Teerika 2
2
1Ate ti yaa ŋmani ŋaaŋ a va gɔnni suiku ale a cheŋ Nyakpiem Mɔnuŋku la, a va Naawen ale dak mu la. Ti kasim cheŋ gilim tɛŋ kaai le bo guutaŋa zuk ti ba a wi ayen Seir la kama.
2Ate Naawen yaa weeni mi ayen, 3<<Ni cheŋ gilim tɛŋ kaai ale bo guutaŋa zuk la ate ku beni ka yega, yɔgyɔgla de ni ŋman va wiiluk geŋ. 4Te nuruma wieŋa de, <Ni boro a yaali ni va ka ni suataŋa Iisɔ ŋaaŋbisaŋa ale bo Seir la tɛŋ banni. Ba le chali yɔgsum ale ni, alege ni kpesi nidek. 5Ni kan daani ba ale kpaliŋ ŋa, mi a kan pai ba tɛŋka kanyi mɛ la a te ni, ni poom kan pai ni naŋ a tabi du. Mi pai guuku zuk tɛŋka Seir a te ka Iisɔ ayen wa tanla. 6Ku magsi kama ayen ni tuni ba kpana a magsi ŋandiintaŋa ate ni dɛ la ale nyiamu ate ni nyu la.> >>
7Naawen dii ale ka ni Wen la a niak ni kama ni nisima tuima meena po. Wa nya ni chelimu zuk kama gɔi kpienni po. Bena pisinaansi wa de Naawen dii ale ka ni Wen la a kasim bo ale ni kama ate ni an jam a yaali jaaboa.
8Ti yaa jam gaam ti suataŋa Iisɔ buuni, baai ale bo Seir tɛŋka la a taamu. Tama viriŋ kama a va Araba suiku, kuui ale nyini Elat ale Ezion Geber a ga va Moab gɔnni po la.
9Ate Naawen a yaa weeni a sak mi ayen, <<Kan fi daani Moab demma yaase fi nye ate ba nye kpaliŋŋa, ale mi a kan yaali ayen m te ni ba tɛŋka kauk wa. M te Lɔti buuni ka Ar tɛŋka ayen ba tanla.>>
10Emi demma a jam bo ka dula, ba jam ka nuru baai ale pagra ale piisi mɛ ale wɔŋa ase Anak demma la. 11Ase ba ale jam a nye ase Anak demma la, ba jam pai ba chim ka Arefa demma po, alege Moab demma a jam a wi ba ayen ka Emi dem. 12Yori demma ale jam bo Seir tɛŋka, alege Iisɔ buuni a jam yiak ba kama ate ba basi dula. Ba jam kaasi Yori demma kama alege kali dula ase Izirali demma ale nye dii tɛŋ kaai po ate Naawen a pai te ba la.
13Ate Naawen a yaa weeni ayen, <<Yɔgyɔgla de ni yiti ga lo Zered Viaka jueli.>> Ate ti yaa lo viak a jueli.
14Bena pisita ale naaniŋ ale taam la, a zaani diipo ate ti basi Kades Barnea a jam paari diipo ate ti lo Zered Viaka jueli la, dila po gaŋ sii meena ale jam ka tugurik tɔŋdɔba la a kpi kama ase Naawen ale pɛ ayen wa le nye diila. 15Naawen a jam ta ka chaab ale ba ate wa ga yeeri ba meena ba suŋsuŋ.
16Ase tugurik tɔŋdɔma de ale jam kpi la, 17Naawen a yaa weeni mi ayen, 18<<Jinla ku magsi kama ayen ni ga va Moab ale bo Ar po la a taam. 19Ase ni dan paari Ammon demma tɛŋka, ni ka m daani ba yaase ni daani ba ale kpaliŋ ŋa, ale mi a kan yaali ayen m pai Ammon tɛŋka jaab a te ni. Mi pai ka a te ka Lɔti ŋaaŋbisaŋa.>>
20Ba jam a wi dula jigini ayen ka Arefa demma tɛŋ, ba la ale jam bo dula, alege Ammon demma a jam a wi ba ayen ka Zamzum dem. 21Ba jam ka nuru baai ale pagra ale piisi mɛ ale wɔŋa ase Anak demma la. Naawen a jam ko ba kama ate Ammon demma, baai ale jam yiak ba a bo ba boka jigini. 22Wa a nye ka dila dek mɛ ate Iisɔ ŋaaŋbisaŋa baai ale bo Seir tɛŋka po la ase wa ale jam kaasi Yor demma ba nimbie po diila. Ba jam yiak ba kama alege bo ba tɛŋka po a ta jam paari jinla. 23Alege Avvi demma baai ale bo tɛŋ kpaŋsaŋa po a ga paari Gaza tɛŋka la, Kaftor demma a jam nyini ka Kaftor a kaasi ba alege bo ba boka jigini.
24Naawen a yaa weeni mi ayen, <<Ni cheŋ a ga lo Arnon benni a jueli. Nya de m pai Siyon Amori denɔwa Yesbon Naawa ale, wa tɛŋka meena a nyo ka ni nisima po. Ni nye ate ni jo ka po a nye kpaliŋ ale wa. 25Jinla danni m le basi ate tɛŋsa meena ale bo tɛŋzuk a chali ni yɔgsum. Ba ale wom le wie ate ba nyiŋsaŋa a gɔk ate ba ale yɔgsa ale ni.>>
26A nyini Kedemot gɔnni po m jam tom ka nuruba Yesbon Naawa Siyon jigi ale suiyɔgni ayen, 27<<Basi ate ti va ni tɛŋka po a taam. Ti ale ga zaani ka suik kpioŋku po. Ti kan viriŋ juga yaase gala. 28Ni pai ŋandiinta a da a te ti ate ti dɛ abe ni pai nyiam mɛ a te ti ate ti nyu abe ti tuni ni kpana. Ka ni tin basi ate ti cheŋ naŋta a taam. 29Ase Iisɔ ŋaaŋbisaŋa baai ale bo Seir la ale Moab demma baai ale bo Ar, ale jam nye dii a te ti suik ayen ti ga lo Jodan a jueli a cheŋ tɛŋ kaai ate Naawen dii ale ka ti Wen la a yaali ayen wa pai a te ti la.>> 30Alege Siyon Yesbon Naawa a zɛri an basi ate tama a taam ya. Dii nyiŋla la Naawen dii ale ka ni Wen la basi kama ate wa ta tukpari ale suinum pagrik ayen wa pai wa a nyo ni nisima po, ase wa ale nye dii yɔgyɔgla de la.
31Naawen a yaa weeni mi ayen, <<Nya, mi a yaali ayen m pai Siyon ale wa tɛŋka a nyo ka ni nisa po. Yɔgyɔgla de m nak a tuesi ka a tara.>>
32Ase Siyon ale wa tugurik tɔŋdɔma meena ale jam nyini ayen ba nye kpaliŋka Jayaz la, 33Naawen dii ale ka ti Wen la a pai wa nyo ka ti nisima po ate ti nak lɔnsi wa ale wa bisaŋa ale wa tugurik tɔŋdɔma meena tɛŋ. 34A nyini dila po ti tuesi ba tɛŋsaŋa kama ale ko nidoama ale nipooma ale ba bisaŋa meena. Ti an jam tali javuk wa. 35Alege ba duŋsaŋa ale ba ŋanmaŋsaŋa ti jam pai kama ba tɛŋka po a tara. 36A nyini Aroer ale bo Arnon benni la ale tɛŋ kaai ale bo benni jigini la a ta ga paari Gilead, tɛŋ yeŋ mɛ la a jam karo a pagra. Naawen dii ale ka ti Wen la a pai ba meena a te ti kama. 37Alege a magsi chaab ale Naawen dii ale ka ti Wen la sinsaŋŋa, ni an gaam a taam Ammon demma tɛŋka, yaase tɛŋ kaai ale bo Jabbok benni la yaase tɛŋ sii ale bo guutaŋa zuima la.
Currently Selected:
Teerika 2: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Teerika 2
2
1Ate ti yaa ŋmani ŋaaŋ a va gɔnni suiku ale a cheŋ Nyakpiem Mɔnuŋku la, a va Naawen ale dak mu la. Ti kasim cheŋ gilim tɛŋ kaai le bo guutaŋa zuk ti ba a wi ayen Seir la kama.
2Ate Naawen yaa weeni mi ayen, 3<<Ni cheŋ gilim tɛŋ kaai ale bo guutaŋa zuk la ate ku beni ka yega, yɔgyɔgla de ni ŋman va wiiluk geŋ. 4Te nuruma wieŋa de, <Ni boro a yaali ni va ka ni suataŋa Iisɔ ŋaaŋbisaŋa ale bo Seir la tɛŋ banni. Ba le chali yɔgsum ale ni, alege ni kpesi nidek. 5Ni kan daani ba ale kpaliŋ ŋa, mi a kan pai ba tɛŋka kanyi mɛ la a te ni, ni poom kan pai ni naŋ a tabi du. Mi pai guuku zuk tɛŋka Seir a te ka Iisɔ ayen wa tanla. 6Ku magsi kama ayen ni tuni ba kpana a magsi ŋandiintaŋa ate ni dɛ la ale nyiamu ate ni nyu la.> >>
7Naawen dii ale ka ni Wen la a niak ni kama ni nisima tuima meena po. Wa nya ni chelimu zuk kama gɔi kpienni po. Bena pisinaansi wa de Naawen dii ale ka ni Wen la a kasim bo ale ni kama ate ni an jam a yaali jaaboa.
8Ti yaa jam gaam ti suataŋa Iisɔ buuni, baai ale bo Seir tɛŋka la a taamu. Tama viriŋ kama a va Araba suiku, kuui ale nyini Elat ale Ezion Geber a ga va Moab gɔnni po la.
9Ate Naawen a yaa weeni a sak mi ayen, <<Kan fi daani Moab demma yaase fi nye ate ba nye kpaliŋŋa, ale mi a kan yaali ayen m te ni ba tɛŋka kauk wa. M te Lɔti buuni ka Ar tɛŋka ayen ba tanla.>>
10Emi demma a jam bo ka dula, ba jam ka nuru baai ale pagra ale piisi mɛ ale wɔŋa ase Anak demma la. 11Ase ba ale jam a nye ase Anak demma la, ba jam pai ba chim ka Arefa demma po, alege Moab demma a jam a wi ba ayen ka Emi dem. 12Yori demma ale jam bo Seir tɛŋka, alege Iisɔ buuni a jam yiak ba kama ate ba basi dula. Ba jam kaasi Yori demma kama alege kali dula ase Izirali demma ale nye dii tɛŋ kaai po ate Naawen a pai te ba la.
13Ate Naawen a yaa weeni ayen, <<Yɔgyɔgla de ni yiti ga lo Zered Viaka jueli.>> Ate ti yaa lo viak a jueli.
14Bena pisita ale naaniŋ ale taam la, a zaani diipo ate ti basi Kades Barnea a jam paari diipo ate ti lo Zered Viaka jueli la, dila po gaŋ sii meena ale jam ka tugurik tɔŋdɔba la a kpi kama ase Naawen ale pɛ ayen wa le nye diila. 15Naawen a jam ta ka chaab ale ba ate wa ga yeeri ba meena ba suŋsuŋ.
16Ase tugurik tɔŋdɔma de ale jam kpi la, 17Naawen a yaa weeni mi ayen, 18<<Jinla ku magsi kama ayen ni ga va Moab ale bo Ar po la a taam. 19Ase ni dan paari Ammon demma tɛŋka, ni ka m daani ba yaase ni daani ba ale kpaliŋ ŋa, ale mi a kan yaali ayen m pai Ammon tɛŋka jaab a te ni. Mi pai ka a te ka Lɔti ŋaaŋbisaŋa.>>
20Ba jam a wi dula jigini ayen ka Arefa demma tɛŋ, ba la ale jam bo dula, alege Ammon demma a jam a wi ba ayen ka Zamzum dem. 21Ba jam ka nuru baai ale pagra ale piisi mɛ ale wɔŋa ase Anak demma la. Naawen a jam ko ba kama ate Ammon demma, baai ale jam yiak ba a bo ba boka jigini. 22Wa a nye ka dila dek mɛ ate Iisɔ ŋaaŋbisaŋa baai ale bo Seir tɛŋka po la ase wa ale jam kaasi Yor demma ba nimbie po diila. Ba jam yiak ba kama alege bo ba tɛŋka po a ta jam paari jinla. 23Alege Avvi demma baai ale bo tɛŋ kpaŋsaŋa po a ga paari Gaza tɛŋka la, Kaftor demma a jam nyini ka Kaftor a kaasi ba alege bo ba boka jigini.
24Naawen a yaa weeni mi ayen, <<Ni cheŋ a ga lo Arnon benni a jueli. Nya de m pai Siyon Amori denɔwa Yesbon Naawa ale, wa tɛŋka meena a nyo ka ni nisima po. Ni nye ate ni jo ka po a nye kpaliŋ ale wa. 25Jinla danni m le basi ate tɛŋsa meena ale bo tɛŋzuk a chali ni yɔgsum. Ba ale wom le wie ate ba nyiŋsaŋa a gɔk ate ba ale yɔgsa ale ni.>>
26A nyini Kedemot gɔnni po m jam tom ka nuruba Yesbon Naawa Siyon jigi ale suiyɔgni ayen, 27<<Basi ate ti va ni tɛŋka po a taam. Ti ale ga zaani ka suik kpioŋku po. Ti kan viriŋ juga yaase gala. 28Ni pai ŋandiinta a da a te ti ate ti dɛ abe ni pai nyiam mɛ a te ti ate ti nyu abe ti tuni ni kpana. Ka ni tin basi ate ti cheŋ naŋta a taam. 29Ase Iisɔ ŋaaŋbisaŋa baai ale bo Seir la ale Moab demma baai ale bo Ar, ale jam nye dii a te ti suik ayen ti ga lo Jodan a jueli a cheŋ tɛŋ kaai ate Naawen dii ale ka ti Wen la a yaali ayen wa pai a te ti la.>> 30Alege Siyon Yesbon Naawa a zɛri an basi ate tama a taam ya. Dii nyiŋla la Naawen dii ale ka ni Wen la basi kama ate wa ta tukpari ale suinum pagrik ayen wa pai wa a nyo ni nisima po, ase wa ale nye dii yɔgyɔgla de la.
31Naawen a yaa weeni mi ayen, <<Nya, mi a yaali ayen m pai Siyon ale wa tɛŋka a nyo ka ni nisa po. Yɔgyɔgla de m nak a tuesi ka a tara.>>
32Ase Siyon ale wa tugurik tɔŋdɔma meena ale jam nyini ayen ba nye kpaliŋka Jayaz la, 33Naawen dii ale ka ti Wen la a pai wa nyo ka ti nisima po ate ti nak lɔnsi wa ale wa bisaŋa ale wa tugurik tɔŋdɔma meena tɛŋ. 34A nyini dila po ti tuesi ba tɛŋsaŋa kama ale ko nidoama ale nipooma ale ba bisaŋa meena. Ti an jam tali javuk wa. 35Alege ba duŋsaŋa ale ba ŋanmaŋsaŋa ti jam pai kama ba tɛŋka po a tara. 36A nyini Aroer ale bo Arnon benni la ale tɛŋ kaai ale bo benni jigini la a ta ga paari Gilead, tɛŋ yeŋ mɛ la a jam karo a pagra. Naawen dii ale ka ti Wen la a pai ba meena a te ti kama. 37Alege a magsi chaab ale Naawen dii ale ka ti Wen la sinsaŋŋa, ni an gaam a taam Ammon demma tɛŋka, yaase tɛŋ kaai ale bo Jabbok benni la yaase tɛŋ sii ale bo guutaŋa zuima la.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation