Ezekiel 43
43
1Ate nuruwa yaa ta mi jam nansuiŋku ale tuk kori geŋka la. 2Mi yaa nya Izirali Wenni zulaŋa a nyini kori geŋka a cheena. Wa lueluku a nye nna ase nyaata ale a wuuri la, ate tɛŋka a nyaksi ale wa zulaŋa. 3Gɔdaasi ŋaai ate mi nya la a nye ase ka ŋaai ate mi nya wa le jan jam ayen wa kaasi tɛŋka la, ale a nye ase ŋaai ate mi jam nya Chebar Benni a lo tɛŋka la. 4Naawen zulaŋa a yaa va kori geŋka nansuiŋku a jo Naawen yenni po. 5Chiika yaa zak mi wen a ta mi jam jo ponni dabiaka ate Naawen zulaŋa a sueri wa yenni.
6Nuruwa ale diem za mi gauŋ la, mi yaa wom waai a biisi ale mi Naawen yenni po. 7Wa weeni ayen, <<Saalɔ biiga, dela jigini ale mi naam zukpaglika jigini ale juijui ate mi naŋtaata a tabi. Dela jigini ate mi ale bo ale Izirali demma taam wuu. Izirali yenni a kan ŋman taŋ mi tuilum yuenni. Daa ba dega be daa ba nalima. Daa ba chaab bobi goomoa ale ba bɔgluk tii ale kan ta nyuvuri la. 8Ba le pa ba nansuiŋku tɛŋ diokku a dueni moata mi nansuiŋku diokku ale ba diina noaŋa a maŋ mi diinaŋa noaŋa la ba taŋ mi tuilum yuenni kama ale ba wabulɔrisa nyeka. Ate mi a yaa kaasi ba ale m suipuurumu. 9Yɔgyɔgla de ba pa ba chaab bobi goomu ale bɔgluk tii ale kan ta nyuvuri a basi, ate m bo ale ba taam wuu.
10Saalɔ biiga, magsi Naawen yenni a sak Izirali demma, ate chivie yik ba ba wabaataŋa nyiŋ. Basi ate ba seba di magsaŋa, 11ate chivie a dan yik ba ale ba le nye dii meena la, fi nye ate ba seba di wamaŋsaŋa ale di gomsika, di vanyinika jiŋŋa, ale nansuiŋtaŋa, di magsika ale di ŋmarisika ale di sinsaŋŋa. Ŋmarisi ŋade dueni ba niŋ ate ba ta siaka ale di magsika meena abe ba va di ŋmarisika meena.
12Naawen yenni sinsaŋŋa ale nna. Juijui meena ale gilim la guuku zuk ale ŋmasi ta tuilum. Naawen yenni sinsaŋŋa ale la.
13Kuŋkuŋku magsika ale nna. Anamagibwa ka anamagib buta. Ku nyiam vuuku ale limisa diila ka anamagib buta ate labsimu a chim anamagib buta. Ku noawaaŋa a kɔk nna jetijetik a gilim. Kuŋkuŋku woglimmu ale ka diila ale nna. 14A zaani nyiamu vuuku ale bo tɛŋka la a ga paari kuŋkuŋku kinni woglimmu ka anamagib buyuebi ate labsimu a chim anamagib buta, a zaani kiri fiika a ga paari kiri kpienni juelika ka anamagib pi ale buye ate labsimu a chim anamagib buta. 15Kuŋkuŋku daanika juelika ka anamagib pi ale buye ate nyiila ŋanaansi a ti wen daanika zuk. 16Kuŋkuŋku daanika kabtaŋa meena a soa ase ka chaab la. Ka woglimmu a chim anamagib pisita ale buyuebi ate labsimu a chim anamagib pisita ale buyuebi. 17Ŋmazukku kinni kabtaŋa meena a soa ase ka chaab la. Woglimmu anamagib pisinaansi ale buye, labsimu anamagib pisinaansi ale buye ate noawanni a chim anamagib ale geli ate nyiam vuuku a chim anamagib buta a gilim. Kuŋkuŋku tiilaŋa a tuk ka kori geŋka.
18Ate wa yaa weeni mi ayen, <<Saalɔ biiga, Nyɔnɔwa Naawen ale biisi diila ale nna. Ŋmarisika ale nna a magsi juka tiiritaŋa kaabka ale ziimu kuŋkuŋku zuk misika ase ba nin sɛ ku. 19Te lalik paalik ase biem tiirim la kaabteerɔma baai ale ka Livaiba la a nyini Zadok dɔkku la, baai ale forisi a moata a tom miŋ niŋ la. Nyɔnɔwa Naawen ale weeni. 20Pa ka ziimu gela a nyo kuŋkuŋku nyiila ŋanaansiwa nyiŋ ale ŋmazukku kinni gugotta tinaansiwa nyiŋ ale noawanni a ta gilim a sugri kuŋkuŋku abe fi nye biem duisi basika a te di. 21Pa biem tiirimu lalikka a ju juijui ale magsi juka la Naawen yenni po puusika jigini peelimmu po.
22Daa ŋayewa danni se fi te buduk kuui ale kan ta jomi ya a magsi biem tiirimu, abe Kuŋkuŋku a sugri ase ku le sugri ale lalikka diila. 23Fi dan sugri ku a nueri, fi a te ka lalik paalik ale padiak piisaŋa po. Si nɔi siyewa kan ta jomi ya. 24Ni pa te Naawen niŋ, abe kaabteerɔma a yulum yesa ti zuk a pa kaab ase juka tiirim la te Naawen.
25Daa ŋayopɔi meena dai meena ni te buduk a magsi biem tiirim. Ku a magsi ni te lalik paalik ale piisaŋa po padiak. Kaai a kan ta jomi ya. 26Daa ŋayopɔi meena ni nye vɔŋteka tiirim a te kuŋkuŋku abe ni sugri ku. A yaa pa ku te Naawen. 27Daaŋa de a dan nueri, a zaani da naanika danni a cheŋ, kaabteerɔma a pa juka tiiritaŋa ale suiyɔgni tiiritaŋa a dueni kuŋkuŋku zuk. Ate mi yaa siak tuesi. Nyɔnɔwa Naawen ale weeni.
Currently Selected:
Ezekiel 43: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Ezekiel 43
43
1Ate nuruwa yaa ta mi jam nansuiŋku ale tuk kori geŋka la. 2Mi yaa nya Izirali Wenni zulaŋa a nyini kori geŋka a cheena. Wa lueluku a nye nna ase nyaata ale a wuuri la, ate tɛŋka a nyaksi ale wa zulaŋa. 3Gɔdaasi ŋaai ate mi nya la a nye ase ka ŋaai ate mi nya wa le jan jam ayen wa kaasi tɛŋka la, ale a nye ase ŋaai ate mi jam nya Chebar Benni a lo tɛŋka la. 4Naawen zulaŋa a yaa va kori geŋka nansuiŋku a jo Naawen yenni po. 5Chiika yaa zak mi wen a ta mi jam jo ponni dabiaka ate Naawen zulaŋa a sueri wa yenni.
6Nuruwa ale diem za mi gauŋ la, mi yaa wom waai a biisi ale mi Naawen yenni po. 7Wa weeni ayen, <<Saalɔ biiga, dela jigini ale mi naam zukpaglika jigini ale juijui ate mi naŋtaata a tabi. Dela jigini ate mi ale bo ale Izirali demma taam wuu. Izirali yenni a kan ŋman taŋ mi tuilum yuenni. Daa ba dega be daa ba nalima. Daa ba chaab bobi goomoa ale ba bɔgluk tii ale kan ta nyuvuri la. 8Ba le pa ba nansuiŋku tɛŋ diokku a dueni moata mi nansuiŋku diokku ale ba diina noaŋa a maŋ mi diinaŋa noaŋa la ba taŋ mi tuilum yuenni kama ale ba wabulɔrisa nyeka. Ate mi a yaa kaasi ba ale m suipuurumu. 9Yɔgyɔgla de ba pa ba chaab bobi goomu ale bɔgluk tii ale kan ta nyuvuri a basi, ate m bo ale ba taam wuu.
10Saalɔ biiga, magsi Naawen yenni a sak Izirali demma, ate chivie yik ba ba wabaataŋa nyiŋ. Basi ate ba seba di magsaŋa, 11ate chivie a dan yik ba ale ba le nye dii meena la, fi nye ate ba seba di wamaŋsaŋa ale di gomsika, di vanyinika jiŋŋa, ale nansuiŋtaŋa, di magsika ale di ŋmarisika ale di sinsaŋŋa. Ŋmarisi ŋade dueni ba niŋ ate ba ta siaka ale di magsika meena abe ba va di ŋmarisika meena.
12Naawen yenni sinsaŋŋa ale nna. Juijui meena ale gilim la guuku zuk ale ŋmasi ta tuilum. Naawen yenni sinsaŋŋa ale la.
13Kuŋkuŋku magsika ale nna. Anamagibwa ka anamagib buta. Ku nyiam vuuku ale limisa diila ka anamagib buta ate labsimu a chim anamagib buta. Ku noawaaŋa a kɔk nna jetijetik a gilim. Kuŋkuŋku woglimmu ale ka diila ale nna. 14A zaani nyiamu vuuku ale bo tɛŋka la a ga paari kuŋkuŋku kinni woglimmu ka anamagib buyuebi ate labsimu a chim anamagib buta, a zaani kiri fiika a ga paari kiri kpienni juelika ka anamagib pi ale buye ate labsimu a chim anamagib buta. 15Kuŋkuŋku daanika juelika ka anamagib pi ale buye ate nyiila ŋanaansi a ti wen daanika zuk. 16Kuŋkuŋku daanika kabtaŋa meena a soa ase ka chaab la. Ka woglimmu a chim anamagib pisita ale buyuebi ate labsimu a chim anamagib pisita ale buyuebi. 17Ŋmazukku kinni kabtaŋa meena a soa ase ka chaab la. Woglimmu anamagib pisinaansi ale buye, labsimu anamagib pisinaansi ale buye ate noawanni a chim anamagib ale geli ate nyiam vuuku a chim anamagib buta a gilim. Kuŋkuŋku tiilaŋa a tuk ka kori geŋka.
18Ate wa yaa weeni mi ayen, <<Saalɔ biiga, Nyɔnɔwa Naawen ale biisi diila ale nna. Ŋmarisika ale nna a magsi juka tiiritaŋa kaabka ale ziimu kuŋkuŋku zuk misika ase ba nin sɛ ku. 19Te lalik paalik ase biem tiirim la kaabteerɔma baai ale ka Livaiba la a nyini Zadok dɔkku la, baai ale forisi a moata a tom miŋ niŋ la. Nyɔnɔwa Naawen ale weeni. 20Pa ka ziimu gela a nyo kuŋkuŋku nyiila ŋanaansiwa nyiŋ ale ŋmazukku kinni gugotta tinaansiwa nyiŋ ale noawanni a ta gilim a sugri kuŋkuŋku abe fi nye biem duisi basika a te di. 21Pa biem tiirimu lalikka a ju juijui ale magsi juka la Naawen yenni po puusika jigini peelimmu po.
22Daa ŋayewa danni se fi te buduk kuui ale kan ta jomi ya a magsi biem tiirimu, abe Kuŋkuŋku a sugri ase ku le sugri ale lalikka diila. 23Fi dan sugri ku a nueri, fi a te ka lalik paalik ale padiak piisaŋa po. Si nɔi siyewa kan ta jomi ya. 24Ni pa te Naawen niŋ, abe kaabteerɔma a yulum yesa ti zuk a pa kaab ase juka tiirim la te Naawen.
25Daa ŋayopɔi meena dai meena ni te buduk a magsi biem tiirim. Ku a magsi ni te lalik paalik ale piisaŋa po padiak. Kaai a kan ta jomi ya. 26Daa ŋayopɔi meena ni nye vɔŋteka tiirim a te kuŋkuŋku abe ni sugri ku. A yaa pa ku te Naawen. 27Daaŋa de a dan nueri, a zaani da naanika danni a cheŋ, kaabteerɔma a pa juka tiiritaŋa ale suiyɔgni tiiritaŋa a dueni kuŋkuŋku zuk. Ate mi yaa siak tuesi. Nyɔnɔwa Naawen ale weeni.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation