Teerika 3
3
1Ti ŋman a viriŋ a jueli va Basan suiku ate Basan naawa Og ale wa tugurik tommu meena a yaa nyini a tu chaab ale ti ayen ti nye kpaliŋ Edrei. 2Ate Naawen a weeni mi ayen, <<Kan chali wa yɔgsummoa ale mi a pai wa ale wa tugurik tommu meena ale wa tɛŋka a nyo fi nisa po kama. Nye wa ase fi ale nye Siyon Amori demma naawa diila waai ale jam a nya Yesbon la.>>
3Ate Naawen dii ale ka ti Wen la a pai Basan Naawa Og ale wa tugurik tɔŋdɔma meena a nyo ti nisima po. Ate ti ko ba meena nuru vuk mɛ la an tali ya. 4Dila po wa, ti jam tuesi wa tɛŋsaŋa meena kama. Tɛŋsa pisiyuebi wa po kanyi mɛ la karo ate tama an tuesi ya a ta nyini ba jigi ya. Argob tɛŋka meena ale Og tɛŋ kpieŋka ale bo Basan la. 5Tɛŋsaŋa de meena ba jam se si parisaŋa ate si pagra kama ale wɔŋa ale nye nansuiŋta ale da biga alege tɛŋsa gela a jam piisi kama ate parisa an gilim si. 6Ti jam kaasi ba kama ase ti ale jam nye Yesbon Naawa Siyon diila ale kaasi tɛŋ meena nidoaba, nipooba ale bisa diila. 7Alege ba duŋsa meena ale ba ŋanmaŋsaŋa ale bo ba tɛŋsaŋa po la tama a jam pai ba kama a tara.
8A zaani dila po ti yaa tuesi Jodan kori geŋsaŋa ale Arnon Buboalika geŋsaŋa a ta ga paari Yermon Guuku nalima ŋaye wa dɛ jigi. 9Saidon demma a jam a wi Yermon Guuku ayen ka Sirion alege ate Amori demma a wi ku ayen Senir. 10Ti yaa jam tuesi tɛŋsaŋa meena a ta ga paari Gilead ale Basan a ta va dula ga paari Saleka ale Edrei tɛŋsaŋa ale tɛŋ kpieŋka Basan ate Og a bo du la. 11Ka Og Basan Naawa ale jam tali Arefa buuni po. Wa gaduokku a jam ka kutuk ale jam woŋŋa ase naŋtuok nɔi pi ale buta la alege ku labsimu mɛ a nye ase naŋtuok nɔi buyuebi la. Ku diem bo ka Arabba Ammon demma tɛŋka.
12Tɛŋka ate ti jam tuesi dila po la, m pai ka Aroer wiiluk geŋka kauk ale maŋ Arnon benni la, ale Gilead tɛŋka ale bo guutaŋa zuk la geli ale ka tɛŋsaŋa a te Aruben ale Gad ŋaaŋbisaŋa. 13Gilead tɛŋka meena ale Basan, Og ale jam bo juijui la meena, mi a jam pai a te ka Manasa dɔkku geli. Ale Argob ate ka bo Basan po la ate ba jam a wi ka ayen Arefa demma tɛŋ la. 14Jair Manasa ŋaaŋbiik ale la, wa ale jam soa Argob tɛŋka meena a ta ga va Gesur ale Maaka demma tɛŋsaŋa, Ba ale jam a wi wa diila tɛŋka mɛ yuei a jam ale la. Dila ale soa ate ba diem a wi ka ayen Yavvot Jair la.
15Ate mi yaa pai Gilead a te Makir. 16Alege Aruben ale Gad ŋaaŋbisaŋa m pai ka Gilead ale Arnon Benni geŋsaŋa ate ba gum chaab ale Jabbok Benaŋka geŋsa kauk kuui ale moata Ammon demma la. 17Ka yeniŋ geŋsaŋa Jodan ale bo Araba la, a ta ga Kinneret ga va nyakpiemu ale bo Araba, Yesa Nyakpiem ale la, a churinti a siŋ Pisga.
18M weeni ni kama dila po ayen, <<Naawen dii ale ka ni Wen la a pai tɛŋka de a te ni kama ayen ni tanla. Alege ni nuru pagrisaŋa baai ale gomsi magsi kpaliŋka la a gaam taam ni suataŋa Izirali demma jigi. 19Alege, nipooma ale ni bisaŋa ale ni duŋsaŋa, m seba kama ni duŋsaŋa a piisi kama, ale wari ka tɛŋ sii ate m te ni la po, 20ate ku ga paari diipo ate Naawen ale te ni suataŋa vuusum ase wa ale te nama mɛ diila, ase Naawen dii ale ka ni Wen la ale weeni ayen wa ale te ba Jodan Benni kunkɔŋni din dila la. Ate kula ŋaaŋnyiŋ ni wanyi wanyi ale ŋman cheŋ kauk kuui ate m te ni la.>>
21Dila po mi weeni Josua kama ayen, <<Fi nya kama ale fidek nina dii meena ate Naawen dii ale ka ni Wen la a nye nalimaŋa ŋayewa la. Naawen ale nye tɛŋ sii meena ate ni a cheŋ la ka dila dekdega. 22Kan chali ba yɔgsummoa. Naawen dii ale ka ni Wen la dek ale kpaliŋ a te fu.>>
23A zaani dila po m saalim Naawen kama ayen, 24<<Nyɔnɔwa waai ale ka Naawen la, fi piilim boro a sak fi tomteerɔwa fi zuaka ale fi pagrimu ale ka diila kama. A nyini wenŋmazuk ale tɛŋzuk de wen a karo a tom wakpiema ŋaai ate fi a tom la? 25Basi ate m cheŋ a ga nya tɛŋ maŋka ale gaam Jodan a taam la, kaai ale bo guuta zuk la ale Lebanon tɛŋka.>>
26Alege nama nyiŋ Naawen sui a jam puuri ale mu kama ate wa an wom m puusaŋa. <<Ku magsi ya.>> Naawen ale weeni diila ale nna, <<Kan ŋman biisi wanni de wie ale mu. 27Jueli Pisga guuku zuk a nya yeniŋ geŋ ale yeseoku geŋ ale wiiluk geŋ ale kori geŋsaŋa. Nya tɛŋka ale fidek nimbie dii nyiŋla fi a kan yaali fi gaam Jodan benni a taamu. 28Alege sak Josua abe fi maari a te wa nyiŋbiiri ate wa ale dɛ nuruma dɛ niŋ a ta ba gaam a taam a tuesi tɛŋ kaai ate fi a nya la.>> 29Ate tama a yaa jam bo viaka po a moata Bet Peor.
Currently Selected:
Teerika 3: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Teerika 3
3
1Ti ŋman a viriŋ a jueli va Basan suiku ate Basan naawa Og ale wa tugurik tommu meena a yaa nyini a tu chaab ale ti ayen ti nye kpaliŋ Edrei. 2Ate Naawen a weeni mi ayen, <<Kan chali wa yɔgsummoa ale mi a pai wa ale wa tugurik tommu meena ale wa tɛŋka a nyo fi nisa po kama. Nye wa ase fi ale nye Siyon Amori demma naawa diila waai ale jam a nya Yesbon la.>>
3Ate Naawen dii ale ka ti Wen la a pai Basan Naawa Og ale wa tugurik tɔŋdɔma meena a nyo ti nisima po. Ate ti ko ba meena nuru vuk mɛ la an tali ya. 4Dila po wa, ti jam tuesi wa tɛŋsaŋa meena kama. Tɛŋsa pisiyuebi wa po kanyi mɛ la karo ate tama an tuesi ya a ta nyini ba jigi ya. Argob tɛŋka meena ale Og tɛŋ kpieŋka ale bo Basan la. 5Tɛŋsaŋa de meena ba jam se si parisaŋa ate si pagra kama ale wɔŋa ale nye nansuiŋta ale da biga alege tɛŋsa gela a jam piisi kama ate parisa an gilim si. 6Ti jam kaasi ba kama ase ti ale jam nye Yesbon Naawa Siyon diila ale kaasi tɛŋ meena nidoaba, nipooba ale bisa diila. 7Alege ba duŋsa meena ale ba ŋanmaŋsaŋa ale bo ba tɛŋsaŋa po la tama a jam pai ba kama a tara.
8A zaani dila po ti yaa tuesi Jodan kori geŋsaŋa ale Arnon Buboalika geŋsaŋa a ta ga paari Yermon Guuku nalima ŋaye wa dɛ jigi. 9Saidon demma a jam a wi Yermon Guuku ayen ka Sirion alege ate Amori demma a wi ku ayen Senir. 10Ti yaa jam tuesi tɛŋsaŋa meena a ta ga paari Gilead ale Basan a ta va dula ga paari Saleka ale Edrei tɛŋsaŋa ale tɛŋ kpieŋka Basan ate Og a bo du la. 11Ka Og Basan Naawa ale jam tali Arefa buuni po. Wa gaduokku a jam ka kutuk ale jam woŋŋa ase naŋtuok nɔi pi ale buta la alege ku labsimu mɛ a nye ase naŋtuok nɔi buyuebi la. Ku diem bo ka Arabba Ammon demma tɛŋka.
12Tɛŋka ate ti jam tuesi dila po la, m pai ka Aroer wiiluk geŋka kauk ale maŋ Arnon benni la, ale Gilead tɛŋka ale bo guutaŋa zuk la geli ale ka tɛŋsaŋa a te Aruben ale Gad ŋaaŋbisaŋa. 13Gilead tɛŋka meena ale Basan, Og ale jam bo juijui la meena, mi a jam pai a te ka Manasa dɔkku geli. Ale Argob ate ka bo Basan po la ate ba jam a wi ka ayen Arefa demma tɛŋ la. 14Jair Manasa ŋaaŋbiik ale la, wa ale jam soa Argob tɛŋka meena a ta ga va Gesur ale Maaka demma tɛŋsaŋa, Ba ale jam a wi wa diila tɛŋka mɛ yuei a jam ale la. Dila ale soa ate ba diem a wi ka ayen Yavvot Jair la.
15Ate mi yaa pai Gilead a te Makir. 16Alege Aruben ale Gad ŋaaŋbisaŋa m pai ka Gilead ale Arnon Benni geŋsaŋa ate ba gum chaab ale Jabbok Benaŋka geŋsa kauk kuui ale moata Ammon demma la. 17Ka yeniŋ geŋsaŋa Jodan ale bo Araba la, a ta ga Kinneret ga va nyakpiemu ale bo Araba, Yesa Nyakpiem ale la, a churinti a siŋ Pisga.
18M weeni ni kama dila po ayen, <<Naawen dii ale ka ni Wen la a pai tɛŋka de a te ni kama ayen ni tanla. Alege ni nuru pagrisaŋa baai ale gomsi magsi kpaliŋka la a gaam taam ni suataŋa Izirali demma jigi. 19Alege, nipooma ale ni bisaŋa ale ni duŋsaŋa, m seba kama ni duŋsaŋa a piisi kama, ale wari ka tɛŋ sii ate m te ni la po, 20ate ku ga paari diipo ate Naawen ale te ni suataŋa vuusum ase wa ale te nama mɛ diila, ase Naawen dii ale ka ni Wen la ale weeni ayen wa ale te ba Jodan Benni kunkɔŋni din dila la. Ate kula ŋaaŋnyiŋ ni wanyi wanyi ale ŋman cheŋ kauk kuui ate m te ni la.>>
21Dila po mi weeni Josua kama ayen, <<Fi nya kama ale fidek nina dii meena ate Naawen dii ale ka ni Wen la a nye nalimaŋa ŋayewa la. Naawen ale nye tɛŋ sii meena ate ni a cheŋ la ka dila dekdega. 22Kan chali ba yɔgsummoa. Naawen dii ale ka ni Wen la dek ale kpaliŋ a te fu.>>
23A zaani dila po m saalim Naawen kama ayen, 24<<Nyɔnɔwa waai ale ka Naawen la, fi piilim boro a sak fi tomteerɔwa fi zuaka ale fi pagrimu ale ka diila kama. A nyini wenŋmazuk ale tɛŋzuk de wen a karo a tom wakpiema ŋaai ate fi a tom la? 25Basi ate m cheŋ a ga nya tɛŋ maŋka ale gaam Jodan a taam la, kaai ale bo guuta zuk la ale Lebanon tɛŋka.>>
26Alege nama nyiŋ Naawen sui a jam puuri ale mu kama ate wa an wom m puusaŋa. <<Ku magsi ya.>> Naawen ale weeni diila ale nna, <<Kan ŋman biisi wanni de wie ale mu. 27Jueli Pisga guuku zuk a nya yeniŋ geŋ ale yeseoku geŋ ale wiiluk geŋ ale kori geŋsaŋa. Nya tɛŋka ale fidek nimbie dii nyiŋla fi a kan yaali fi gaam Jodan benni a taamu. 28Alege sak Josua abe fi maari a te wa nyiŋbiiri ate wa ale dɛ nuruma dɛ niŋ a ta ba gaam a taam a tuesi tɛŋ kaai ate fi a nya la.>> 29Ate tama a yaa jam bo viaka po a moata Bet Peor.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation