyiŋ. Ba yaa peeri ba damunsaŋa ale mobi ba leŋsaŋa ale bo ba nisaŋa po la. 20Labika butawa a jam peeri ba damunsaŋa kama ale ŋɔriŋ ba leŋsaŋa. A ta botta ba gala nisaŋa po ale ta damunsaŋa ate ba jam a peeri la ba juga nisaŋa po. Ba jam kaari ayen, <<Gebik woŋ a te Naawen ale Gidiyon.>> 21Nuru meena ale jam za wa zaana jigi a gilim ba boka jigini la, Midian demma meena yaa yiti a chali ale a kaari ase ba ale yiti a chali la.
22Ase damunsa kobsitawa ale jam peeri la, Naawen yaa basi ate nidoama ale bo ba boka jigini la yaa tulim a chub chaab ale ba gebik woŋsaŋa. Tugurik tɔŋdɔma yaa yiti chali cheŋ Bet Sitta a duŋ Zerera ate ku yalima a paari Abel Meyola tɛŋ banni a moata Tabbat. 23Izirali demma ale nyini Nafitali ale Asɛ ale Manasa meena la ba jam wi ba kama ate ba nyini, ate ba vi Midian demma. 24Gidiyon yaa tom nuruba Ɛfraim tɛŋka ate guuta a bo ka po la meena ayen, <<Ni jam a nye kpaliŋ ale Midian demma a de ba niŋ a kasi Jodan benni a ta ga paari Bet Baraya.>> Dila ba jam wi Ɛfraim nidoama meena ate ba nyini a ga tuesi Jodan nyaataŋa a ta ga paari Bet Baraya. 25Ba jam maa nak yik ka Midian demma niŋdeerɔba baye. Oreb ale Zeeb ale la. Ba jam ko Oreb ka Oreb piuŋku zuk ale ko Zeeb wadek daamu nyeka jigini. Ba jam vi Midian demma kama a ta Oreb ale Zeeb Zuimaŋa a jam te Gidiyon, waai ale jam bo Jodan benni nɔi la.
Currently Selected:
Niŋdeerɔba 7: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Niŋdeerɔba 7
7
1Saluik yokyokwa, Jerub Baal yaase Gidiyon ale la ale wa nuruma meena a yaa ga kali Yarod vinni. Midian demma boka jigini a jam boka bala wiilukku geŋsa a viaka ale moata More guuku la. 2Naawen a weeni Gidiyon ayen, <<Fi nidoama a ŋmasi piisi kama ale mi ale pai Midian demma a nyo ba nisima po. Ate Izirali demma a kan kuulim ale mi ayen badek pagrim ale vari ba a basi, 3mooli a te nuruma ayen, <<Nuru waai nyiŋ a dan gɔk ate yɔgsum a yik wa, wa baga a ŋmani kama a basi Gilead guuku.>> Dila nidoaba tusa pisiye ale ŋaye (22,000) ale jam ŋmani alege tusa pi (10,000) a tali wari.
4Alege Naawen a weeni Gidiyon ayen, <<Nidoama a diem ŋmasi piisi kama. Ta ba a cheŋ nyiam jigi, ate mi ale poori ba dula a te fu. Ase mi a dan weeni ayen, <Wade ale va fu a cheŋ,> wa a cheŋ, alege mi a dan weeni ayen, <Wade a kan va fu a cheŋ,> wa kan cheŋ.>>
5Dila Gidiyon yaa ta nidoama a siŋ nyiam jigi. Dula Naawen a weeni wa ayen, <<Poori baai ale pai nɔi a nyu nyiamu ase biak la a ta nyini baai ale pai duna a kpi tɛŋ ale a nyu la.>> 6Nidoaba kobsita ale jam pai ba nisa a ŋari nyiamu a nyu. Mbala meena a jam kpi ka duna tɛŋ ayen ba nyu.
7Naawen a jam weeni Gidiyon ayen, <<Ale nidoaba kobsitawa ale jam a lak nyiamu la mi ale vari fu a basi a pai Midian demma a nyo fi nisima po. Basi ate nidoa mbala meena a ŋman kuli wa le nyini juijui la.>> 8Dila Gidiyon yaa basi ate Izirali dem mbala meena a ŋmani kali ba viitaŋa alege a ta nidoaba kobsitawa baai ale jam tuesi nidoa mbala ŋantaŋa ale damunsaŋa la. Midian demma boka jigini a jam boka wa tɛŋ viaka po. 9Yok kula po Naawen a weeni Gidiyon ayen, <<Yiti ŋmai, cheŋ Midian demma boka jigini a nye kpaliŋ ale ba dii nyiŋla m za m pai ba a nyo ka fi nisima po. 10Ase fi a dan yɔgsa ale fi le nye kpaliŋ ale ba, cheŋ ba boka jigini ale fi tomteerɔwa Pura 11a wom ba le a weeni diila. Dila ŋaaŋnyiŋ fi nya nyiŋbiiri a kpaliŋ ale ba.>> Dila ate wa ale Pura wa tomteerɔwa a yaa jam cheŋ ba boka jigini nakpiak. 12Midian demma ale Amalek demma ale nuru baai ale bo kori geŋsaŋa la meena a jam kala ka viak po a sobri nna ase tintue la. Ba laalaakomima a jam ka chiina ase nyakpiemu tintain busuŋ la.
13Gidiyon yaa jam paari ale nuru a boro a weeni wa doa wa gɔdaasima ayen, <<Boroborok gilin fiik ale jam gɔk nna zekzek a jo Midian demma boka jigini. Ku jam nak viuku ale fifiok ate viuku a tulim a lɔ tɛŋ.>> 14Wa doawa yaa tulisi ayen, <<Kude daa wayoŋ a ŋman gaam gebik woŋ kaai ate Joas Izirali denɔwa biika Gidiyon a ta la, Wen a pai Midian demma ale ba boka jigini meena a nyo ka ba nisima po.>>
15Ase Gidiyon ale ga wom gɔdaasimaŋa ale ŋa kiri ale ka diila, wa yaa nye Naawen jiam. Wa yaa ŋman cheŋ Izirali demma boka jigini a wi ayen, <<Ba yiti ŋmai Naawen a pai Midian demma boka jigini a nyo ka ti nisima po.>> 16Wa labi nidoaba kobsitawa buta, wa pai damunsa ale leŋ koruta a nyo ba meena nisima po ate botta a bo leŋsaŋa po.
17Wa jam weeni ba ayen, <<Ni kpesi a nya mi ale a nye diila. Ase mi a dan paari ba boka jigini nakpiaka, ni nye dii dek ate mi a nye la. 18Ase mi ale baai meena ale bo ale mi la a dan peeri ti damunsaŋa, a nyini ni boka jigini meena nama mɛ a peeri ni damunsaŋa abe ni kaari a te Naawen ale Gidiyon.>>
19Gidiyon ale nidoaba kooku ale wa a yaa paari Midian demma boka jigini nakpiaka goota suŋsuŋ, ba le tagri limisidɔwa la ŋaaŋnyiŋ. Ba yaa peeri ba damunsaŋa ale mobi ba leŋsaŋa ale bo ba nisaŋa po la. 20Labika butawa a jam peeri ba damunsaŋa kama ale ŋɔriŋ ba leŋsaŋa. A ta botta ba gala nisaŋa po ale ta damunsaŋa ate ba jam a peeri la ba juga nisaŋa po. Ba jam kaari ayen, <<Gebik woŋ a te Naawen ale Gidiyon.>> 21Nuru meena ale jam za wa zaana jigi a gilim ba boka jigini la, Midian demma meena yaa yiti a chali ale a kaari ase ba ale yiti a chali la.
22Ase damunsa kobsitawa ale jam peeri la, Naawen yaa basi ate nidoama ale bo ba boka jigini la yaa tulim a chub chaab ale ba gebik woŋsaŋa. Tugurik tɔŋdɔma yaa yiti chali cheŋ Bet Sitta a duŋ Zerera ate ku yalima a paari Abel Meyola tɛŋ banni a moata Tabbat. 23Izirali demma ale nyini Nafitali ale Asɛ ale Manasa meena la ba jam wi ba kama ate ba nyini, ate ba vi Midian demma. 24Gidiyon yaa tom nuruba Ɛfraim tɛŋka ate guuta a bo ka po la meena ayen, <<Ni jam a nye kpaliŋ ale Midian demma a de ba niŋ a kasi Jodan benni a ta ga paari Bet Baraya.>> Dila ba jam wi Ɛfraim nidoama meena ate ba nyini a ga tuesi Jodan nyaataŋa a ta ga paari Bet Baraya. 25Ba jam maa nak yik ka Midian demma niŋdeerɔba baye. Oreb ale Zeeb ale la. Ba jam ko Oreb ka Oreb piuŋku zuk ale ko Zeeb wadek daamu nyeka jigini. Ba jam vi Midian demma kama a ta Oreb ale Zeeb Zuimaŋa a jam te Gidiyon, waai ale jam bo Jodan benni nɔi la.
© 2023, Ghana Institute of Linguistics, Literacy and Bible Translation