1 Timotì 3

Tu we a wu tôknè nì ndâ Fùyèn

1À khɨŋa nâbi nde hi tè mò wut wù tihena a ndâ Fùyèn, wu hi khə na wù khɨŋa yi fèt yi kokne jwòfà kə ni. Gha mi yîn mô kə nâ hamok te ghɨ jîsà. 2Wùt wù tihena wuna kəta hi tè mò wut, ghɨta ngane wi wûn a yi ghâ yile, wu kəta kə wut wù ywên wù mòk, khə hi khɨte ngɨŋ à wûn, kokhe ngɨŋ à wûn, tôknè nì ghɨt a benana, fê khə hi yike ghɨt a bimena nâ a jûŋ. 3A kəta hi tè mò wut, nyo chyâhè wi lùkû, shɨŋa nê wi yi nî gha, nê wi gha hi yikte yi yiktî ghɨta, njaŋa chyâhè wi, se a wuna fwo wi a wu kâ. 4A kəta hi tè mò wut fate khɨte sah yi nda yi wuni nâ a jûŋ. Wu kəta hi tè nì na wana wuna hi ywo wûn fê kəta yi ngumlî. 5Wùt hì khə wi hi khɨte ghɨt a wuna a ndâ, ma wù nê khɨli yàni hi khɨte ndâ Fùyèn agha? 6A kəta hi tè mò wut teka wù kùktê bimi, bu yani ma wù hi ghaŋhe wunu, ma Yènfù fo ngə̂k ha wûn kə te wù tì fo ha deblì. 7A kəta hi tè mò wut, nâ ghɨt ale ghe a ghɨ baha mô teka ghɨ bimi ke wun, wu koknê shyəma deblì faŋ hi kwo a wûn a wu wə̀, na wù wumi.

Ghɨt ghe a ghɨ kəta hi tè gàmtì a ndâ Fùyèn

8Gha mɨ ghɨ̂n a mu jìsà ni, yènà kəbi ha ghɨt ghe a ghɨ fêtà a ndasu Fùyènsu. Ghɨna kəta hi tè kəta chyənà yì jùŋ, jîsà hamok, nyo chyâhè wi lùkû, se ghɨna fwo wi a wu kâ. 9Ghɨna kəta hi tè kəta kwâktì yi yuleni, fê bime gha kanana ghe a Yènfù chwùtè kum yi bimî yi ghàhnà. 10Ghɨt a bimena kəta hi fo yi mômhì ha ghɨt mɨ ghɨ̂n laŋ, ghɨna ki chyâ, ma ghɨ ki de na ghɨna hi fêtà a ndâ Fùyèn. 11Ywen a ghɨna ghe a ghɨ fêtà a ndâ Fùyèn boŋa kəta hi tè kəta chyənà yì jùŋ, lêmà wi kowòŋ, mô kə a ghɨna yi tof, nê nâbi ghə kə hamok.

12Nâbi wùni wùt wù fètana a ndâ Fùyèn kəta hi tè kəta kə wùt ywên wù mòk, fê tôknè nì wana wuna fê tôknè kəbi nì sah yi nda yi wuni nâ a jûŋ. 13Ghɨt ghe a ghɨ nê fêt yi ghɨna a jûŋ kətalò yet yi jûŋì fê kəta təm a ta hi tè jìs gha kum yi bimî ye a ghɨna kəta ha Klistù Jisòs.

Bôl jis kum yikî hamok ye a Yènfù chwùtè banhe

14Mu nyak ŋwàklù yina ha wò, kəta kə nâ yi kwâktì na mu nè bê yenalò wò, 15ma gha yile ki nî na mu lala, ma wò hi khə lum te a ghàhnà kəta hi tè chyə̂ atɨ̂n te sah yi ndâ Fùyènì, a mô ghɨt a bimena Fùyènà fe a fu chyə. Nôn mɨ ghɨ̂n tòkà gha ye a yi mô hamok. Ghɨ tôkà yikî hamok kəbi te tôkù nì chyə a ndâ yè tôkà, fê khɨte ndâ na yì timè hi tâ.

16Yi mô kə nâ hamok na bimî yi ghàhnà kətalò gha yi leteni te Yènfù chwùtè banhe, yi ghaka kə ni:

Klistù ti ben lyi wu wun wu wûtù,

Yohnà Yulena chwûtì na wù mô a jûŋ a Yènfù ashyə̂,

Anjèlsu Fùyènsu yen wûn,

ghɨ yiki a gha kum wûn lak tù jɨ̀m,

ghɨta bimi ha wûn a mbyî,

Yènfù lyi kwok nì wûn a nyə̂.

Gha a letena a kanana mɨ ghɨ̂n a Klistù ndùku chwûtè ha ghàhnà kum ngɨŋ à wûn mô hamok, nâ wùt bu hi tunhî.

Currently Selected:

1 Timotì 3: bmv

Highlight

Copy

Compare

Want to have your highlights saved across all your devices? Sign up or sign in

Learn More About Ŋwàklù Fùyèn Kàn Mù Fê (Cameron)

Popular Bible Verses from
1 Timotì 3

Listen to 1 Timotì 3

Videos for 1 Timotì 3

1 Timothy 2-3

BibleProject

1 Timothy 3

Streetlights

1 Timotì 3

Popular Bible Verses from
1 Timotì 3

Listen to 1 Timotì 3

Videos for 1 Timotì 3

1 Timothy 2-3

1 Timothy 3

Bible:

Bum

Version: Ŋwàklù Fùyèn Kàn Mù Fê (Cameron) - bmv

1 Timotì 3

1 Timotì 3

Popular Bible Verses from 1 Timotì 3

Listen to 1 Timotì 3

Videos for 1 Timotì 3

1 Timothy 2-3

1 Timothy 3

Bible:

Bum

Version: Ŋwàklù Fùyèn Kàn Mù Fê (Cameron) - bmv

1 Timotì 3

Popular Bible Verses from
1 Timotì 3