Amos 2
2
1Naawen ale weeni diila ale nna: <<Moab wabaataŋa dan ka tita yaase tinaansi, mi kan basi m suipuurumu ale ba. Dii nyiŋla ba yeeri Edom tɛŋka naawa kobaŋa kama vɔrumu po a ju ate ŋa chim buntuem. 2Mi ale basi ate bolim a chɔgsi Moab tɛŋka abe bu dɛ Keriot yie pagrisaŋa a kaasi. Moab demma ale kpi ka kpaliŋ po ate ku nye nna ŋaglam ase kpaliŋ kaarisa la ale damuniŋ peerika la. 3Mi ale ko ba tɛŋka kpagni ale wa nisɔmma meena.>> Naawen ale weeni.
4Naawen ale weeni diila ale nna: <<Juda wabaataŋa a dan ka tita yaase tinaansi mi ale namsi ba kama. Dii nyiŋla ba zɛri Naawen sinsaŋŋa ale an yik wa ŋmarisika mɛ. Dii nyiŋla ba va ka venta wena, ba kokpieŋsaŋa wena ate ba jam va a cheŋ bɛ. 5Mi ale basi ate bolim a chɔgsi Juda ate bu kaasi Jerusalem yie pagrisaŋa meena.>>
6Naawen ale weeni diila ale nna: <<Izirali demma wabaataŋa dan poom ka tita yaase tinaansi mi a kan basi m suipuurumu ale ba. Dii nyiŋla ba yik ka wayɔrisima nyama ale ta ba pama alege an baga a tuni la, a da a tuesi kpana, alege yik ŋanjaksa ale ta ba pama ale an baga a tuni la a da tuesi nuensa. 7Ba a tabi ŋanjaksa zuk ase ka tɛŋka la ale kan nye nuru baai ate ba a namsi la a magsi. Ko ale wa biik ta ka nipokbili yeŋ a bobi a goa. Ba a kaasi ka mi tuilum yuenni. 8Ba a duak ka kuŋkuŋ meena tɛŋ, pumpuulima garuk tii ate ba tuesi nuruba jigi ayen ba ta ba pama ale an baga a tuni la zuk. Ba Wenni yenni po ba a nyu ka da buui ate ba pai a tuni tuim kaasima nyiŋla.
9Mi yaa jam kaasi Amori demma ba niŋ wa ale wa woglimmu ase nyunyoŋ la ale wa pagrimu ase niak la. Mi jam kaasi bu yɔnaŋa alege tu bu tɛŋ naŋsaŋa kama.
10M yeeri ni kama ta nyini Ejipiti a dɛ ni niŋ gɔnni po bena pisinaansi ayen m pai Amori demma tɛŋka a te ni. 11Mi basi ate ni nidoabilisaŋa po a yiti chim mi biisiteerɔba ate ni nidoabili paalukku a chim Naziriba.#2:11 Sinsak ŋaai ale a weeni Nazirima wie la bo ka Chiinika Gbaŋka 6:1-21. Kude daa wensie Izirali demma?>> Naawen ale weeni. 12<<Alege ni te ate Nazirima a nyu da pagrik ale basi ate m biisiteerɔma an biisi m wanni.
13<<Yɔgyɔgla de, m le ŋɔriŋ ni ase toroko ale ji za bie a ŋɔriŋ diila. 14Waai ale korisi la kan bɛ ate waai ale pagra la kan nya wa pagrimu. Ate kpaliŋ kpaliŋdɔ ale jɔk wa nyuvuri. 15Ate tɔŋdɔ a kan baga a zaani a kpaliŋ. Tugurik tɔŋdɔba yegayega a kan chali bɛ. Baai ale a kpaliŋ ale naab wusuma la a kan vari ba nyuvooŋa a basi. 16Waai ale tua a nye kpaliŋsa la ale chali kama ale chaboala dai dila danni.>> Naawen ale weeni.
Currently Selected:
Amos 2: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
Amos 2
2
1Naawen ale weeni diila ale nna: <<Moab wabaataŋa dan ka tita yaase tinaansi, mi kan basi m suipuurumu ale ba. Dii nyiŋla ba yeeri Edom tɛŋka naawa kobaŋa kama vɔrumu po a ju ate ŋa chim buntuem. 2Mi ale basi ate bolim a chɔgsi Moab tɛŋka abe bu dɛ Keriot yie pagrisaŋa a kaasi. Moab demma ale kpi ka kpaliŋ po ate ku nye nna ŋaglam ase kpaliŋ kaarisa la ale damuniŋ peerika la. 3Mi ale ko ba tɛŋka kpagni ale wa nisɔmma meena.>> Naawen ale weeni.
4Naawen ale weeni diila ale nna: <<Juda wabaataŋa a dan ka tita yaase tinaansi mi ale namsi ba kama. Dii nyiŋla ba zɛri Naawen sinsaŋŋa ale an yik wa ŋmarisika mɛ. Dii nyiŋla ba va ka venta wena, ba kokpieŋsaŋa wena ate ba jam va a cheŋ bɛ. 5Mi ale basi ate bolim a chɔgsi Juda ate bu kaasi Jerusalem yie pagrisaŋa meena.>>
6Naawen ale weeni diila ale nna: <<Izirali demma wabaataŋa dan poom ka tita yaase tinaansi mi a kan basi m suipuurumu ale ba. Dii nyiŋla ba yik ka wayɔrisima nyama ale ta ba pama alege an baga a tuni la, a da a tuesi kpana, alege yik ŋanjaksa ale ta ba pama ale an baga a tuni la a da tuesi nuensa. 7Ba a tabi ŋanjaksa zuk ase ka tɛŋka la ale kan nye nuru baai ate ba a namsi la a magsi. Ko ale wa biik ta ka nipokbili yeŋ a bobi a goa. Ba a kaasi ka mi tuilum yuenni. 8Ba a duak ka kuŋkuŋ meena tɛŋ, pumpuulima garuk tii ate ba tuesi nuruba jigi ayen ba ta ba pama ale an baga a tuni la zuk. Ba Wenni yenni po ba a nyu ka da buui ate ba pai a tuni tuim kaasima nyiŋla.
9Mi yaa jam kaasi Amori demma ba niŋ wa ale wa woglimmu ase nyunyoŋ la ale wa pagrimu ase niak la. Mi jam kaasi bu yɔnaŋa alege tu bu tɛŋ naŋsaŋa kama.
10M yeeri ni kama ta nyini Ejipiti a dɛ ni niŋ gɔnni po bena pisinaansi ayen m pai Amori demma tɛŋka a te ni. 11Mi basi ate ni nidoabilisaŋa po a yiti chim mi biisiteerɔba ate ni nidoabili paalukku a chim Naziriba.#2:11 Sinsak ŋaai ale a weeni Nazirima wie la bo ka Chiinika Gbaŋka 6:1-21. Kude daa wensie Izirali demma?>> Naawen ale weeni. 12<<Alege ni te ate Nazirima a nyu da pagrik ale basi ate m biisiteerɔma an biisi m wanni.
13<<Yɔgyɔgla de, m le ŋɔriŋ ni ase toroko ale ji za bie a ŋɔriŋ diila. 14Waai ale korisi la kan bɛ ate waai ale pagra la kan nya wa pagrimu. Ate kpaliŋ kpaliŋdɔ ale jɔk wa nyuvuri. 15Ate tɔŋdɔ a kan baga a zaani a kpaliŋ. Tugurik tɔŋdɔba yegayega a kan chali bɛ. Baai ale a kpaliŋ ale naab wusuma la a kan vari ba nyuvooŋa a basi. 16Waai ale tua a nye kpaliŋsa la ale chali kama ale chaboala dai dila danni.>> Naawen ale weeni.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation