1 Nalima 3
3
1Solomon a jam nye ka nɔiyeŋ ale Faaro Ejipiti naawa a faari wa lie. Wa jam ta wa a jam ka Deevid Tɛŋka po ate ku paari diipo ate wa sɛ wa naam yenni ale Naawen Yenni ale parika ale gilim Jerusalem la a nueri. 2Nuruma a diem jam a kaab ka pimpitimaŋa zuima, dii nyiŋla ba an diem jam sɛ yeri a magsi Naawen Yuenni. 3Solomon a jam sak wa yaalika ale Naawen kama a va wa kowa Deevid ŋmarisika, ka wa ale jam a nye kaabka ale a ju ŋan baai nyum ale masa la pimpitima zuk la nyiini.
4Naawa yaa jam cheŋ Gibeon ayen wa nye kaabka, diila dula jam ka pimpitini dii ale chim jigi maŋ dek. Solomon yaa jam nye juka tiirita tusidi kuŋkuŋ kula zuk. 5Gibeon po Naawen yaa jan jam Solomon jigi yokku po gɔdaasini po, Wen jam weeni ayen, <<Bek jabuui ate fi a yaali ayen mi a te fu la.>>
6Ate Solomon a tulisi ayen, <<Fi sak ka ŋmanteka ale fi tomteerɔwa mi kowa Deevid, dii nyiŋla wa jam ta ka wensie ale fi ale wayɔrisima ale ta suinum maŋ. Fi kasim a sak ŋmanteka de a gum du kama ale wa a te wa nidoabili ayen wa kali wa naam zukpaglika zuk jinla danni. 7Yɔgyɔgla de Naawen mi Wen yaa, fi nye fi tomteerɔwa ka naab ate wa tagri za mi kowa Deevid naŋkula po. Alege mi diem ka bi fiik a zɛ mi ale mi nye dii a tom mi tuimaŋa la. 8Fi tomteerɔwa a bo ka dela fi nuruma ate fi a lueri la po, nuru boari, baai ale ŋmasi piisi a ka chiina. 9Dila te fi tomteerɔwa miŋ chakka suinum ate mi baga fi nuruma zuk a nya abe mi baga a gaari wie maŋsa ale wie kaasima. Nuru karo a baga fi nuru boanni de zuk a nya.>>
10Nyɔnɔwa yaa jam mariŋ Solomon ale bek kude la. 11Dila Wen yaa weeni wa ayen, <<Ase fi ale bek kude alege an bek nyuvu woŋ ale jigsika a te fidek la, yaase fi bek fi dachaasa kum wari la, alege ka miŋ chakka a ta va nuruma zuk nyaka ale wensie la nyiŋ, 12mi ale nye dii ate fi bek la. Mi ale te fu yam ale miŋ chakka suinum, ate dila ale sak ayen waai liŋ karo ase fi la yaase waai a ŋman boro a nye ase fi la. 13A ŋman gum du m le te fu jabuui ate fi an bek wa wari la, jigsika ale zula ate dila ale basi ate fi vum daaŋa po fi a kan ta choa nalimaŋa po. 14Fi a dan va mi suitaŋa a va mi ŋmarisika ale mi wieŋa ase Deevid fi kowa ale jam nye diila, mi ale te fu nyuvuri woŋ.>>
15Solomon yaa lak nina a yaa miŋ la ale ku ka gɔdaasini. Wa yaa ŋmani cheŋ Jerusalem, a ga zaani Nyɔnɔwa nɔiyeŋka dakanni niŋ a kaab juka tiirita ale suiyɔgni tiirita. Wa yaa cheŋ ga nye ŋandiinta tigi a te wa nisɔmma meena.
16Taabuksa siye ale jan jam naawa jigi. 17Ba wanyi a yaa weeni ayen, <<Mi nyɔnɔ, nipowa de ale mi a bo ka yeri yeŋ po. Mi ale biak diipo la wa boro ale mi kama. 18Daa ŋata dai mi ale biak mi biika la ŋaaŋnyiŋ, nipowa de mɛ a biak buluek. Ti boro ka tidek ti nyiini, nuru a jam ka yenni po, ka tama tiyema nyiini. 19Yokku po nipowa de nidoabinni a yaa kpi dii nyiŋla wa jam duak ka wa zuk. 20Dila wa yaa yiti yokku suŋsuŋ a pai mi nidoabinni mi gauŋ alege mi fi tomteerɔwa a goa. Wa yaa pai wa a dueni wa nigoruk po ale pai wa nidoabili kpiuku a dueni mi nigoruk po. 21Vari ale veenti la, mi ale yiti ayen mi nidoabinni a ŋoosi la ale wa kpi, alege mi ale forisi paari a nya wa ase vanni ale veenti ate ku a nya la ale daa mi nidoabinni ate mi biak la ale du.>>
22Nipok nwala a weeni ayen, <<Aaya. Waai ale vua la ale mi nidoabinni waai ale kpi la ale fi nidoabinni.>> Alege nipok waai ale dɛ niŋka a biisi la a diema weeni a gum du ayen, <<Aaya. Waai ale kpi la ka fi ale soa, javukku ka mi ale soa.>> Ba kasim jam a nak nanpaŋŋa ka dila naawa niŋ.
23Naawa ayen, <<Wade ayen, <Mi nidoabinni ale vua ate fi a soa nidoabili kpiuku,> alege ate nwala ayen, <Aaya, fi nidoabinni ale kpi ate mi nidoabinni a vua.> >>
24Naawa yaa weeni ayen, <<Ni te mu gebik.>> Dila ba yaa te naawa gebika. 25Wa yaa weeni ayen, <<Ni gebi bi vukku gela buye a pai geli a te wanyi a pai geli ndila a te nwala mɛ.>>
26Nipok waai nidoabinni ale vua la jiirim yaa bo ale wa nidoabinni ate wa weeni naawa ayen, <<Mi a saalim m nyɔnɔ, pai buluek vukku a te wa kan ko wa.>> Alege nwala ayen, <<Mi yaase fi a kan soa wa. Gebi wa gela buye.>>
27Ate naawa yaa weeni ayen, <<Pai buluek vukku a te nipok waai ale dɛ niŋ a biisi la, kan ko wa, wa ale bulueku ma.>>
28Izirali demma ale jam wom naawa ale nya biika zuk diila ku yaa cha ba, dii nyiŋla ba jam nya kama ayen wa nya ka yam a nyini Wen jigi a nya nuruma zuk ale wensie.
Currently Selected:
1 Nalima 3: BWU
Highlight
Copy
Compare
Share
Want to have your highlights saved across all your devices? Sign up or sign in
© 2023, Ghana Institute of Linguistics, Literacy and Bible Translation
1 Nalima 3
3
1Solomon a jam nye ka nɔiyeŋ ale Faaro Ejipiti naawa a faari wa lie. Wa jam ta wa a jam ka Deevid Tɛŋka po ate ku paari diipo ate wa sɛ wa naam yenni ale Naawen Yenni ale parika ale gilim Jerusalem la a nueri. 2Nuruma a diem jam a kaab ka pimpitimaŋa zuima, dii nyiŋla ba an diem jam sɛ yeri a magsi Naawen Yuenni. 3Solomon a jam sak wa yaalika ale Naawen kama a va wa kowa Deevid ŋmarisika, ka wa ale jam a nye kaabka ale a ju ŋan baai nyum ale masa la pimpitima zuk la nyiini.
4Naawa yaa jam cheŋ Gibeon ayen wa nye kaabka, diila dula jam ka pimpitini dii ale chim jigi maŋ dek. Solomon yaa jam nye juka tiirita tusidi kuŋkuŋ kula zuk. 5Gibeon po Naawen yaa jan jam Solomon jigi yokku po gɔdaasini po, Wen jam weeni ayen, <<Bek jabuui ate fi a yaali ayen mi a te fu la.>>
6Ate Solomon a tulisi ayen, <<Fi sak ka ŋmanteka ale fi tomteerɔwa mi kowa Deevid, dii nyiŋla wa jam ta ka wensie ale fi ale wayɔrisima ale ta suinum maŋ. Fi kasim a sak ŋmanteka de a gum du kama ale wa a te wa nidoabili ayen wa kali wa naam zukpaglika zuk jinla danni. 7Yɔgyɔgla de Naawen mi Wen yaa, fi nye fi tomteerɔwa ka naab ate wa tagri za mi kowa Deevid naŋkula po. Alege mi diem ka bi fiik a zɛ mi ale mi nye dii a tom mi tuimaŋa la. 8Fi tomteerɔwa a bo ka dela fi nuruma ate fi a lueri la po, nuru boari, baai ale ŋmasi piisi a ka chiina. 9Dila te fi tomteerɔwa miŋ chakka suinum ate mi baga fi nuruma zuk a nya abe mi baga a gaari wie maŋsa ale wie kaasima. Nuru karo a baga fi nuru boanni de zuk a nya.>>
10Nyɔnɔwa yaa jam mariŋ Solomon ale bek kude la. 11Dila Wen yaa weeni wa ayen, <<Ase fi ale bek kude alege an bek nyuvu woŋ ale jigsika a te fidek la, yaase fi bek fi dachaasa kum wari la, alege ka miŋ chakka a ta va nuruma zuk nyaka ale wensie la nyiŋ, 12mi ale nye dii ate fi bek la. Mi ale te fu yam ale miŋ chakka suinum, ate dila ale sak ayen waai liŋ karo ase fi la yaase waai a ŋman boro a nye ase fi la. 13A ŋman gum du m le te fu jabuui ate fi an bek wa wari la, jigsika ale zula ate dila ale basi ate fi vum daaŋa po fi a kan ta choa nalimaŋa po. 14Fi a dan va mi suitaŋa a va mi ŋmarisika ale mi wieŋa ase Deevid fi kowa ale jam nye diila, mi ale te fu nyuvuri woŋ.>>
15Solomon yaa lak nina a yaa miŋ la ale ku ka gɔdaasini. Wa yaa ŋmani cheŋ Jerusalem, a ga zaani Nyɔnɔwa nɔiyeŋka dakanni niŋ a kaab juka tiirita ale suiyɔgni tiirita. Wa yaa cheŋ ga nye ŋandiinta tigi a te wa nisɔmma meena.
16Taabuksa siye ale jan jam naawa jigi. 17Ba wanyi a yaa weeni ayen, <<Mi nyɔnɔ, nipowa de ale mi a bo ka yeri yeŋ po. Mi ale biak diipo la wa boro ale mi kama. 18Daa ŋata dai mi ale biak mi biika la ŋaaŋnyiŋ, nipowa de mɛ a biak buluek. Ti boro ka tidek ti nyiini, nuru a jam ka yenni po, ka tama tiyema nyiini. 19Yokku po nipowa de nidoabinni a yaa kpi dii nyiŋla wa jam duak ka wa zuk. 20Dila wa yaa yiti yokku suŋsuŋ a pai mi nidoabinni mi gauŋ alege mi fi tomteerɔwa a goa. Wa yaa pai wa a dueni wa nigoruk po ale pai wa nidoabili kpiuku a dueni mi nigoruk po. 21Vari ale veenti la, mi ale yiti ayen mi nidoabinni a ŋoosi la ale wa kpi, alege mi ale forisi paari a nya wa ase vanni ale veenti ate ku a nya la ale daa mi nidoabinni ate mi biak la ale du.>>
22Nipok nwala a weeni ayen, <<Aaya. Waai ale vua la ale mi nidoabinni waai ale kpi la ale fi nidoabinni.>> Alege nipok waai ale dɛ niŋka a biisi la a diema weeni a gum du ayen, <<Aaya. Waai ale kpi la ka fi ale soa, javukku ka mi ale soa.>> Ba kasim jam a nak nanpaŋŋa ka dila naawa niŋ.
23Naawa ayen, <<Wade ayen, <Mi nidoabinni ale vua ate fi a soa nidoabili kpiuku,> alege ate nwala ayen, <Aaya, fi nidoabinni ale kpi ate mi nidoabinni a vua.> >>
24Naawa yaa weeni ayen, <<Ni te mu gebik.>> Dila ba yaa te naawa gebika. 25Wa yaa weeni ayen, <<Ni gebi bi vukku gela buye a pai geli a te wanyi a pai geli ndila a te nwala mɛ.>>
26Nipok waai nidoabinni ale vua la jiirim yaa bo ale wa nidoabinni ate wa weeni naawa ayen, <<Mi a saalim m nyɔnɔ, pai buluek vukku a te wa kan ko wa.>> Alege nwala ayen, <<Mi yaase fi a kan soa wa. Gebi wa gela buye.>>
27Ate naawa yaa weeni ayen, <<Pai buluek vukku a te nipok waai ale dɛ niŋ a biisi la, kan ko wa, wa ale bulueku ma.>>
28Izirali demma ale jam wom naawa ale nya biika zuk diila ku yaa cha ba, dii nyiŋla ba jam nya kama ayen wa nya ka yam a nyini Wen jigi a nya nuruma zuk ale wensie.
© 2023, Ghana Institute of Linguistics, Literacy and Bible Translation