Лука 17
17
17 къаьм
Иса авараглис гьоᵸсо аᵸкълова
1Иса гьинила асгьабла̄хъа нисойо:
– Инсан мунагьлиъ кези огьцас жо дуниялликьа йоᵸкъечӀе гьихлъаъас, амма букъо балагьна азабна гей вагьлина йакъона оᵸкъо̄ сукӀол. 2Вагьадло аьдамла̄ эᵸдос гьоᵸсдана сукӀо мунагьлиъ эᵸхелцал, гьабос кьалона билъалъ йиᵸцона, ралъадбаъ тӀотӀийолъи ахо гей га̄ь гьолцол.
3Вере миже цӀодорса бече! Динлила истӀи дул мунагьаб жо йогьда, гьолцохъа ниса. Тавбана богьна гьули йо̄ва жойлакьа пашман ахъда, кьодос тилӀки. 4Водиъ алӀовахна гьолцо дул кешлъи йогьдана, алӀовахна «ТавбалӀо» нисода, бетана гьолцокьас кьодос тилӀки.
5Чапарла̄ Кьодда̄ла Исахъа нисойо:
– Илла йакӀла̄ъ божи теликӀа, – лӀо.
6Кьодда̄ла Иса нисос:
– Генилала кӀаькӀадолас божи йакӀиъ бахъна, миже вагьалӀо легъилала хоьххъа хемухаъас багъойцӀна ралъадбаъ гуцӀолӀо нисода, мизос амро гьолълъо тӀубази бо̄с.
Мицалъцо гогьцала лагъликьас хабар
7Дибо лагъ олӀолана йаги боцӀилагъас оᵸкъолъ, эсал хехлъи ахъна къе̄ эчелӀо нисосди гьолцохъа? 8Миже нисаъасди лагълихъа: «Хехлъи ахъна кенна йова, до эс угъоцал дил хъуллухъ богьна дӣхъа говацӀона эче, бета мина эш-хулӀо», – лӀо. 9Дибо амро тӀубази бо̄лъ, гьолцо лагълил ми баркалла ниццади? 10Вагьла̄ мижена тӀубази йова мизокьа кьодо гулло шинаб жо. Бета миже нисас: «Илокьа кьодо гулло жо гаьлълъо иле тӀубази йогьцас пайда гаьчча̄ лагъла гей иле», – лӀо нисона.
АцӀона барас унтилаъ кӀовакӀова сукӀоба ба̄хъилло
11Самариялилана Галилеялилана оьрхъилакьалкьа̄ эᵸкьеш зукъойо Иса Иерусалимлиъ. 12Гьоᵸс аьлӀаъ оᵸкъолъ, Гьули эгас цӀихода̄ бечейа барас унтилаъ кӀовабакӀова ацӀон сукӀол. 13Гьолло тухъинна йукъо нисос:
– Йа̄ Иса – НасигьатсукӀо! ЙакӀо йугъо илокьа! – лӀо.
14Гьолло̄л бегабалъ, Иса нисос:
– Баьгъбаъна миже кашишла̄дой мекье, гьогцол миже ма̄цолъи бегаба̄лъгъа.
Вагьла̄ мекьешлаъ, кьодо гаьгьийо къацӀцӀо кита йекийо, гьоллос магъова йа̄ᵸцойо. 15Жу ахъиллъо, гьоллоъ эᵸдо̄с гьоᵸсцойс кьа̄ь кӀаьйна уьᵸхона, йукъо тухъинна Аллагьлил рец бовал уьᵸхолъийо. 16Бета Исала хаьбала̄дой мицна̄кьана эчена Гьолцол баркалла бо̄йо. Гьули зукъойо Самариялиъис сукӀо. 17Иса гьолцохъа нисойо:
– Миже ацӀонана ма̄цеэшди? Гьогго̄лсова аьчӀенана на̄д мекьейо? 18Вагьалцо сукӀола сукӀолла̄ъ, гьоглосола гьоᵸссидилна йакӀкьа йоᵸкъеэшди кьа̄ гованна гогьна Аллагьлил рец бовал.
19Бета гьолцохъа нисойо:
– Гьаᵸже аьгъиъна эᵸкье, дибола божи-ималли ми тиса уьᵸхолло.
«Аллагьлис Парчагьлъи нитод йахъца?»
20Фарисейла̄ Исахъа нисолло:
– Аллагьлис Парчагьлъи нитод йахъца?
Гьолцо жаваб нилӀийо:
– Аллагьлис Парчагьлъи йегана йоᵸкъаъас. 21Лъона нисаъас гьуна гьули вагьалӀоъ гейлӀо, йана гьула гьугиъ гейлӀо. Гьуна Аллагьлис Парчагьлъи мизоъ эᵸдо гей.
КӀахнас Аьдамлис Оьжо дуниялликьа оᵸкъоцаслъи
22Бетана Гьинила асгьабла̄хъа нисойо:
– Аьдамлис Оьжо гьоᵸс вододана эгаскъода̄лӀо гицӀийо заман мокъос мизокьа кьодо. Амма Гьули мизол эга̄ъас. 23Аьдамла̄ мизохъа нисас: Гьуги вагьалӀоъ гейлӀо, йаги вагьгиъ гейлӀо. Аьдада боцӀдаба̄къа, гьоглогъой муьгъалӀ мекьа̄къа. 24Сидда̄лаъас бадо̄цода̄лаъ гьаᵸс качекӀцас кайлӀо̄цой гьинис водо йоᵸкъа̄лъо оᵸкъас Аьдамлис Оьжо. 25Амма аьᵸйдда̄ дуниялликьа Гьолцол тели акъуба бегас, гьула̄зу вагьалӀо умматли Гьолцокьас инкарна бо̄с.
26Аьдамлис Оьжо дуниялликьа оᵸкъал заман мокъолъ, Нуьгь авараглила замаллиъ йахъийаълъийо жо йахъца. 27Бешна, хулӀона, ахъхъа мовакъона, ахъхъа мейакьена – гьоьшшона йахъаъасцой ба̄хъца зукъойо аьдамла Нуьгь гамалкьа кьодокцал. Бета водо гитӀна гӯс, къацӀцӀа̄ ралъадбаъ гъанкъизи ба̄хъна бувагъос.
28Вагьаллийозу жо йахъийо ЛутӀ авараглила замаллиъна. Бесцасна, хулӀоцасна, йиᵸсо-хуьжоцасна, болӀолабацасна, билӀова йовагьцасна зувакъойо аьдамла ЛутӀ Содом шагьарбаъаш гисакийа водиъ. 29Бета гьаᵸсаъкьа̄ гӯва цӀойлана чӀабатӀлилана води къацӀцӀа̄ бувагъолло. 30Вагьла̄ йахъца Аьдамлис Оьжо дуниялликьа загьир ахълӀо.
31ВагьаклӀо водиъ кьамакьа гаьгьийо сукӀо гьинила лъицӀо-къайлигъой муьгъалӀ билӀогъа эᵸкьа̄къала, мицалъ гаьгьийо билӀогъа эᵸкьа̄къала. 32ЛутӀ авараглила ахъхъал йахъийо жо йакӀкьа йоᵸкъола!#17:32 Мунагьла̄с боцӀийо СодомлӀо нисоцас шагьар Аллагьли бугъолал аьᵸйда̄, малаикли ЛутӀ авараглихъана хъизаллихъана нисона гей Содомлиъис боьвачолӀо, амма гьиногьид боьвачошлаъ муьгъатта̄ гувабацӀа̄къалӀо нисона лъази йо̄йолӀо. Гьаᵸсаъкьа̄ йекийа цӀой Содом бекӀелцалаъ, ЛутӀ авараглис ахъо муьгъатта̄ гичӀехъийолӀо, вагьлиъисзу гьоло циᵸйала гьеммал йуьᵸхойолӀо. 33Гьинис ругь цӀуми бовал икье-аькьейо гьолълъоъос маьгьрум ахъца, гьинис ругь нилӀийа гьоло хъосар бо̄с. 34До мизохъа нисос: вагьаглӀо водиъ нише билӀоъ сид мукӀолаъ буватӀийа̄ъ эᵸдос гьоᵸсцойс эжеш, бадисо гьихлъос. 35ГьаьтӀтӀо гьаъоцала къон ийоъос гьоᵸсцойс йежеш, къонас гьихлъос. 36Мицалъ гаьгьийа къониъис гьоᵸсцойс эжеш, бадисо гьихлъос.
37Асгьабла̄ Исахъа нисолло:
– Йа̄ БетӀерчӀахъаяв! На̄д гьули йахъца? – лӀо.
Гьолцо жаваб нилӀийо:
– Жаназа гаьлъа̄чо цугьа̄ къацӀобакца, – лӀо.
Currently Selected:
Лука 17: KapPROLUK
Highlight
Share
Copy
Want to have your highlights saved across all your devices? Sign up or sign in
© Библия таржама йогьцас Институт, 2005 (PRO)
© Басмалаъ йагъойо Библия таржама йогьцала Институтли, 1999 (LUK)
Лука 17
17
17 къаьм
Иса авараглис гьоᵸсо аᵸкълова
1Иса гьинила асгьабла̄хъа нисойо:
– Инсан мунагьлиъ кези огьцас жо дуниялликьа йоᵸкъечӀе гьихлъаъас, амма букъо балагьна азабна гей вагьлина йакъона оᵸкъо̄ сукӀол. 2Вагьадло аьдамла̄ эᵸдос гьоᵸсдана сукӀо мунагьлиъ эᵸхелцал, гьабос кьалона билъалъ йиᵸцона, ралъадбаъ тӀотӀийолъи ахо гей га̄ь гьолцол.
3Вере миже цӀодорса бече! Динлила истӀи дул мунагьаб жо йогьда, гьолцохъа ниса. Тавбана богьна гьули йо̄ва жойлакьа пашман ахъда, кьодос тилӀки. 4Водиъ алӀовахна гьолцо дул кешлъи йогьдана, алӀовахна «ТавбалӀо» нисода, бетана гьолцокьас кьодос тилӀки.
5Чапарла̄ Кьодда̄ла Исахъа нисойо:
– Илла йакӀла̄ъ божи теликӀа, – лӀо.
6Кьодда̄ла Иса нисос:
– Генилала кӀаькӀадолас божи йакӀиъ бахъна, миже вагьалӀо легъилала хоьххъа хемухаъас багъойцӀна ралъадбаъ гуцӀолӀо нисода, мизос амро гьолълъо тӀубази бо̄с.
Мицалъцо гогьцала лагъликьас хабар
7Дибо лагъ олӀолана йаги боцӀилагъас оᵸкъолъ, эсал хехлъи ахъна къе̄ эчелӀо нисосди гьолцохъа? 8Миже нисаъасди лагълихъа: «Хехлъи ахъна кенна йова, до эс угъоцал дил хъуллухъ богьна дӣхъа говацӀона эче, бета мина эш-хулӀо», – лӀо. 9Дибо амро тӀубази бо̄лъ, гьолцо лагълил ми баркалла ниццади? 10Вагьла̄ мижена тӀубази йова мизокьа кьодо гулло шинаб жо. Бета миже нисас: «Илокьа кьодо гулло жо гаьлълъо иле тӀубази йогьцас пайда гаьчча̄ лагъла гей иле», – лӀо нисона.
АцӀона барас унтилаъ кӀовакӀова сукӀоба ба̄хъилло
11Самариялилана Галилеялилана оьрхъилакьалкьа̄ эᵸкьеш зукъойо Иса Иерусалимлиъ. 12Гьоᵸс аьлӀаъ оᵸкъолъ, Гьули эгас цӀихода̄ бечейа барас унтилаъ кӀовабакӀова ацӀон сукӀол. 13Гьолло тухъинна йукъо нисос:
– Йа̄ Иса – НасигьатсукӀо! ЙакӀо йугъо илокьа! – лӀо.
14Гьолло̄л бегабалъ, Иса нисос:
– Баьгъбаъна миже кашишла̄дой мекье, гьогцол миже ма̄цолъи бегаба̄лъгъа.
Вагьла̄ мекьешлаъ, кьодо гаьгьийо къацӀцӀо кита йекийо, гьоллос магъова йа̄ᵸцойо. 15Жу ахъиллъо, гьоллоъ эᵸдо̄с гьоᵸсцойс кьа̄ь кӀаьйна уьᵸхона, йукъо тухъинна Аллагьлил рец бовал уьᵸхолъийо. 16Бета Исала хаьбала̄дой мицна̄кьана эчена Гьолцол баркалла бо̄йо. Гьули зукъойо Самариялиъис сукӀо. 17Иса гьолцохъа нисойо:
– Миже ацӀонана ма̄цеэшди? Гьогго̄лсова аьчӀенана на̄д мекьейо? 18Вагьалцо сукӀола сукӀолла̄ъ, гьоглосола гьоᵸссидилна йакӀкьа йоᵸкъеэшди кьа̄ гованна гогьна Аллагьлил рец бовал.
19Бета гьолцохъа нисойо:
– Гьаᵸже аьгъиъна эᵸкье, дибола божи-ималли ми тиса уьᵸхолло.
«Аллагьлис Парчагьлъи нитод йахъца?»
20Фарисейла̄ Исахъа нисолло:
– Аллагьлис Парчагьлъи нитод йахъца?
Гьолцо жаваб нилӀийо:
– Аллагьлис Парчагьлъи йегана йоᵸкъаъас. 21Лъона нисаъас гьуна гьули вагьалӀоъ гейлӀо, йана гьула гьугиъ гейлӀо. Гьуна Аллагьлис Парчагьлъи мизоъ эᵸдо гей.
КӀахнас Аьдамлис Оьжо дуниялликьа оᵸкъоцаслъи
22Бетана Гьинила асгьабла̄хъа нисойо:
– Аьдамлис Оьжо гьоᵸс вододана эгаскъода̄лӀо гицӀийо заман мокъос мизокьа кьодо. Амма Гьули мизол эга̄ъас. 23Аьдамла̄ мизохъа нисас: Гьуги вагьалӀоъ гейлӀо, йаги вагьгиъ гейлӀо. Аьдада боцӀдаба̄къа, гьоглогъой муьгъалӀ мекьа̄къа. 24Сидда̄лаъас бадо̄цода̄лаъ гьаᵸс качекӀцас кайлӀо̄цой гьинис водо йоᵸкъа̄лъо оᵸкъас Аьдамлис Оьжо. 25Амма аьᵸйдда̄ дуниялликьа Гьолцол тели акъуба бегас, гьула̄зу вагьалӀо умматли Гьолцокьас инкарна бо̄с.
26Аьдамлис Оьжо дуниялликьа оᵸкъал заман мокъолъ, Нуьгь авараглила замаллиъ йахъийаълъийо жо йахъца. 27Бешна, хулӀона, ахъхъа мовакъона, ахъхъа мейакьена – гьоьшшона йахъаъасцой ба̄хъца зукъойо аьдамла Нуьгь гамалкьа кьодокцал. Бета водо гитӀна гӯс, къацӀцӀа̄ ралъадбаъ гъанкъизи ба̄хъна бувагъос.
28Вагьаллийозу жо йахъийо ЛутӀ авараглила замаллиъна. Бесцасна, хулӀоцасна, йиᵸсо-хуьжоцасна, болӀолабацасна, билӀова йовагьцасна зувакъойо аьдамла ЛутӀ Содом шагьарбаъаш гисакийа водиъ. 29Бета гьаᵸсаъкьа̄ гӯва цӀойлана чӀабатӀлилана води къацӀцӀа̄ бувагъолло. 30Вагьла̄ йахъца Аьдамлис Оьжо дуниялликьа загьир ахълӀо.
31ВагьаклӀо водиъ кьамакьа гаьгьийо сукӀо гьинила лъицӀо-къайлигъой муьгъалӀ билӀогъа эᵸкьа̄къала, мицалъ гаьгьийо билӀогъа эᵸкьа̄къала. 32ЛутӀ авараглила ахъхъал йахъийо жо йакӀкьа йоᵸкъола!#17:32 Мунагьла̄с боцӀийо СодомлӀо нисоцас шагьар Аллагьли бугъолал аьᵸйда̄, малаикли ЛутӀ авараглихъана хъизаллихъана нисона гей Содомлиъис боьвачолӀо, амма гьиногьид боьвачошлаъ муьгъатта̄ гувабацӀа̄къалӀо нисона лъази йо̄йолӀо. Гьаᵸсаъкьа̄ йекийа цӀой Содом бекӀелцалаъ, ЛутӀ авараглис ахъо муьгъатта̄ гичӀехъийолӀо, вагьлиъисзу гьоло циᵸйала гьеммал йуьᵸхойолӀо. 33Гьинис ругь цӀуми бовал икье-аькьейо гьолълъоъос маьгьрум ахъца, гьинис ругь нилӀийа гьоло хъосар бо̄с. 34До мизохъа нисос: вагьаглӀо водиъ нише билӀоъ сид мукӀолаъ буватӀийа̄ъ эᵸдос гьоᵸсцойс эжеш, бадисо гьихлъос. 35ГьаьтӀтӀо гьаъоцала къон ийоъос гьоᵸсцойс йежеш, къонас гьихлъос. 36Мицалъ гаьгьийа къониъис гьоᵸсцойс эжеш, бадисо гьихлъос.
37Асгьабла̄ Исахъа нисолло:
– Йа̄ БетӀерчӀахъаяв! На̄д гьули йахъца? – лӀо.
Гьолцо жаваб нилӀийо:
– Жаназа гаьлъа̄чо цугьа̄ къацӀобакца, – лӀо.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Библия таржама йогьцас Институт, 2005 (PRO)
© Басмалаъ йагъойо Библия таржама йогьцала Институтли, 1999 (LUK)