2 Korinti 9
9
1Ku an magsi m ŋman ŋmarisi gbaŋ a te ni a weeni ni le ni a maari Wen nuruma diila. 2M seba ni ale a yaali ayen ni maari ba diila. M weeni Yeezu ŋaaŋviirɔma ale bo Masidoniya tɛŋka po la, ayen ba suataŋa nama baai ale bo Akaaya tɛŋka po la, a piilim ba cheesika ka diimwa. Ba le jam wom ale ni pii nyiŋ a yaali nna nyeka la, ba gela mɛ a maa chaab a cheesi. 3Yɔgyɔgla de, mi a tom ti suataŋa dɛ ni jigi kama ayen ti kunkuulimaŋa a kan chim kinla. Alege ba ale ba jamka ale ni gomsi ayen ni maari. 4Mi ale Masidoniya demma gela a dan jam nya ale nin nye wari ya, ti le ta siaka ale ni diila ale tagri chim ka chivie. Nama mɛ le nya ka chivie nna yegayega. 5Mi abe poli kama ayen ku magsi ka ti suataŋa de mi niŋ a jam ni jigi a tuesi tiirim buui ate ni puulim la. M dan ga jam ale ni gomsi magsi ate ku sak ayen ba an fɛ ni kama alege ka nidek yaalika.
6Nama meena seba ayen kpaarɔ a dan bori maga, wa a che ka maga, alege wa dan bori yegayega wa a che ka yegayega. 7Waai meena a te a magsi chaab ale wadek popola. Wa kan te wa tiirimu ase ku ka fifiok ayen wa te la. Wa be kan te abe wa ŋman pilim a ŋma wa dega. Wen a yaali ka baai ale a te ale suipeentik la. 8Ni daa a nye dila, Wen le ŋman te ni kama a gum du ate ku zuak gaam ate ni kasim ta yegayega nidek a be ni a te nuruba mɛ. 9Ase ku ale ŋmarisi ayen, <<Wen a te ŋanjaksaŋa ŋanta ale ka wadek yaalika. Wa wayɔrisimaŋa ale kasim boro kama taam wuu.>> (Yiila 112:9) 10Wen ale a pai ŋanbieŋa a te kpaarɔma ayen ba bori ŋa ate ba nya ŋandiinta. Dila dekdega ate wa le pai wa ŋantaŋa a te ni a gum du ate ni baga a maari ni vaanchaab. 11Wa kasim a yaali kama ayen ni pai ni ŋanbɔnni po ate wa te ni la a maari ni vaanchaab. Nama a dan pai ni tiiritaŋa a te baai ale a yaali ni la, ba le pak Wen kama nama nyiŋ. 12Ni a maari ba kama ba ninam yegayega po ale ge ate ba mɛ, a te Wen pimpauk yegayega. 13Ni daa a maari nna yegayega, ni a sak nuruba ayen nama a va ka Wen wamaŋsaŋa ŋaai ale a biisi Kirisita wie nalimnyiini la. Ba le te Wen zula yegayega, dii nyiŋla, ni a maari ba kama ale nuru meena yegayega. 14Ba le ta yaalika ale ni abe ba puusi Wen a te ni dii nyiŋla wa ŋmanteka yegayega ate wa pai sak ni la. 15Wen a pai wa biika a te ti kama. Wensie, nya kude a gaam ka ŋanta meena. Dila ale soa ate ku a fɛ ayen ni basi ate ti a te wa jiam la.
Currently Selected:
2 Korinti 9: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
2 Korinti 9
9
1Ku an magsi m ŋman ŋmarisi gbaŋ a te ni a weeni ni le ni a maari Wen nuruma diila. 2M seba ni ale a yaali ayen ni maari ba diila. M weeni Yeezu ŋaaŋviirɔma ale bo Masidoniya tɛŋka po la, ayen ba suataŋa nama baai ale bo Akaaya tɛŋka po la, a piilim ba cheesika ka diimwa. Ba le jam wom ale ni pii nyiŋ a yaali nna nyeka la, ba gela mɛ a maa chaab a cheesi. 3Yɔgyɔgla de, mi a tom ti suataŋa dɛ ni jigi kama ayen ti kunkuulimaŋa a kan chim kinla. Alege ba ale ba jamka ale ni gomsi ayen ni maari. 4Mi ale Masidoniya demma gela a dan jam nya ale nin nye wari ya, ti le ta siaka ale ni diila ale tagri chim ka chivie. Nama mɛ le nya ka chivie nna yegayega. 5Mi abe poli kama ayen ku magsi ka ti suataŋa de mi niŋ a jam ni jigi a tuesi tiirim buui ate ni puulim la. M dan ga jam ale ni gomsi magsi ate ku sak ayen ba an fɛ ni kama alege ka nidek yaalika.
6Nama meena seba ayen kpaarɔ a dan bori maga, wa a che ka maga, alege wa dan bori yegayega wa a che ka yegayega. 7Waai meena a te a magsi chaab ale wadek popola. Wa kan te wa tiirimu ase ku ka fifiok ayen wa te la. Wa be kan te abe wa ŋman pilim a ŋma wa dega. Wen a yaali ka baai ale a te ale suipeentik la. 8Ni daa a nye dila, Wen le ŋman te ni kama a gum du ate ku zuak gaam ate ni kasim ta yegayega nidek a be ni a te nuruba mɛ. 9Ase ku ale ŋmarisi ayen, <<Wen a te ŋanjaksaŋa ŋanta ale ka wadek yaalika. Wa wayɔrisimaŋa ale kasim boro kama taam wuu.>> (Yiila 112:9) 10Wen ale a pai ŋanbieŋa a te kpaarɔma ayen ba bori ŋa ate ba nya ŋandiinta. Dila dekdega ate wa le pai wa ŋantaŋa a te ni a gum du ate ni baga a maari ni vaanchaab. 11Wa kasim a yaali kama ayen ni pai ni ŋanbɔnni po ate wa te ni la a maari ni vaanchaab. Nama a dan pai ni tiiritaŋa a te baai ale a yaali ni la, ba le pak Wen kama nama nyiŋ. 12Ni a maari ba kama ba ninam yegayega po ale ge ate ba mɛ, a te Wen pimpauk yegayega. 13Ni daa a maari nna yegayega, ni a sak nuruba ayen nama a va ka Wen wamaŋsaŋa ŋaai ale a biisi Kirisita wie nalimnyiini la. Ba le te Wen zula yegayega, dii nyiŋla, ni a maari ba kama ale nuru meena yegayega. 14Ba le ta yaalika ale ni abe ba puusi Wen a te ni dii nyiŋla wa ŋmanteka yegayega ate wa pai sak ni la. 15Wen a pai wa biika a te ti kama. Wensie, nya kude a gaam ka ŋanta meena. Dila ale soa ate ku a fɛ ayen ni basi ate ti a te wa jiam la.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation