1 Kòlitiyàns 8
8
Gha kum nyam se a ghɨ fo ha yèn mù
1Mu khɨŋa hi jìs yi gha chin kum mwə̀ mù yə̂mù me a ghɨ fo ha mosòmù. Ghàhnà khə na ghàhnà à jɨ̀m kətalò tofu. Tofu bênà kə nì ghaŋhi wùni biyani kôŋì ba à ghɨ̂t. 2Wùt we a wù kwàktè na yi khəlò gha baha mô teka wù khɨlè tan te wù kəta hi tè khə. 3Biyani ma wùt shìki kôŋà Fùyèn, ma Yènfù hi khə wûn.
4Hi jìs yi gha kum mwə̀ mù yə̂mù me a ghɨ fo ha mosòmù, ghàhnà khə na mosòmù wijə shyə ale. Ghàhnà khə kəbi na Yènfù mò kə fù mòk. 5Nâbi ghɨt ale kwàktè na yèn mùlè nì bâba làwû a mbyî, fê mô a nyə̂, dô kə ni, 6a mô ha ghàhnà, ghɨ khə na, Yènfù mò kə fù mòk, a mô Bì. À fati wun nâ mwə̀ mù jɨ̀m, ni na ghàhnà hi chyə̂, ngumle wûn. A fê mô kə Bâba wù mòk, a mô Jisòs Klistù, ma ghɨ tì fati mwə̀ mù jɨ̀m tohne a wûn, ghàhnà hì chyə̂ kə kum wûn.
7Nâbi ya, a wijə ghɨt à jɨ̀m a ghɨ khə gha mɨ ghɨ̂n. Ghɨt ale hì mô ma gha mù yèn mu yîn ti khəta ha ghɨna, ghɨna tê hì yə mwə̀ mù yə̂mù ma ghɨ fo ha yènû, gha tɨni ti faŋ kə a ghɨna yi kwàktì. A ni gha ye a yi bobhe kwâktì yi ghɨna beka yi bota. 8Mwə̀ mù yə̂mù wi hi nè na ghàhnà nì Yènfù hi bu a jûŋ. Ghàhnà lə̀hènè wijə shyə ale a wu yu afa ghàhnà faŋa hi yə̂, mbì bu wu yu afa ghàhnà yə.
9Ghàn tòkna, kə lum we a ghàn nè gha ghana ghɨ ngɨŋa atɨ̂n a ghɨt ghe a fùtɨ̂n a bimî yi ghɨna bota na kə ghɨna lye a be. 10Wò khə na wùt ki yena wò nì tof we a wò kəta, wo mô a ndâ fù mosò wu lùk wu yəna, ma yi ni wûn a wu yu afa wù kəta kwâktì yi boti, na wù yə mwə̀ mù yə̂mù ma ghɨ fo ha yèn mù. 11Yi ki gân ni, ma à hi mô na tof ya ti bobhi wâ nâ we kwâktì yi wuni bota, ma Klistù tì kpu kum wûn. 12Ghàn hi khə na ghàn nè ni, ma à hi mô na ghàn ti ni be ha wana ne ghe te ghàn bobhe kwâktì yi ghɨna, yi baha botâ, a mô be te ghàn ne ha Klistù. 13Yi ni mò na, nyàm shìki mô hi nì na wâ nôm ni be, ma mu bê tè fè kut a nyâm, kə mu ni na wù fen.
Currently Selected:
1 Kòlitiyàns 8: bmv
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc.
