Niŋdeerɔba 15
15
1Ku ŋaaŋnyiŋ diipo ate ba boro a che zaa la, Samson yaa yik buuk paaluk a cheŋ wa nya wa powa. Wa weeni ayen, <<Mi a yaa m joka m powa dɔkku po.>> Alege nipowa kowa an siak ate wa jo ya.
2Wa weeni ayen <<Mi seba chak kama ayen fi sum kisa wa kama ate m pai wa a te fi doawa. Wa yoawa kɔrisa an jo fi? Tanla wala.>>
3Samson yaa weeni ba ayen, <<Yɔgyɔgla de m ta suik a nye kpaliŋ ale Filistia demma kama. M le te ku jo ba nyiŋ.>> 4Wa yaa nyini ga yik suemkpatta kobsita a yik tiye tiye juita a bobi maŋ chaab. Wa jam bobi ka bolim a maŋ du, 5a basi ate suemkpattaŋa a chali ga jo Filistia demma ŋandiintaŋa ale bo tattaŋa po la, ate bolimu a dɛ ti ale ba tiisaŋa meena.
6Filistia demma a yaa nya a bek ayen, <<Ka wana dek chekki ale nye wanni de?>> Ate ba weeni ba ayen, <<Ka Samson, Timna denɔwa chicham biika, dii nyiŋla ba pai wa powa a yalisi ka wa doawa.>> Filistia demma yaa ga ju nipowa ale wa kowa a ko. 7Samson yaa weeni ba ayen, <<Ase nama ale nye nnala la nyiŋ mi kan basi dii ate mi a yaa m nye la ate ku paari diipo ate m le nye a tuni la. 8Wa yaa nye kpaliŋ ale ba a ko ba yega. A yaa le cheŋ Etam a ga bo piuŋ vɔrup po.
9Filistia demma a jam ga tigsi chaab bo ka Juda a waaŋ dila a moata Leyi tɛŋka. 10Ate Juda demma a bek ayen, <<Ka boa ate nama a jam ni nye kpaliŋ ale ti? Ate ba tulisi ayen <<Tama jam ti yik ka Samson a nye wa dii dekdek ate wa nye tama la.
11Ate Juda demma tusa ŋata (3,000) yaa siŋ Etam piuŋku vɔrumu po a weeni Samson ayen, <<Fi zɛ ayen ka Filistia demma ale a nya ti zuwa? Fi nye ti ka sɛ dila?>> Ate wa tulisi ba ayen <<Mi nye ba ka dii ate ba nye mi la.>>
12Ba yaa weeni wa ayen, <<Tama jam ti bobi fu kama a ta fu a ga te Filistia demma.>> Ate Samson mɛ a weeni ba ayen, <<Ni be pɛ ayen nama dek a kan ko mu.>>
13Ba yaa tulisi ayen ti siak ya, <<Tama a yaa ti bobi fu ka bobi ka nyiini a ta fu ga te ba. Ti kan ko fu.>> Ba yaa bobi wa a ta nyini piuŋku vɔrumu po a nyini. 14Ase wa le ga moata Leyi tɛŋka la, Filistia demma yaa a duŋ wa nyiŋ ale na ayen, Naawen Chiika yaa jam wa zuk ale pagrim. Ate miisaŋa ale bobi wa nisaŋa la yaa nye nna se miisa la a nyini wa nisaŋa nyiŋ a lo. 15Wa nya boniŋ tapayiak kobi yɔgsuk a nak nuruba tusidi a ko.
16Samson a weeni ayen, <<Ale boniŋ tapayiak kobi, mi nye ba ate ba chim bonsa ale boniŋ tapayiak kobi m ko nuruba tusidi.>> 17Wa le biisi a ga nueri la wa yaa pai boniŋka tapayiaka kobini a yuk basi, ate ba wi jigini ayen Aramat Leyi.
18Nyanyuilaŋa ale jam a ko wa la nyiŋ, wa yaa kaari wi Naawen, <<Fi te fi tomteerɔwa nak de kaai ale zuak la. Ku a fɛ kama ayen mi kpi ale nyanyuila a te baai ale kan seba Naawen la?>> 19Ate Wen yaa basi ate vɔrup a lagri Leyi ate nyiam a nyini. Samson ale nyu la wa pagrimu yaa ŋman jam. Bulika yuei jam le En Yakkore ka diem bo Leyi tɛŋka po kama jinla de.
20Samson jam nya Izirali tɛŋka a paarika bena pisiye Filistia demma daaŋa po.
Currently Selected:
Niŋdeerɔba 15: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Niŋdeerɔba 15
15
1Ku ŋaaŋnyiŋ diipo ate ba boro a che zaa la, Samson yaa yik buuk paaluk a cheŋ wa nya wa powa. Wa weeni ayen, <<Mi a yaa m joka m powa dɔkku po.>> Alege nipowa kowa an siak ate wa jo ya.
2Wa weeni ayen <<Mi seba chak kama ayen fi sum kisa wa kama ate m pai wa a te fi doawa. Wa yoawa kɔrisa an jo fi? Tanla wala.>>
3Samson yaa weeni ba ayen, <<Yɔgyɔgla de m ta suik a nye kpaliŋ ale Filistia demma kama. M le te ku jo ba nyiŋ.>> 4Wa yaa nyini ga yik suemkpatta kobsita a yik tiye tiye juita a bobi maŋ chaab. Wa jam bobi ka bolim a maŋ du, 5a basi ate suemkpattaŋa a chali ga jo Filistia demma ŋandiintaŋa ale bo tattaŋa po la, ate bolimu a dɛ ti ale ba tiisaŋa meena.
6Filistia demma a yaa nya a bek ayen, <<Ka wana dek chekki ale nye wanni de?>> Ate ba weeni ba ayen, <<Ka Samson, Timna denɔwa chicham biika, dii nyiŋla ba pai wa powa a yalisi ka wa doawa.>> Filistia demma yaa ga ju nipowa ale wa kowa a ko. 7Samson yaa weeni ba ayen, <<Ase nama ale nye nnala la nyiŋ mi kan basi dii ate mi a yaa m nye la ate ku paari diipo ate m le nye a tuni la. 8Wa yaa nye kpaliŋ ale ba a ko ba yega. A yaa le cheŋ Etam a ga bo piuŋ vɔrup po.
9Filistia demma a jam ga tigsi chaab bo ka Juda a waaŋ dila a moata Leyi tɛŋka. 10Ate Juda demma a bek ayen, <<Ka boa ate nama a jam ni nye kpaliŋ ale ti? Ate ba tulisi ayen <<Tama jam ti yik ka Samson a nye wa dii dekdek ate wa nye tama la.
11Ate Juda demma tusa ŋata (3,000) yaa siŋ Etam piuŋku vɔrumu po a weeni Samson ayen, <<Fi zɛ ayen ka Filistia demma ale a nya ti zuwa? Fi nye ti ka sɛ dila?>> Ate wa tulisi ba ayen <<Mi nye ba ka dii ate ba nye mi la.>>
12Ba yaa weeni wa ayen, <<Tama jam ti bobi fu kama a ta fu a ga te Filistia demma.>> Ate Samson mɛ a weeni ba ayen, <<Ni be pɛ ayen nama dek a kan ko mu.>>
13Ba yaa tulisi ayen ti siak ya, <<Tama a yaa ti bobi fu ka bobi ka nyiini a ta fu ga te ba. Ti kan ko fu.>> Ba yaa bobi wa a ta nyini piuŋku vɔrumu po a nyini. 14Ase wa le ga moata Leyi tɛŋka la, Filistia demma yaa a duŋ wa nyiŋ ale na ayen, Naawen Chiika yaa jam wa zuk ale pagrim. Ate miisaŋa ale bobi wa nisaŋa la yaa nye nna se miisa la a nyini wa nisaŋa nyiŋ a lo. 15Wa nya boniŋ tapayiak kobi yɔgsuk a nak nuruba tusidi a ko.
16Samson a weeni ayen, <<Ale boniŋ tapayiak kobi, mi nye ba ate ba chim bonsa ale boniŋ tapayiak kobi m ko nuruba tusidi.>> 17Wa le biisi a ga nueri la wa yaa pai boniŋka tapayiaka kobini a yuk basi, ate ba wi jigini ayen Aramat Leyi.
18Nyanyuilaŋa ale jam a ko wa la nyiŋ, wa yaa kaari wi Naawen, <<Fi te fi tomteerɔwa nak de kaai ale zuak la. Ku a fɛ kama ayen mi kpi ale nyanyuila a te baai ale kan seba Naawen la?>> 19Ate Wen yaa basi ate vɔrup a lagri Leyi ate nyiam a nyini. Samson ale nyu la wa pagrimu yaa ŋman jam. Bulika yuei jam le En Yakkore ka diem bo Leyi tɛŋka po kama jinla de.
20Samson jam nya Izirali tɛŋka a paarika bena pisiye Filistia demma daaŋa po.
© 2023, Ghana Institute of Linguistics, Literacy and Bible Translation