ФӀэщхъуныгъэ яӀэу Колоссэ къалэм дэсхэм апостол Паул яхуитха тхылъ 4
4
4-НЭ ЕДЗЫГЪУЭ
1Тепщэхэ, фэри Зиусхьэн уафэм зэрыщывиӀэр фщӀэуэ, фи унэӀутхэм фазэрыхущытын хуейм тету икӀи захуэу фахущыт.
Иужьрей Ӏуэхуу Паул ягуригъаӀуэхэр
2Тхьэм зэпымыуэ фелъэӀу. Тхьэм фелъэӀу щыхъукӀэ, фымыжейуэ фысакъ, Тхьэм и фӀыщӀи фщӀы. 3Тхьэм дэри фытхуелъэӀу. Мэссихь теухуа Ӏуэху щэхухэр#4:3 Мэссихь теухуа Ӏуэху щэхухэр – еплъ 1:26, 27; 2:2. цӀыхухэм едгъэщӀэн папщӀэ, хъыбарыфӀым щхьэкӀэ бжэр къытхузэӀуихыну Тхьэм фелъэӀу. А хъыбарыфӀыр цӀыхухэм зэрезгъащӀэращ лъэхъуэщым сыщӀадзауэ сыщӀыщӀэсыр. 4А хъыбарыфӀыр цӀыхухэм зэрахуэсӀуэтэн хуейм тету, нахуэу яхуэсӀуэтэну Тхьэм фысхуелъэӀу. 5Игъуэр блэвмыгъэкӀыу, фэ къыфщымыщ цӀыхухэм акъылыфӀагъэкӀэ фахущыт. 6Псалъэ мышыухэр хэмыту, фи псалъэхэр ирегуапэ. Хэти жэуап зэрефтын хуейр зэвгъащӀэ.
Иужьрей фӀэхъус псалъэхэр
7ФӀыуэ тлъагъу ди къуэш Тихик#4:7 Тихик – Паул дэлажьэу, и гъусэхэм ящыщу щытащ. Апостол. 20:4 зэритымкӀэ, ар Асие хэкум щыщащ. Еплъ Ефес 6:21; 2 Тим. 4:12; Тит 3:12. си хъыбар псори фигъэщӀэнущ. Ар Зиусхьэным и ӀуэхумкӀэ пэжыгъэкӀэ дэ къыддоӀэпыкъу икӀи къыддолажьэ. 8Мы Ӏуэху дыдэр арщ, ди Ӏуэхухэр зытетыр фигъэщӀэну, фигъэгушхуэну, Тихик фи деж ныщӀэзгъакӀуэр.#4:8 Тихик фи деж ныщӀэзгъакӀуэр – Паул итха тхылъыр Колоссэ къалэм дэсу фӀэщхъуныгъэ зиӀэхэм Тихик яхуихьын хуеящ. 9Абы и гъусэу узыщыгугъ хъуну икӀи фӀыуэ тлъагъу ди къуэш Онисим#4:9 Онисим – еплъ Филемон. нызогъакӀуэ. Ар фи цӀыхухэм ящыщщ. А тӀум мыбы щекӀуэкӀ Ӏуэху псори фагъэщӀэнущ.
10Лъэхъуэщым къыздыщӀэс Аристарх#4:10 Аристарх – Паул дэлажьэу и гъусэхэм ящыщу щытащ. Аристарх Фессалоникэ къалэм щыщу щытащ. фӀэхъус къывехыж. Варнавэ#4:10 Варнавэ – чыристан унафэщӀ къуэш инхэм ящыщу щытащ. Паул и Ӏуэхур щищӀа япэрей илъэсхэм Варнавэ абы и гъусэу щытащ. Еплъ Апостол. 4:36; 13:1–15:39. и унэкъуэщ Марки#4:10 Марк – Иуан МарккӀэ зэджэу Ерусалим щыщу щытар арщ. Еплъ Апостол. 12:12, 25; 13:5, 13. фӀэхъус къывехыж. Марк теухуауэ унафэ фхуэсщӀащ: Фи деж накӀуэмэ, екӀуу евгъэблагъэ. 11ИусткӀэ зэджэ Исус фӀэхъус къывехыж. Тхьэм и Тепщэныгъэшхуэм щхьэкӀэ къыздэлажьэ цӀыхухэм яхэт журтхэр аркъудейщ. Абыхэм ину сагъэгушхуащ. 12Епафрасу#4:12 Епафрас – еплъ 1:7. фи цӀыхухэм ящыщу Хьисэ Мэссихь хуэлажьэм фӀэхъус къывехыж. Ар Тхьэм пэжкӀэ фхуелъэӀу зэпытщ, Тхьэм и гъуэгум быдэу фытригъэтын, сыт и лъэныкъуэкӀи езыр зыхуей Ӏуэху псори зыхуэдэр нэсауэ къывгуригъэӀуэн папщӀэ. 13Епафрас куэду фэ къызэрыфхуэлажьэмкӀи, ди къуэшу Лаодикие,#4:13 Лаодикие – еплъ 2:1. Иерапол#4:13 Иерапол – Колоссэ къалэм километр тӀощӀкӀэ пэжыжьэу и ищхъэрэ-къухьэпӀэ лъэныкъуэм итащ. къалэхэм* дэсхэм куэду зэрахуэлажьэмкӀи сыщыхьэтщ. 14Дэ фӀыуэ тлъагъу ди дохутыр Лукарэ#4:14 Лука – ар Паул куэдрэ и гъусэхэм ящыщу щытащ. Димасрэ фӀэхъус къывахыж. 15Лаодикие къалэм дэс къуэшхэми, Нимфани, абы и унэ щызэхыхьэ члисэ зэхуэсми фӀэхъус схуефхыж.
16Мы тхылъым феджа нэужь, Лаодикие щыӀэ члисэ зэхуэсым щыщхэри мы тхылъым иреджэ. Фэри Лаодикие щыӀэ члисэ зэхуэсым щыщхэм ныфхурагъэхьыну си тхылъым феджэ.
17«Зиусхьэным уи пщэм къыдилъхьа Ӏуэхур гъэзащӀэ», жыфӀи, Архипп#4:17 Архипп – еплъ Филемон 2. схужефӀэж.
18Сэ, Паул, мы фӀэхъус псалъэхэр си ӀэкӀэ сотх. Мы Ӏэхъулъэхъу сызыӀыгъхэр зыщывмыгъэгъупщэ. Мэссихь и нэфӀ къыфщрехуэ. Ӏэмин.
Highlight
Copy
Compare
Share
Want to have your highlights saved across all your devices? Sign up or sign in
© Библиер зэдзэкӀыным елжь Институт, 1993, 2007, 2011, 2017
