Лука 24
24
24 къаьм
Иса авараг шунаъ иᵸхъаъас
1Анкьилала аьᵸйда̄ла водиъ#24:1 ГьатӀан (базай) водиъ. хискьа къайкьа, гьиде гьаьдур йо̄йо кӀетӀо маьгь гаьгьийо йеᵸлъна йежена, ийо̄л мекьейо шунакьа. 2Амма гьоллол шунакьа аьᵸйда̄ йецокьа гулло кьало ата̄кӀна йиᵸхъос. 3Эᵸдобаклъо, Кьодда̄ла Исас жаназа шунаъ михъаъас. 4Гьолълъокьа гьикмат бахъна сийона йовал йикъечӀе гьихбалъоваъ, гьоллодой аьᵸйда̄ эчеш кӀетӀо бабало лъицӀо лъичӀейа̄ къона сукӀо. 5ГьийабачӀейахъа ийо̄л лӀийода̄ муьвакъона бечена бегабалъ, гьогло къонина гьоллохъа нисойо:
6– Суд миже бувагъова̄ъ эᵸдо ЧӀагояб СукӀо иᵸзца? Гьули гьолӀоъ гаьъа. Гьули угъоваъас кьа̄ь чӀаго ахъна. ЙакӀкьа йоᵸкъола Галилеялиъ гаьгьийа мехлаъ, Гьокцо мизохъа нисойо жо: 7Аьдамлис Оьжо гьакъкъа мунагьла̄д бовацӀийа аьдамла̄хъа ницца, бета гьолло Гьули хъанчлилъ охонна икьеш, амма угъона лъанасла водиъ Гьули кьа̄ь чӀаго ахъца, – лӀо.
8Гьолло ийола̄л Иса нисойо жо йакӀкьа йоᵸкъойо. 9Шунакьаш мокъолъ, ийола̄ вагьло хабар ме̄йо Исала ацӀон сид гьицала чапарлихъана, гьула̄зу бадло асгьабла̄хъана. 10Гьолло̄л ийо̄л зувакъойо Мариян Магдаленана, Иоаннана, Якъубис ийо Мариянна, баддо̄нна. Ийола̄ чапарла̄хъа вагьлозу хабар ме̄йо. 11Асгьабла̄л гицӀийо вагьга̄зу хабар гейлӀона. Ийола̄ла хабалликьа гьолло̄л боьважеэш. 12Амма вагьаллиъисзу Петер аьгъиъна чӀалликьа эᵸкьейо шунакьа. Эᵸдона эᵸкьена говацӀолъ, мусрова̄ъ бади сийона жо йиᵸхъеэш гьулиъ. Гьикматна ахъна гьули кьа̄ь билӀогъа эᵸкьейо.
Угъоваъас ахъийо Иса авараг гьид кези ахъца
13Вагьалълъозу водиъ Исас къона асгьаб Иерусалимлиъис ацӀона гьоᵸс киламетралаъ цӀихода̄ гаьгьийа ЭммауслӀо нисоцала аьлӀаъ эᵸкьеш зукъойо. 14КъацӀцӀо йахъийа жойлала хабарликьа зукъойо гьолло̄л. 15Йахъийо-йеᵸкьейо жо йакӀкьа йоᵸкъонна бикълабашена мекьешлаъ, Жу Иса гьоллодойна гьицакна къацӀо эᵸкьеш зукъойо. 16Амма Аллагьли Иса гьоллол икъал ойэш, гьоллола гьаьйда̄ьгъа аьᵸйда̄ пардав гунна зукъойо. 17Иса гьоллохъа нисолло:
– Лъинисди миже бикълабашеш гьиногьид мекьешлаъ?
18Пашманлъилаъ мекьецас гьолло̄л беченувацӀийо. Сидцойла, Клеопа ца̄ᵸ гаьгьийасола, Исахъа нисойо:
– ВагьалӀо водла̄ъ Иерусалимлиъ мокъова̄ъ эᵸдо йахъийо жо йикъаъцас гьоᵸс мийа̄ъ зогъассаъ.
19– Лъинис? – лӀо нисолло Иса.
– Назаретлила Исас, – лӀо нисона жаваб нилӀийо гьолло, – Гьули зукъойо Аллагьлидойна къацӀцӀо халкъиладойна аьᵸйда̄ Гьини богьцала гьаьлтӀиласна, йаьжисна, гьаьлкӀолъи гаьгьийо авараг. 20Амма букъа̄ кашишла̄на гьаькимла̄на Гьули икьал гьоькмо бойиллийо, Гьули хъанчлилъ охолло. 21Вай, илол гицӀна зукъойо Вагьаллисо Израиллис халкъ хъосар бовал оᵸкъойо сукӀо гейлӀона. Гьуна жейса лъанас водо гей вагьли жо йахънас. 22Амма гьоᵸсо илла ийола̄ ме̄йа хабарли иле гьикмат бо̄йо. Жейса хискьа къайкьа мекьена зукъойо гьолло̄л Исала шунакьа. 23Гьогцос жаназана михъечӀе, Гьуги чӀаго гейлӀо нисоцас малаикла бегаба̄йолӀо нисона ийо̄л кьа̄ь мокъойо. 24Илоъ эᵸдос саддо̄л шунакьа мекьелъ, ийола̄ нисогъа шунаъ жу Иса иᵸхъеэш.
25Вагьлиъис Иса гьоллохъа нисойо:
– Аварагла̄ аьᵸйда̄жу нисоцала жойлакьа боьважал баькъкъа̄ъ йакӀис аьгьмакъабла аьдамла гей миже! 26Масигьли азаб-акъуба гьекези бовал нуцӀаъасди, вагьла̄йаъ гьули Гьинила букъа рецлиъ оᵸкъал нуцӀос зукъойо.
27Мусакьалакьа̄ уьхолъна къацӀцӀа̄ авараглана бакӀкьа мокъонна, гьинис ТӀекла̄кьа чахийо шинаб жо биджи йо̄йо Иса гьоллол.
28Гьаᵸже гьолло̄л гьоглӀо аьлӀадой мокъаллъейо. Иса эченоцӀечӀе эᵸкьецас хел бо̄йо. 29Бохъна боъца, нишеш мехна мокъос, илогъой къацӀо вагьалӀо аьлӀаъ нише эчелӀо нисона гьарзи йо̄йо Гьолцохъа. Рази ахъна Исана гьоллогъой нише эцал билӀоъ эᵸдокийо. 30Бесал муьхобалълъо, Иса рец-бакълис доьъана богьна, букӀинна баьба нилӀийо гьоллохъа. 31Вагьлиъис аьᵸйда̄ш пардавна йолъона гьоллос гьаьйда йеᵸйагьейо – Иса гаьгьийолъи икъейо. Амма Иса гьоллол эга̄ъцас ахъийо. 32Бета гьолло сидхъа-гьоᵸсо нисойо:
– Гьиногьид гьидехъа икълашена, ТӀекла̄кьа гаьгьийо хабар биджи бо̄слаъ, цӀоъцой зукъеэшди илос йакӀода?
33Вагьаллиъисзу гьолло̄л баьгъбаъна Иерусалимлиъ кьа̄ь мекьейо. Шагьарбаъ эᵸдобаклъо, гьоллол мийахъойо ацӀона гьоᵸс чапарна, гьула̄зу баддо̄л аьдамлана асгьаблана. 34Гьодло гьоллохъа нисойо: унгосалда Кьодда̄с Иса чӀаго ахъна гей. Шунаъас аьгъиъийо Гьули Симонил эгана. 35Гьодлона ме̄йо гьидегъой къацӀо Иса гьид зукъовас, бесцалаъ баьба букӀиллъо, гьидел Гьули Иса гаьгьийолъи икъейас хабар.
АцӀон сид чапарлидойна асгьабла̄дойна аьᵸйда̄ оᵸкъос
36Вагьла̄ гьолло̄л бикълабашешлаъ, салам алайкумлӀо нисона Иса гьоллокьа кьодо оᵸкъойо. 37ГьийабачӀена, гьаьл хуьжона гьихбалъова̄ гьодлол гицӀийо вагьло бувагъова̄с ругь зогъцалӀо гьидедой мокъона.
38Иса гьоллохъа нисойо:
– Суд миже гьийабачӀена? Суд мизола йакӀиъ шаклъи гей? 39ГуцӀобахъ Дӣхъа: гьуна Дие ко̄да, гьуна Дие хаьба̄. До мизодой аьᵸйда̄ эцокьа эчена гей. Ко̄ йеᵸхенна хал бова мижезу. Бувагъова̄ла ругьлис лӀоьᵸва̄на лӀоьᵸва̄кьа хона йахъцади? Диела магъокьа вагьли гей.
40Вагьла̄на нисона, Иса гьинис ко̄дана хаьба̄на гьоллол йегабалло. 41ЙилӀа разина гьайран-гьикматна бахъийахъа, боьважечӀецойна бегабалъ, Иса бесал кен гаьъадлӀо нисолло. 42Гьолло Исахъа нилӀийо зиза̄ бисалис роъил. 43Гьоллодой аьᵸйда̄кьа бокчина муьхъийо Гьинил нилӀийо биса.
Ахирияб букъо тӀадкъай
44Бета Иса гьоллохъа нисойо:
– Гьуна, До гьогго̄лъо нисова йаьжла̄ш маъна: Мусалана бадло аварагла̄ла ТӀекла̄кьана, забурла̄кьана Дӣкьас чахийо шинаб жо йахъал нуцӀослӀо нисона. 45Гьолцо гьоллос гьаьйда йеᵸйагьелло ТӀекликьа чахийо жо гьоллол биджи йахъалъгъа. 46Бетана Гьолцо нисойо гьоллохъа:
– ТӀекликьа чахна гей Масигь азаб-акъуба нилӀна угъос, угъона лъанасла водиъ шунаъаш аьгъиъца. 47Иерусалимлиъкьа̄ муьхобалъна къацӀцӀола халкъилахъа, мунагьла чурзи йовагьцала Аллагьлилъда̄ муьвахолӀо, гьолцола ца̄ᵸйакьа гьулина нисослӀо. 48Мизол вагьли къацӀцӀо гьаькъкъаб гаьгьийолъи йега̄йо, миже нуьъла гей. 49Диела Або кьодо йохийо жо гьаколъечӀе До мизодой йе̄ᵸш. Вагьли гьаьлкӀолъи кьодда̄с мизодой йоᵸкъоцал, Иерусалим шагьарбаъ бече.
Иса авараг гьаᵸсаъ эᵸкьейо
50Иса гьолло̄л Иерусалимлиъис Бетанийалиъикцал бейажейо. Ко̄дана гувацӀонна баркат гулалӀо нисойо. 51Иса гьоллол доьъана богьна, Гьули гьаьтеэчена гьаᵸсаъ эᵸкьена оъийо. 52Гьолло̄л сикӀо лӀийода̄ бейакийо, бета йукъа разилъилакьа Иерусалимлиъ мекьейо. 53Гьолълъогъа муьгъатта̄ гьолло̄л Аллагьлила билӀоъ бечейо, Аллагьлил воддиъ тасбигьна йогьна. Амин!
Currently Selected:
Лука 24: KapPROLUK
Highlight
Share
Copy
Want to have your highlights saved across all your devices? Sign up or sign in
© Библия таржама йогьцас Институт, 2005 (PRO)
© Басмалаъ йагъойо Библия таржама йогьцала Институтли, 1999 (LUK)
Лука 24
24
24 къаьм
Иса авараг шунаъ иᵸхъаъас
1Анкьилала аьᵸйда̄ла водиъ#24:1 ГьатӀан (базай) водиъ. хискьа къайкьа, гьиде гьаьдур йо̄йо кӀетӀо маьгь гаьгьийо йеᵸлъна йежена, ийо̄л мекьейо шунакьа. 2Амма гьоллол шунакьа аьᵸйда̄ йецокьа гулло кьало ата̄кӀна йиᵸхъос. 3Эᵸдобаклъо, Кьодда̄ла Исас жаназа шунаъ михъаъас. 4Гьолълъокьа гьикмат бахъна сийона йовал йикъечӀе гьихбалъоваъ, гьоллодой аьᵸйда̄ эчеш кӀетӀо бабало лъицӀо лъичӀейа̄ къона сукӀо. 5ГьийабачӀейахъа ийо̄л лӀийода̄ муьвакъона бечена бегабалъ, гьогло къонина гьоллохъа нисойо:
6– Суд миже бувагъова̄ъ эᵸдо ЧӀагояб СукӀо иᵸзца? Гьули гьолӀоъ гаьъа. Гьули угъоваъас кьа̄ь чӀаго ахъна. ЙакӀкьа йоᵸкъола Галилеялиъ гаьгьийа мехлаъ, Гьокцо мизохъа нисойо жо: 7Аьдамлис Оьжо гьакъкъа мунагьла̄д бовацӀийа аьдамла̄хъа ницца, бета гьолло Гьули хъанчлилъ охонна икьеш, амма угъона лъанасла водиъ Гьули кьа̄ь чӀаго ахъца, – лӀо.
8Гьолло ийола̄л Иса нисойо жо йакӀкьа йоᵸкъойо. 9Шунакьаш мокъолъ, ийола̄ вагьло хабар ме̄йо Исала ацӀон сид гьицала чапарлихъана, гьула̄зу бадло асгьабла̄хъана. 10Гьолло̄л ийо̄л зувакъойо Мариян Магдаленана, Иоаннана, Якъубис ийо Мариянна, баддо̄нна. Ийола̄ чапарла̄хъа вагьлозу хабар ме̄йо. 11Асгьабла̄л гицӀийо вагьга̄зу хабар гейлӀона. Ийола̄ла хабалликьа гьолло̄л боьважеэш. 12Амма вагьаллиъисзу Петер аьгъиъна чӀалликьа эᵸкьейо шунакьа. Эᵸдона эᵸкьена говацӀолъ, мусрова̄ъ бади сийона жо йиᵸхъеэш гьулиъ. Гьикматна ахъна гьули кьа̄ь билӀогъа эᵸкьейо.
Угъоваъас ахъийо Иса авараг гьид кези ахъца
13Вагьалълъозу водиъ Исас къона асгьаб Иерусалимлиъис ацӀона гьоᵸс киламетралаъ цӀихода̄ гаьгьийа ЭммауслӀо нисоцала аьлӀаъ эᵸкьеш зукъойо. 14КъацӀцӀо йахъийа жойлала хабарликьа зукъойо гьолло̄л. 15Йахъийо-йеᵸкьейо жо йакӀкьа йоᵸкъонна бикълабашена мекьешлаъ, Жу Иса гьоллодойна гьицакна къацӀо эᵸкьеш зукъойо. 16Амма Аллагьли Иса гьоллол икъал ойэш, гьоллола гьаьйда̄ьгъа аьᵸйда̄ пардав гунна зукъойо. 17Иса гьоллохъа нисолло:
– Лъинисди миже бикълабашеш гьиногьид мекьешлаъ?
18Пашманлъилаъ мекьецас гьолло̄л беченувацӀийо. Сидцойла, Клеопа ца̄ᵸ гаьгьийасола, Исахъа нисойо:
– ВагьалӀо водла̄ъ Иерусалимлиъ мокъова̄ъ эᵸдо йахъийо жо йикъаъцас гьоᵸс мийа̄ъ зогъассаъ.
19– Лъинис? – лӀо нисолло Иса.
– Назаретлила Исас, – лӀо нисона жаваб нилӀийо гьолло, – Гьули зукъойо Аллагьлидойна къацӀцӀо халкъиладойна аьᵸйда̄ Гьини богьцала гьаьлтӀиласна, йаьжисна, гьаьлкӀолъи гаьгьийо авараг. 20Амма букъа̄ кашишла̄на гьаькимла̄на Гьули икьал гьоькмо бойиллийо, Гьули хъанчлилъ охолло. 21Вай, илол гицӀна зукъойо Вагьаллисо Израиллис халкъ хъосар бовал оᵸкъойо сукӀо гейлӀона. Гьуна жейса лъанас водо гей вагьли жо йахънас. 22Амма гьоᵸсо илла ийола̄ ме̄йа хабарли иле гьикмат бо̄йо. Жейса хискьа къайкьа мекьена зукъойо гьолло̄л Исала шунакьа. 23Гьогцос жаназана михъечӀе, Гьуги чӀаго гейлӀо нисоцас малаикла бегаба̄йолӀо нисона ийо̄л кьа̄ь мокъойо. 24Илоъ эᵸдос саддо̄л шунакьа мекьелъ, ийола̄ нисогъа шунаъ жу Иса иᵸхъеэш.
25Вагьлиъис Иса гьоллохъа нисойо:
– Аварагла̄ аьᵸйда̄жу нисоцала жойлакьа боьважал баькъкъа̄ъ йакӀис аьгьмакъабла аьдамла гей миже! 26Масигьли азаб-акъуба гьекези бовал нуцӀаъасди, вагьла̄йаъ гьули Гьинила букъа рецлиъ оᵸкъал нуцӀос зукъойо.
27Мусакьалакьа̄ уьхолъна къацӀцӀа̄ авараглана бакӀкьа мокъонна, гьинис ТӀекла̄кьа чахийо шинаб жо биджи йо̄йо Иса гьоллол.
28Гьаᵸже гьолло̄л гьоглӀо аьлӀадой мокъаллъейо. Иса эченоцӀечӀе эᵸкьецас хел бо̄йо. 29Бохъна боъца, нишеш мехна мокъос, илогъой къацӀо вагьалӀо аьлӀаъ нише эчелӀо нисона гьарзи йо̄йо Гьолцохъа. Рази ахъна Исана гьоллогъой нише эцал билӀоъ эᵸдокийо. 30Бесал муьхобалълъо, Иса рец-бакълис доьъана богьна, букӀинна баьба нилӀийо гьоллохъа. 31Вагьлиъис аьᵸйда̄ш пардавна йолъона гьоллос гьаьйда йеᵸйагьейо – Иса гаьгьийолъи икъейо. Амма Иса гьоллол эга̄ъцас ахъийо. 32Бета гьолло сидхъа-гьоᵸсо нисойо:
– Гьиногьид гьидехъа икълашена, ТӀекла̄кьа гаьгьийо хабар биджи бо̄слаъ, цӀоъцой зукъеэшди илос йакӀода?
33Вагьаллиъисзу гьолло̄л баьгъбаъна Иерусалимлиъ кьа̄ь мекьейо. Шагьарбаъ эᵸдобаклъо, гьоллол мийахъойо ацӀона гьоᵸс чапарна, гьула̄зу баддо̄л аьдамлана асгьаблана. 34Гьодло гьоллохъа нисойо: унгосалда Кьодда̄с Иса чӀаго ахъна гей. Шунаъас аьгъиъийо Гьули Симонил эгана. 35Гьодлона ме̄йо гьидегъой къацӀо Иса гьид зукъовас, бесцалаъ баьба букӀиллъо, гьидел Гьули Иса гаьгьийолъи икъейас хабар.
АцӀон сид чапарлидойна асгьабла̄дойна аьᵸйда̄ оᵸкъос
36Вагьла̄ гьолло̄л бикълабашешлаъ, салам алайкумлӀо нисона Иса гьоллокьа кьодо оᵸкъойо. 37ГьийабачӀена, гьаьл хуьжона гьихбалъова̄ гьодлол гицӀийо вагьло бувагъова̄с ругь зогъцалӀо гьидедой мокъона.
38Иса гьоллохъа нисойо:
– Суд миже гьийабачӀена? Суд мизола йакӀиъ шаклъи гей? 39ГуцӀобахъ Дӣхъа: гьуна Дие ко̄да, гьуна Дие хаьба̄. До мизодой аьᵸйда̄ эцокьа эчена гей. Ко̄ йеᵸхенна хал бова мижезу. Бувагъова̄ла ругьлис лӀоьᵸва̄на лӀоьᵸва̄кьа хона йахъцади? Диела магъокьа вагьли гей.
40Вагьла̄на нисона, Иса гьинис ко̄дана хаьба̄на гьоллол йегабалло. 41ЙилӀа разина гьайран-гьикматна бахъийахъа, боьважечӀецойна бегабалъ, Иса бесал кен гаьъадлӀо нисолло. 42Гьолло Исахъа нилӀийо зиза̄ бисалис роъил. 43Гьоллодой аьᵸйда̄кьа бокчина муьхъийо Гьинил нилӀийо биса.
Ахирияб букъо тӀадкъай
44Бета Иса гьоллохъа нисойо:
– Гьуна, До гьогго̄лъо нисова йаьжла̄ш маъна: Мусалана бадло аварагла̄ла ТӀекла̄кьана, забурла̄кьана Дӣкьас чахийо шинаб жо йахъал нуцӀослӀо нисона. 45Гьолцо гьоллос гьаьйда йеᵸйагьелло ТӀекликьа чахийо жо гьоллол биджи йахъалъгъа. 46Бетана Гьолцо нисойо гьоллохъа:
– ТӀекликьа чахна гей Масигь азаб-акъуба нилӀна угъос, угъона лъанасла водиъ шунаъаш аьгъиъца. 47Иерусалимлиъкьа̄ муьхобалъна къацӀцӀола халкъилахъа, мунагьла чурзи йовагьцала Аллагьлилъда̄ муьвахолӀо, гьолцола ца̄ᵸйакьа гьулина нисослӀо. 48Мизол вагьли къацӀцӀо гьаькъкъаб гаьгьийолъи йега̄йо, миже нуьъла гей. 49Диела Або кьодо йохийо жо гьаколъечӀе До мизодой йе̄ᵸш. Вагьли гьаьлкӀолъи кьодда̄с мизодой йоᵸкъоцал, Иерусалим шагьарбаъ бече.
Иса авараг гьаᵸсаъ эᵸкьейо
50Иса гьолло̄л Иерусалимлиъис Бетанийалиъикцал бейажейо. Ко̄дана гувацӀонна баркат гулалӀо нисойо. 51Иса гьоллол доьъана богьна, Гьули гьаьтеэчена гьаᵸсаъ эᵸкьена оъийо. 52Гьолло̄л сикӀо лӀийода̄ бейакийо, бета йукъа разилъилакьа Иерусалимлиъ мекьейо. 53Гьолълъогъа муьгъатта̄ гьолло̄л Аллагьлила билӀоъ бечейо, Аллагьлил воддиъ тасбигьна йогьна. Амин!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Библия таржама йогьцас Институт, 2005 (PRO)
© Басмалаъ йагъойо Библия таржама йогьцала Институтли, 1999 (LUK)