Уэрэд 59
59
59-нэ Уэрэд
Тхьэм гугъуехьым укъыхишыжыным теуха тхьэлъэӀу
1УэрэдыӀуэхэмрэ пшынауэхэмрэ я пашэм папщӀэ. «Шушан-Эдут» макъамэр щӀэлъу ягъэӀу. Яджын папщӀэ Даут иуса уэрэд
2Месопотамие хэкумрэ Цовэ къалэмрэ ящыщ арамей цӀыхухэм Даут езауэ щыхъум, къэкӀуэжрэ пэт КӀей Шыугъэм деж эдом цӀыху мин пщыкӀутӀ Иоаб пащтыхьым щыщиукӀым, Даут иуса уэрэд
3Уэ, ди Тхьэ! Дебгъэзащ дэ, дызэхэпкъутащ,
укъытхуэгубжьащ: зыкъытхуэгъазэ.
4Бгъэсысащ Уэ щӀыгур,
зэхэпкъутащ,
зэщыудауэ абы иӀэхэр зэфӀэгъэувэж,
сыту жыпӀэмэ ар мэхъей.
5Уи цӀыху лъэпкъым гугъуехь ебгъэшэчащ,
дыщхьэщызыху санэ дебгъэфащ.
6ФӀэлӀыкӀ къыпхуизыӀэхэм къахуэӀэт бэракъыр
шабзэшэр къатемыхуэн папщӀэ;
7Уэ фӀыуэ плъагъухэр гугъуехьым хэкӀыжын папщӀэ;
Уи Ӏэ ижьымкӀэ сыкъегъэли,
сызэхэх.
8И унэ лъапӀэм Тхьэм щыжиӀащ:
«ФыгуфӀэ, Шихэм згуэшынщ,
Суккот кӀейри тезгуэшэнщ.
9Гилеад, Мэнашэ сысейщ,
Эфраим – си тажщ,
Иудэ – си дыщэ къащӀэщ.
10Моаб – зызэрыстхьэщӀ Ӏэгубжьэщ,
Эдом – си шырыкъур тезгъэувэнщ,
Филишт щӀыгум си макъыр
гуфӀэгъуэшхуэкӀэ щысӀэтынщ».
11Къалэ гъэбыдам хэт сыдэзышэнур?
Хэт Эдом сынэзыгъэсынур?
12Уэракъэ ӀэщӀыб дызыщӀауэ
ди дзэм гъусэ къахуэмыхъур, ди Тхьэ?
13Гугъуехьым дыхэтщ, къыддэӀэпыкъу –
пщӀэншэщ цӀыхум ущыгугъыныр.
14Тхьэр ди гъусэмэ, текӀуэныгъэр дыдейщ.
Ар ятекӀуэнщ ди бийхэм.
Currently Selected:
Уэрэд 59: KbdNTGP2017
Highlight
Copy
Compare
Share
Want to have your highlights saved across all your devices? Sign up or sign in
© Библиер зэдзэкӀыным елжь Институт, 1993, 2007, 2011, 2017
