2 Korinti 8
8
1M suata, ti a yaali ayen ka ni seba Wen ale ŋmante baai ale bo Masidoniya tɛŋka po a va Yeezu la. 2Ba jam nya ninam yegayega, alege ninammu dɛ po, ba sue diem peenti kama nalimnyiini. Ba ka ŋanjaksa nalimnyiini alege ba pai ka ba ŋan fiisaŋa gela a te nuruba. 3Mi ka ba seerɔ. Ba jam pai ba ŋantaŋa a te ka ba vaanchaab a poom gaam ku le magsi dii te ka la. Ba jam te ale ka badek yaalika. 4Ba jam saalim ti kama ayen ti tuesi ba tiiritaŋa ate ti baga maari Wen nuruma ale bo niŋniŋ la. 5Ba tiiritaŋa a jam zuak gaam tama le jam a poli diila kama. Ba liŋ jam pai ka badek a te ti Naawenni ale ge pai badek a te tama mɛ a va Wen ale a yaali diila. 6Dila ale soa ate ti a saalim Titus waai ale poom deri piilim a tuesi ni tiiritaŋa la, ayen wa maa maari ni ate ni cheesi tiiritaŋa meena a te wa. M seba ayen ni le nye nna kama, dii nyiŋla, ni a yaali ayen ni maari ni vaanchaab ka yegayega.
7Ni be jigsi kama ale ŋan baai meena ate ni ta la. Bala le ni siaka ale ni ale seba biik la, ale ni ale ta yam la, ale ni ale a maari nuruba la, ale ni ale a yaali tama diila. Ti a yaali kama ayen ni a te yegayega. 8M kan yaali ayen m weeni sak ni ku le magsi ni le nye diila, alege m poom weeni sak ni ayen baai ale bo Masidoniya tɛŋka po la, nina a jam muni kama ale ba vaanchaab maarika nna yegayega. Mi a yaali ayen m nye ni a nya kama ase ni ta yaalika ale ni vaanchaab ase bala ale a yaali nama diila ya. 9Diila ni seba ti Nyɔnɔwa Yeezu Kirisita ŋmanteka kama, ayen wa jam jigsi kama, alege nama nyiŋ wa chim jajak, ate nama ale va wa jaŋsaŋa nyiŋ a jigsi. 10M dek popola ale m yaalika ate maa weeni wieŋa de a sak ni. Diimwa, ni nina a jam muni kama ate ni jam piilim ni ŋantaŋa Titus pai te ka. Yɔgyɔgla de, ni tom dii ate ni piilim la a nueri. Nama le liŋ jam piilim poli dila nyeka. 11Ni tom dii ate ni piilim ayen ni tom la a nueri. Ni jam piilim di ale ka nin muni. Ni be diem basi ate ni nina muni ate ni tom ni le baga dii a tom la a nueri. 12Ni dan kasim a yaali nna yegayega ayen ni pai ni ŋantaŋa a te nuruba, Wen le tuesi ni tiirimu. Wa niŋ karo ale ŋan baai ate nin baga a te la. Wa niŋ boro ale ka ni le baga ŋan baai a te la. 13M kan yaali ayen m nye ate ku toa, yaase m nye mɛ ate ku chim mɔli a te baai ate ni a maari la. 14Yɔgyɔgla de, ni ta ka ŋan bori. Dila ale soa ate ku nala ayen ni pai ni ŋantaŋa ba gela a maari baai ale a yaali ba la. Ba dan ta ŋanta piisi ate nama mɛ a yaali, ba le maari ni kama. Ku dan nye nna, ni ni ta soa ase chaab la. 15Ase ku ale ŋmarisi ayen, <<Nuru waai ale tigsi yegayega la an ŋmasi nya gaam taam ya, nuru waai me ale tigsi magi dek la an ŋmasi jɔk ya.>> (Nyinika 16:18)
16Ti a pak Naawen ayen Titus a jam pii ka nyiŋ ayen wa maari ni ase tama ale jam pii nyiŋ dii ayen ti maari ni la. 17Mi le weeni Titus ayen wa ŋman pilim jam puusi ni la, wa sui a jam peenti kama. Wa jam a yaali ka nna yegayega ayen wa ŋman pilim jam ni jigi. Wa an jam poom a yaali ayen m weeni dila ale wa. 18Ti a tom ka ti suoku wanyi ayen wa va wa a jam ni jigi. Yeezu ŋaaŋviirɔma meena a te ti suoku ka zula yegayega, dii nyiŋla, wa sak nuruba yegayega Naawen wamaŋsaŋa. 19Ba lueri wa kama ayen wa ale tama a pai ni tiiritaŋa a ta cheŋ ga te Yeezu ŋaaŋviirɔma baai ale bo Judia la. Nna le te ti Naawenni ka zula, ate ku sak nuruba ayen ti a yaali ayen ti maari ba kama. 20Ti kan yaali ayen ti nye wari ate waai a fɔbili ayen tama an pai tiirimu a nye wamaŋa. 21Ti a yaali ayen ti nye ka wari dii ale magsi ti Naawenni ale nuruba niŋ la. 22Ti a tom ka nuru wa choa, a saari baye ate ba jam ni jigi. Wa va ale Titus ale ti suok kunkula a cheŋ. Ti nye wa nya kama dii choa ate ti yaa seba ayen wa pii ka nyiŋ a yaali ayen wa maa maari ti ale ti tuimaŋa. Wa seba ayen m seba ni chak kama nalimnyiini. Dila ale soa ate wa pii nyiŋ a yaali ayen wa gum mbala po a jam maa maari ni nalimnyiini. 23Titus ka waai ale a tom ale mi ate mi ale wa a maari nama meena. Kirisita bisaŋa ale a tu chaab jiga tɔgatɔga la ale tom mbala bayewa. Ba be a te Kirisita ka zula. 24Ba dan jam ni jigi, ni tuesi ba abe ni basi ate ba seba ayen ni a yaali ba kama. Ni dan nye dila, Kirisita bisaŋa ale a tu chaab a tom ba la, ale siak ayen ni sum ka ba nuru baai ate ba ta kanjanta ba nyiŋla.
Currently Selected:
2 Korinti 8: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
2 Korinti 8
8
1M suata, ti a yaali ayen ka ni seba Wen ale ŋmante baai ale bo Masidoniya tɛŋka po a va Yeezu la. 2Ba jam nya ninam yegayega, alege ninammu dɛ po, ba sue diem peenti kama nalimnyiini. Ba ka ŋanjaksa nalimnyiini alege ba pai ka ba ŋan fiisaŋa gela a te nuruba. 3Mi ka ba seerɔ. Ba jam pai ba ŋantaŋa a te ka ba vaanchaab a poom gaam ku le magsi dii te ka la. Ba jam te ale ka badek yaalika. 4Ba jam saalim ti kama ayen ti tuesi ba tiiritaŋa ate ti baga maari Wen nuruma ale bo niŋniŋ la. 5Ba tiiritaŋa a jam zuak gaam tama le jam a poli diila kama. Ba liŋ jam pai ka badek a te ti Naawenni ale ge pai badek a te tama mɛ a va Wen ale a yaali diila. 6Dila ale soa ate ti a saalim Titus waai ale poom deri piilim a tuesi ni tiiritaŋa la, ayen wa maa maari ni ate ni cheesi tiiritaŋa meena a te wa. M seba ayen ni le nye nna kama, dii nyiŋla, ni a yaali ayen ni maari ni vaanchaab ka yegayega.
7Ni be jigsi kama ale ŋan baai meena ate ni ta la. Bala le ni siaka ale ni ale seba biik la, ale ni ale ta yam la, ale ni ale a maari nuruba la, ale ni ale a yaali tama diila. Ti a yaali kama ayen ni a te yegayega. 8M kan yaali ayen m weeni sak ni ku le magsi ni le nye diila, alege m poom weeni sak ni ayen baai ale bo Masidoniya tɛŋka po la, nina a jam muni kama ale ba vaanchaab maarika nna yegayega. Mi a yaali ayen m nye ni a nya kama ase ni ta yaalika ale ni vaanchaab ase bala ale a yaali nama diila ya. 9Diila ni seba ti Nyɔnɔwa Yeezu Kirisita ŋmanteka kama, ayen wa jam jigsi kama, alege nama nyiŋ wa chim jajak, ate nama ale va wa jaŋsaŋa nyiŋ a jigsi. 10M dek popola ale m yaalika ate maa weeni wieŋa de a sak ni. Diimwa, ni nina a jam muni kama ate ni jam piilim ni ŋantaŋa Titus pai te ka. Yɔgyɔgla de, ni tom dii ate ni piilim la a nueri. Nama le liŋ jam piilim poli dila nyeka. 11Ni tom dii ate ni piilim ayen ni tom la a nueri. Ni jam piilim di ale ka nin muni. Ni be diem basi ate ni nina muni ate ni tom ni le baga dii a tom la a nueri. 12Ni dan kasim a yaali nna yegayega ayen ni pai ni ŋantaŋa a te nuruba, Wen le tuesi ni tiirimu. Wa niŋ karo ale ŋan baai ate nin baga a te la. Wa niŋ boro ale ka ni le baga ŋan baai a te la. 13M kan yaali ayen m nye ate ku toa, yaase m nye mɛ ate ku chim mɔli a te baai ate ni a maari la. 14Yɔgyɔgla de, ni ta ka ŋan bori. Dila ale soa ate ku nala ayen ni pai ni ŋantaŋa ba gela a maari baai ale a yaali ba la. Ba dan ta ŋanta piisi ate nama mɛ a yaali, ba le maari ni kama. Ku dan nye nna, ni ni ta soa ase chaab la. 15Ase ku ale ŋmarisi ayen, <<Nuru waai ale tigsi yegayega la an ŋmasi nya gaam taam ya, nuru waai me ale tigsi magi dek la an ŋmasi jɔk ya.>> (Nyinika 16:18)
16Ti a pak Naawen ayen Titus a jam pii ka nyiŋ ayen wa maari ni ase tama ale jam pii nyiŋ dii ayen ti maari ni la. 17Mi le weeni Titus ayen wa ŋman pilim jam puusi ni la, wa sui a jam peenti kama. Wa jam a yaali ka nna yegayega ayen wa ŋman pilim jam ni jigi. Wa an jam poom a yaali ayen m weeni dila ale wa. 18Ti a tom ka ti suoku wanyi ayen wa va wa a jam ni jigi. Yeezu ŋaaŋviirɔma meena a te ti suoku ka zula yegayega, dii nyiŋla, wa sak nuruba yegayega Naawen wamaŋsaŋa. 19Ba lueri wa kama ayen wa ale tama a pai ni tiiritaŋa a ta cheŋ ga te Yeezu ŋaaŋviirɔma baai ale bo Judia la. Nna le te ti Naawenni ka zula, ate ku sak nuruba ayen ti a yaali ayen ti maari ba kama. 20Ti kan yaali ayen ti nye wari ate waai a fɔbili ayen tama an pai tiirimu a nye wamaŋa. 21Ti a yaali ayen ti nye ka wari dii ale magsi ti Naawenni ale nuruba niŋ la. 22Ti a tom ka nuru wa choa, a saari baye ate ba jam ni jigi. Wa va ale Titus ale ti suok kunkula a cheŋ. Ti nye wa nya kama dii choa ate ti yaa seba ayen wa pii ka nyiŋ a yaali ayen wa maa maari ti ale ti tuimaŋa. Wa seba ayen m seba ni chak kama nalimnyiini. Dila ale soa ate wa pii nyiŋ a yaali ayen wa gum mbala po a jam maa maari ni nalimnyiini. 23Titus ka waai ale a tom ale mi ate mi ale wa a maari nama meena. Kirisita bisaŋa ale a tu chaab jiga tɔgatɔga la ale tom mbala bayewa. Ba be a te Kirisita ka zula. 24Ba dan jam ni jigi, ni tuesi ba abe ni basi ate ba seba ayen ni a yaali ba kama. Ni dan nye dila, Kirisita bisaŋa ale a tu chaab a tom ba la, ale siak ayen ni sum ka ba nuru baai ate ba ta kanjanta ba nyiŋla.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation