Niŋdeerɔba 16
16
1Dai yeŋ ate Samson yaa cheŋ Gaza, dula jigini wa yaa nya nidoa yaalik. Wa yaa jo a daliŋ yok ku la meena. 2Gaza demma yaa wom ayen, <<Samson a bo dela, ate ba yaa gilim jigini a doa yokku meena a limisi wa. Ba an jam cheŋ jigiya yokku meena ale weeni ayen, <<Saluik yokyokwa ti le ko wa.>>
3Alege Samson a jam doa ka dula a paari yok suŋsuŋ. Wa yaa ga yik tɛŋka nansuiŋku tuataŋa ale zaŋŋa ŋayewa a gum chaab a ŋɔriŋ ba meena. Wa jam zak ba ji ka ŋmankpala a ta jueli guuku ale tuk Yebron la zuk.
4Daa magadek ale taam la, wa yaa jam de nɔŋta ale nipok Sorek Viaka, wa yuei ale Delila. 5Filistia niŋdeerɔma yaa cheŋ wa jigi ayen, <<Nya de fi dan baga a paasi wa ate wa weeni wa ale nye dii a pagra la, ale ti le ti nye dii a nya pagrim wa zuk a bobi wa la. Tama wanyi meena ale te fu kpana ligbie tusidi ale kook (1,100).>>
6Ate Delila yaa weeni Samson ayen, <<Weeni mu fi ale nye dii a pagra dila la, ale ba le ba nye dii a nya pagrim fi zuk a bobi fu la.>> 7Samson yaa tulisi wa ayen, <<Ase waai a dan bobi mi ale gie ŋaai ale yɔgsa la ŋayopɔi, m ni wobsa ase ka waai meena la.>>
8Baai ale a nya Filistia tɛŋka zuk la yaa ta gie yɔgsa ŋayopɔi a jam te wa ate wa pai ŋa a bobi wa. 9Nidoaba ale jam suk dɔk po. Delila yaa wi wa ayen Samson Filistia demma a cheen ba yik fu. Ate wa nye ate gieŋa a deri na gebi ase miik ale moata bolim ŋiak diila. Ba an jam baga a miŋ wa pagrimu kiri ya.
10Delila yaa weeni Samson ayen, <<Fi paasi mu, fi velim kama ale mi, jam de weeni mu ba le ba nye dii a bobi fu la.
11Ate wa weeni ayen, <<Ase waai a dan pai miisa sii ale paala la a bobi mu sii ate ba an pai bobi ŋanta a nya la, m le wobsa ase ka waai meena la.>>
12Delila yaa pa miik paalisa a bobi wa, ale basi ate nuruma diem suk bo dɔkku po, wa yaa wi ayen, <<Samson Filistia demma a cheen ba yik fu. Ate wa ŋman gebi miisaŋa nna ase garuk miisa la.
13Delila a ŋman pilim weeni Samson ayen, <<Ale a najin fi diem a velim ale mu kama, weeni mu ba le ba nye dii a bobi fu la.>> Wa yaa weeni wa ayen, <<Ase fi dan poori zuisaŋa m zukku po buyopɔi a panni ale garuk miisa maŋ chaab ase garuk la a pai zuk pein a kpi maŋ, m le wobsa ase ka waai meena la.>> Ase wa ale doa goa la, Delila yaa yik wa zuisaŋa a poori buyopɔi a panni si maŋ chaab, 14a yaa pai zuk pein a kpi. Wa ŋman wi wa ayen, <<Samson Filistia demma a cheen ba yik fu,>> ate wa yiti wa goomu po a dari ŋan baai ate Delila a pa bobi wa zuisaŋa la a gebi.
15Ate wa weeni wa ayen, <<Fi le nye ka sɛ a weeni ayen, mi a yaali fu, fi ale kan seba mi a chak la nyiŋŋa? Ku nɔi buta ale nna ate fi paasi mu an weeni mu fi pagrimu kiri ya.>> 16Wa kasim ta wa ka dila daa meena ate wa ga jiak.
17Dila wa yaa weeni wa wari meena ayen, <<Aaya, poniŋ a diem su mi zukku po nya ya, dii nyiŋla mi ka Naziri, waai ale gaari wadek a te Wen a nyini diipo ate ba biak mu la. Ba dan che m zukku m pagrimu ale nyini ate m le wobsa ase waai meena la.>>
18Ase Delila ale nya ale wa weeni wa wari meena la, wa yaa tom weeni Filistia niŋdeerɔma ayen, <<Ni ŋman jam bunyi dekki, wa weeni mu wari meena kama, ate Filistia niŋdeerɔma a yaa pilim ŋman ale kpana ligbie. 19Ase nipowa ale ta wa, wa naŋsa zuk ate wa a goa la, wa yaa wi nidoa ayen wa che wa zuisa buyopɔiwa, a piilim baliŋ wa, ate wa pagrimu a basi wa.
20Wa yaa wi ayen, <<Samson, Filistia demma a cheen ba yik fu.>> Wa yaa lak nina ale a poli ayen wa le yiti kama ase wa le poom liŋ a nye diila a kpaanti vari wadek a basi. Alege wa zɛ ayen Naawen a basi wa kama.
21Filistia demma yaa yik wa, a pusi wa ninaŋa ale ta wa a cheŋ Gaza. Ba jam pai ka kutuk mɔnuŋ chɔrima a bobi wa ate wa a num ŋanta likka dɔk po. 22Alege wa zuisaŋa yaa ŋman pilim a nyini ba le che si la ŋaaŋnyiŋ.
23Filistia demma yaa tigsi chaab ayen ba kaab a te ba wenni Dagon ale nye tigi ayen, <<Ti wenni a pa Samson ti dachiaka a nyo ti nisa po.
24Ase nuruma ale ga nya wa la, ba yaa pak ba wenni ayen, <<Ti wenni a pa ti dachiaka a nyo ti nisa po, waai ale basi ate tɛŋka a doa koruk ale tɔgri ti a piisi la.>>
25Ase ba sueŋa ale peenti la, ba yaa na ayen, <<Ni ta Samson jam ate wa a daliŋ ti. Ba yaa wi Samson ate wa nyini likka dɔkku po a nyini a daliŋ ba. Ase ba le pa wa zaani zaŋŋa suŋsuŋ la, 26Samson yaa weeni waai ale a dari wa la ayen, <<Basi ate m zaani juijui ate m baga a yik zaŋŋa ale chɔgsi yenni a ta la, ate m sali ŋa. 27Dɔkku nidoaba ale nipooba ale jam sueri ku, Filistia tɛŋka niŋdeerɔma meena a jam boro kama, baai mɛ ale jam bo gboŋku zuk la jam ka nidoaba ale nipooba tusa ŋata (3,000) ale jam a nya Samson ale a nye diila. 28Samson yaa puusi te Naawen ayen, <<M Nyɔnɔwa waai ale ka Naawen yaa, teeri m wie. Wen, mi a saalim ŋman te mu pagrim maga dega ate m tuni Filistia demma m nina ŋayewa nyiŋ. 29Samson yaa forisi paari suŋsuŋ zaŋŋa ŋayewa ale ta dɔkku a za la. Wa jam pai ka juga a ji dinyi alege pa wa gala mɛ a ji ndila, 30Samson jam weeni kama ayen, <<Basi ate mi kpi ale Filistia demma,>> ale tusi ale wa pagrim meena ate dɔkku ale lo baai ale a nya Filistia demma zuk la ale nurubiika meena ale jam bo ku po la zuk. Dila danni wa jam ko nuruba a piisi gaam wa le jam vua a ko baai la kama.
31Ate wa suataŋa ale wa kowa dɔkdemma meena yaa cheŋ ba pa wa. Ba jam ta wa jam gu ka Zoraya ale Estaol suŋsuŋ, Manoa wa kowa boosuku po. Wa jam de Izirali demma niŋ ka bena pisiye.
Currently Selected:
Niŋdeerɔba 16: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Niŋdeerɔba 16
16
1Dai yeŋ ate Samson yaa cheŋ Gaza, dula jigini wa yaa nya nidoa yaalik. Wa yaa jo a daliŋ yok ku la meena. 2Gaza demma yaa wom ayen, <<Samson a bo dela, ate ba yaa gilim jigini a doa yokku meena a limisi wa. Ba an jam cheŋ jigiya yokku meena ale weeni ayen, <<Saluik yokyokwa ti le ko wa.>>
3Alege Samson a jam doa ka dula a paari yok suŋsuŋ. Wa yaa ga yik tɛŋka nansuiŋku tuataŋa ale zaŋŋa ŋayewa a gum chaab a ŋɔriŋ ba meena. Wa jam zak ba ji ka ŋmankpala a ta jueli guuku ale tuk Yebron la zuk.
4Daa magadek ale taam la, wa yaa jam de nɔŋta ale nipok Sorek Viaka, wa yuei ale Delila. 5Filistia niŋdeerɔma yaa cheŋ wa jigi ayen, <<Nya de fi dan baga a paasi wa ate wa weeni wa ale nye dii a pagra la, ale ti le ti nye dii a nya pagrim wa zuk a bobi wa la. Tama wanyi meena ale te fu kpana ligbie tusidi ale kook (1,100).>>
6Ate Delila yaa weeni Samson ayen, <<Weeni mu fi ale nye dii a pagra dila la, ale ba le ba nye dii a nya pagrim fi zuk a bobi fu la.>> 7Samson yaa tulisi wa ayen, <<Ase waai a dan bobi mi ale gie ŋaai ale yɔgsa la ŋayopɔi, m ni wobsa ase ka waai meena la.>>
8Baai ale a nya Filistia tɛŋka zuk la yaa ta gie yɔgsa ŋayopɔi a jam te wa ate wa pai ŋa a bobi wa. 9Nidoaba ale jam suk dɔk po. Delila yaa wi wa ayen Samson Filistia demma a cheen ba yik fu. Ate wa nye ate gieŋa a deri na gebi ase miik ale moata bolim ŋiak diila. Ba an jam baga a miŋ wa pagrimu kiri ya.
10Delila yaa weeni Samson ayen, <<Fi paasi mu, fi velim kama ale mi, jam de weeni mu ba le ba nye dii a bobi fu la.
11Ate wa weeni ayen, <<Ase waai a dan pai miisa sii ale paala la a bobi mu sii ate ba an pai bobi ŋanta a nya la, m le wobsa ase ka waai meena la.>>
12Delila yaa pa miik paalisa a bobi wa, ale basi ate nuruma diem suk bo dɔkku po, wa yaa wi ayen, <<Samson Filistia demma a cheen ba yik fu. Ate wa ŋman gebi miisaŋa nna ase garuk miisa la.
13Delila a ŋman pilim weeni Samson ayen, <<Ale a najin fi diem a velim ale mu kama, weeni mu ba le ba nye dii a bobi fu la.>> Wa yaa weeni wa ayen, <<Ase fi dan poori zuisaŋa m zukku po buyopɔi a panni ale garuk miisa maŋ chaab ase garuk la a pai zuk pein a kpi maŋ, m le wobsa ase ka waai meena la.>> Ase wa ale doa goa la, Delila yaa yik wa zuisaŋa a poori buyopɔi a panni si maŋ chaab, 14a yaa pai zuk pein a kpi. Wa ŋman wi wa ayen, <<Samson Filistia demma a cheen ba yik fu,>> ate wa yiti wa goomu po a dari ŋan baai ate Delila a pa bobi wa zuisaŋa la a gebi.
15Ate wa weeni wa ayen, <<Fi le nye ka sɛ a weeni ayen, mi a yaali fu, fi ale kan seba mi a chak la nyiŋŋa? Ku nɔi buta ale nna ate fi paasi mu an weeni mu fi pagrimu kiri ya.>> 16Wa kasim ta wa ka dila daa meena ate wa ga jiak.
17Dila wa yaa weeni wa wari meena ayen, <<Aaya, poniŋ a diem su mi zukku po nya ya, dii nyiŋla mi ka Naziri, waai ale gaari wadek a te Wen a nyini diipo ate ba biak mu la. Ba dan che m zukku m pagrimu ale nyini ate m le wobsa ase waai meena la.>>
18Ase Delila ale nya ale wa weeni wa wari meena la, wa yaa tom weeni Filistia niŋdeerɔma ayen, <<Ni ŋman jam bunyi dekki, wa weeni mu wari meena kama, ate Filistia niŋdeerɔma a yaa pilim ŋman ale kpana ligbie. 19Ase nipowa ale ta wa, wa naŋsa zuk ate wa a goa la, wa yaa wi nidoa ayen wa che wa zuisa buyopɔiwa, a piilim baliŋ wa, ate wa pagrimu a basi wa.
20Wa yaa wi ayen, <<Samson, Filistia demma a cheen ba yik fu.>> Wa yaa lak nina ale a poli ayen wa le yiti kama ase wa le poom liŋ a nye diila a kpaanti vari wadek a basi. Alege wa zɛ ayen Naawen a basi wa kama.
21Filistia demma yaa yik wa, a pusi wa ninaŋa ale ta wa a cheŋ Gaza. Ba jam pai ka kutuk mɔnuŋ chɔrima a bobi wa ate wa a num ŋanta likka dɔk po. 22Alege wa zuisaŋa yaa ŋman pilim a nyini ba le che si la ŋaaŋnyiŋ.
23Filistia demma yaa tigsi chaab ayen ba kaab a te ba wenni Dagon ale nye tigi ayen, <<Ti wenni a pa Samson ti dachiaka a nyo ti nisa po.
24Ase nuruma ale ga nya wa la, ba yaa pak ba wenni ayen, <<Ti wenni a pa ti dachiaka a nyo ti nisa po, waai ale basi ate tɛŋka a doa koruk ale tɔgri ti a piisi la.>>
25Ase ba sueŋa ale peenti la, ba yaa na ayen, <<Ni ta Samson jam ate wa a daliŋ ti. Ba yaa wi Samson ate wa nyini likka dɔkku po a nyini a daliŋ ba. Ase ba le pa wa zaani zaŋŋa suŋsuŋ la, 26Samson yaa weeni waai ale a dari wa la ayen, <<Basi ate m zaani juijui ate m baga a yik zaŋŋa ale chɔgsi yenni a ta la, ate m sali ŋa. 27Dɔkku nidoaba ale nipooba ale jam sueri ku, Filistia tɛŋka niŋdeerɔma meena a jam boro kama, baai mɛ ale jam bo gboŋku zuk la jam ka nidoaba ale nipooba tusa ŋata (3,000) ale jam a nya Samson ale a nye diila. 28Samson yaa puusi te Naawen ayen, <<M Nyɔnɔwa waai ale ka Naawen yaa, teeri m wie. Wen, mi a saalim ŋman te mu pagrim maga dega ate m tuni Filistia demma m nina ŋayewa nyiŋ. 29Samson yaa forisi paari suŋsuŋ zaŋŋa ŋayewa ale ta dɔkku a za la. Wa jam pai ka juga a ji dinyi alege pa wa gala mɛ a ji ndila, 30Samson jam weeni kama ayen, <<Basi ate mi kpi ale Filistia demma,>> ale tusi ale wa pagrim meena ate dɔkku ale lo baai ale a nya Filistia demma zuk la ale nurubiika meena ale jam bo ku po la zuk. Dila danni wa jam ko nuruba a piisi gaam wa le jam vua a ko baai la kama.
31Ate wa suataŋa ale wa kowa dɔkdemma meena yaa cheŋ ba pa wa. Ba jam ta wa jam gu ka Zoraya ale Estaol suŋsuŋ, Manoa wa kowa boosuku po. Wa jam de Izirali demma niŋ ka bena pisiye.
© 2023, Ghana Institute of Linguistics, Literacy and Bible Translation