Yosea 1
1
1Naawen wanni ale jan jam Beeri nidoabinni Yosea jigi diipo ate Yuzaya a chim naab a pai te Jotam a pai te Ayazi a pai te Azekaya la, bade meena jam ka nalima a nya Juda zuk ale Joas nidoabinni Jeroboam Izirali naawa naamu dɛka po la.
2Naawen yaa piilim a biisi va Yosea zuk, Naawen a jam weeni wa kama ayen, <<Cheŋ, a ga pai kaboŋ nyeerik ate wa chim fi pok. Ate wa ale a biak bi sii la, daa fidek bisa, dii nyiŋla tɛŋka a nyeka foolaa ale kaboŋsa biem, ba ale pai Naawen a basi la nyiŋ.>> 3Ate wa yaa jam faari Diblaim liewa Gomer, ate wa jam yik puuk a biak nidoabili a te wa.
4Naawen yaa jam weeni Yosea ayen, <<A wi wa ayen Jezreel, dii nyiŋla ku a kan beni ate m namsi Jeyu yenni ale ko nuru boanni Jezreel la nyiŋ, ate Izirali naamu ale jam kpeglimka jigi. 5Dai dila danni m le wɛ Izirali tommu Jezreel Viaka po.>>
6Gomer a ŋman yik puuk a biak lie. Naawen yaa jam weeni Yosea ayen, <<A wi wa ayen Lo Aruyama,#1:6 Lo Aruyama kiri ale Akanyaali. diila m kan ŋman sak yaalika Izirali yenni po a vɔŋ te ba. 7Alege m za m sak Juda yenni ka yaalika. M kan pai daa tom ale gebik woŋ yaase kpaliŋ nyeka yaase wusuma ale wusum duerɔba a vari ba a basi, alege ka Naawen ba Wenni ate m le pai a vari ba a basi.>>
8Wa ale jam gaari Lo Aruyama la ŋaaŋnyiŋ, Gomer ŋman jam nya ka nidoabili. 9Naawen jam weeni ayen, <<A wi wa ayen Lo Ammi,#1:9 Lo Ammi kiri ale Adaaminuruba diila ni daa mi nuruba, m be daa ni Wen ya.
10<<Dila meena po Izirali demma ale nye ase ka tintain busuŋku ale bo nyakpiemu nɔnni ate fi an baga a magsi yaase fi chiini la. Juijui ate m weeni ba ayen, <Ni daa mi nuruba la>, ba ale wi ba ayen, <Wen dii ale vua la nidoabilisa.> 11Juda nidoabilisa ale Izirali nidoabilisa ale ŋman jam jigi yeŋ, ate ba ale lueri niŋdeerɔ yeŋ, ate ba ale nyini tɛŋka po a jueli, diila Jezreel danni ale chim ka dai kpienni.
Currently Selected:
Yosea 1: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Yosea 1
1
1Naawen wanni ale jan jam Beeri nidoabinni Yosea jigi diipo ate Yuzaya a chim naab a pai te Jotam a pai te Ayazi a pai te Azekaya la, bade meena jam ka nalima a nya Juda zuk ale Joas nidoabinni Jeroboam Izirali naawa naamu dɛka po la.
2Naawen yaa piilim a biisi va Yosea zuk, Naawen a jam weeni wa kama ayen, <<Cheŋ, a ga pai kaboŋ nyeerik ate wa chim fi pok. Ate wa ale a biak bi sii la, daa fidek bisa, dii nyiŋla tɛŋka a nyeka foolaa ale kaboŋsa biem, ba ale pai Naawen a basi la nyiŋ.>> 3Ate wa yaa jam faari Diblaim liewa Gomer, ate wa jam yik puuk a biak nidoabili a te wa.
4Naawen yaa jam weeni Yosea ayen, <<A wi wa ayen Jezreel, dii nyiŋla ku a kan beni ate m namsi Jeyu yenni ale ko nuru boanni Jezreel la nyiŋ, ate Izirali naamu ale jam kpeglimka jigi. 5Dai dila danni m le wɛ Izirali tommu Jezreel Viaka po.>>
6Gomer a ŋman yik puuk a biak lie. Naawen yaa jam weeni Yosea ayen, <<A wi wa ayen Lo Aruyama,#1:6 Lo Aruyama kiri ale Akanyaali. diila m kan ŋman sak yaalika Izirali yenni po a vɔŋ te ba. 7Alege m za m sak Juda yenni ka yaalika. M kan pai daa tom ale gebik woŋ yaase kpaliŋ nyeka yaase wusuma ale wusum duerɔba a vari ba a basi, alege ka Naawen ba Wenni ate m le pai a vari ba a basi.>>
8Wa ale jam gaari Lo Aruyama la ŋaaŋnyiŋ, Gomer ŋman jam nya ka nidoabili. 9Naawen jam weeni ayen, <<A wi wa ayen Lo Ammi,#1:9 Lo Ammi kiri ale Adaaminuruba diila ni daa mi nuruba, m be daa ni Wen ya.
10<<Dila meena po Izirali demma ale nye ase ka tintain busuŋku ale bo nyakpiemu nɔnni ate fi an baga a magsi yaase fi chiini la. Juijui ate m weeni ba ayen, <Ni daa mi nuruba la>, ba ale wi ba ayen, <Wen dii ale vua la nidoabilisa.> 11Juda nidoabilisa ale Izirali nidoabilisa ale ŋman jam jigi yeŋ, ate ba ale lueri niŋdeerɔ yeŋ, ate ba ale nyini tɛŋka po a jueli, diila Jezreel danni ale chim ka dai kpienni.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation