1 Nalima 4
4
1Dila Naab Solomon yaa jam a nya Izirali meena zuk. 2Wa nisɔmma jam ale nna: Zadok nidoabinni Azariya ale jam chim kaabteerɔwa. 3Sisa nidoabilisaŋa Eliyoref ale Ayija ale jam chim gbaŋ ŋmarisidoama. Ayilud nidoabinni Jeyosafat ale jam chim teeridɔwa. 4Jeyoiada nidoabinni Benaya ale jam chim tugurik tɔŋdɔma kpagi kpienni, ate Zadok ale Abiata a chim kaabteerɔma. 5Natan nidoabinni Azariya ale jam a nya tɛŋsa kpaŋŋa zuk ate Natan nidoabinni Zabud a chim naawa kaabteerɔ ale sagrɔ. 6Ayisar ale jam a nya naab yenni zuk ate Abda nidoabinni Adoniram a jam a nya fifiok tuimaŋa zuk.
7Solomon a jam ta ka kpaga pi ale ŋaye ate bala a nya Izirali meena zuk, baai ale jam a te naawa ale wa yenni meena ŋandiinta. Nuru yeŋ meena a jam a te wa ŋandiinta a paari ka chiik benni po. 8Ba yueŋa ale nna: Ben Yur a jam bo ka Ɛfraim tɛŋka ate guutaŋa a bo ka po la. 9Ben Deker a jam bo ka Makaz ale Saalbim ale Bet Sɛmes ale Elon Bet Yanan. 10Ben Yesed a jam bo ka Arubbot. Sokoyo ale Yefer tɛŋsaŋa meena ka wa ale jam soa a nya. 11Ben Abinadab a jam bo ka Nafot Dor. Wa jam faari ka Solomon lie Tafat. 12Ayilud nidoabinni Baana a jam bo ka Taanak ale Megiddo po ale Bet San ale moata Zaretan la a siŋ Jezreel, a nyini Bet San a ga paari Abel Meyola a gaam taam a cheŋ Jokmeam. 13Ben Geber a jam bo ka Aramot Gilead po. Manasa nidoabinni Jair ale kali juijui Gilead po la ka wa ale jam soa a nya ale Argob tɛŋ kpieŋka ale jam bo Basan po ale ka parik kpieŋsa tɛŋsa pisiyuebiwa ale kutuk mɔnuŋ taperisaŋa. 14Iddo nidoabinni Ayinadab a jam bo ka Mayanaim. 15Ayimaaz a jam bo ka Nafitali po. Wa jam faari ka Solomon liewa Basemat. 16Yusai nidoabinni Baana a jam bo ka Asɛ ale Alot po. 17Parua nidoabinni Jeyosafat a jam bo ka Isaka po. 18Ela nidoabinni Simei a jam bo ka Benjamin po. 19Uri nidoabinni Geber a jam bo ka Gilead po. Gilead tɛŋka ale Amori tɛŋka naawa Siyon ale Basan tɛŋka naawa Og a jam boro la. Geber jam ka wadek wa nyiini a nya tɛŋ kpieŋ kala zuk.
20Juda nuruma ale Izirali nuruma a jam piisi kama ase tintain busuŋ ale bo beli po la. Ba jam a dɛ kama ale a nyu ate ba sue a peenti. 21Ate Solomon a jam a nya naataŋa meena zuk a nyini Benni ale a cheŋ Filistia demma tɛŋka la a ta ga paari Ejipiti tɛŋ banni. Tɛŋsaŋa de a jam tuni ka ligra a te Solomon ale tom a te wa, wa vum daaŋa meena po.
22Dai yeŋ po Solomon ŋandiintaŋa a jam ka zom naliŋ boorisa pisita, ate ŋandiintaŋa a jam paari boorisa pisiyuebi, 23ale niiga ŋaai ale biigi la pi ale niiga pisiye ale piisa yaase bua kook ale kima ale walisa ale yisisa ale kpesa. 24Ka wa ale jam a nya naataŋa ale jam bo Benni yeniŋ geŋsa la meena zuk, a nyini Tifsa a ga paari Gaza ale ta suiyɔgni kabtaŋa meena. 25Solomon vummu daaŋa po Juda ale Izirali a nyini Dan a ta ga paari Beerseba a jam boro kama ate wari a kan daani ba, nuru meena a jam bo ka wa yeri ta wa talim.
26Solomon a jam ta ka zonta tusa ŋanaansi (4,000) a magsi wusuma torokoba ale wusuma tusa pi ale ŋaye (12,000).
27Tɛŋka kpaŋŋa wanyi meena chiik yeŋ po a te Naab Solomon ale baai meena ale a de wa yenni la ka ŋandiinta. Ba jam basi kama ate wa kan silim jaaboa. 28Ba jam maa ta ka za ale kinkaa a jam a te naab yeri wusumaŋa.
29Wen a jam te Solomon ka yam kpiem ale miŋ chakka ale sebika nna yegayega ase tintain busuŋ ale bo beli po la. 30Solomon yammu a jam gaam nuru baai meena ale bo kori geŋka la kama a zuak gaam Ejipiti tɛŋka yammu. 31Wa jam ta yam a gaam nuru yoŋ meena kama, wa jam maa ta yam a gaam Ezraya denɔwa Etan ale Mayol nidoabilisaŋa Yeman ale Kalkol ale Darda kama. Wa yammu a jam paari tɛŋ sii meena ale kali a gilim wa la kama. 32Wa jam magsi ka wamagsima tusa ŋata (3,000) ate wa yiilaŋa ate wa jam lenni la a paari tusidi ale ŋanu (1,005). 33Wa pai tiib nyuvuri a ta nyini ka Lebanon nyunyoŋku jigi a magsi chaab ale kpaluata ale a nyini saasa nyiŋ la. Wa jam maa biisi duŋsa ale nuinsa ale ŋan baai ale ta naŋsa a bo nyiam po la ale juma wie kama. 34Nuruba ale jam nyini tɛŋsa a jam ba wom Solomon yammu wie, ka nalima meena tɛŋzuk de baai ale jam wom wa yammu wie la ale tom ba.
Currently Selected:
1 Nalima 4: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
1 Nalima 4
4
1Dila Naab Solomon yaa jam a nya Izirali meena zuk. 2Wa nisɔmma jam ale nna: Zadok nidoabinni Azariya ale jam chim kaabteerɔwa. 3Sisa nidoabilisaŋa Eliyoref ale Ayija ale jam chim gbaŋ ŋmarisidoama. Ayilud nidoabinni Jeyosafat ale jam chim teeridɔwa. 4Jeyoiada nidoabinni Benaya ale jam chim tugurik tɔŋdɔma kpagi kpienni, ate Zadok ale Abiata a chim kaabteerɔma. 5Natan nidoabinni Azariya ale jam a nya tɛŋsa kpaŋŋa zuk ate Natan nidoabinni Zabud a chim naawa kaabteerɔ ale sagrɔ. 6Ayisar ale jam a nya naab yenni zuk ate Abda nidoabinni Adoniram a jam a nya fifiok tuimaŋa zuk.
7Solomon a jam ta ka kpaga pi ale ŋaye ate bala a nya Izirali meena zuk, baai ale jam a te naawa ale wa yenni meena ŋandiinta. Nuru yeŋ meena a jam a te wa ŋandiinta a paari ka chiik benni po. 8Ba yueŋa ale nna: Ben Yur a jam bo ka Ɛfraim tɛŋka ate guutaŋa a bo ka po la. 9Ben Deker a jam bo ka Makaz ale Saalbim ale Bet Sɛmes ale Elon Bet Yanan. 10Ben Yesed a jam bo ka Arubbot. Sokoyo ale Yefer tɛŋsaŋa meena ka wa ale jam soa a nya. 11Ben Abinadab a jam bo ka Nafot Dor. Wa jam faari ka Solomon lie Tafat. 12Ayilud nidoabinni Baana a jam bo ka Taanak ale Megiddo po ale Bet San ale moata Zaretan la a siŋ Jezreel, a nyini Bet San a ga paari Abel Meyola a gaam taam a cheŋ Jokmeam. 13Ben Geber a jam bo ka Aramot Gilead po. Manasa nidoabinni Jair ale kali juijui Gilead po la ka wa ale jam soa a nya ale Argob tɛŋ kpieŋka ale jam bo Basan po ale ka parik kpieŋsa tɛŋsa pisiyuebiwa ale kutuk mɔnuŋ taperisaŋa. 14Iddo nidoabinni Ayinadab a jam bo ka Mayanaim. 15Ayimaaz a jam bo ka Nafitali po. Wa jam faari ka Solomon liewa Basemat. 16Yusai nidoabinni Baana a jam bo ka Asɛ ale Alot po. 17Parua nidoabinni Jeyosafat a jam bo ka Isaka po. 18Ela nidoabinni Simei a jam bo ka Benjamin po. 19Uri nidoabinni Geber a jam bo ka Gilead po. Gilead tɛŋka ale Amori tɛŋka naawa Siyon ale Basan tɛŋka naawa Og a jam boro la. Geber jam ka wadek wa nyiini a nya tɛŋ kpieŋ kala zuk.
20Juda nuruma ale Izirali nuruma a jam piisi kama ase tintain busuŋ ale bo beli po la. Ba jam a dɛ kama ale a nyu ate ba sue a peenti. 21Ate Solomon a jam a nya naataŋa meena zuk a nyini Benni ale a cheŋ Filistia demma tɛŋka la a ta ga paari Ejipiti tɛŋ banni. Tɛŋsaŋa de a jam tuni ka ligra a te Solomon ale tom a te wa, wa vum daaŋa meena po.
22Dai yeŋ po Solomon ŋandiintaŋa a jam ka zom naliŋ boorisa pisita, ate ŋandiintaŋa a jam paari boorisa pisiyuebi, 23ale niiga ŋaai ale biigi la pi ale niiga pisiye ale piisa yaase bua kook ale kima ale walisa ale yisisa ale kpesa. 24Ka wa ale jam a nya naataŋa ale jam bo Benni yeniŋ geŋsa la meena zuk, a nyini Tifsa a ga paari Gaza ale ta suiyɔgni kabtaŋa meena. 25Solomon vummu daaŋa po Juda ale Izirali a nyini Dan a ta ga paari Beerseba a jam boro kama ate wari a kan daani ba, nuru meena a jam bo ka wa yeri ta wa talim.
26Solomon a jam ta ka zonta tusa ŋanaansi (4,000) a magsi wusuma torokoba ale wusuma tusa pi ale ŋaye (12,000).
27Tɛŋka kpaŋŋa wanyi meena chiik yeŋ po a te Naab Solomon ale baai meena ale a de wa yenni la ka ŋandiinta. Ba jam basi kama ate wa kan silim jaaboa. 28Ba jam maa ta ka za ale kinkaa a jam a te naab yeri wusumaŋa.
29Wen a jam te Solomon ka yam kpiem ale miŋ chakka ale sebika nna yegayega ase tintain busuŋ ale bo beli po la. 30Solomon yammu a jam gaam nuru baai meena ale bo kori geŋka la kama a zuak gaam Ejipiti tɛŋka yammu. 31Wa jam ta yam a gaam nuru yoŋ meena kama, wa jam maa ta yam a gaam Ezraya denɔwa Etan ale Mayol nidoabilisaŋa Yeman ale Kalkol ale Darda kama. Wa yammu a jam paari tɛŋ sii meena ale kali a gilim wa la kama. 32Wa jam magsi ka wamagsima tusa ŋata (3,000) ate wa yiilaŋa ate wa jam lenni la a paari tusidi ale ŋanu (1,005). 33Wa pai tiib nyuvuri a ta nyini ka Lebanon nyunyoŋku jigi a magsi chaab ale kpaluata ale a nyini saasa nyiŋ la. Wa jam maa biisi duŋsa ale nuinsa ale ŋan baai ale ta naŋsa a bo nyiam po la ale juma wie kama. 34Nuruba ale jam nyini tɛŋsa a jam ba wom Solomon yammu wie, ka nalima meena tɛŋzuk de baai ale jam wom wa yammu wie la ale tom ba.
© 2023, Ghana Institute of Linguistics, Literacy and Bible Translation