Mt THYËRØ
THYËRØ
Wöndøj ni kɑ ɑ́gwedii yi Mɑthyëw wɑj-ɑ kwøbbi wöndøj kinni Yëso en ɑ bɑ Yïëdi men-ɑ ɑ́kwøb kì yij Wɑ̈nyi Cigg-ɑ Weenø i óbï, o bene ree ɑ gwøg Jwøk møg-ɑ ɑ́kwönge kì yethi Cigg-ɑ Weenø kinni gï ógwøge. Wöndøj menɑni pɑth kiper Yeud, ɑ kelli gen ɑ́øør Yëso piny keti gen, de bɑ kiper jii kömi piny bënn.
Wɑ̈nyi Mɑthyëw thøø yi pyëlø kidøøj; cɑ̈gi kɑ øøri Yëso piny, kí jwɑ̈nge, kí pɑ̈nye. Codhe, o kedhe ri cɑ̈gi gwøge kì Gɑlelì, kí pwönye e oyïëdø ki rɑ̈ɑ̈m dëllì. O dhwönhe kì Gɑlelì e kedh-ɑ Yerusɑlem loony bɑng gen, kí gïg-ɑ ɑ́cwöb kì osboo men-ɑ cyɑ̈n; eni osboo-ɑ ɑ́thumi ki gure wïj yɑdh ɑrïw kí dhwönhe kì yij thøø.
Wöndøj menɑni nyodh-ɑ kinni Yëso bɑ jɑlpwönyø me dwøng, me yïe di tegø men lwøbe gïn-ɑ wɑngi yi Ciggi Jwøk, kí pwönyø kì ri Pödhi Jwøk. Mø gïïr kì ri møg-ɑ ɑ́pwönye, bɑ ɑpyël ge køøl-ɑ kömi gïn-ɑ ree pwönyi; o ge bɑ ɑcøng gɑ yeth ɑ́bïj. (1) Pwönyi Wïj Kït, men-ɑ kööbø kì ri yëthi bëëdø, kí gïg-ɑ gøggi, kí tegi per dhɑnhø, kí kun-ɑ kedhi yi tyëng Pödhi Jwøk (Wïj 5-7). (2) Cegi tyëngwöödø kipe gwøøg gen (Wïj 10). (3) Gɑ́j kì ri Pödhi Jwøk (Wïj 13). (4) Pwönyø kì ri bëëdi jɑlbɑng Yëso (Wïj 18). (5) Pwönyø kì ri thumi rïny-ɑ nud, kí bëëni Pödhi Jwøk (Wïj 24-25).
Møg-ɑ Tyëmø
Lwøbi gøl yɑɑ Yëso geki nywøle 1.1–2.23
Pwönyi Jøn Jɑljwɑ̈g 3.1-12
Pɑ̈nyi Yëso kí Jwɑ̈nge 3.13–4.11
Pwönyi teedø yi Yëso kì Gɑlelì 4.12–18.35
Cɑg kì Gɑlelì pïd Yerusɑlem 19.1–20.34
Osboo men-ɑ cyɑ̈n kì Yerusɑlem geki kɑ̈jj-ɑ bute 21.1–27.66
Dhwönhi Wë kì yij thøø kí cwöbe 28.1-20
Currently Selected:
Mt THYËRØ: shkDCB
Highlight
Share
Copy
Want to have your highlights saved across all your devices? Sign up or sign in
Shilluk DC Bible © Bible Society in South Sudan, 2011.