Уэрэд 49
49
49-нэ Уэрэд
Тхьэр гукӀи псэкӀи гъэлъэпӀэныр
Асаф и уэрэд
1Къопсалъэ ЛъэкӀыныгъэ псори зиӀэу
Тхьэуэ Зиусхьэныр
щӀыгум и цӀыхухэм къоджэ
дыгъэ къуэкӀыпӀэм щегъэжьауэ
къухьапӀэм нэсу.
2Цион Ӏуащхьэу дахагъэм и щапхъэм
Тхьэр нэхунэу, дыгъэм хуэдэу къыщопс.
3Къос ди Тхьэр, Абы зиущэхуркъым:
Абы и пэ итщ мафӀэлыгъейр,
жьыбгъэшхуэр къещӀэкӀащ Абы.
4Ар уэгуми щӀыгуми
щыхьэту къоджэ
и цӀыху лъэпкъым хьэкум тригъэщӀыхьыну.
5Къысхуэщыпкъэхэр къысхуэвугъуей
къурмэн щӀыгъуэм сызыгурыӀуахэр.
6Абы и щыпкъагъэ уэгум къыщоӀу.
Езы Тхьэращ хеящӀэр.
7«КъэдаӀуэ, сыкъэпсэлъэнущ, си цӀыху лъэпкъ;
Израил, уэ узгъэкъуаншэу щыхьэт сыхъунущ;
Сэ сы-Тхьэщ, сэращ уэ уи Тхьэр!
8Къурмэну пщӀыхэракъым
зэрызгъэкъуаншэр,
къурмэну пщӀыхэр
Сэ куэду солъагъу.
9Уи унэ къикӀа тани
уи пщӀантӀэ къыдэкӀа ажи
Сэ сыхуэныкъуэкъым.
10Сэ сысейщ хьэкӀэкхъуэкӀэ псори,
бгы минхэм ит былымхэри.
11Сэ сощӀэ: бгым щызелъатэ
бзу псори,
губгъуэм ис псэущхьэ псори
сысейщ.
12МэжэщӀалӀагъэм сригъэзкӀи,
уэ бжесӀэнукъым;
сыту жыпӀэмэ Сэращ дунеишхуэри
абы тет псори зейри.
13Былымыл зэгуэрым сшха,
ажэм и лъым сефа?
14Тхьэм хуэпщӀ щӀыхьыр
уи къурмэныпхъэ ирехъу,
Псом я нэхъ Лъагэм
псалъэу ептар гъэзащӀэ.
15Къин щыплъагъу махуэм къызэджэ,
укъыхэсшынщ,
уэри щӀыхь къысхуэпщӀынщ».
16Ауэ Тхьэм цӀыху бзаджэм къыжреӀэ:
«Си унафэхэр сыт щӀэпӀуатэр,
унафэу фхуэсщӀам и гугъу щӀэпщӀыр?
17Си ущиехэм нэмыплъ епту,
си псалъэхэм зыщыбодзей.
18ДыгъуакӀуэр щыплъагъукӀэ, угуохьэ,
куэпэчхэми уащӀыгъущ.
19Бзаджагъэ жыпӀэну,
уи жьэ зэтыбох,
уи бзэгум хьилагъэхэр къепсэлъ.
20УтӀысауэ, уи къуэш уоуб,
уи анэ и дэлъху и мыхьэкъ,
хуэмыфащэ йопэс.
21Ар щыблэжьым, Сэ зыри жысӀакъым,
уэ сыпхуэдэу плъытащ абы щхьэкӀэ.
УкъыщӀызогъэщ иджы,
уи пащхьэ къызолъхьэ гуэныхьу блэжьар.
22ЗэхэфщӀыкӀ ар фэ, Тхьэр
зыщыгъупщэхэм,
армырмэ фызэхэстхъуэнщ,
фыхэзышыжын фымыгъуэту.
23Къурмэн хуэдэу,
щӀыхь къысхуэзыщӀым сегъэлъапӀэ,
зи гъуэгу ириплъэжыр къригъэлын
Тхьэм зэрылъэкӀыр езгъэлъагъунщ».
Currently Selected:
Уэрэд 49: KbdNTGP2017
Highlight
Copy
Compare
Share
Want to have your highlights saved across all your devices? Sign up or sign in
© Библиер зэдзэкӀыным елжь Институт, 1993, 2007, 2011, 2017
