Ezekiel 42
42
1Nuru wa yaa dɛ mi niŋ a ta mi cheŋ wiiluk geŋka a ga jo peelim dabiaka po a ŋman ta mi jam diin ŋaai ale tuk Naawen Yenni dabiaka la ale ŋman tuk peelim parika wiiluk geŋka la. 2Yenni tuok kuui ale tuk wiiluk geŋka la woglimmu jam ka anamagib kobsita ate labsimu a chim anamagib kook ale pisinu. 3Buyewa meena anamagib pisiyuebi ale nyini ponni dabiaka po a ga peelim dabiaka ale piisi la, ale cheŋ taamka jigini ale tuk cheŋ taamka jigini ku tɔgatɔga butawa. 4Diinaŋa niŋ ponni po taamka jigini ka anamagib pisita labsim ale anamagib kobsita woglim. Ŋa tuataŋa a jam bo ka wiilukku geŋ. 5Yɔgyɔgla de ŋmazuk diinaŋa jam migla kama, diila ŋa cheŋ taamka jiŋŋa a dɛ peelimmu kama a gaam diin ŋaai ale bo tɛŋka ale suŋsuŋka la. 6Diin ŋaai ale bo ŋmazuk butawa a ka zaŋŋa ase dabaasaŋa ale ta diila, dila nyiŋ ŋa jam fiisa kama ŋa tɛŋka peelimmu a gaam ŋaai ale bo tɛŋka ale suŋsuŋka la. 7Peelim parik ale yomsi magsi chaab ale diinaŋa ale peelim dabiaka. Ka cheŋ diinaŋa niŋ ka anamagib kook ale pisinu. 8Diinaŋa ale tom chaab a pa saŋ peelim dabiaka la ka anamagib kook ale pisinu woglim, ŋaai ale bo nakpiaka a moata puusika jigini la ka anamagib kobsita woglim. 9Tɛŋka diinaŋa a ta ka nansuiŋta kori geŋka ase waai a nin va peelim dabiak po a jo.
10Yeseok geŋka peelim dabiaka parika woglimmu a ga tom Naawen yenni dabiaka, ale peelim parika ale tuk chaab la, diina ale jam, 11ta vataamka jigi ŋa niŋ. Ŋade jaa nye ase ka ŋaai ale bo wiiluk geŋka la. Ŋa meena woglimmu ale labsimu ale vanyinika jiga ale magsika ka bunyi. Tua tii ale bo wiiluk geŋka la, 12ale diin ŋaai ale bo yeseok geŋka tuataŋa ka bunyi. Tuok ale jam bo vataam ka piilimka jigini a yomsi ale parik kaai ale tom du a cheŋ kori geŋka ate waai baga a va a jo diinaŋa po.
13Ate wa yaa weeni mi ayen, <<Wiilukku ale yeseoku geŋsaŋa diinaŋa ale a tuk Naawen yenni dabiaka la ka kaabteerɔma diina, juijui ate kaabteerɔma a cheŋ Naawen jigi la a dɛ tuilum meena tiiritaŋa ŋandiintaŋa. Dula ba le pa tuilum meena tiiritaŋa a dueni. Ŋandiinta tiiritaŋa ale biem tiiritaŋa ale nyemagsika tiiritaŋa a magsi ka tuilum jigini. 14Kaabteerɔma a dan toalim jo tuilum jiŋŋa, ba an magsi ba jo peelim dabiaka po ate ba ga basi ba gattaŋa ŋaaŋŋa tii ate ba jo tom la. Diila ti de ta tuilum kama. Ba magsi ba jo ka garuk yonta abe ba ge cheŋ a moata kab tii ate nuruma soa la.
15Wa le magsi ŋan baai ale bo Naawen yenni ponni po a nueri la, wa ta mi va kori geŋka tuoku a nyini a magsi a gilim. 16Wa magsi kori geŋka ale magsika diokku. Ku jam ka anamagib tusidi ale kobsinu. 17Wa magsi wiilukku geŋka ale magsika diokku. Ku jam ka anamagib tusidi ale kobsinu. 18Wa magsi yeseoku geŋka ale magsika diokku. Ku jam ka anamagib tusidi ale kobsinu. 19Ate wa cheem magsi yeniŋ geŋka ale magsika diokku. Ku jam ka anamagib tusidi ale kobsinu. 20Wa yaa magsi dula jigini kabta bunaansiwa meena. Ku jam ta ka parik a gilim ku, woglimmu anamagib tusidi ale kobsinu, labsimu anamagib tusidi ale kobsinu ate ku a poori weleŋsaŋa jigini ale waai meena jigini.
Currently Selected:
Ezekiel 42: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Ezekiel 42
42
1Nuru wa yaa dɛ mi niŋ a ta mi cheŋ wiiluk geŋka a ga jo peelim dabiaka po a ŋman ta mi jam diin ŋaai ale tuk Naawen Yenni dabiaka la ale ŋman tuk peelim parika wiiluk geŋka la. 2Yenni tuok kuui ale tuk wiiluk geŋka la woglimmu jam ka anamagib kobsita ate labsimu a chim anamagib kook ale pisinu. 3Buyewa meena anamagib pisiyuebi ale nyini ponni dabiaka po a ga peelim dabiaka ale piisi la, ale cheŋ taamka jigini ale tuk cheŋ taamka jigini ku tɔgatɔga butawa. 4Diinaŋa niŋ ponni po taamka jigini ka anamagib pisita labsim ale anamagib kobsita woglim. Ŋa tuataŋa a jam bo ka wiilukku geŋ. 5Yɔgyɔgla de ŋmazuk diinaŋa jam migla kama, diila ŋa cheŋ taamka jiŋŋa a dɛ peelimmu kama a gaam diin ŋaai ale bo tɛŋka ale suŋsuŋka la. 6Diin ŋaai ale bo ŋmazuk butawa a ka zaŋŋa ase dabaasaŋa ale ta diila, dila nyiŋ ŋa jam fiisa kama ŋa tɛŋka peelimmu a gaam ŋaai ale bo tɛŋka ale suŋsuŋka la. 7Peelim parik ale yomsi magsi chaab ale diinaŋa ale peelim dabiaka. Ka cheŋ diinaŋa niŋ ka anamagib kook ale pisinu. 8Diinaŋa ale tom chaab a pa saŋ peelim dabiaka la ka anamagib kook ale pisinu woglim, ŋaai ale bo nakpiaka a moata puusika jigini la ka anamagib kobsita woglim. 9Tɛŋka diinaŋa a ta ka nansuiŋta kori geŋka ase waai a nin va peelim dabiak po a jo.
10Yeseok geŋka peelim dabiaka parika woglimmu a ga tom Naawen yenni dabiaka, ale peelim parika ale tuk chaab la, diina ale jam, 11ta vataamka jigi ŋa niŋ. Ŋade jaa nye ase ka ŋaai ale bo wiiluk geŋka la. Ŋa meena woglimmu ale labsimu ale vanyinika jiga ale magsika ka bunyi. Tua tii ale bo wiiluk geŋka la, 12ale diin ŋaai ale bo yeseok geŋka tuataŋa ka bunyi. Tuok ale jam bo vataam ka piilimka jigini a yomsi ale parik kaai ale tom du a cheŋ kori geŋka ate waai baga a va a jo diinaŋa po.
13Ate wa yaa weeni mi ayen, <<Wiilukku ale yeseoku geŋsaŋa diinaŋa ale a tuk Naawen yenni dabiaka la ka kaabteerɔma diina, juijui ate kaabteerɔma a cheŋ Naawen jigi la a dɛ tuilum meena tiiritaŋa ŋandiintaŋa. Dula ba le pa tuilum meena tiiritaŋa a dueni. Ŋandiinta tiiritaŋa ale biem tiiritaŋa ale nyemagsika tiiritaŋa a magsi ka tuilum jigini. 14Kaabteerɔma a dan toalim jo tuilum jiŋŋa, ba an magsi ba jo peelim dabiaka po ate ba ga basi ba gattaŋa ŋaaŋŋa tii ate ba jo tom la. Diila ti de ta tuilum kama. Ba magsi ba jo ka garuk yonta abe ba ge cheŋ a moata kab tii ate nuruma soa la.
15Wa le magsi ŋan baai ale bo Naawen yenni ponni po a nueri la, wa ta mi va kori geŋka tuoku a nyini a magsi a gilim. 16Wa magsi kori geŋka ale magsika diokku. Ku jam ka anamagib tusidi ale kobsinu. 17Wa magsi wiilukku geŋka ale magsika diokku. Ku jam ka anamagib tusidi ale kobsinu. 18Wa magsi yeseoku geŋka ale magsika diokku. Ku jam ka anamagib tusidi ale kobsinu. 19Ate wa cheem magsi yeniŋ geŋka ale magsika diokku. Ku jam ka anamagib tusidi ale kobsinu. 20Wa yaa magsi dula jigini kabta bunaansiwa meena. Ku jam ta ka parik a gilim ku, woglimmu anamagib tusidi ale kobsinu, labsimu anamagib tusidi ale kobsinu ate ku a poori weleŋsaŋa jigini ale waai meena jigini.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation