Daniel 12
12
1<<Dila po Maakil, maarɔma kpagni waai ale a kasi fi nuruma la ale jam. Ninam ale kala bu jam buui choa ate ti an maa nya ya a ta nyini tɛŋka piilimka po. Alege dila po fi nuruma baai yueŋa ale ŋmarisi a bo gbaŋka po la ale nyini bu po a nyini. 2Nuru boari dii ale kpi ate ba gu ba la ale yiti. Ba gela ale ta nyuvu woŋ alege ba gela nya chivie ale ninam buui ale kan ta kpeglimka la. 3Baai ale ta yam la ale kasim a nyaksi ase chiŋmarisaŋa la, ate baai ale ta nuru boari a cheŋ wayɔrisima jigi la ale nye ase chiŋmarisa la taam wuu. 4Alege fi Daniel, lik wieŋa ale gbaŋka a ta ga paari da kpeglimaŋa. Yega ale taam de a ga de ate yam ale kasim a gum du.>>
5Ate mi Daniel a nya mi niŋ ale nuruba baye a za, wanyi a za ka benni ate ba basi la zuk wanyiwa mɛ a za kauk kunkula. 6Ba wanyi a yaa weeni nuru waai ale jo garuk peelukku a bo nyiamu zuk la ayen, <<Ka disa po ate wakperikaliika de ale nye?>>
7Nuru waai ale jo garuk peelukku a za benaŋka nyiamu zuk la a yaa zak wa juga ale wa gala nisaŋa meena a basi wenŋmazuk. Mi yaa wom ale wa a pɛ waai ale boro taam wuu la nyiŋ, a weeni ayen, <<Ku ale paari ka bena ŋata ale geli. Ate tuilum nuruma pagrimu ale siŋ tɛŋ, ate wieŋa de meena ale taam.
8Mi a wom kama alege mi an miŋ chak ya. Dila nyiŋ mi yaa bek ayen, <<M nyɔnɔ, wieŋa de meena kiri ale boa?>>
9Wa yaa tulisi ayen, <<Cheŋ du Daniel, dii nyiŋla wieŋa a lik kama nin ka ku nin paari da kpeglimaŋa. 10Yega ale welema, ba ale nye ka nna cheri, alege gaasa nuruma ale kasim a ta ba gaasaŋa kama. Gaasa nyama waai a kan miŋ chagi alege baai ale ta yam la ale miŋ ku kiri a chak.
11A nyini diipo ate danni kaabka a kpeglim la ale dii ale ta kaasuŋku a jam la, ku jam tali ka daa tusidi ale kobsiye ale pineok (1,290). 12Suipeentik a bo ale waai ale wa chiib limisi a paari daa tusidi ale kobsita ale pisita ale ŋanu wa la (1,335).
13Alege fi cheŋ du, ka ku nin paari da kpeglimaŋa. Ga vuusi, da kpeglimaŋa danni fi ale yiti a tuesi fi tiirimu.
Currently Selected:
Daniel 12: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Daniel 12
12
1<<Dila po Maakil, maarɔma kpagni waai ale a kasi fi nuruma la ale jam. Ninam ale kala bu jam buui choa ate ti an maa nya ya a ta nyini tɛŋka piilimka po. Alege dila po fi nuruma baai yueŋa ale ŋmarisi a bo gbaŋka po la ale nyini bu po a nyini. 2Nuru boari dii ale kpi ate ba gu ba la ale yiti. Ba gela ale ta nyuvu woŋ alege ba gela nya chivie ale ninam buui ale kan ta kpeglimka la. 3Baai ale ta yam la ale kasim a nyaksi ase chiŋmarisaŋa la, ate baai ale ta nuru boari a cheŋ wayɔrisima jigi la ale nye ase chiŋmarisa la taam wuu. 4Alege fi Daniel, lik wieŋa ale gbaŋka a ta ga paari da kpeglimaŋa. Yega ale taam de a ga de ate yam ale kasim a gum du.>>
5Ate mi Daniel a nya mi niŋ ale nuruba baye a za, wanyi a za ka benni ate ba basi la zuk wanyiwa mɛ a za kauk kunkula. 6Ba wanyi a yaa weeni nuru waai ale jo garuk peelukku a bo nyiamu zuk la ayen, <<Ka disa po ate wakperikaliika de ale nye?>>
7Nuru waai ale jo garuk peelukku a za benaŋka nyiamu zuk la a yaa zak wa juga ale wa gala nisaŋa meena a basi wenŋmazuk. Mi yaa wom ale wa a pɛ waai ale boro taam wuu la nyiŋ, a weeni ayen, <<Ku ale paari ka bena ŋata ale geli. Ate tuilum nuruma pagrimu ale siŋ tɛŋ, ate wieŋa de meena ale taam.
8Mi a wom kama alege mi an miŋ chak ya. Dila nyiŋ mi yaa bek ayen, <<M nyɔnɔ, wieŋa de meena kiri ale boa?>>
9Wa yaa tulisi ayen, <<Cheŋ du Daniel, dii nyiŋla wieŋa a lik kama nin ka ku nin paari da kpeglimaŋa. 10Yega ale welema, ba ale nye ka nna cheri, alege gaasa nuruma ale kasim a ta ba gaasaŋa kama. Gaasa nyama waai a kan miŋ chagi alege baai ale ta yam la ale miŋ ku kiri a chak.
11A nyini diipo ate danni kaabka a kpeglim la ale dii ale ta kaasuŋku a jam la, ku jam tali ka daa tusidi ale kobsiye ale pineok (1,290). 12Suipeentik a bo ale waai ale wa chiib limisi a paari daa tusidi ale kobsita ale pisita ale ŋanu wa la (1,335).
13Alege fi cheŋ du, ka ku nin paari da kpeglimaŋa. Ga vuusi, da kpeglimaŋa danni fi ale yiti a tuesi fi tiirimu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation